和喜雲南米線

营业中

休息中

店鋪位於牛頭角地鐵站附近，鄰近我的公司，故常常光顧。在想不到吃什麼，或者冬天想吃暖笠笠的食物，又或者要加班的日子，就會想起這家店美味又實惠的米線。我通常都會叫小鍋米線（清湯配酸菜、芽菜、香菜等，清甜好味），再加兩三個自選餸菜（車仔麵形式），餸菜份量不少，三餸約45-50元，送一杯飲品，價錢實惠。 今日我與同事一同光顧，我叫了墨魚丸、蘿蔔小鍋米線。米線一如以往軟硬適中，算入味，湯比平時酸少少，墨魚丸很彈牙，蘿蔔未算好「林」（但如果多放一會才吃就夠林）。我認為仍舊好吃，但未是最佳水準。同事叫了一碗腩肉米線，腩肉較肥（平時比較瘦），較適合男士。 最推薦的是豬頸肉這款餸，醃製得很入味，有少少辣，與米線一同吃一流。 喜歡吃辣的朋友可嘗試吃酸辣米線。米線可轉紅薯粉，十分爽口。

超級鍾意食米線同埋辣嘅我覺得麻辣米線簡直就係天下一絕嘅最佳配搭所以成日都去試周圍嘅米線同埋麻辣湯🍜睇吓搵唔搵到一間最好食嘅！今次黎到牛頭角搵嘢食係下午一點嘅時間已經見到排晒隊，食飯時間都真係爆哂啊，等咗半個鐘之後先入去避開繁忙時間。一點半入去都仲有好多打工仔喺度食緊野。睇睇餐牌先就咁＄24一碗都幾平，至於餸菜方面都好多選擇。有分別有＄6 $7同＄8嘅餸，都有好多款，驟眼睇都超過三四十種。再睇下有個過橋米線，內裏種類繁多。本人覺得好抵食！另外本店仲有好多風味小食，因為雲南餐廳所以都用到唔同嘅特色香料好似有鋪頭自家製嘅雲南香料嘅，🐷耳啊雞翼等等，睇落都好吸引。不過因為今日一個人冇嗌到小食下次有機會都好想試吓。今日想食清啲，所以叫咗竹笙麻辣米線，湯底色澤睇落去好似好香濃但係辣味就唔夠。因為每一次去到新鋪頭都唔知每間鋪頭嘅辣度，所以多數都帶咗小🌶先。咁呢間對我來講哈哈都冇難度對於我來講一啲都唔難哈哈😄希望可以再食🌶啲我諗下次要嗌大辣。而米線有啲肉碎我覺得咁樣幾好味，咁樣層次會豐富啲會好香。配料都幾多。本人就特別鍾意啲煙韌嘅嘢食，所以希望啲米線會煙韌啲。不過本人去過雲南，當地嘅米線就唔同香港普遍

飢詩喜歡吃紅薯粉， 貪佢吸曬啲湯味～ 肥嘟嘟又煙韌 QQ～ 選了三餸 ～ 冬菇. 金菇. 竹笙，送飲品 $44～ 呢間和喜的湯底酸辣度平衡， 帶甜～ 不太有麻的感覺， 整體食得舒暢，食完唔會覺得口渴 👌🏿👌🏿👍🏻 而且都算足料，可以再來吃午餐～ 😋飢 point : 7 / 10#hungermarch #飢詩 #非飢詩

在附近約了朋友交收物品，一個人獨自找吃的，吃碗米線最好不過。小人點了客下午茶餐上湯米線碗雞翼。因為雞翼已有麻辣，所以米線沒要麻辣湯，可能正因如此，湯底不是酸辣的關係，沒有譚X或譚X三哥米線的湯底般的鈉爆標的感覺，反之覺得頗清。米線亦不差，爽爽滑滑的甚有嚼勁，一大碗的也都夠飽。麻辣烤雞翼炸得夠透，麻辣味輕微的淡淡的；雞肉算嫩滑，但別期望有甚麼肉汁，沒雪味已叫做好，而且雞中翼這麼細隻，兩隻顯然不足。完勝的一碗米線，只是配的雞翼根本不夠。

