和藏桂林夜市 (已結業)

傳統小食買少見少，呢間桂林夜市炸大腸外脆內軟,避風塘豆腐將執野味裏面滑脫脫,避風塘魷魚,真係好食到不得了,咁用心做嘅小店真係已經好少有啦！佢嘅滷水好食過隔離果檔呀x姐！大家得一定要試下！正！

兩個幾星期前來到呢間和藏桂林夜市，聽講呢間牛雜同魷魚非常出名，於是就來嘗試一下。到店時由於是下午時間，人也算多，店面玻璃柜裏拜訪一件件新鮮的海鮮冷盤，真係似假的一樣！（但之後嘗試會發現遠超想象預期）本身想著尋常掃街程序，買，食，行，點知老闆一詢問店鋪的美食，老闆便十分熱情親切地向我介紹她的店內“寶物”。在她推薦下我先嘗試了櫥窗裏的凍食細寶套餐（墨魚+火雞腎+生腸）。老實說一開始都有點怕呢d大大隻墨魚，驚話好韌，點知這款小食中的墨魚是我覺得最驚艷的！一咬下去整件事非常涼爽，墨魚的彈牙馬混合著黃芥末醬汁的甜首先刺激口感和味蕾，咬下去海鮮的鮮甜味充滿成個口腔，真的，十分，好食啊！彈牙但不會咬不斷，可以食出食材非常新鮮，人生中最佳的凍食墨魚都不為過。食完之後又食了金牌牛雜（$35）同鮮榨雪梨茶（$18）。一碗細牛雜的分量都很大，每碗有四款牛雜以及蘿蔔，牛雜包括牛肚，牛蒡，牛肺同牛腸。牛肚煮得很軟但不爛（食牛肚真的最怕咬不斷一堆渣），還保留口感，牛肚獨有的香味十分濃郁；牛腸裡面還留有些許肥膏，牛味比牛肚還重，口感又脆又軟，不會有腥味；牛肺口感軟Q，香味濃郁，喜歡吃內臟的人士不能錯過；而最推薦的就

以往不時經過這小食店，相信很多人跟我一樣有個疑問:「為什麼叫桂林夜晚呢?與台灣有關嗎？」今日第一次光顧這間我一直誤以為只是很普通的小小小食店，除了證明非一般食物質素，也解開了這個疑團原來是家族式小店以往在深水埗的桂林街擺檔，特別是在新年期間的「夜市」吸引了大批饕客，相當熱鬧（就如近幾年新春期間在旺角朗豪坊正門外的走鬼檔，相信香港人會明白是甚麼），所以在旺角開店時便取此名字。位於黃金地般當然人客不絕，姨姨們儘管汗流浹背，忙得不可開交，仍然很有禮貌地招呼客人，臉帶親切笑容，讚首先映入眼簾的是一磚磚金黃色的炸豆腐，我抗拒不了可愛的方塊，馬上點了一件 $9 可自行撒上辣椒粉、准鹽和豆瓣醬，豆腐炸得外脆內軟，裡面仍然滑嘟嘟，零油膩感，好吃新鮮出爐的魷魚絲同樣香口惹味，那些辣椒只是裝飾，別給唬嚇到吃過炸物最好喝杯鮮榨雪梨汁潤喉，生津止渴，冰涼清甜。當然少不了我的最愛牛雜老闆娘說她們的秘製牛雜汁才是精髓，呷一口湯，嚐到有蘿蔔的清甜、濃郁的牛骨味，還滲出陣陣香料如八角、草果、桂皮的香氣，邊煮邊撇油所以完全沒有油膩感，真可以當上湯喝呢偶爾以掃街做正餐也不失為一件樂事，今日找到我最喜愛的旺角小食店，推薦

去完觀音廟就想醫下肚再去行街啦接近「廣華醫院」同登打士街的附近都有很多大大小小不同的街頭小食 👀其實每次都心大心細唔知揀咩好🤨.係呢個情況下，經過呢間小店，預著呢樣小食新鮮出爐咁就試試佢!👉🏻避風塘魷魚鬚 $25好開心因爲剛剛新鮮炸起🤤未買都已經聞到陣味!！魷魚鬚外層炸得香脆,最好的是炸漿唔厚粉入口唔油膩!至於魷魚鬚夠煙靭有咬勁唔算要好用力先咬得開!姐姐好ѕweeт咁問食唔食得辣！食得就加d辣粉仲正👍🏻咁就加左d辣粉na.......真係超級好食！好香口！其實似大排檔既椒鹽鮮魷咁👅又夠鑊氣wor!非常喜歡呀！！！姐姐的服務態度非常好!所以食得特別開心💙

