和田便當

营业中

休息中

一行到美食區，香氣已經四溢，排隊人龍前面嘅和風便當，嘆過落肚現撈嘅感覺！我今次揀咗日式便當嚟一啖喇，份量好夠嗲，精緻得滯。隨便一款都有得送杯抹茶，飲落去暖笠笠好消暑。話咁快就講下我把口福嚟。🍱先講下日本漢堡扒，煎得啱啱好，肉汁收曬入口，呢個juicy度真係正！佢嘅配菜多到嚟，玉子燒滑嘟嘟，蜜糖豆吱唧脆，簡直係一場味覺嘅樂園，層次分明，全副武裝起嚟對抗任何餓鬼上身，幾好食㗎嘞！叉燒飯，豚肉焗哂層糖漬汁液，陣陣焦香打咗個頭香，呢個肉質腍滑，唔膩口，飯粒吸滿咗肉汁，食落去，咁軟滑，咁香甜，真係食咗都要讚好！椒絲配彩椒爽口，蘑菇豬肉捲又多汁，味道協調得好靚仔。飽餐一頓下嚟，仲想話你知，便當盒真係裝得滿滿登登，好過瘾☺️。每款配菜都有自己嘅特色，啖啖肉嘅滿足感，夾埋呢啲新鮮靚野，實在係一個大餐！入口即化，笑容滿分，真心推介！👌👌👌

返學有時冇咩時間食lunch 但係又唔想食唔飽或者整係食啲凍嘅野竟然俾我搵到呢個日式便當販賣機😍好方便 可以用八達通付款 款式有4-5款 當中包括一款素食🥬便當亦保存得好好 唔會散開倒瀉仲要暖暖哋嘅♨️▶️山賊雞拼安格斯牛丼 ($44)好豐富 有兩款肉便當size大 算好多飯 肉都好足雞扒三大件 洋蔥牛肉正常份量唯一係少菜 得一粒西蘭花同車厘茄🥦一打開已經好香 似模似樣 有啲sukiya feel🐔雞扒連皮 上面有黑椒同照燒醬 味道夠 肉質亦幾滑嫩 有雞味 證明新鮮材料製作🐂不過洋蔥牛肉就比較麻麻哋 牛肉遍乾同埋冇味 肉就半肥瘦 (好過吉野家啲全肥肉)洋蔥就炒得幾香 食落脆口🧅🍚白飯質感比相像中好 雖然唔係珍珠米但係佢唔會硬或者乾食落比較黏 個人覺得有少少似食緊糯米飯/糯米雞啲飯咁口感好得意 配上少少洋蔥牛肉汁同雞油幾好食另一樣好就係佢成個便當唔會好油或者好多醬汁 所以啲白飯唔會濕晒👍🏻唔洗帶飯又可以起短時間內食到咁樣質素嘅飯其實真係好幸福😌簡直係打工仔／學生欣物仲要佢啲便當全部都唔貴平均$50已經食到又平又高質又大份😋真係好正！相信日後會不斷幫襯佢

🍴和田便當- 數碼港企理外賣便當在數碼港工作，可說是美食荒漠，能選擇的餐廳並不多，加上疫情下，減少了外出用餐，幸好園區內引入了便當販賣機，好讓在這裡工作的上班一族多一個選擇。每到中午時分，都有不少打工仔選擇利用自動販賣機購買飯盒。自動販賣機操作容易，只需要在輕觸屏上選好想點的飯盒，然後利用八達通或電子錢幣付款，因為快捷方便，所以吸引了不少午膳時間緊迫的打工一族光顧。📍柚子照燒雞拼牛格斯牛丼 $52 （價格包飲品）飯盒包裝外觀舒服簡潔，和風感重。最值得一讚的是附送的筷子包裝內，更有一枝牙籤。飯盒乾淨企理，飯餸比例得宜，更有小量新鮮觀菜。燒雞排有陣陣柚子香，雞肉保持肉汁。肥牛則比較乾身，要添加燒汁拌拌吃，但以這個價格及了解到是預先製作的便當🍱，有這個水準而十分難得。而且價格包罐裝UCC咖啡，感到更划算。👅 味道：4/5💰CP值：4.8/5🕴🏻服務：5/5🔰餐廳環境：5/5👀回頭率：4.5/5🍽 餐廳：和田便當🌐地址: 數碼港道100號數碼港商場4樓402號舖。

今日專登走和田購買個招牌鰻魚飯便當。用八達通購買便當。個飯盒加杯奶茶都係$66。購買時間每日12時正至下午1時半。逢星期一至星期五。用自動售買機購買。個飯盒温度適中。個飯盒買完走去food court坐位食便當。個便當賣相好正。鰻魚肉好新鮮。加埋醬汁就有日本風。個飯用日本米。食得出同泰國米有唔同。個蛋造到好美觀。食落好彈牙。杯自家製奶茶好滑好飲。下次要試下自家製中湯。筷子包裝有牙籤

