和氣包店

营业中

休息中

和氣包店是一家位於怪獸大廈的小型麵包店，以其精緻的酥皮蛋撻、餅皮蛋撻和菠蘿包聞名。進入店內，首先映入眼簾的是一個小巧精緻的櫃檯，上面擺滿了各式各樣的麵包點心，讓人垂涎欲滴。我點了一份酥皮蛋撻和一個菠蘿包。酥皮蛋撻外層金黃酥脆，內裡則是柔嫩香滑的奶油加上豐富的蛋香味道，讓人一口接一口地吃不停。菠蘿包則是外層焦香鬆脆，內裡則是甜美多汁的菠蘿果肉，口感十分豐富。除了食物本身之外，和氣包店還有一種特殊的情懷。店主非常用心地製作每一款產品，並且在每個細節上都注重品質和味道。此外，在怪獸大廈，太古坊附近這個商業區中能夠找到這樣一家小而精致的麵包店也是非常難得。總之，如果你想要品嚐到高品質、精緻美味又帶有情懷的麵包點心，在電車路上不要錯過和氣包店！

店名: 和氣包店地址: 鰂魚涌英皇道1044號福昌樓地下18號舖鰂魚涌站B出口，行7分鐘環境: 外賣價錢:4/5味道: 4.5/5布甸麻糬包$15最近好興布甸包，今次呢間難得唔係法包個種好硬嘅皮，係麻糬皮，為食嘅我當然要試下🥰🤫我夜晚買完放入雪櫃，第二日先食，就算放左入雪櫃一晚，個皮都唔會話硬哂唔好咬🧐相反，仲係好咬口，佢入面嘅蛋漿雪完好好食，唔太甜，而且仲要係爆焰的😍🤩暫時係我食過最好食嘅布甸包，美中不足就係佢地點比較偏遠🙈😶

鰂魚涌爆餡麻薯布甸包 呢間主打冰心麻薯包 吸引咗我去試試.⭐️布甸麻薯包$15法式布甸包就食得多 呢間就比較特別😍用咗麻薯波波皮嘅外層 口感煙韌👍🏻中間再加上大量蛋撻嗰種蛋汁 咬開超級爆餡對比其他法式布甸 佢地蛋汁甜度唔高.⭐️冰心草莓麻薯包$15本身已經預先包裝好 唔洗等就買到同樣都係用左麻薯波波皮 比較煙韌食得出佢哋野心好重 麻薯皮係粉紅色咬開爆餡 味道係常見 日本零食果種假士多啤梨味.如果一定要同法式布甸包比較我會鍾意新鮮出爐皮脆嘅法式布甸包多d但法式麵包嘅缺點係 放得耐外層好易太韌 咬唔入所以如果要好食 通常都要新鮮出爐排隊買但麻薯皮就冇問個問題啦 一定時間內都保持到煙靭而且佢哋價錢唔貴 相信都會保持到一定競爭力..#和氣包店 (鰂魚涌)地址：鰂魚涌英皇道1044號福昌樓地下18號舖.⭐️評分：味道：3.5/5環境：3/5服務：3/5抵食：4/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長.

而家布甸包好多麵包舖都有得賣，但用麻薯包做外皮真係第一次見～覺得幾吸引😍😍就買來試一試✨✨🍮麻薯布甸包出邊外皮嘅麻薯包好煙韌，我之前都有食過佢哋淨麻薯包，雖然外表好大個但係入邊係空心嘅～所以呢個構造都好適合用嚟裝布甸～不過略嫌個皮太煙靭，較難咬開😵‍💫😵‍💫中間嘅布甸唔夠香偏甜～不過以$15整體來講都唔錯，可以一試推介指數：⚡️⚡️⚡️餐廳環境：⚡️⚡️⚡️服務態度：⚡️⚡️ ⚡️再訪：yes