某日行經這家小店， 看到有下午茶時段優惠， 於是入去一試。 下午茶有兩款選擇: 一款係酸辣粉麵配雞翼 26元 ，不包飲品； 另外一款 酸辣米線配一款餸 加飲品都係 26元， 我揀咗第一款因為貪佢有雞翼送 我另外加咗 七元配豬頸肉。 辣味雞翼 惹味又香口 ，豬頸肉 好入味，份量亦唔少， 有機會經過都會再去幫襯。 值得一提嘅就係小店 衛生環境不錯，地方整潔 ，碗筷乾淨， 服務態度良好。

本人不太嗜辣，所以每次食麻辣米線都係選少少辣，食材本身味道亦不會被辣味蓋過。今次點了豬頸肉、豆卜、蘿蔔和肥牛。首先湯底味濃帶少少甜，甚為討好；豬頸肉係該店必食推介，的確香口滋味值得一試，豆卜滲入了湯，美味度即時提高不少，蘿蔔尚算鮮甜，肥牛則不過不失。此店空間尚算闊落，員工招呼尚算勤快友善，去開牛頭角不妨一試。

印像中上次食過個酸辣湯底都唔錯，今次又去開嗰頭，就貢咗入去食喇，為左唔想比人屈成40幾蚊食碗米線，窮 L 就唯有嗌一餸，記得上次個豬頸肉麻麻地，諗咗好耐都諗唔到揀乜嘢餸，為咗唔好阻住企喺隔離嘅阿姐招呼其他客人，萬念俱灰之下求求其其揀咗魚腐，就咁燒焦，諗住都係食個湯啫，點知今次個湯底味道淡過上次好多，個魚腐更加不知所謂，啲粉多到 hihi，仲要勁大陣雪味，同粒好多粉嘅劣質魚蛋無分別，雖然鐘意佢勁多葱韮，不過選料下欄，客人係食得出架，今次腐皮！

放lunch想食碗米線，就試下依間和喜。餐牌上有唔少選擇，我揀返自己中意食既餸，豬潤豬頸肉。辣度就先試下小辣。碗米線黎左，睇落幾大碗，餸亦都幾多幾大塊。小辣湯底飲落唔算辣，比起其他米線既辣度較低。豬潤幾爽口，少粉，不過不失。反而豬頸肉好大塊，數量又多，好抵食。肥瘦都算均等。整體黎講係抵食，如食3個餸仲有野飲，唔錯。

今日口淡淡想食碗酸辣米線，見呢間咁近公司得呢又未試過，就去試吓先。一入到去仲有幾張吉枱，不過臨近食飯時間都係俾亞姐好似玩切俄羅斯方塊咁砌咗去一張坐咗三個人嘅圓枱度，啲位仲要都幾迫吓。嗰刻望住其他吉枱係無奈嘅，不過到將近食完嗰陣，見佢全場滿座之餘仲要有人等緊位，俾人俄羅斯，又抑或去俄羅斯人，都只不過係遲早嘅事。原本無諗住食肉，不過見佢個豬頸肉係推介就即管叫黎試下，雖然個樣好似白烚咁，口感又有少少鞋，不過陣味唔錯，有好大陣嘅酒味，以乎用咗好多酒落去醃，都幾香， 湯底方面都係嗰啲酸酸辣辣咁啦，我嗌咗小辣，阿姐聽錯咗微辣，啱啱上枱嗰陣辣嗰方面確實係唔夠喉，好彩佢擺喺枱面嗰一盅辣椒油都唔係流野，夠哂香辣，因為嗰隻花椒油嘅香味令到我相信就算嗌廚房加辣，應該都係落呢一 pat 野。除咗要持有方塊嘅心境之外，食完之後成個下晝都幾頸渴。

