咖啡綠茶 (已結業)

之前間唔時都有係呢間cafe 食野不過如果真係肚餓的話 就唔建議係度食野啦呢間cafe 真係俾大家傾計聚舊人手真係唔多 所以要等好耐加上應該請左一d 唔係健全嘅staff 俾佢地可以自力更生呢一點 係更加值得大家去體諒因為相對學野 溝通 都需要更多時間環境比之前唔同左 多左好多韓星既相顏色都變左用粉紅色為主不過仍然有自閉位，仲加左度簾如果想hea 下時間都係唔錯既設有最低消費 正價食品/飲品（小食唔計）叫左心太軟 佢幫我配左芒果雪葩 仲有啲蘋果伴碟無朱古力流出黎不過個面都夠脆我就略嫌太甜 同埋都係鍾意配雪糕多啲(大概等左半個鐘先有）叫左個牛蒡茶味道幾濃 可以叫店員再fill 熱水叫左個炸薯角好脆，好夠熱，even 放耐左，都仲脆不過就好咸😂不過不失嘅cafe

處於旺角鬧市中 竟然有一個寧靜既世外桃園👍🏻最初知道呢間鋪係因為朋友經常陪女朋友黎食 慢慢咁樣就開始發現呢間鋪唔貴得黎又幾好味 而最可惜既係上菜比較慢..但如果係三五成群上黎傾計 上菜慢都變左唔係啲咩缺點😂當然呢間鋪都岩自己一個人黎食 空間大 而且唔會趕人走 係忙碌既生活中 可以到呢間餐廳到坐底停一停 享受美味😋呢次係我第二次黎食 今次試拉麵🍜湯底好濃 配料意想不到既好味 但啲麵吸湯吸得比較快 食完會有少少膩😥

黎過好多次，水準都係中上，包括比得包、五品料理、意粉、拉麵。比得包味道夾得好好，唔會太多汁，但個包再炸少少會口感更豐富。五品料理中，不同餸口感同味道都唔同，所以食極都唔會好厭，份量適中，食得出主要都以食物原汁原味為主，所以感覺健康。食過一個叫菠菜煙三文魚意粉，好清新，唔會好濟，意粉彈牙亦唔會比太多汁蓋左原味。同樣感覺好健康又唔會太淡而無味，食落好舒服。拉麵份量好多，牛乳同鹽味拉麵都有試過，感覺唔會太多味精。.野飲都係支持鮮奶焙茶 。好滑，唔會太甜，熱度適中。每次水準都一樣好。將來會試下其他飲品。.最欣賞依到既環境、裝飾好舒適優美 ，仲有小貓咪可以遠觀，唔會周圍行影響人。設計唔會太女性。以前清清地既靚，到依家多左好多韓星設計，起初覺得好奇怪，格格不入 。後來覺得都幾搞笑，令依個地方增添左青春既氣息。係上菜既速度可以再快少少就更好。.近排見佢多左個卡仔比顧客草印仔，夠相應印仔數目，再食就有半價或免費。本身價錢就晚餐價而言都唔算貴，所以都幾抵。.服務員，我見有請唔係講野好叻既人，係好好既機會比佢地試多d，令我更欣賞間餐廳。半自助形式時，食客可以自己出去加水加杯同紙巾。.總括而言，係一個好適合

平時我好少會去樓上cafe食野🏰但因為Cafe地方舒適又可以坐得耐所以決定係旺角搵間Cafe體驗下🍵室內設計全都同韓星有關所以吸引咗好多追星少女到訪影相📸但我就主要睇下餐廳嘅食物質素如何🤔五品料理 $89 五穀飯🍚熱食(兩款)1. 阿多波燉煮五花腩🥩3. 香炸南乳雞塊🍗1. 煮得啲腩肉幾淋 幾入味脂肪位都唔過多 因為多女仔嚟食啦所以比例都幾好2. 南乳加雞經過油炸相當好食南乳本身帶咸 味道較濃郁 帶出雞肉鮮味 口感豐富 層次感亦多味道相當夾 冷盤(三款)1. 煙三文魚薯仔沙律🥗薯仔沙律特別地方唔大反而我唔睇餐牌去食嘅話 我可能食唔出有煙三文魚2 北海道溫泉蛋🥚3. 蔬菜蛋批🥙味道一般 外身應該係用蛋包住各種蔬菜但感覺有些少硬身 影響到進食嘅口感外身硬內身軟 而且賣相都唔太好係環境方面絕對滿分地方設計又吸引 而且座位唔窄又可以坐得耐 反而食物一般般 賣相方面還可以再改善整體上成個餐每款都有各好各壞互相平衡我諗如果再想搵個地方舒舒服服同朋友食一餐飯樓上cafe係理想之選

