咖啡綠茶 (已結業)

由落嘢食去到買單個店員塊面黑過芝麻態度差到冇得再差不值得一試嘅黃店嘢食又唔係有咩特別又唔係特別好食唔建議大家浪費金錢去食其實旺角仲有好多其他嘅黃店甜品舖強烈建議可以揀其他間

又來到每星期一間嘅黃店，呢一間鋪頭上邊有一隻好得意嘅貓一入到呢間野就發現該餐廳黃到發黑，唔幫襯佢真係唔得，佢入邊有個三文魚菠菜麵，個人認為係最好食、最fresh嘅一道菜,佢上邊嘅菠菜汁濃度啱啱好，三文魚係完全冇雪藏咪應該經過一啲特別嘅處理。豚肉烏冬就真係十分之普通啦，湯底用普通水去沖制而成，根本冇豬骨味，只有清水加醬油味，感覺上就好似調味包沖劑出嚟。呢度感覺上有啲失望但令我有啲驚喜嘅就係.....呢個韓式炸醬芝士麵，佢芝士份量唔係好多但係泡菜同韓國辛辣麵嘅味道真係啱啱好......我諗係調味包好食掛整體來講，平時行街行到累嘅時候，上去休息下係唔錯嘅選擇

#支持良心餐廳生薑豚肉燒湯烏冬 $58烏冬係稻庭烏冬 自己就比較鍾意手打嗰啲彈牙烏冬多啲 不過稻庭我都滿足了 份量算ok但未話去到好飽嗰隻豚肉煮得比較耐所以偏韌 但湯底都有啲生薑味再有少少甜甜地咁 幾好飲 仲有呢度好chill吹好舒服 吹水一流🤤

係旺角鬧市中，去咗咖啡綠茶同Bff 談心。Bff太肚餓，叫咗招牌之一嘅3.7牛乳拉麵，而我因為唔係好肚餓，所以只係點咗焦糖蘋果朱古力蛋糕同埋飲品。Bff同我都熱愛咖啡，睇飲品menu睇到眼花撩亂，因為選擇好多，有一d平時少見嘅口味，包括原本打算叫推薦嘅焦糖燩蛋咖啡同埋蜂蜜咖啡。可惜咖啡機壞咗，所以要轉飲品，分別叫咗焙茶拿鐵同埋焙茶朱古力。Bff嘅3.7牛乳拉麵最先黎，係咁凍嘅天氣食過熱騰騰嘅拉麵好適合。我小試一口都唔錯，牛乳湯底濃。之於我嘅焦糖蘋果朱古力蛋糕比想像中細，一開始以為係slide，原來係獨立一小件。Mouse好滑，外層朱古力係用咁黑朱古力，唔會太甜。所謂嘅蘋果嘅中間有少少蘋果蓉，其他就冇蘋果味。 雖然Bff同我都係叫焙茶飲品，個人就更鐘意自己杯焙茶朱古力。冇錯，又係朱古力。一開始擔心會太甜，但完全冇呢回事。焙茶味比朱古力更出。焙茶拿鐵都好飲，奶味相對出過焙茶朱古力，但我更鐘意焙茶朱古力整體濃味d。值得一讚係呢度冇趕客走嘅情況，大大加分位。一路食件cake、飲咖啡，一路吹水，都係一個談心好地方。

