味苑 (已結業)

琴日我哋一家人決定唔煮飯就出去食啦，就去咗屋企附近嘅餐廳食飯。因為我公公鍾意食中菜，所以我哋就揀咗食中菜。呢度地方都幾舒服，環境都好清靜。咦呢度嘅食物選擇都幾多，就連價錢都好合理。首先我哋叫咗個小食，呢個就係燒腩仔，賣相都整得幾靚，燒腩仔外皮好脆，一層脂肪一層肉好甘香我哋叫咗兩款$88嘅菜式，呢個係椒鹽海苔花枝仁，份量都唔少㗎。炸得好脆，面頭仲有椒鹽同海苔，好香。應該仲加咗七味粉，所以味道有啲辣辣地呢個係豉油王煎大虎蝦，將虎蝦一開二來煎嘅，煎得好香口，蝦肉好爽口彈牙

朋友介紹 荃灣大壩街 有間小菜餐館， 味苑， 這間小菜館 ，炒的小菜 份量十足，味道 出色， 今晚和家人 慶祝生日 ，首選這間小菜館 體會一下。餐廳內佈置普通， 但環境清潔整齊， 光線充足。我們先order咗一碟肉片豉油王炒麵， 果然豉油王炒麵份量十足 。有 韭黃，和蔥段配襯 ， 即叫即炒， 上枱新鮮熱辣辣 ，賣相吸引，味道一般。還有一碟頭號招牌菜， 燒味， 我們選擇咗 自選 一碟 兩款的 燒腩仔 ，油雞。燒腩仔皮脆， 脂肪均勻， 肉質 結實，很快便掃光。油雞皮薄 ，肉嫩鮮美 ，食過返尋味。飯後仲有糖水奉送， 每人一碗蕃薯糖水， 番薯淋甜， 非常滋潤， 更可幫助腸胃暢通， 家人都讚 好 抵食。

荃灣廣場-附近近又發現好野，大霸街一向多地舖食肆，朋友提議食中式料理，經過呢間餐廳，遠遠見到掛出明爐燒味，啱哂可車。入到去發现唔少家庭聚會，應該小菜飯局，合家相宜。樓底高，燈飾光猛。我地叫咗味苑海鮮夜，可以自由配搭燻蹄同海哲雙拼作為前菜，味道不錯，較為特別有麻油香味本身揀炒蜆，不過賣哂，我地挑選咗士多啤梨骨，味道好好呀，甜甜的士多啤梨味，十分配合今晩重頭戲主角，五色胡椒炒蟹，色香味俱全，蟹肉新鮮，正！最後，重有一碟炒牛河同有湯水送，呢個餐抵食。

在荃灣廣場看完電影找餐廳食飯正好從戲院側門出來見前面大埧街尾處有間中式食店、行過去看看、門面的招牌修飾和玻璃廚窗掛着的燒腊 都很搶眼悦目.。 内進更覺環境顯貴、中式裝修大方雅緻、燈火通明有卡位和圆枱我們两位坐了卡位、也有二樓雅座的。這裡有中式小炒.燒腊、粉、麵、飯等選擇。見燒腊很不错我們點了;燒味雙拼盆146元 / 碟干燒伊麵 88元/碟茗茶2位 24元燒腩仔皮脆肉質爽口.而燒鵝是脾的位置、所以啖啖嫩肉、雖然皮不是太脆但肉質味道很好!干燒伊麵. 麵質爽口彈牙!不太濕也不太乾、灦潤度恰到好處!又夠镬氣!好食! 正合我口味 ! 還有请甜的蕃薯糖水送,好潤喉 !满足 !很不錯的中式食店、下次會再來試其他小菜 !

今晚約了媽媽睇戲,睇戲前梗係醫咗個肚先,媽媽想食中菜,又不想周圍去,原來喺戲院對面開咗間中菜館。門口就掛滿了燒味。媽媽二話不說就走了進去。餐廳裝修得好骨子。用了雀籠做燈的裝飾，每張枱都有4種唔同嘅調味料,都是用公雞圖案作器皿盛載的,好懷舊。再望下餐牌,又好多唔同種類,燒味仲有海鮮套餐,餐牌上仲有啲必食精選。我和媽媽就揀了其中一樣必食的菜式就是清湯蝴蝶腩 ,另外,叫了個廚皇(發發)推介 泰式咸魚茸炒通菜 坐了一陣 炒通菜送上啦。通菜好青綠,咸魚茸都不少,但不是太辣,所以,媽咪都好啱食。廚師將通菜炒得脆卜卜,份量又唔少,唔錯。清湯蝴蝶腩就等了大約20分鐘先到雖然等咁耐,但完全無失望。牛腩是用瓦煲上的,保持熱辣辣。蘿蔔同牛腩的份量都多。蘿蔔好林,雖然現在不是冬天,但蘿蔔都沒有筋,雪雪白白,吸了牛腩味道,好正。至於牛腩，真的沒有失望。牛腩大件又厚身,但炆得好林,連媽媽都咬得好輕鬆,沾上辣椒醬更加好味。湯底好濃胡椒味。夠驅風。雖然好大煲,不消一陣,就和媽媽食晒啦。加埋叫了兩個白飯,真係攬住個肚嚟睇戲,哈哈最後,仲有甜品送,今晚係蕃薯糖水,蕃薯夠多又夠林,糖水底又夠辣,真係劃上完美句號。