環境︰旺角樓上cafe，位置超級方便，有免費任用同穩定的WIFI，每張枱旁邊都有插座 ，背景音樂係純音樂，餐廳裝潢以粉紅為主調，有D裝飾品同韓星相，環境清靜同氣氛溫馨，有男女洗手間各一格，洗手間都好乾淨同幾靚，洗手液廁紙齊備，環境超級好，stay成個晏就都得！服務︰有少少自助，係一種幾自在好舒適的感覺，例如可以自行斡水、走動，店員都好nice，有任何需求都樂意幫手。另外，有一個店員應該是輕度智障人士，但應接如常而且好有禮貌，其他台員都會好有耐心好nice咁支援佢，值得支持，只係人手有時有點不足食物︰食物一般，但飲品頗為出色。我地叫左一份lunch set 再加一杯野飲同一件蛋糕share。溫泉蛋燒汁五花腩丼 $45穩陣的配搭，可惜五花腩有點韌，但估唔到係紅米飯，加埋沙律菜，感覺即刻健康返！特濃朱古力蛋糕 原價$35，跟正價飲品$25蛋糕唔會太多，夾層的朱古力幾滑，敗筆係側面的朱古力過甜。熱焙茶朱古力 $42 (跟lunch set半價)朱古力加埋焙茶香呢個配搭無得輸，誘人的香味同外表，甘甜度亦剛剛好。而且聽講凍飲又係另一番風味xpp熱焦糖燉蛋咖啡 $42 賣相吸引，有淡淡的焦糖味，表層

中午上得樓上cafe,都係想靜靜地，唔洗同人逼坐低無耐，一群大媽居然識上嚟間cafe我本身已經坐係角落嘅枱，班大媽仲係到要坐正我旁邊張枱由佢地行入鋪開始，cafe 本身有嘅寧靜無晒班大媽仲要不停行出行入自己去落order,超煩我同職員反應左希望佢地靜少少之後，班大媽完全唔理其實傾計唔係問題，但大媽嗰種咆哮式傾計真係會比較影響到人本身環境係舒服，播舒情音樂，但環境點好，旁邊有枱大媽真係好難受應該唔會再嚟，反正佢地咁多大陸大媽客，應該唔會介意少左其他客

完左唱K，想搵一個地方同朋友坐低傾吓計，所以就上咗嚟呢間交通好方便嘅Cafe😊唱K嘅時候其實食咗k lunch嘅，但到咗晏晝三點幾，有啲肚餓，所以我哋帶咗兩樣野食，同埋各自一杯飲品。自家制漢堡都幾厚，咬落去唔事，生菜好爽脆，加埋熱左嘅麵包好正我記得之前飲過朱古力綠茶，今次就叫咗呢個牛奶綠茶。牛奶好細滑，綠茶味香濃，但係仲掛住之前嘅朱古力綠茶，好似好飲啲。最後食埋呢個甜品心太軟，心太軟唔錯，我愛唔會太甜嘅香爐朱古力味。不過雲呢拿雪糕就麻麻哋，另外都要讚下佢哋比客人嘅呢塊雲石花紋餐墊好靚呀，影食物嘅相非常之襯。

星期六出街真係好多人，但因為要同人開會傾野，所以我就黎左旺角。仲揾緊去邊度坐好時，朋友就推薦左咖啡綠茶呢到。一上到去，都無乜人。我係第一枱客。都幾好，環境好清靜，岩曬開會。餐廳裝潢一片粉紅，仲有好多kpop組合的相等，不過我真係唔認識，但餐廳俾人感覺cozy同舒服。我叫左個窩夫拼水果朱古力雪糕，再加多一杯熱花茶，玫瑰花茶。飲完再問多次refill，店員又好好人幫手，好開心。至於食物，味道正常，勝在環境清靜，又唔會話好多人，要俾人趕走，可以坐係到慢慢食，慢慢做。好慢活的感覺！