網上見到依間cafe d相好吸引，環境好似幾舒服咁~就過黎試下咁啦平日既晚上6點已經坐滿8成好彩我地早到唔洗等就有位，7點後已排長龍menu上有日式拉麵便當烏冬、西式意粉、小食、甜品等，而價錢以樓上cafe黎講一d都唔貴咁我地叫左個豚肉咖喱烏冬$68、白汁黑松露煙肉蘑菇意大利麵$72、吉列忌廉蟹肉餅$38落完order後就靜靜地等啦，等下等下 半個鐘蟹肉餅都無個😥問左下係咪漏單後又等了15分鐘，途中我地都有諗過起身走但又好似好衰，終於係等左45分鐘後黎左咖喱烏冬✨其實已經等到極餓…咁拿拿臨食先啦個豚肉好鹹啊！！我都算重口味既人但真係連我都覺得鹹咖哩正常既…但我已經無咩期待之後既食物✨之後蟹肉餅到了，好脆好香口，入面好creamy，成餐最好食✨意粉都正正常常，反而偏淡味…黑松露味不突出，但煙肉同蘑菇份量幾多成餐只係影左個烏冬，因為第一印象差無心機影🥺但見到佢請既應該係d唔太健全既人士，比工作機會佢地，係依點上我好欣賞老闆，希望可以有改善

一班朋友從中環搭隧巴過了旺角，於網上找到這樓上食店，店內分了自閉與正常雅坐，我們數人坐在近窗邊正常位置。大家來吃Tea，不知為何等了很久也未上菜，反而旁桌的顧客遲來先吃？原來炸薯角制作較簡單，故較快出菜。我們也點了一份，再等幾分鐘，第一碗拉麵終於端上。今天大家雖然又累又餓，但很有忍耐力，仍靜心的渴望食物快來呢！第二碗拉麵到的同時，【炸薯角】也同時間出場。香脆美味，大家說：可能是肚餓，其實是熱烘烘，外邊香口，裡面軟綿，少鹹味道，出品不錯。友人們點了【薰衣草茶及士多啤梨果粒熱茶】茶濃果香，可以再返沖多一次。第一碗來的是【3.7牛乳拉麵】，奶味頗香，拉麵彈牙，叉燒腍。第二碗到的是【九州豚肉湯搵麵】只是湯頭與伴菜的差別，友人說也不錯。第三至六碗，終於到我們了，【函館鹽味拉麵】，不枉久等多時，我喜歡他的配料有帶子與筍，當然少不了叉燒。但因沒有帶子，故有點失望，其實湯頭味甜且清帶鹹，叉燒嫩滑，筍條腍爽，半熟蛋夠味，惟欠了大家想吃的帶子。最後糖薑咖啡終於出場，熱燙燙的咖啡，飲下便嚐到很濃郁的薑味，如減為少甜，便更理想。友人們一致讚同食物是美味，惟獨等候食物時間過長，吃完已六時許。最後我們得知店長是他

Surprise find this evening when desperately in need of meeting place to chat. Staff were extremely friendly and more importantly, even though there was a huge queue and my friend was 45mins late, we were not at all rushed by anyone. For that I do apologize and thank you for accommodating us. I have yet to try the food however there was a huge selection available, I will definitely return. From observation, reservation is essential during peak times!

聖誕節夜晚完左party, 同一個女仔fd行行街即興想搵間cafe坐低飲野，大家不約而同相起這間cafe, 朋友叫左焙茶朱古力，我叫左抹茶鮮奶，兩杯茶味好夠，我嗰杯抹茶鮮奶茶奶配搭得剛剛好，係微甜，啱晒香港人口味，加$25可以揀一款蛋糕，甜品係限量供應，朋友的揀的cheese cake賣晒，於是我地揀左玫瑰荔枝蛋糕，個蛋糕好精致，當然味道也比我想像中好食，食落有陣清新花味，裡面似藍梅cheese cake, 中間仲有花味果凍，好特别