今日剛好經過這包店，見之前在網絡上都介紹有過就嘗試一下。買了3款不同味道的麻糬波波 （朱古力，芝麻，提子）。每個$4。麻糬波波算大個，但口感好硬好乾好似食緊法包。無麻糬的質感。而且味道和平時一般食到的麻糬波波味道不同，味道不太吸引。試了提子和芝麻都說不出有什麼驚喜。以為朱古力味會比較好一點，但都食不出有什麼味道。麻糬波食完一啖無想繼續食的感覺。總括來說，這一次是一個中伏體驗。從未試過一個咁難食嘅麻糬波波。不會再有下次。

和氣包店 地址: 鰂魚涌英皇道1044號福昌樓地下18號舖電話: 35687433=====================很乾身架麻薯波波我買了有cream 同無cream ,一個成$18 一點都不平，味道很一般，個包很乾身，而個cream 很厚重，只是夾個乾身架麻薯波波就會正常無咁滯無cream架乾又鞋咬開，唔好食好失望，又無qq 口感菠蘿包正常發揮$12 拿破倫，無層次，個海綿蛋糕好怪味texture 不結實，同埋無酥皮，是假拿破倫，不吃也擺整體大失望，出名的麻薯波波都唔好食，不用專登來，比網上傳媒騙了，騙很大

鋪頭門面幾靚幾企理 見到呢個麻薯包個名同樣好吸引買左，皮係夠煙韌 但同個忌廉好唔夾☹️個餡冇乜茶味 仲有陣怪味 😖整體唔知係咩味，成舊係冇乜味既怪味野，真心唔好食。但好欣賞係肯落料，d cream夠多，可惜佢唔係杰身個種cream,係似傳統生日蛋糕個種…整體都係一般。建議老闆要改良一下個質地同味親🙏🏻如果忌廉厚身d同整原味可能會好d👍🏻臨走見到酥皮蛋撻出爐 好靚又平 下次會試下佢地拿破崙同蛋撻😋

買左4款野試味，試完覺得……真系唔洗專登去，順路既話，都可以買黎試下既。（個日去士多啤梨買曬 ）花生蛋糕 (好似有芝士)，上面條卷唔脆，花生味唔太重，食落唔膩但感覺好一般，食完冇一種好好味既感覺。蜜桃雪媚娘，皮好有咬口，蜜桃少酸，但夾埋個cream係岩岩好，只系個蛋糕碎碎地，好似剩下黎既碎料放埋一舊禁。咖啡麻薯包，皮系有咬口，但cream好苦，可以甜多d會易入口d，cream苦得黎又唔會話好香咖啡味。杏仁蛋白蛋糕？唔記得個名，同你係聖安娜或其他餅店買既味道差唔多，一般。

買了✌🏻個冰心麻糬包!一個係伯爵茶味，另一個係朱古力咖啡☕️嗰日仲有另一隻味賣就係🛎限定口味：草莓味🍓！原本以為係入面有麻糬，點知係麻糬波波既麵包外層，入面就係cream!我本身超。鍾。意。麻糬波波，呢個口感我俾過👌🏻但入面既伯爵茶cream我略嫌唔夠細滑，我覺得有啲打發過頭。同對我有啲甜如果怕甜，可以試朱古力咖啡☕️因為朋友話都幾咖啡(=苦)單價其實我覺得唔平，都要$14-15。大概唔會回購👋🏻

見雜誌食評都激讚呢間 “和氣包店” 嘅食物質素超高，又咁啱原來係附近，終於搵到個機會去試試佢嘅味道。見鋪頭入面人頭湧湧，確實好似有不少支持者。眼看他們出品的麵包種類都多，但賣相就真的很一般，菠蘿包的樣子完全趕客但今次主要目的是買 “布丁麻糬QQ” , 往收銀處排隊，收銀姐姐說有剛出爐的 “布丁麻糬QQ” ，即刻買個回家試試😃。回家整頓一翻，約10分鐘左右，便開始起動。第一啖，試試布丁，沒有飲食雜誌說那樣滑溜，只像一般吉士餡料再試麻糬外皮，一啲都唔好味，還說是剛出爐😒，完全感受唔到。感覺是完全中伏😑😑，應該唔會有下次。題外話: 原來店內的人頭湧湧都不是買麻糬系列的人，而是買他們的蛋撻，$6 個，價錢相對地是較相宜。

