味皇魚蛋粉 (已結業)

呢間我以前灣仔返工一星期食三日，食到亞姐送外賣上黎都認得我。炸魚皮真的很吸引，長方形一條整整齊齊.浸湯食,外軟內脆.湯亦都很好,不敢說沒加味精.但個湯可能用魚骨煲,米白色,感覺幾濃厚,審些?花在上面好新鮮.有四種面可選：幼/粗/拉/米線食得濃味的可以叫"喱腩LOW拉"有生菜底, 佢亦會另上一碗湯正好用黎浸魚皮但食完會幾熱氣畢竟個咖哩幾油同刺激他們的四寶丸亦正有沙魚丸同爆炸丸試過比個friend一咬噴濕隻袖最好用筷子DOOK穿佢先無水供應係一大問題可能因為佢想焗客人買$6的樽裝汔水。Terry Sandy 第一次都在這裡約食飯。

呢度o既炸魚皮真係好好味架!脆得黎有d蒜香味冇油益味...overall d 粉面都幾好味!不過..同意樓下o個位朋友...叫外賣就真係小心d...一係漏左單(or 比唔齊)...一係就遲大到...

味道幾OK, 但係而家好似唔憂做咁, 叫親外賣都遲大到, 平均遲20-25分鐘, 浪費了寶貴的LUNCH TIME.

去演藝睇SHOW前的DINNER我ORDER了魚旦...都ok彈牙wor魚片好大塊好厚,都唔錯,$12抵到爛重要左炸魚皮..真係好脆呀放左係湯到差唔多一分鐘都重脆~另外要0既生菜都好好味要走油又真係一d都唔油wor朋友原本想要爆醬牛丸睇錯左order了牛丸如你要爆醬牛丸,要多加留意~!!!2人各行$20都唔使p.s.落單個阿姐有少少發夢落左魚皮唔記得攞黎~

都食過幾次,覺得味道唔錯,價錢又合理,致食完又食。但今次就係第一次無order飲品。今次想飲水,咪叫個侍應要杯水啦。嘩....個女人一聽見我問水,即時面黑,重好惡敢話你要水我要即刻去煲。佢個樣真係好恐怖,好似我食野冇錢咁。我當時好驚,真係好驚,心諗有水飲都咪制啦,......不過,到最後都係冇水來。再睇四周,係冇人有水既。乜d水好貴咩?就算冇水供應都唔洗咁兇,講句對唔住,冇水供應都好。(食你25蚊,要杯水都唔係好過份。)

歸家途中路過,聞到炸得幾香,於是買番一包番屋企加料.魚皮係o係舖頭門口即炸即包即賣,一包有十塊八塊直筆luck咁,並唔似一般魚皮咁捲起,成七八吋長一條,可能加左D蒜容係面,塊魚皮炸出尼好白淨,食落口脆卜卜,有蒜香,味道頗淡,但至少冇油益味.感覺上塊魚皮比一般炸魚皮薄好多,就咁食略嫌單薄,口感不足.但如果"點"湯食又會好快"林"晒,所以要食得好有技巧.都OK o既.

service都唔錯,幾有禮貌,但我食個碗雲吞麵就好重鹼水味,所以D麵先咁爽,我要加醋先食到碗麵.湯底都無特別.魚皮就OK幾好,好脆.

左口魚魚皮話就話大大塊，但我食果碟就係好多碎濕濕的。魚蛋粉由奶白色的湯浸住，湯內有厚厚的胡椒味和燥感的辣味，相信是因為魚湯底太腥，故此不得已要用來掩飾。魚蛋彈力適中，說真的，一粒魚蛋只要有口腔的彈力，口感便足夠。否則，只會趙到口軟。

五寶有齊醬爆牛丸,魚皮,魚旦,牛丸沙魚丸.味係幾好味, 不過食完十分之口乾. 一定好重師博!魚皮十分脆.

超級醬爆四寶丸（鯊魚丸、貢丸、牛丸及豬肉丸）$18，味道相當不錯，丸內的汁和湯底都非常甜美。淨四寶內還有許多菜，包括紫菜、西生菜和通菜。

上星期日下午去食晏,選擇了未食過的鯊魚丸米線和雲吞麵和大炸魚皮,當時都無咩人,但食食下就勁多人,可能剛收工,我兩人坐左四人位,因為當時無得選擇,果d侍應不停係我地張面前勁叫"有位有位,你地幾多位"明明出面有位都想迫住我地,好似趕我地走,我地咪快快脆食完走,因為驚佢係上面勁講野飛口水,所以立即食完走,態度勁差,後講野食,出名的魚皮只得四皮,重話叫大魚皮,好食極都無用,d鯊魚丸得四粒,雲吞得三粒,真係兒童餐,以後都唔得幫襯.

先唔講食物質素，淨係十二蚊一碗魚旦河這價錢都夠吸引。雖然灣仔區內仲有更平的選擇，但係質素比味皇差好多，又要陪烏蠅一齊食><... 相比起來味皇就比較抵食。講番食物方面，個人推介魚蛋同醬爆牛丸；炸魚皮我覺得只係一般。

Lunch時間見到勁多人湧住呢間鋪頭喎,咁我同屋企人咪湧埋一份lor.我地叫咗個呢度既招牌菜牛三寶同醬爆四寶同魚五寶.我覺得最好味係d魚蛋,好好彈牙.牛根都幾林幾好味!同埋個湯底係白色果d呢(我諗係魚湯)唔係肥,幾好呀~^^~同埋mammy同老豆都話d魚皮正喎!

今日試食叫左牛三味麵同炸魚皮個兩種牛丸每種比得一粒,成廿蚊碗比多粒都唔怕死啩.牛丸一般牛腩ok麵就麻麻,唔夠爽.反而炸魚皮唔錯.脆得來唔太熱氣.ps.總體可否加多個類似不過不失既選擇同埋可否用10分制?5分好難比.

味皇可算是近來本人之重大發現，價錢平、食物水準不俗，雖則舖位小要等位，但每次經過總忍不住要乖乖排隊等候，皆因這裏的醬瀑鯊魚丸、牛丸、貢丸、墨魚丸等實在太好味！濃郁的肉醬在口內瀑出，令人一咬傾心，本人十分鍾愛醬瀑鯊魚丸，夠特別嘛！炸魚皮脆卜卜，不吃會後悔，油菜、豆漿都很好吃，誰說廉價就沒高質素？這裏就是一個不可不吃的神話。