今日和同事吃中菜，平時午市都有吃，晚市就很少來味苑。 今日在附近選了味苑，因為知道推出新$88 廚師推介同事想吃飯。我們分別點了2個餸1個燒味 ，共$309 $88 豉汁帶子蒸豆腐 有4條菜芯，哈哈帶子剛剛好熟，沒有過時很鮮味，豆腐滑溜配飯同吃一流！想食$88 美極豉油皇煎虎蝦 ……很可惜服務員通知虎蝦售罄 服務員建議可以轉新鮮大蝦，由3隻虎蝦改為6隻鮮蝦，因為鮮蝦細一些，我們覺得都可以，就落單了結果都厚肉，炸得香脆，殼都食到，美極的鮮味很重，有點點辣椒碎，很惹味鮮蝦厚肉不錯脆皮燒腩仔$68最怕燒腩太咸，這裡皮脆肉嫩，肉質不硬又沒太咸，淨食一口一件不錯。配黃芥辣更香口。意外驚喜，晚市有蕃薯糖水送，很開心！

呢排成日落雨已經好耐無倆口子撐枱腳，見今日終於好天，就決定夜晚出街食過飯，再行下街先。近近地行到去荃灣廣場附近見到一間裝修幾精緻嘅中菜店，老公又鐘意食中菜，一於入去食個晚飯再去一田掃貨先😌店內裝潢精緻，新派得黎又有少少懷舊風。公雞碗碟好令人懷念啊！餐牌選擇多，而且又有套餐優惠，價錢又不貴。燒腩仔外皮鬆化脆口，肉味鮮不算太咸，有水準。泰式咸魚茸炒通菜最愛泰式炒菜，特別惹味香口，咸魚茸咸香濃味，令到通菜食落都特別鮮甜。韓式柚子鳳尾蝦擺位精緻，入口蝦肉爽口彈牙，醬汁甜甜酸酸好開胃，而上面有少許柚子肉，清新又清甜。蜜汁㰖角牙簽骨份量十足，肉質軟嫩入味，蜜糖味香甜，㰖角又夠惹味，堅好食👍🏻附近隔離枱好多大家庭飯局，果然好適合大顆子聚會食飯嘅好地方！

一天有兩個滿足: 出色的 電影 和 燒臘今天去看早場，與神同行 ：終極審判，好好看，有劇情，有特技，一部很出色的韓國奇幻電影。看完電影已差不多是下午茶時間了，戲院附近有間 味苑燒臘中菜館 我們入去準備吃下午茶。脆皮燒腩仔+燒鵝皇飯 很好味，燒鵝有肉汁 很入味，肉質鬆化。火腩皮脆肉嫩，一格格的肥肉瘦肉均勻地分佈，肥的部位也不覺油膩，上乘之作。另一個豬潤湯麵 ，豬潤很稔滑，表面好像有層薄薄的粉包裹著，所以放久了也不容易變色變硬，配上薑絲和葱絲很合拍呢！他們的奶茶有茶香，入口順滑，不錯。

今日lunch 食遲左，朋友帶我去呢間味苑食燒味，入坐時已經1:45pm. 見到餐牌有下午茶，兩點就開始，咁當然係等下午茶啦，每個餐平十蚊😆其他餐廳下午茶都要兩點半至三點呢段時間先開始，呢間算好早👍🏻我叫左叉燒拼燒腩仔，朋友就叫左燒腩仔拼燻蹄。叉燒嫩滑軟腍、有咬口得黎又鬆化；燒腩仔既皮好脆；燻蹄都唔錯。因為平左10蚊，同朋左決定叫多碟時菜-芥蘭，稍微灼得熟左啲。飲品可揀湯/大路野飲，不過如果個餐有湯揀，我一定飲湯😌 個湯都ok, 唔會太喊。出現茶餐廳啲老火湯通常都偏喊，呢間就岩岩好😁茶餐呢間價格略高，買單每位54蚊，不過同朋友當食lunch 就接受到。另外呢間用公雞圖案既餐具感覺有啲懷舊，黎食既朋友可以影下相。