本身想食登打士街一間好出名既滷味小店，但係見到實在太多人排隊，目光就轉投左去隔離另一間都有滷味賣既小食店 - 桂林夜市。兩個人一齊叫左個滷味三寶餐($26)- 細生腸、雞腎、墨魚。 職員姐姐未有問過我地要唔要辣就落左好多芥苿醬，好可惜我地兩個都唔太食得辣，食落去覺得個芥苿醬太勁有啲遮左滷味既味道，而生腸同墨魚都太”銀”，唔夠鬆軟，有啲失望而隔離既滷味店價錢都一樣同一樣食品，如果可以再揀都會揀返食隔離。不過食完睇返食評先發現滷味食品唔係佢地既主打，或者下次都可以去試下佢地既魷魚絲同避風堂豆腐。

Best hk street food in the area!! Deep fry tofu was so amazing! Also curry fish ball is a must try! Lady helping at the front was also extremely friendly. Unlike any other owner in the area. Must visit when you are in the area!

平時去開旺角掃街，想食滷味嘅語就一定會搵肥姐，不過每次都會見到大排長龍，懶人表示有時又唔係咁想排隊，特別係趕住去睇戲嘅時候，就更加難搞～無意之中畀我發現咗呢間滷味店，招牌都幾搶眼，但係就無乜人幫襯，就抱住試伏嘅心態，買咗一個滷味拼盤嚟試下。拼盤同樣有大生腸、火雞腎同埋墨魚，食落都好爽口，無乜異味，而我就特別鍾意大生腸！值得一提嘅係，佢嘅麻油同蠔油都好香，老闆娘就話係因為用咗李錦記，果然係一分錢一分貨～唔想大排長龍嘅朋友，不妨試試佢！

平日喜歡和朋友到油麻地旺角掃街，這次光顧了一家新開的小食店。。。有時經過也會被裏面的魷魚絲所吸引，感覺很需要技巧的。。。印象中店員首先燒香魷魚，然後把魷魚放進一部魷魚絲機把魷魚拉得長長的，一塊的魷魚比原來的長 4- 5倍左右。。。。平日吃開的魷魚絲是包裝小吃，即製的也是第一次感覺鮮味比較特出。。。店員最後灑上的調味令功夫魷魚絲更惹味避風塘炒蟹吃得多，避風塘豆腐也是頭一次香脆可口，內脆外軟。。。。十分特別！最愛它的醬汁，又酸酸辣辣又甜甜的，炸粉又不會太厚。。外面的酸辣炸皮蓋過裏面淡淡的豆腐，兩者變得很夾魷魚鬚外酥內嫩，新鮮即制。 所以仍是熱辣辣的

Boyfriend and I were walking around Mong Kok waiting for friends so we could have dinner together. We walked by the  stretch of stalls that sell all sorts of street food when we noticed this one called 和藏桂林夜市. There is no English name but it's a small stand with a number of deep fried items to snack on.Menu and items are all labelled in Chinese but you can basically point to what you want as everything is displayed in front of you.Boyfriend ordered salt and pepper deep fried squid tenticles ($25

係旺角食完晚餐，行咗陣之後想揾啲宵夜黎食下，唔覺意就黎到呢度！佢係一間小食店黎，即叫即燒，好香架！偃都有幾多野可以簡，價錢係晒到，唔洗怕要開口逐樣問！右下個塊好正，叫完佢會拎去燒、仲用火槍烘一烘再加調味。作為零食一定超開心！今次我地叫左呢個：每串10蚊，計埋就$30，有個碟比你，不過因為係街舖，要企係度食架～有碟方便好多，唔怕漏！首先試火雞腎，同雞腎有咩分別呢？佢比較大塊、不過就無咁爽口，不過勝在夠特別之後就食生腸，生腸其實係豬嘅輸卵管，口感同豬大腸有啲啲啲近似至於魷魚就夠厚肉 食得好滿足呢～9點幾10點，人流唔多，經過可以一試

天時暑熱，都無礙我一心覓食既好心情行到去肥姐到，發現雞蛋仔轉左新鋪頭個名睇落有少少台灣夜市FEEL貪新鮮既我，就過左檔幫襯佢有見魷魚鬚岩岩出爐，就試左避風塘魷魚鬚粉漿真心薄，加脆再加上趁熱食，真係無限加分避風塘口味，食落會覺得幾香但同時仲食得出魷魚鬚幾彈牙，貨色唔錯呢到既打主係功夫魷魚絲可以睇到一塊手掌咁大既魷魚乾，變身成手臂咁長既魷魚絲，既轉變過程原來係由機器同人手不斷壓軸而成最後再烘多一次煙UN又有烘香既功夫魷魚絲，就製成拉係等侯既過程中，老板娘仲不時向我推薦避風塘豆腐見人地食得咁滋味，就唔差在試多樣避風塘豆腐切成三角型，又係炸到外層好香口既尢物要落椒鹽、秘製辣椒汁、辣椒醬本身避風塘口味已經好香，加上椒鹽特別既咸香，味道已經提昇左好多不過重口味既人大有人在，加多少少辣，又真係好似幾過癮