星期日想找個地方坐一下工作，但又不想去圖書館，就來到網上說環境不錯的咖啡綠茶。三點前到達沒有太多客人，我也可以選擇自己想坐的位置。進來後發現cafe裡除了竟然有「自閉位」外，這些位還可以放下簾增加私隱度！不過坐下來才覺得「自閉位」的檯比較細，很難工作，就轉坐普通位算了。沒有咖啡癮，又不想飲咖啡，卻見到這裡有花茶，就點一壺試試。打算點餐時，發現這裡人手不足的問題頗嚴重，出菜速度也較慢。只點了花茶，由下單至花茶來到，我大約等了一小時😅幸好這天我不著急，可以輕鬆地一邊工作一邊等。玫瑰花蘋果花茶($38)的樣子很得體，沒有花巧的杯和壺，只有簡潔的設計，配上花茶更感清新。裡面玫瑰花的份量很多，壺下還有燃點了的蠟燭讓花茶溫度不跌得那麼快。花茶的玫瑰花味夠重，但不是濃，有很香的花味，讓人放鬆，卻不怎麼飲到蘋果味。差不多喝完這壺時，店員很友善地問我是否需要加水，之後也繼續很殷勤地問是否需要再加。加水後，玫瑰花味是較第一壺淡了少許，卻未有失去味道，仍然有出眾的花香和味道。這裡還有一隻混種豹貓August。不如一般豹貓般樣子較兇狠，反而August是溫純斯文，就這樣從他的眼神也可以看到，花紋和毛色都很漂亮

放咗工好肚餓，一個食決定要去返上次排隊排咗好耐，最後放棄唔食住嘅咖啡綠茶。雖然食嗰日係平日下午，唔需要派隊，但入面嘅枱基本上都full。坐底咗之後我就叫咗個「蒜香菠菜煙三文魚意大利麵」加杯「杏仁朱古力咖啡」。不過當日無哂煙三文魚，所以老闆就幫我轉咗慢煮雞胸。🔸蒜香菠菜慢煮雞胸意大利麵🔸$72個意粉擺盤唔算話好靚，但一食啖粉，個菠菜汁絕對係食得出味道好濃郁，平時方間嘅菠菜汁都係cream味蓋過哂菠菜味，相反呢個你一定食得出菠菜份量好足料，岩哂鐘意食菠菜嘅朋友仔！個雞胸望落好plain，但食落好嫩好juicy，兩者配搭食落好舒服好滿足😋🔸杏仁朱古力咖啡🔸$42叫得mocha都預咗比較甜，但加咗杏成件事即刻昇華咗，好岩冬天/聖誕嘅天氣同氣氛。咖啡味本身好香，加埋朱古力同杏仁，我覺得飯後飲佢有點似甜品，飲完好滿足！不過唯一有D失望嘅係上餐時間比較耐，唔知係唔係因為個慢煮雞胸整得耐，等咗半個鐘有多先有得食，好彩有netflix分散我注意力，不過希望下次老闆加快手腳，或者上住杯咖啡俾我飲住先啦！最後，多謝老闆支持香港人！💛

星期五，即興來個girls dinner 揀咗呢間係旺角嘅餐廳，位置都好方便係旺角西洋菜街行人專用區嗰到餐廳唔算太大，要等位不過等位途中可以玩下貓啲時間好快過！店主仲會俾啲雞肉我哋餵下貓貓，好過癮！等咗接近一個鐘，終於有位啦！坐低睇下有咩嘢食先我哋每人揀咗份五品料理，再加飲品 (冇得跟餐㗎，散叫)五品料理可以揀2熱食，3凍食，再加碗飯。我揀咗泡菜辣豚肉，鯖魚，醉雞翼，煙三文魚薯仔沙律，同蛋餅。泡菜辣豚肉 -呢個好好味！可能自己好鐘意食泡菜，配飯食一流，辣辣地好惹味鯖魚 -隻汁甜咗少少，同埋比較多骨。如果係鹽燒再加檸檬就好了醉雞翼 -加埋其實得1隻半雞翼，好似有啲少，同埋隻雞翼有啲細隻煙三文魚薯仔沙律 - 係正常普通的薯仔沙律，煙三文魚可以再多啲，而家有啲少蛋餅 -個汁好似同鯖魚一樣，所以都係甜咗啲。如果個蛋餅係熱食就更好。可能因為係配飯，所以覺得熱食唔夠多，如果係2凍食，3熱食好似會好啲。另外叫多咗杯抹茶咖啡，轉豆奶，係幾好飲的。最後加多張環境相 ～ 走嗰陣見到貓貓訓咗嚕