Eiyoka生姜燒豚肉🐷🍱 ($56)一打開個飯盒就聞到陣陣嘅姜味，豚肉嘅份量好多，肥瘦相間，加埋洋蔥🧅一齊煮好有日本風味🎏。便當用咗我最鐘意食嘅日本珍珠米🍚，姜汁醬撈飯好好食😋。飯盒嘅size其實唔細！！男仔都會夠食。食便當我最鐘意食入面嘅配菜，有玉子🐣，獅子狗，烤蕃薯🍠，同唔同嘅前菜，前菜係意想不到嘅高質💕，每樣野都係用心製作嘅。柚子西京燒石班🐟🍱 ($66)好少係街食飯會食到石班，而唔係龍脷柳🐟。依個價錢食到咁大舊石班都幾抵！石班拎到返屋企都唔會惺，魚肉幾嫩滑，上面有柚子醬🍊同啲彩椒，同珍珠米一齊食又係好好食🍚。而且飯盒嘅設計好好，好保溫，配菜同飯又會分隔開。👍🏻👍🏻🎏 每日會有唔同款式嘅便當 可以online落單🎏 價錢合理🎏 食材高質 使用日本米🍚

係港碼港食Lunch唔容易,第一,人少!第二,好貴!唔食就餓親,食親抌心!見到有間外賣便當🍱自動售賣機!裝修簡單!便當🍱價錢唔算好貴,$5x~$6x一盒連飲品,每日唔同餐揀,還算乾淨...想快,又平平地就可以考慮下!釜山微辣雞扒$52話微辣,但我覺得都幾辣下,不過辣得好過癮,而且食材好豐富,連配料都好好食 慢煮鴨胸配日本山賊燒醬汁$58個鴨胸好煙韌,再加埋個燒醬汁,非常之好食，完全唔覺得食緊便當,拍得住餐廳嘅水準!拎番到屋企都keep到味道同有少少微熱!真係唔錯既選擇

數碼港嘢食選擇唔多，一係貴，揀野食r哂頭。呢到有間衛生署發牌既外賣便當自動販賣機。便當睇落唔太頹，$50-$66不等，送飲品。想慳時間，上網買定，去到掃QR code又得，即場買完過隔離foodcourt坐低食都得。.🔸蒲燒鰻魚($66)分數: (6.9/10)話哂唔係即叫即整，我期望都唔會太高。個鰻魚飯味道ok，岩岩好，飯都唔會太濕。.🔸三文魚野菌扁意粉($66)分數: (6.5/10)上面啲餸可以既，但唔夠汁，啲意粉偏乾，味道有啲淡。

對於一個打工仔來說，一個美味的飯盒，絕對是可拯救一個已失去靈魂的職員🤣🤣🤣來捱騾下半場的工作🙈🙈和田便當，還要是全自動機器化售賣，快捷又方便，對於分秒必爭的同事來說，就可多了點時間，不用打開頭顱倒下去🙈🙈蒲燒鰻魚飯定食~沒想過鰻魚也這麼大塊，還有配料也超多，玉子，番薯，獅子狗也有，而飯粒也分明，飯盒來說，真的超班👍👍👍三文魚野菌扁意粉~白汁的濃度剛好，份量也足，三文魚也不少，還有甘筍及西蘭花，營養都挺好🤣🤣而套餐配的飲品還很不錯，檸檬蜂蜜及蘋果汁，還可加6蚊選原支烏龍茶👍👍

呢排因為有個活動要去數碼港，所以就嚟咗呢度，不過搭車過嚟已經見到附近好似真係完全冇咩餐廳可以食，所以初頭都驚冇啖好食。不過我問咗喺度做嘢嘅人，佢哋話呢度個food court有間便當係幾高質，只係50零$60 ，於是我就決定去試吓啦。原來佢係每日都有唔同嘅餐單俾人揀，我就托熟路嘅朋友幫我預先訂咗個餐，我叫咗一個墨汁意粉，朋友就個蒜香雞扒飯，成間野感覺都好乾淨棋你，印象都幾好，幾高科技感覺，店員嘅服務態度都好好，最驚喜係佢哋嘅飲品好高質，好多選擇，好多香港平時都冇得買嘅汽水飲。我個墨汁意粉一打開都真係幾驚喜，因為好多時啲便當嘅意粉都可能會有啲伏，但係呢個一眼睇落已經覺得好高質，食落真係唔使講，啲物質好香好濃，意粉嘅質感都意外地保持得好好，唔會林晒，仍然有彈牙嘅口感，更加驚喜嘅係佢嘅墨魚，佢啲墨魚好彈牙，勁有咬口，感覺到有好高嘅脂肪濃度，總之就勁好味，好味過好多餐廳嘅墨魚圈！呢個餐再加個波子汽水真係一流，好耐冇飲過波子汽水，估唔到會喺數碼港都有得飲！朋友食嗰個雞扒飯佢都一路食一路讚不絕口，話估唔到咁高質！我都聞到佢個飯啲雞都好香，下次都想試吓！