偶然行過試過，發現掃街都要識揀，嚟和藏食經典香港街頭小食，甚至一d好耐無見嘅小食，呢度都有，仲係堅好味！呢度朝7晚1，老闆娘s真勤力！朝早可以嚟個簡單腸粉+魚蛋早餐；晏d就梗係揀避風塘豆腐、魷魚絲等招牌小食，連我嘅外國朋友食過都👍🏻👍🏻功夫魷魚絲$38原來有部專用機將魷魚碌下碌下變絲，幾得意！碌之前會烘一烘、碌之後會用火槍燒一燒，喜辣可要求加多點辣粉，唔....完成嘅新鮮魷魚絲香噴噴，辣辣地，超惹味！避風塘豆腐$12/2件呢個係必食！避風塘汁自家製，原來呢個汁同豆腐咁夾，實在味力沒法擋，嚟親都超碼食2、3件！避風塘魷魚鬚$25有朋友食過，話正斗！皆因呢味魷魚鬚係兒時酒樓必食、但酒樓果d嘅粉漿好厚；呢度啱啱相反，只一層薄薄嘅蛋漿，加上秘製汁，成條魷魚鬚就剛好，惹味！

d蠔肉夠多，餅夠脆，下次經過會再食！重點5貴！服務態度超一流，特別係個姐姐，人情味好重，真係買少見小😂😂😂不過其他未試，下次一定會再幫襯，望落似新開，路過可以試下，起碼5洗排隊

旺角行完街，經過見到新開呢間鋪頭，啲嘢食好吸引，中晒我嘅口味，所以佢去望下。見到有我最鍾意食嘅魷魚絲，名叫「功夫魷魚絲」，個阿姐好落力咁喺度碌吓碌下部機，睇得出佢好落力，仲要好投入，一邊碌一邊嗌哂口號，佢對工作嘅熱誠，超級值得一讚！！ 條魷魚絲慢慢嘅變咗好長，好彈牙，真係好神奇！！ 香港已經好少見到呢啲用咁傳統嘅方法製造街邊美食。 之後仲會落少少秘製醬汁，好好味！！ 係食緊嘅時候仲有個外國人路過，特登錄低呢段製造已經買少見少香港傳統美食嘅過程。避風塘豆腐都好正！！外脆內軟，加埋啲酸辣汁絕配！！魚蛋都好彈牙，配埋醬汁，好惹味！！另外，我鍾意嘅魷魚穌，好香口！！呢次掃街感覺好滿足，啱晒我口味，會再encore！！

今天的掃街Mode開動。下午時分來到人來人往的旺角街頭，經過和藏桂林夜市，便被他們的魷魚香味吸引到，又看到非常落力推銷的店員，於是便停下來試試。姐姐們一來便推介她們的鎮店之寶: 香港特色功夫魷魚絲。我點了原味來試試後，便見到姐姐用上真功夫，先將塊大大的魷魚放在燒烤網內燒了一會，再放到特制機器上碌碌碌咁，2, 3下手勢就有熱辣辣的功夫魷魚絲食啦。口感煙煙韌韌的，而且醬汁味香濃，令人一口接一口的吃著，而且份量也算多。另外還有辣味可供選擇。避風塘魷魚鬚呢，我剛好碰上新鮮出爐的好時機，只見姐姐把魷魚放到袋內再灑下不同的調味料。食落去ge時候，香香脆脆又夠味，這個避風塘式魷魚真的非常好吃！也在姐姐們熱情的介紹下，再試試吃避風塘豆腐，這個豆腐真的不得了，熱辣辣，而且皮薄豆腐滑，再配上避風塘式配料和酸酸辣辣的醬汁，很惹味又開胃，食完一舊好快又想食第二舊呀！10個推介呀！加上這裡工作的人給我的感覺是就算忙，但個個都面帶笑容，而且都帶著熱情來和客人溝通。令顧客可以享受到他們的美食和心機，有種分享快樂的純粹，是一間買著特色又充滿人情味的小食店。各位得閒經過gei話，不妨試試，真心推介！