味苑 (已結業)

朋友請我們到荃灣區的「味苑」吃晚飯。環境舒適，真的適合一家大細來吃飯呢！菜式選擇繁多呢！我們三人先叫一碟「蜜汁义燒」；你們看看相片，「义燒」的賣相是不是很吸引呢？未吃上，已心動，夾進口裡，即時感覺到濃郁的滋味，而且肉質腍軟，超好味喎！再來一碟「鮮百合雲耳炒鮮淮山」；三種食材都很鮮味，炒得亦夠火候，爽口之餘，食落也很清新，能配合「义燒」的濃味。停一停後，待應奉上新鮮熱辣的「沙巴龍躉仔」；約一斤重，足夠三人享用，表皮光澤，魚味撲鼻，魚肉鮮甜甘香，入口嫩滑。「味苑」位處荃灣大霸街，即荃灣廣場斜對面，離西鐵站不遠，地點方便，食物水準頗佳，吃完還可「濕平」，過了一個滿足的晚上！

荃灣真是越來越多商店而且還有不少美食進駐呢！近排同友人們食得太多西餐，今次就和兩老一起去荃灣食中菜啦！想搵一間有氣氛的中菜又好味的真的是有點難度呢！今次確實沒有簡錯呢！門口已很有氣派呢！裝修真的是快過心思呢！餐廳內有不少海鮮選擇，還有些特惠的孖寶套餐，十分親民！除左海鮮外，餐廳還有燒味及小炒等選擇！用上公雞碗，真的有懷舊的味道呀！蜜汁叉燒（例）叉燒燒得十分甘香，充滿蜜味，而且肥瘦分明，真的是不錯！沙巴龍躉仔龍躉仔十分新鮮，蒸的火喉剛剛好，保持魚的鮮甜味，肉質嫩滑，加埋蒸魚的豉油用來撈飯真是一級棒！紅豆沙用餐後餐廳還送上紅豆沙，真的是最適合不過啦！有濃濃的果皮味呢！餐廳精緻，食物質素不錯，價錢合理，可算是一家大小的選擇呢！！

媽媽生日加團年飯。哥哥揀左去哩度食。 位置有少少唔就腳，但雖然唔多就腳，但餐廳內都係爆滿，有兩層的。叫左好幾個餸， 有豆腐煲、炸蠔、豬仔脾、三味魚、雞⋯（因為我無睇過個menu，所以個餸名係咩我真係唔係好知，sorry 😛😛）所有菜式味道合到好處，唔錯唔錯。個豬仔脾外皮好香口好脆，但肉就唔算好鹹，因為自己唔鐘意太濃味，所以覺得好適合。仲有個魚，叫左個三個煮法嘅魚，好滑啊👍🏻整體服務都唔錯，雖然好忙都會不時留意幫我地轉細碟。

跟老人家食飯無咩可以選擇, 問佢地實話食飯得架喇, 飯係一樣, 不過配搭就有好多, 係西式定中式.為左安心放心一點, 都係選擇中菜. 呢間中菜館晚市都唔洗加一, 變相慳左茶錢.菜式都幾新鮮, 有涼伴小食, 有廣東小菜, 又有燒味, 海鮮等等, 種類幾多.海鮮優惠套餐有3-4款海鮮配搭而且冬天有羊腩煲, 糯米飯, 炒臘味, 仲有好多款小菜推介 食得簡單D要個味苑小炒王, 好多配料炒埋一齊, 有西芹, 魷魚, 大蝦, 菜鋪, 腰果等等.蝦同魷魚都夠爽口, 味道適中, 加左菜鋪都唔會太咸, 有鑊氣但唔油膩.諗唔到其他所以要燒味雙併, 义燒夠嫩, 唔會燒到又硬又乾, 肉汁保持, 味道亦唔會太淡.燒腩仔唔肥偏瘦, 不過咬落又唔會好乾, D肉好嫩, 而個皮亦夠晒脆卜卜, 好香口.下個月做節可以再黎試下圍餐, 唔洗成日去酒樓食咁悶.

