品樂麵館

营业中

休息中

光顧這家小店已有3次第1次吃懷舊狗仔粉，魚蛋彈牙，魷魚爽滑，豬紅有咬口，狗仔粉坊間少見，可以一試。第2次吃煎手打墨魚餅飯，即點即製，需時等待，墨魚肉彈牙有咬感，葱油汁配飯是prefect match 第3次吃自家製韭菜餃河粉，韭菜餃沒預期中的驚豔，由於是下午茶餐，份量較少，只得3隻餃。反而河粉質地軟滑，長時間浸泡在湯裏也不會變冧。小店服務態度頗不錯，唯位於較偏離人流旺的地方，希望有更多街坊知道這間小店。

今日又嚟食車仔麵，點餐時突然發現車仔麵加咗價，由$42三個餸變成$46三個餸，估唔到開張幾個月咁快就加價，不過$46都仲算係ok嘅價錢。但係當我點完餸之後發現我嘅三餸車仔麵變咗$54，原來我點嘅牛肚和冬菇都要另加$4，望真啲個餐牌，原來宜家好多餸要另加$4。唔想吃一碗突然貴咗$12嘅車仔麵，最後唯有改叫其他餸啦！

返工每日都經過，由於朝早未開舖都冇為意有間麵館響度！今晚又難得有機會食自己，見三個食評都like,一於去馬🍜! 本以為呢個位置偏僻唔多人！原來唔係😳！到門口已經見到坐滿晒. 要個服務員讓個位俾我☺️。一坐低就有個飯類餐牌. 嘩！「大碗滑蛋叉燒飯」「台南肉燥飯」…全部係我至愛😍🥹。可惜我目標係車仔麵。响我心目中，理想嘅車仔麵離唔開幾樣主打. 係食神中提到嘅豬大腸/蘿白/咖喱魚蛋.我就點咗以上三款加份豬手，而比較特別嘅係佢有狗仔粉俾你揀. 咁就試試再加埋咖喱汁！我走咗蔥睇落去賣相唔係咁好😅！食落竟然有驚起😊當中比較出色係蘿白夠腍夠甜入味又冇渣，咖喱魚蛋係些粉大粒嗰隻入曬咖喱味又彈牙！豬腸/豬手都好食不過較普通！到埋單連枝豆漿都只係60蚊，性價比計，我覺得好食抵食…👍🏻👍🏻下次要試吓佢啲飯類套餐

6月8日(星期六)中午搵緊美孚有乜好食，於是去open rice一看，開咗間新店食車仔麵,見食評都不錯就去一試。外賣2碗1）豬手、豬大腸、牛脷+米線配沙嗲湯豬手太淋,但另外兩款入味大件,不是細件到好似餸頭餸尾，但湯底沒有沙爹味，略為遜色。米線不夠滑。2）豬軟骨、牛筋、墨魚頭+粗麵配沙嗲湯豬軟骨啲肉好韌，根本吞不下。牛筋味道和軟硬度剛好，墨魚頭都好鮮味，粗麵與一般車仔麵一樣。於堂食每碗$42,外賣+$2, 點解，因為有生菜數條，另外還送辣菜脯，不愧和車仔麵十分夾。原來佢哋都有碟頭飯，男士如食車仔麵不夠飽，都有多一個選擇。美孚居民不妨先打電話或whatsapp落單，可以唔使等，下次一定試下佢哋啲飯。

美孚之前得一檔外賣嘅車仔麵，近期品樂麵館開張後食咗幾次，試咗唔同嘅餸：牛肚、孖筋、韭菜餃、墨魚頭、蘿蔔等都好味。試過沙嗲汁同腩汁，都好味。菜譜辣辣地跟狗仔粉一齊食正😋價錢非常合理，三餸車仔麵$42（我有時仲食唔晒要扣底減麵嘅份量），午餐嘅時候送一碟細細碟嘅蠔油生菜，加罐可樂$6，午餐仲平過茶餐廳👍自己平日好少係OpenRice寫食評，今次希望幫佢宣傳吓（佢嘅位置比較偏僻，喺荔灣道Pizza Hut過啲），等佢做得住，咁喺美孚就繼續有車仔麵食

第一次幫襯， 點咗三個餸牛丸，牛舌， 墨魚頭配九仔粉加辣汁， 幾好味， 特別個湯底應冇味精，食完冇頸渴的個感覺， 點餐還可以用qr code或叫人唔單， 比較追上時代，見到下午茶的餐牌 32 蚊個餐，真係好少見， 下次真係要試下我

今日晏晝食下午茶，因為時間已經唔早，所以想有啲輕食，諗起想食麵，美孚區嘅選擇其實都算多。但車仔麵就得一間啱啱醒起原來有一間新開嘅車仔麵，於是乎特登行去睇吓。因為係原有嘅茶餐廳分店，所以喺原有茶餐廳門口張貼咗告示，我哋沿着告示一直行到街尾就搵到呢間車仔麵店。可能因為新開嘅關係，同埋地點有啲唔就腳，所以入邊一個客人都冇，我叫咗一個外賣係簡單嘅三餸麵拎走埋單$44，價錢合理。好快就得拎走。返到屋企一開覺得好有誠意，因為有一世碗嘅蒜蓉菜甫冇問自動擺咗喺入邊，車仔麵有菜譜真係好開心！我叫咗貢丸滷水雞翼牛肚狗仔粉，我覺得每樣餸都好好味，尤其是喺公園非常之彈牙出色拍得住另外一間連鎖車仔麵店x年～個湯亦都好夠味我特登飲咗幾啖，試吓會唔會過咗一陣好口渴，又唔會喎！我覺得呢間車仔麵非常唔錯，一定會有下一次！希望下次小店可以收八達通唔係淨係收現金啦～