味皇魚蛋粉 (已結業)

我今日又係無飯帶既日子，叫下外賣先，哩間既味皇炸釀魚寶係最正架，三件HK$12，好熱氣．今日我只係叫咗個魚皇五寶配幼麵HK$20，有魚片頭兩件，魚蛋一粒，魚皮餃一舊，鯊魚丸一粒＆炸魚皮一塊；清得黎好好味，又唔鯹，good，美中不足既係，幼麵有鹼水味．麵同湯分開送黎，幾好．係炮台山果間分店都有食過佢地既焗飯，都幾okey．12:40叫外賣，1:20到步，聽電話果個人話要等半個鐘，點不知都係遲多十分鐘先至到．

我地通常lunch叫外賣1.魚皇五寶--魚片頭,魚旦,魚皮餃,鯊魚丸,唔”鯹”,有魚香;炸魚皮好脆,無油溢味,不過有點熱氣~2.牛三寶--有醬爆牛丸, 牛根丸,牛腩,d汁好正,又有我最鍾意食既牛筋~3.醬爆四寶丸--鯊魚丸,牛丸,貢丸,豬肉丸,紫菜--d丸好夠味,又彈牙,但覺得d餡略油,唔小心又會彈到周圍都係; 紫菜好軟,無沙4.雞中翼,好正,夠味,d 酸甜辣醬,超好味~魚皇五寶有兩條菜跟,OK“嫁”~最最最正就係外賣既湯同粉麵米係分開上,就算做野做到唔得閒食住,都唔怕D粉麵米”林”哂~~同埋價錢只係廿蚊左右, 唔錯唔錯~**環境評分:因未去過佢過鋪頭, 所以無改個setting~~

前幾日係到食過個味皇牛三寶湯河，味道都不錯，但稱不上十分好食，而且份量不足，Ｄ牛腩得兩.三塊，丸就一樣一粒，真係唔係好夠飽！

間鋪都幾臭煙味的.下午茶order了:1.馬來亞咖喱牛脯湯麵$18~~牛腩份量好小及好細舊.咖喱唔辣,味道亦唔得.2.味皇牛三寶湯麵(柱候牛腩,醬爆牛丸,粗根牛丸)$20~~無樣好食,每粒丸得一粒.

星期日去開灣仔腦城睇野, 成三點都未食lunch. 睇完野行出黎穩D野醫下肚, 見呢度有鮮炸鱼皮, 未入左呢度試下. 求其叫左碗鱼旦粉, 一碟細炸鱼皮. 鱼旦幾彈牙, 湯都Ok有D味精, 粉都好大碗. 炸鱼皮吾係窗口邊擺出黎果D咁大塊, 係D碎左既細細塊. 有蒜味, 但食完個口有少少苦. 下午荼價錢兩樣野, Ok呢.

與朋友去食, 叫了牛三寶麵, 五丸米(炸魚皮改醬爆牛丸)牛腩碎濕濕, 牛丸個心凍既.魚蛋無魚味, 唯一可取係醬爆丸, 個餡幾好味.食魚蛋, 我會去番安利, 牛腩去天后食.

灣仔麵店多不勝數，依間算是當中佼佼者，單從午市外面那長長的人龍己可見端倪。初時我都只是抱著一試心態，但試過果然覺得此店有其成功因素。無論是牛魚還是丸，各種食品的質素都屬平均以上，而標價卻不會像那些麥乜記那樣不成比例，實屬貨真價實之選。本人較喜歡叫四寶醬爆丸麵，貪其一碗麵集齊各種丸，而朋友則喜歡牛三寶，雲集牛筋牛腩於一爐。最後，麵底跟紫菜是又一令人滿意的地方，因可令整碗麵的口感更臻完美。

住灣仔咁耐竟然今日先至第一次去試，皆因自開張個日起無時無刻都係人人人人人人！！！！！同吃友人覺得他們的魚皮唔掂於是冇叫，又食過牛腩，於是叫了個4寶醬爆丸米線，一個馬來咖喱牛腩米線，一個豆漿，一個腩汁芥蘭。果然有驚喜！湯就普普通通，但牛腩軟熟但有嚼勁。唔係好味係好入味！正！相比下，醬爆丸變得一般。腩汁芥蘭又係好驚喜，唔係芥蘭，係腩汁！好味到索性將Ｄ米線放哂入去。走時Ｄ阿姐有講拜拜，都幾好禮貌呀～！