因為MINO杯套應援而黎，下午茶時段人小小，夠清靜，食得舒服。同之前上黎裝修有啲唔同左，多左啲打卡位同雲石花紋既枱墊，不過就係膠既，可能用耐左，張野有啲癡手，我個人黎講就不太接受到🙈今次點左3.7牛乳湯拉麵($72)，牛奶味好濃，但唔會覺得好漏，麵身夠爽滑，個溏心蛋都整得好好食😍不過塊叉燒我嫌煮得太老，食落有啲「鞋」，但整體黎講味道唔錯，次次食過返尋味，算係咖啡綠茶既必食菜式之一。至於野飲我就揀左熱鮮奶焙茶($42)，算係呢度既特色飲品之一，茶味濃厚，味道有小小苦，但鮮奶既香味中和左苦味，所以易入口左，有啲似咖啡但又唔係咖啡，都幾特別，黎親都係飲距。

今日行經旺角，見舖名幾得意，就試試！因人少少，環境都Ok...舒服既！食物、飲品都多款……！最後我決定叫炸雞泡菜韓式泡麵見有wifi 就上下網先……但等了又等……等了又再等客人已經唔多……但足足要30mins 先有得食終於知点解提供wifi 啦人少已經咁……人多都唔敢想

今次黎到旺角樓上cafe，位置方便，最啱同朋友一齊傾下偈😚😚，放鬆下炸雞軟骨 $38即叫即炸，炸皮好脆口，配上日本燒汁甜甜鹹鹹，可以自行加七味粉，辣辣地更加惹味白汁白松露煙肉意粉 $72每一啖都有濃濃嘅白松露味， 煙肉比得一啲都唔吝嗇👍🏻👍🏻👍🏻，推薦菠菜煙三文魚意粉 $72本身個意粉相比白松露意粉 味道偏淡，但配搭鹹鹹哋嘅煙三文魚， 配搭出色，加上煙三文魚卷得好靚，呃like一流

一般約開會揾地方都好難要$100咁上下 6-10人 任坐唔嬲 食埋個晚餐呢間一次過滿足幾個願望服務唔錯 可以訂枱時講定想要靜D嘅角落食物質素中上 有個有飯冷熱盤可以自己揀想食西餐 有意粉類飲花茶可添水喺正旺角正中間 約開會就到各人地點值得一試

今日係旺角遊走揾食時，突然諗起之前上過樓上舖食過，印象中都幾好食又舒服，又去食吓先😋😋雖然舖名無變，但一入鋪，無論装修、風格都轉晒🤨 已經坐低咗啦又試下先😚😚食物款式唔多，反而飲品款式幾特別同多我哋叫咗五品料理同韓式芝士泡麵………… 落咗單之後等待期間， 我哋又睇下啲甜品先，好似都幾吸引喎， 諗定食咩甜品先因 menu上顯示 “小本經營，人手不足，請耐心等候” 所以我哋都好體諒無催，但時間一分一秒咁過，當時其實已經係晚上8:20 人流唔多， 但只見佢哋自己職員整薯條畀自己食，問自己啲職員飲唔飲嘢？沖畀自己職員飲，仲要喺度玩貓，但係我哋食物足足等左35分鐘仲未有，實在太肚餓喇，忍唔住追問，個職員先同廚房講: 個客追啦，快啲啦！此時玩緊貓既男職員就走埋入廚房煮嘢，我心諗原來你係可以煮嘢，但你一直喺度玩貓😡😡😡😡😡無幾耐，我哋食物就 “同一時間” 上抬，我個泡麵唔洗講，已經冇曬湯而且已經發脹曬喇🙄🙄 (因那那聲食，所以即食無影)咁嘅服務態度，嘢食再好食都冇下次啦😤😤😤

門口個牌寫住12點開open rice寫12點半有次去到門口寫果日改12點9先開結果1點先有人黎開已經第3次上去摸門釘太差如果唔係因為平都唔會去太差太差太差太差太差

旺角有好多cafe，但因為大部份都係要上樓，如果唔係專登搵或者朋友介紹都未必知有邊間好食。而今次同朋友去左尼間cafe就中上啦。位置唔好太逼，坐得舒服就自然可以慢慢食，慢慢傾計。雖然啲食物唔係話特別好食，但甜品同飲品都係好既。