星期六下午睇完醫生有D肚餓就係附近搵食,見到和喜係門口棟左個下午茶既易拉門口就去昅下。呢間米線舖四四方方乾乾淨淨待應姐姐有禮。講番個下午茶先,係下午茶時段order碗粉有飲品送。但我就揀左個雞翼配粉既下午茶餐$27另加豬頸肉$6,至於佢地既雞翼有麻辣同香草味兩款。我就選擇左香草味雞翼配酸辣紅薯粉。味道方面雞翼皮脆入味但內裡都係差少少味道;至於碗粉酸味差少少但辣味ok,配上咸菜、肉碎、九菜、香茜, 味道不錯,紅薯粉煙韌入味

公司放LUNCH 特登行過黎食米線十二點零鐘唔洗等位但我地走個陣一點幾就見到要排隊店內都幾寬 唔會一張枱迫六個人上次試個左蕃茄湯飯 加埋辣椒油好夾今次轉蕃茄湯紅薯粉  好爽口個湯有鮮蕃茄 薯仔 好足料 $36 蚊抵食下次可以試埋米線店內除左蕃茄湯仲有小鍋米線等等辣度都有分細中小辣其實店內都只係做街坊生意所以通常只會附近做野/住的人先會識個人覺得佢個湯底好味過譚仔好多加上店內都幾多選擇酸辣米線, 湯飯, 各款小食等等

個人好鐘食米綫，一個星期平均食兩三次。由于喺觀塘工作，呢區米綫餐廳仲多過七仔；譚仔， 大家食， 雲南阿老表， 臻味， 麻酸樂等等，數唔哂…大部分都幾好。今日咁啱行過牛頭角道呢間和喜，見到鋪面乾淨，唔洗等位就入去試試， 我點咗個腩肉墨丸酸辣米綫少辣， 配凍檸茶少甜。首先要讚係腩肉肥瘦平均， 不過唔夠味，湯底唔夠火喉， 唔酸亦唔辣，反而有少許甜味，有點怪怪。 要彈嘅係墨丸， 一口咬入口，竟然係凍嘅， 而且雪味好重， 即係喺雪櫃拎出嚟，撈幾吓就比人食果種feel｡其實米綫好難揾到間唔好食嘅，和喜比較上述幾間就明顯弱D｡價錢同譚仔相若，下次未必幫趁咯。不過都係個人意見比大家參考吓。

行過見到呢間米線舖，綠色門面加黄色圓枱圓櫈，遠望真係幾似譚仔，返正想食米線，一於去試下。涼拌皮蛋併雲耳*香辣 $18汋熟嘅雲耳淋上辣椒油，辣椒油真係好辣，但雲耳本身無味，只要唔點太多辣油就ok接受到。皮蛋好綿好味，下次可以唔要雙併要淨皮蛋。四川麻辣烤雞中亦 $16五香粉雞亦，上面加左一層辣椒粉，肉嫩，唔錯。川味酸辣紅薯粉*魚腐 $24要了少辣，唔夠酸。米線煙韌，魚腐有四粒，軟淋入味。仲有唔少配料，大大碗抵食。凍檸茶$5唔夠茶味，勝在夠凍又解渴。價錢，味道，份量都同譚仔相約，好處是不用等位，順路嘅話有下次。

我係和喜既常客d野好足抖架小鍋米線 $19 (包芽菜個d)酸辣米線 $20價錢間直係我呢種人既恩物呀~~~又涼伴, 紅薯粉我鐘意佢既酸辣米線 酸多辣小係其他地方食米線好多都係落辣油, 得個辣字無酸味仲有好d蒜泥白肉, 青瓜都好好食雞肉都唔錯$4x 既超級小鍋米線 二人份量我同bf食都食唔哂 好足抖 食到好飽仲有佢d奶茶好好飲我唔係奶茶專家但係飲過甘多間我個人喜好呢間奶茶好味入面服務又好坐得舒服不過lunch 時間多人d但可以外賣自取架打個電話先 轉頭落去拎 搞掂大家不防去試下啦下次我post張meau上黎比大家~^^~