和 Can (已結業)

和can最抵讚應該係個早餐 平平哋廿零蚊有個餐蛋麵 正常茶餐廳嘅餐都卅蚊不過午市晚市作為學生餐廳真係略嫌太貴囉仲有就係燒味嘅部份 質素上實在太參差 有時食到隻靚雞髀真係偷笑 平時呢啲叉燒乾爭爭油雞剩係得骨 嗌白飯都冇咁嬲值得一提嘅係佢嘅冷氣仲勁過殮房

周末到中大閒遊觀賞景色及生態環境，午飯到附近的餐廳用膳，原來沒有太大胃口，看到有燒春雞意粉，就點了一份兩人share，初時以為只是有一些雞肉，怎知是原隻上，還要是大大隻，好吸引，雞肉鮮嫩入味, 好好味啊，胃口立即口來了

每間大學都總有佢嘅特色餐廳或者食物，黎到中文大學真係不得不推介和聲餐廳，首先和聲餐廳環境都幾好，除咗好闊落寬敞之外仲好光猛，坐近窗邊位仲可以見到遠境，食住野睇住風景感覺都真係唔錯。講返食物先，呢間餐廳最出名嘅都莫過於德國豬手，出名在於平，而質素亦都唔差，性價比頗高，啱一大班同學仔落堂之後嚟呢度食嘢。當然你既期望都唔好咁高，但係以咁既價錢來講，過吓口癮都唔錯。另外叫咗炸薯角同Pizza食，冇乜特別，正正常常，唔特別推介，但都唔中伏嘅。

朋友話想欣賞今年中大嘅櫻花，同天人合一。晨早就去做中大啦，影完相梗係嘆番個醒神嘅早餐啦。叫了個煙三文魚奄列配法式牛角包$35，另外加四蚊轉配熱豆漿奄列內裡真係有鮮三文魚同埋車厘茄，含omega-3同埋高嘅蛋白質，並唔係罐頭三文魚，三文魚 沒有腥臭味，配上雞蛋一齊食，唔同層次口感，個法式牛角包唔太油，小麥味重一點，還好就是會焗翻熱，帶一點脆口。杯熱豆漿，糖分適中，唔會話太甜。本人怕太甜嘅豆漿。價錢都幾大眾化。位於和聲書院裡嘅canteen，坐位都幾多下。好在我哋去係星期六。閒日應該都幾多學生嘅，食完最好就快啲走，費事阻住大學生用膳。

今時今日$22個下午茶先去邊度搵呢？答案係：中大canteen就有喇！今日你中大做野，去附近canteen食個下午茶，講真，中大每一間餐廳都係靚景，因為佢本身就依山而建。$22 呢個下午茶餐，如果我冇記錯，應該就係我中學年代嘅價錢。嗰幾條波浪薯條，真係好有中學時候快餐店嘅味道。講真個雞髀炸到啲皮薄晒，仲脆到好似薯片咁，但係裏面竟然最鬆軟嘅順帶一提，連茄汁都好中學$22，今時今日買一個麵包已經冇咗。返歸而家咁多旅行團黎啦

首先不得不說，菜單已經沒什麼選擇，燒味完全售罄，一些在購票到吃完仍然在製作中的食物仍然是欠奉欠奉。可以選擇的，已經十分有限。我太太逼於無奈選了個燒汁吉列魚柳飯，我選了燒雞肶西炒飯。首先，收銀的一點禮貌都沒有，給我收據時是身體對著我、臉卻是背著我、在向後面的人說話，手把收據遞出... 我十分錯愕，只能夠無可奈何接過。取食物的地方，5、6每員工在聊天，錯給我豬扒飯，我說好像錯了啊～ 再給我弄好另一個對的。好了，坐好風景位，享受美景美食，炒飯嗎？凍的；雞腿，微溫；配菜，冷冰冰。我太太的，飯也是沒溫度的，魚柳和腸仔也是，燒汁，微溫。我敢說，和大家樂相比，大家樂肯定是人間美食。這家中大飯堂，我敢說是全中大最差的。有負分，我想給負數。可惜，制度上不可以。作為校友，真心請大學管理委員會，要踢走這家承辦商。簡直沒法入口。品質、服務... 九流水平。

之前新年暫停供應，今日下午5點半到就有豬手餐啦。豬手即叫即做，非常香脆，肉質鮮嫩，二人餐還包含兩個蔬菜沙律，脆薯格，4條德國腸仔及兩杯飲杯，絕對不比外面的德國餐廳差。

大學canteen食飯通常唔會特別好食。燒味一向係最有保證嘅選擇，因為唔會難食得去邊。今日落和can食咗切雞米粉，估唔到又幾好味！燒味師傅俾咗雞脾我，肉質好嫩滑，有雞味！唔知係咪因為特登請師傅加左蔥油，特別好味。米粉嘅量好多，唔會太淋又唔會太硬，連埋鹹味適中嘅湯底就最好！另加左一杯好立克，味道都唔錯，飲得出係加左好多花奶，幾香滑！估唔到需要好忙無時間出去食，但係喺學校食飯但係都食到令人滿意嘅食物。

唔講係咪以為小編去咗啲高級西餐廳呢？其實呢到係學生canteen尼架！學生負擔得起嘅價錢但係有西餐廳咁嘅質素，意大利飯入口有好香嘅黑松露味，絕對唔係得個名。雖然裏面嘅海鮮剩係得蝦同埋蜆肉，但都已經算係咁上下。雖然側邊嗰三舊南瓜絕對係破壞美感，但係撈埋落個飯到一齊食又有別一番風味。另外佢仲有個西餐湯附送，不過餐湯入口浸味道有少少似黑椒牛仔骨醬加水再加洋蔥嘅味道。個洋蔥烹得真係超級淋。另外不得不提一杯看似普通嘅熱華田，佢哋呢度嘅華田絕對唔使落糖，因為本身係廚房整嗰陣已經落咗煉奶，所以味道好香亦都夠甜，而家仲肯落煉奶嘅地方真係超級少囉！

不知不覺小妖已長大，入了大學之路人也變得成熟起來。今天被邀前往她的宿舍參觀，體驗一下大學生日常生活。校園佔了整個山頭，要走路的話多少都要一小時。環境非常清優，好羨慕噢！真有點後悔為何從前不努力讀書呢！走了半天有點疲累，係時候搵食了。為了更加深入了解小妖的校園生活，去了她常去的飯堂食晚餐。好大好乾凈的環境。食物價格比一般的快餐店還要平喔！我點了豆鼓排骨㷛仔飯。即叫即製熱烘烘。煲蓋打開陣陣飯焦香氣，排骨份量頗多，肉質軟腍調味恰到好處。豆鼓不會太鹹增加了香味。隨餐附送菜和例湯。例湯味精太重，喝後有點口乾。環境，價錢和食物質素算是不錯，難怪假日都不少人前來幫襯。