足料燉湯，非常足料，而且味道岩岩好，絕對唔會太咸！味宛叉燒皇，名不虛傳，夠香，食落肉質好淋！豉油皇大連鮑魚，真係第一次聽，竟然用豉油皇既煮法烹調，而且夠大隻，味道剛好，肉質好鮮，而且咬落好淋！脆炸牛坑腩，又係第一次聽尼個名，由於好似好特別咁，所以就一於試下！不負所望，的確好特別，新鮮炸起，外脆，內裡軟熟，加上調味醬，非常可口！古法山楂咕嚕肉，山楂加上咕嚕肉的酸甜味，簡直是格外開胃，而且咕嚕肉已去骨，十分細心，值得一贊！

餐廳係一間好似酒樓設計的小店，而環境很寬敞，古色古香的味道。湯品是突顯一間餐廳嘅質素及用心，餐廳係用燉湯的，內有肉、雞腳等材料燉上幾小時，湯非常濃味，絕非味精，而是肉味嘅佳餚。小食當然不少得蜜汁叉燒。叉燒是自己燒的，看到油脂與肉滲半，而且燒得香口而肉嫩。這款是酸酸甜甜的，味道就是生炒骨一樣，非常容易下飯。而且每粒一口，更是方便，岩晒唔想吐骨的朋友。至於呢款可以話係招牌菜式之一。想也沒想過竟在中菜餐廳吃到，外皮是炸過的，但又不會很油膩，而內裡的牛腩亦很入味，而且牛腩嘅肉質很嫩，肉與肥肉滲半，絕對值得吃。

上次約朋友到荃灣看電影，午餐就是到附近吃燒味飯，一吃難忘，今日專程來光顧。今次我們是吃晚市套餐，味苑的叉燒王是最想推介的，叉燒肉質鬆軟，瘦中有肥，肥中有瘦，燒得很香口，加上甜甜的蜜汁，無敵啊！今次的足料燉湯是蟲草花雞腳瘦肉湯，清甜，滋潤。蒜蓉蒸元貝很大隻，蒸的時間剛剛好，元貝非常新鮮，彈牙爽口，粉絲吸收了元貝的汁液，好吃，雖然他們沒有放太多油，賣相差了一點，但比較健康。古法山楂咕嚕肉 都不錯，薄薄的粉漿包着梅頭肉，配合酸酸甜甜的山楂汁，飯都吃多兩口。 下次看完電影，不妨去試試啦。

夠唔夠都會黎呢間食中菜, 2口子食唔洗加一, 化算好多呢.坐位闊落, 有卡位, 有即沖中國茶, 唔係茶膽, 感覺良好.燒腩仔拼义燒係我飛佛, 每舊都切得大大舊, 燒腩仔個皮真係好夠脆, 一邊咬一邊聽到卜卜聲, 食落唔會好咸, 肉質夠嫩. 义燒就更軟腍, 好入味, 無特別order肥定瘦, 黎到半肥瘦剛剛好.清湯蝴蝶腩, 都係鍾意食腩, 啖啖肉. 呢個蝴蝶腩都係切到大大舊, 炆得夠晒腍, 富肉鮮味. 仲有蘿蔔墊湯, 又係腍晒索晒D精華, 好夠甜. 而個清湯好重胡椒味, 辣辣地夠晒暖胃, 加左莞茜更加香.

出街好多時都係食西日韓菜 今次我就同朋友食下中菜👍🏻燉湯 菜膽雞燉鮑翅飲落真係好夠火喉 而且油唔多 又足料 真係有翅係入面❤️❤️脆炸牛坑腩呢款菜式都好新奇 但又幾好食bor脆卜卜嘅炸漿 軟淋淋嘅坑腩 仲配左個酸酸地嘅醬估唔到又好好食bor😋😋蜜桃水晶咕嚕肉咕嚕肉好多時都係配菠蘿 今次呢到配蜜桃 整體味道偏甜一點 應該好岩小朋友口味👍🏻豉椒炒蜆好足味 而且唔會炒到唔見曬d 蜆肉正👍🏻👍🏻👍🏻👍🏻呢到服務都好好 而且又唔貴 抵試👍🏻👍🏻

炒蜆 味道不錯🤗，夠鮮味，也夠火喉。有看到照片上 炒蜆旁邊的咕嚕肉嗎？🤔那個是桃味咕嚕肉， 罐頭桃去取代 菠蘿， 咕嚕肉少了酸味， 推薦給不喜歡吃酸的朋友。吉列牛腩，擺相 令我小震驚一下😱， 好似原始及文明的 crossover。 牛腩軟林， 外脆內嫩。不錯不錯。朋友推薦這裡的湯，聽講用料十足。叫一碗試試，果真如是。38蚊碗，用料十足，感覺很抵飲。冇屋企煲湯既朋友，也可比小小錢飲一碗老火湯。事後我有位朋友推薦我吃味苑的燒味飯，今次錯過，下次有機會就試下。