因為見到有人寫到好正咁，特登今曰老遠去買嚟試。7點鐘去到仲有好多存貨可能因為抱太大期望，所以真係有點落差，唔難食，但唔係好食🙄布丁包ok的，但同食開要排隊果間實在差太遠了。 我鍾意佢個皮用麻薯整，有Q Q都口感。麻薯泡芙試咗3個味- 麻薯樣外皮都幾好。但伯爵茶味超假，香精味太強。咖啡味一般，偏苦。士多啤梨味最好，但太多cream了。好就好在佢唔太甜但我建議唔好買嚟試, 唔好浪費quota整體還好的，不過我唔會回購

見到有某一媒體寫到咁好食，嘩眾取寵，特登山長水遠由大西北揸車落去，即買即食，評語三個字：好普通。純粹係麻薯波波，中間混入超級甜嘅忌廉，忌廉份量比較多，的確係多到爆，但係完全冇奶香味，劣質忌廉⋯⋯麻薯做得可以，不過中間忌廉咁多，相信已成為主體，好可惜，忌廉太差。剛才我見到有伯爵茶味道，咖啡味，草莓味，同埋布丁麵包咁款既。因此我叫咗各一。買完之後，返到去睇，震驚，打算每個味都試吓，點知冇比到伯爵茶我⋯⋯揸車過嚟來回連隧道都要$300油錢⋯蝕呀⋯再加埋放入口嘅味道咁差，大蝕！唔好同我講非洲兒童冇嘢食，我再食入口真係對自己身體唔住

店舖外貌同一般港式麵包店無異，裡面有賣我哋常見嘅麵包款式 - 菠蘿包、雞批、吞拿魚包、老婆餅等。最近因為冰心麻糬包系列而人氣急升，我見有報導話日賣過百個冰心麻糬包添。冰心麻糬包系列只有三款口味 - 朱古力咖啡、士多啤梨、同埋伯爵茶。由於係不定期出爐嘅關係，可唔可以試晒3款味道就真係睇彩數喇。好似我咁，當日去到只係剩番伯爵茶味 (HKD13/個)😆😆 冰心麵包外型圓碌碌好得意🤣🤣外層係煙靭嘅麻糬皮，伯爵茶忌廉塞滿喺麵包入面，只要用刀輕輕一切就會造成爆餡嘅效果😁吉士忌廉伯爵茶味濃，味道唔會太甜。雪凍咗嘅冰心麻糬包更加好味😋

伯爵茶麻糬包呢個麻糬包都幾大個，外皮係煙韌既原味麻糬，都幾有咬口。入面好似泡芙咁塞滿冰凍嘅伯爵茶奶油，食落都幾香甜，但係有啲膩過頭，可能係奶油用料唔算靚？另外伯爵茶味唔算係好濃郁，依點都扣左少少分。

✨冰心麻薯包麻薯波波口感煙靭，裡面包住爆多忌廉，一剪開外皮就有爆餡效果🤩🤩不過啲忌廉食食吓會有啲膩🙈現時總共有三種味道，而我就三種都買哂，以下跟據個人口味排名；1️⃣伯爵茶（$13）茶味幾香，但個人覺得伯爵茶味可以更加濃🤎2️⃣朱古力咖啡（$15）Mocha 味道幾濃郁，唔會太甜☕️☕️3️⃣草莓（$15）草莓麻薯波波有少少🍓味，不過個士多啤梨忌廉味道略嫌假假哋，唔係好掂🙈✨布丁麻薯QQ($15)可以凍食/熱食，我就選擇凍食嘅，麻薯波波口感依然煙靭，布甸幾滑，但蛋味比較淡。整體來講，味道説唔上好好食，但呢個價錢食到咁嘅大細同質素算係咁，重點係仲唔洗排隊😎😎除咗冰心麻薯包同布甸麻薯QQ，和氣包店仲有賣唔同口味嘅鬆餅，都想下次買嚟試吓☺️☺️環境：N/A 食物：⭐️⭐️⭐️服務：⭐️⭐️⭐️⭐️性價比：⭐️⭐️⭐️⭐️回頭度：⭐️⭐️⭐️⭐️