是常會擦身而過，一間不起眼的街坊式麵店。不愛麵食，也未曾想過光顧。那天，陰錯陽差，看到小店的爆漿丸食評。嘩！不得了，愛這內涵豐富，又叫人驚喜萬分的小吃。坐言起行，立即買個外賣回家慢慢享用。一心要試醬爆牛丸，但又多心。於是就來一道魚皇五寶：是魚片頭、魚蛋、魚皮餃、鯊魚丸及炸魚皮，再加四個大洋，要了兩粒醬爆牛丸。服務友善勤快，不消兩分鐘，外賣經已預備好。那片又長又大片的炸魚皮，是放在已預先由機器密封的獨立包裝袋內，細心、文明，但那「企業化」，有點跟街坊小店的形象格格不入。魚片頭、魚蛋及鯊魚丸，均是十分彈牙，口感十足。一口啖下，是濃濃的魚香，丸吸收了那白皚皚的濃魚湯汁，嚼破那刻，魚汁溢滿口腔。那重重魚鮮，直叫我內心感謝海洋送上的偉大賞賜。那魚皮餃，皮是滑滑的，又是那濃濃的魚香。炸魚皮，新鮮、香脆。醬爆牛丸，牛味香濃，嚼勁十足。大口咬下，內裡是充滿濃香十足的肉汁，踐到一口也是，暢快非常。湯底的生菜，是毫不吝嗇的多，還綴有兩條翠綠的菜心。可惜，生菜不是我愛的那爽脆類型。美食當前，也少不了呷了口凍冰冰、口感厚濃的Sparkling Shiraz。只有「妳」那雍容華貴，變化複雜的口味，方可匹配「他」

我叫咗一碗魚片河同一碟炸魚皮。都唔知點解有D魚片少少硬，同埋碟炸魚皮有D深色。比平時嗰D好唔同呀，好深色

味皇係我好喜愛既粉麵店..地點方便..又平又好味..星期六我成日都去食LUNCH..最好味係:魚皮:無得頂..脆卜卜..就算浸左湯都仲好脆..勁有魚味..D蒜頭又勁香..大大塊..好好味....次次黎都一定要食魚皮....係我食過最好既魚皮..超正咖哩牛腩河:無乜人會叫..因為D客多數都係食佢D魚湯粉麵..哈哈..我就識食啦..佢D牛腩入哂咖哩味..好正架..D河粉又滑..好味!!五寶米線: 有魚旦,魚皮,醬爆沙魚丸,魚皮餃,炸魚皮..講真..呢款係最多人叫..但我反而覺一般..遠比唔上咖哩牛腩河..五樣得炸魚皮同魚皮餃好味..其他都係一般..但個湯底係幾香..好重魚味..唔錯..所以我多數叫魚皮餃米線另加炸魚皮..咪好味好多..

因為要睇側田音樂會,所以嚟呢度醫肚先......叫了一個魚片河,朋友叫了咖喱牛腩面,一碟魚皮......魚片ok,河粉一般....沒有菜底同葱..=..=, 魚皮脆口,但色澤深左少少,好似番炸過咁.....我想潮州粉面會啱我D...

呢度魚蛋、魚片都不錯，魚蛋麵若果唔走青有菜芯贈送。個人推介魚皇五寶，有魚蛋、魚片頭、鯊魚丸、招牌炸魚皮同魚皮餃，大大碗，亦可將當中丸類轉換另一款，如粗筋牛丸、墨魚丸、或醬爆牛丸。在灣仔區算抵食，平過翠華，但質素並不輸蝕。上麵速度幾快，環境比一般潮州粉麵舖清潔。

蒙牛帶我來食味皇, 叫左個魚寶麵$18比我, 其實有魚皮,魚餃, 魚蛋, 醬爆鯊魚丸, 魚片頭各一件,另叫一個魚皮$5呢個蒜味魚皮雖然細細碟, 但係真係幾好味喎, 蒜味重又無咩油益味, 正一小小咸多多脆~~魚餃一般無咩特別, 餃皮油了點, 潮州魚蛋好彈好香滑,有魚香, 正~~ 魚片頭好薄, 無左咬口之餘, 根本都食唔到個d魚肉, no good, 醬爆鯊魚丸個外面個層鯊魚肉唔見得同魚蛋有咩唔同, 咬開好多油係入面, 一咬開就見到油淋淋, 好唔掂....湯底就清清地都ok啦, 麵的portion都算大, 但係每樣都係得一件唔係好夠食, 同埋$18唔算平.....service麻麻, waiter一個推一個, 叫人都要叫一輪先有人應.....

返學前個肚有少少餓,但吾係咁想食飯,食個包又吾夠飽,所以就去食魚旦粉,本想去"表X"到食,但上網睇過食評都係對佢冇乜信心,咁就行多幾步去味皇到幫親下,店鋪門口有少少簡陋,但幾乾淨,入到去叫左碗雲吞麵食,價錢都差吾多二十蚊一碗,但雲吞有四粒都幾大粒下,入面D料新鮮,麵冇乜皂水味,湯底清少食吾到味精,員工服務周到