間中會去數碼港見客，數碼港間和田便當開左都幾個月，但一直未有機會試，今日終於有機會試啦間店幾好，感覺乾淨high tech, 肺炎期間呢啲特別重要～因為最怕感覺唔乾淨既餐廳！我揀左個麻婆豆腐飯～睇落都靚靚仔仔，買完拎上client office食～仲有杯日本既汽水，真係幾有日本feel味道適中,唔會太咸,但係我覺得可以辛辣多dd，豆腐都滑，好有豆味,肉碎唔會太小，汁可以輕微厚多身多小小，比較好上飯～漬物味道都幾好，如果再多dd就好～有驚喜既便當！

喺數碼港返工附近餐廳選擇唔多加上疫症爆發以嚟都減少咗出外用餐外賣便當絕對係唔錯嘅選擇🍱有唔少同事都推介過呢間以自助販賣機形式購買嘅日式便當外賣店平時如果1:30pm後walk in好多時d便當已經沽清所以都建議whatsapp或網上預訂咗先每日下晝2點開始就可以預訂定翌日嘅便當直至取餐當日早上10:30am就截單錯過咗就要walk in碰碰運氣喇😉餐盒包裝精美紙套設計附帶手挽 省卻使用外賣膠袋而且餐盒亦選用環保紙物料減少對環境嘅破壞 值得一讚👍🏻今次試咗三文魚便當餐盒賣相十分討好食落三文魚口感嫩滑 非常好味日本米軟硬適中配菜亦同樣好食重點係食物冇乜味精絕對好味又健康，值得推介👍🏻期待下次再試下其他便當😋

武肺呢排好少同同事出街食lunch其實買飯盒返唻喺各自張枱食都一樣可以一路食一路傾日式便當 企企理理嘅樣嘢飲我地揀咗鮮奶抹茶同熱朱古力打開都好吸引冇平時茶餐廳外賣嗰種油膩感覺雖然都係炒牛肉同麻婆豆腐呢啲常見飯餐但係係清新啲嘅而且每個飯盒都會襯玉子獅子狗同一啲顏色鮮艷嘅蔬菜 好整齊咁放埋一邊一啲都唔頹我本身嗌炒牛肉但係筆走咗同事幾羹麻婆豆腐我平時好怕中式整麻婆豆腐啲打到好黏好杰嘅豆粉水唔知係咪日式嘅關係 完全冇呢個問題醬汁口感好好亦好香 豆腐好嫩我嗌炒牛肉係因為好耐冇食嗰間牛肉飯喇呢間做法當然唔一樣加咗彩椒去炒肉質就收咗啲汁 乾身但比較香 都好唔錯架

今日有個馬拉松式Con. Call... 好在同事一早問我食唔食Lunch仲幫我買埋，我只需要話佢知想食豬/牛/齋 就可以！開會差不多到1點半先有個Break，好心同事已經幫我買好飯，仲幫我叫埋杯Latte，好鬼窩心！我唔太好牛... 今日開會要多d energy 所以都唔吃齋了；豬please!!呢個係豚肉燉薯仔便當賣相都Ok啦，係韓式豬肉片果款豬腩肉片，雖然有d肥肉，但食落口都好林同唔鞋！以為無汁會無乜味道，原來係有味飯哩！同事就叫左牛丼，望落去有d鞋口感覺... 不過同事話無，仲話幾好味添！六十零蚊有個飯同野飲，都算係咁啦！

近排不停食飯盒，真係食到好悶，如果食飯盒都可以色香味俱全就好啦今次食呢個日式飯盒真係幾唔錯，眾多款式下我揀左個漢堡扒便當，初時對去漢堡扒無乜好大期望，估計都係唔太厚的那種，無諗過便當飯盒既漢堡扒可以咁好食打開飯盒真係有啲驚喜，如果將所有野放返入一個靚碟就係好唔錯既日式定食前菜用紙盤好好放著，唔會同飯及其他菜痴埋，配菜有三色椒，感覺幾健康食哂配菜食塊漢堡扒，好厚，好juicy, 一啲都唔乾，size 有半隻手掌✋咁大，又勁厚，差唔多2cm咁厚，真係可以一啖扒一啖飯至於個飯，係珍珠米，軟硬度非常適中，就算剩返白飯食都好ok整體來講，呢個便當🍱認真好食

這一家店是社企，專門讓一些低技術的人士發揮所長，我在這裏點了一客午飯，$56，不貴。他這裏有三款午餐供選擇，我點了的是和風牛肉飯，配上抹茶鮮奶。和風牛肉飯配上牛肉汁，感覺與一般連鎖店的質素沒有大分別。作為一間社企，已是很不錯。抹茶鮮奶，需要補上$8，但我認為是物超所值。這一間店舖，同時也售賣着不同款式的健康食物，供人選擇。有時如果並不是很趕時間的話，也不妨可以在這裏堂食，與店員聊聊天，也是不錯的體驗。