今日係旺角行街，行到肚餓就上左去搵野食。呢間係文青咖啡店，上到去好多人，差唔多坐滿。我地叫左香炸雞比配韓式芝士拉麵。等左一段時間，就同我個friend傾住計先。上菜的時候，拉面變左公仔面，不過芝士都算多，同埋炸雞算脆同好食。最值得提的就係隻蛋係流心的，好好食。價錢同份量還可以。環境係幾好，有背景音樂，加上店員服務都算熱情。走的時候仲送左張卡比我地儲積分。

講真，唔係網上見到 我唔會知呢間既存在🏗企係樓下都望唔到有街招招牌一打開門估唔到別有洞天粉紅色為基調既小天地，各款小擺設同韓星週邊👦🏻入到去已經有2-3枱客各自做自己野大家互相尊重唔會太嘈，環境舒適仲有單人間格，下次想自己靜下再黎都唔錯餐廳有最低消費，每人要點1個主菜或飲品唔計小食，湯，同蛋糕🧁最後揀左🍜東京醬油拉麵🍜☕️牛蒡茶☕️以前中過太多次伏，本身對cafe食物冇咩信心我偏偏仲係cafe到揀拉麵🤟🏼好彩結果出乎預期地ok~~因為揀野食個陣已經見到menu提示🕴🏼小本經營，耐心等候🕴🏼大家要有體驗慢活既準備😀牛蒡茶用蠟燭一直暖住🕯️初頭味道清甜幾舒服去到後尾水份開始蒸發會濃味好多唔習慣可以請店員加水拉麵冇專門店既專業但真係有驚喜，比我預期既好太多😳一上枱已經見到好足料醬油湯底濃郁唔膩叉燒有2塊，比較薄身半隻溏心蛋出色🥚食完同貓貓玩下好滿足☺️

今日約咗朋友去旺角食飯，因為朋友仔們都比較健康，所以就冇揀到放題，反而就揀咗一間比較有文青feel嘅樓上Cafe。我估依間Cafe嘅老闆娘應該係好中意韓星，因為你入門口，就見到間鋪頭係好多好多韓星嘅紀念品！當然啦，我哋都唔係18 22，都認唔出係邊個打邊個。佢哋幾個就揀帶咗日本五品料理，即好似muji咁樣嘅飯。我自己叫咗碗拉麵，因為冇乜胃口，仲有一個玫瑰花茶咁。玫瑰花茶係正常嘅，仲跟咗個小小嘅火爐俾你熱住啲茶，冇晒水就可以叫佢加。呢個拉麵反而有驚喜，比唔少日本拉麵檔嘅，反而仲好食。叉燒肥瘦得宜，同埋溏心蛋、帆立貝、菠菜、木耳絲，都算係幾豐富，幾十蚊都當然收貨。而且我哋仲要喺度坐到OK耐，同朋友吹水吹左幾個鐘，大家先盡興而歸，乜嘢都抵番啦！

🥗慢煮雞肉沙拉 $68：雞肉好軟幾好味，沙律菜好新鮮，整體唔錯.☕焦糖燉蛋拿鐵（凍）$48：比想像中細杯，印象中以前好似大杯好多，其實成杯得面頭有焦糖味但無燉蛋味，有小小失望，咖啡味就中規中矩.🍨即烤心太軟伴咖啡雪糕（$79）：雪糕味道很濃👍🏻再配上㳘心的心太軟😆雖然好邪惡但一定要試🤣.🥝奇異果泡沫綠茶🍵 $38:茶底非常出 飲落好清新 唔會因為奇異果而變得好酸🌟_🌸感想：食物質素不錯🙂喺旺角鬧市能夠搵到一間非常文青嘅咖啡廳 可以慢慢同朋友一邊食嘢一邊傾計 不失為一個好地方👍🏻