跟屋企人提早做節, 不過酒樓多數都做套餐, 但亞媽又鍾意食中餐, 所以就諗到黎呢D中菜館食, 一黎可以散叫, 二黎比酒樓平, 因為唔洗加一.既然做節, 每人要左盅菜膽雞燉翅, 真係有一排細細既翅, 比酒席食既仲多, 另仲有雞腳, 瘦肉等, 所以飲落好香肉香味, 幾十蚊好過自己燉, 非常抵飲, 因為足料.之後要左燒味雙拼, 可以隨意配邊兩樣, 燒腩仔個皮好夠脆, 脆到卜卜聲, 腩仔位唔係太肥, 肉質夠嫩.半肥瘦义燒, 但肥既部份好香, 食落唔覺得膩, 入口好軟嫩.蜜桃咕噜肉, 呢D大路野係人都啱食, 個汁唔算好酸, 帶甜, 易入口夠開胃. 炸粉唔會太厚, 一咬都已入肉, 肉質都好軼腍, 唔硬.最後仲有紅豆沙送, 好夠沙, 帶陳皮味, 唔會太甜.

今日行開荃灣廣場, 唔想食西餐, 所以都係黎返呢間食中菜, 價錢唔算貴又坐得幾舒服.港人最愛既咕嚕肉, 仲有蜜桃墊底, 呢個咕嚕肉無骨, 啖啖肉. 咬落外脆內軟熟, 肉質唔韌又唔硬. 個汁唔會太酸, 酸酸甜甜好開胃, 仲有蜜桃食落清新.蟲草花浸白菜仔, 份量都唔算少, 白菜仔好爽口, 新鮮又嫩綠. 仲有D蟲草花, 菇之類, 索左D汁都幾夠味, 唔會太咸, 食落夠健康.雖然唔係幫趁好大銀碼, 但都有紅豆沙做甜品, 好夠沙, 唔會太甜.

17:30分先放飯，趕得切黎味苑叫個下午茶餐，超抵食，$40，有大大碗叉燒燒鵝飯，跟餐飲熱朱古力，平民街坊最啱。入到黎地方濶落，好多位置，包括樓上，扮到好似古色酒樓咁，有d假雀籠吊燈，幾得意。碗叉燒燒鵝飯黎到大大碗，食到捧住個肚出門口，叉燒半肥瘦唔錯，燒鵝就肥左小小，冇乜肉食咁，但$40蚊都算Ok㗎喇！原來呢度冇阿華田飲㗎，不過有朱古力，落足朱古力粉沖㗎，唔會好稀冇晒味。順帶一提，侍應好有禮貌㗎，亦好好笑容，值得一讚。

今晚一家五人去吃飯，之前巳book 左位，去到見佢俾啲walk in 客入，坐左張五六人枱，算，我爸媽七十幾八十歲企在等，都算，我妹妹入去問阿收銀姐，佢竟然話car 位有兩個位，（你地坐得落咪坐囉），之後我妹妹問佢咩意思，佢什麼都冇回應，一句sorry 都唔講，後來看到有食評都說收銀阿姐態 度差，原來佢都唔係第一次，呢啲夠竟是什麼態度，我想佢應該冇受過教育，太不知所所謂。雖然係咁，啲食物係ok，有興趣的可以會下個收銀阿姐。😠😠😠

朋友生日飯，決定再次來荃灣中菜館慶祝。除了食物質素有保証外，更喜愛它的中國色彩裝飾佈置與懷舊公雞款式餐具。今次點了，有山渣及蜜桃兩款口味，山渣酸甜可口，蜜桃香味香口濃郁，廚師將肉切成條狀，大小適宜，一口一條剛剛好。最給予我驚喜的是，本不太喜愛吃蝦的我也吃了兩舊。表面似油炸鬼，入口香脆，配以生果蘋果及梨子，加上香甜柚子，啱晒愛美女士吃，不會油膩，即時胃口大增。另外，，海蜇頭爽口，有香香的麻油配搭香甜老醋，唔會有酸醋味，好好食 !除此之外，最值得讚賞的是職員服務態度一流，正當我們結賬後預備離開，職員竟勸喻我們食用贈送的糖水]，入口有香郁的果皮味，紅豆煲至溶化，沒有渣，甜味適中。是日晚膳非常開心，除了有一個好地方與朋友慶祝生日，還可以大飽口福，整體滿意。