［麵靚湯正系列] 有好多選擇，我想試下鳳城水餃麵，麵好爽滑，冇鹼水味，湯很甜美，有傳統的蝦湯味，水餃冇得彈，蝦肉爽脆彈牙、有鮮味，木耳絲、筍絲和半肥瘦豬肉，合起來就是一隻結實爽口的水餃。奶茶夠香濃，有茶香，剛剛好有回甘。

這間餐廳聽同事講燒味好有水準，所以嚟試下，單雙拼同一價錢，同事叫了叉燒燒鵝飯，等了一陣就嚟，賣相好靚的，叉燒也好香又夠淋，甜甜地的，好正。份量不少，燒鵝都有肉唔肥，豉油汁加飯，好好味，送飯一流。加送一條菜。水餃麵較細碗，有4粒水餃，麵份量不多，水餃好爽口又足料，有蝦同木耳的，好好味，麵也彈牙，湯底好香韮黃味。餐廳的餐具也是雞公圖案的，好靚同有佈置的，有掛畫的，很有心思，還有兩層的呀！午市勁多人食飯。

下晝兩點幾去到，嗌個下午茶，要乜冇乜，要鼓油雞冇，要叉燒冇，點知最後又比番油雞飯，但上到泥，啲雞同燒腩仔切到勁薄，燒腩仔係切到一張紙咁薄，份量同平時唔一樣，好明顯細份勁多。其實點解可以比啲咁嘅野食客？唔係諗住咁樣可以過到骨呀嘛？大佬，你冇哂野賣，都唔係格硬切薄咁比啲客架嘛，咁樣真係好趕客！呢間平時都有幫趁開，一到2點就咩燒未都冇，一間燒味鋪冇燒味食真係搞笑。。。我諗短期內都唔會幫襯，實在太令人失望！

二個人想開開心心吃個午餐，入到味苑見沒有什麼人，便想找個位坐下，但夥計叫我們坐前面已有一位男仕的卡位，本意為他快要結帳，於是二人便坐他的對面，原來他也是剛剛才點了食物 還未上桌😓 如果是繁忙時間很多客人，我願意這個安排，但是滿場空位，伙計說一陣會好多人！見後面卡位的客人離去，我們便搬過去，伙計好像非常不滿！！！因為食物已點，便得開心完成它吧！選的是一個出名的雙拼燒味飯，脆皮燒腩仔+味苑燒鵝王，他們的燒味真是不錯，鬆脆的火腩仔皮和不會過鹹的燒肉，保持到他們的水準，叫得燒鵝皇當然也是上佳之作，很好。鮮蝦水餃米粉亦是一個很出色的麵食，水餃有豬肉和蝦的鮮味，加上木耳絲的爽脆，整個水餃非常好味，湯底也做得很好，所以米粉亦都能夠吸收他它的味道。希望下次來的時候食物依然美味，座位安排會有所改善。

家人飯聚老人家鍾情中菜但又唔想成日食連鎖酒樓咁無新意，兄長搵到呢間菜館食評唔錯又近西鐵站方便歸家，菜館分上下兩層，地方唔係好寬敞有d迫，但環境乾淨整潔燈光光猛，食物有不少選擇，8個人叫左8個餸1個抄麵，味道整體不錯但份量偏小燒鵝皇皮不脆，唔夠熱肉質唔夠嫩奇亞子鮮百合雲耳淮山份量好少，上桌時感覺好似比人偷食左d咁😒黑魚子砵酒焗蠔有8隻啱啱好一人一隻，蠔肉肥美大隻，炸漿夠薄身，醬汁味道都好夾滷水豬腳仔唔夠淋及骨較大蜜汁欖角牙簽骨肉嫩juicy,醬汁酸酸甜甜好開胃蜆芥鯪魚球味道不過不失黑杞子養生菌浸菜苗，上湯濃郁菜新鮮翠綠但份量較少蜜桃水晶咕嚕肉，肉條較薄身唔夠啖啖肉既感覺，份量亦較少雪菜雞絲淮山麵麵質軟彈有咬口，雪菜配搭不俗

今次又嚟到味苑食lunch 佢既招牌菜 燒味飯 仍然保持到水準 不過有叉燒係特別好 叉燒夠冧 唔乾 雞或鵝就要睇彩數 未必次次多肉食 但d 肉唔會好死 好木 我叫了雙拼 叉燒油雞飯 $50 比起一般燒味飯係貴少少 不過都值起碼份量足夠 味道又好