品味人生中國廚房 (已結業)

唔睇食評，都唔知大家覺得呢間餐廳咁差．．．因為我上星期先黎食過，覺得幾好喎．．．我地叫左個二人自選餐($200)，有好好好好多野食，完全係食唔曬個種．前菜，湯，主菜，蔬菜，主食，甜品逐樣選，要左：前菜：煎蘿蔔糕，脆糖豆腐湯：花萁芯雞湯，碗仔翅主菜：石窩雞翼，酥皮焗什菌蔬菜：馬拉盍炒通菜主食：家鄉炒飯，炒上海拉麵甜品：咖啡布甸，桂花紅豆糕基本上全部食物都有水準，而且幾有心思．花萁芯雞湯足料，有埋雞食，碗仔翅上面放左ｄ木魚碎，好香，幾特別酥皮焗什菌個酥皮好鬆，就咁食都好好味，完全係大師級水準馬拉盍炒通菜夠香，食唔停口炒上海拉麵煙un,味道剛好；家鄉炒飯就差少少，無咩味甜品最後先寫甜品字叫既，用一個個既杯仔載住，咖啡布甸好香既咖啡味，桂花紅豆糕亦相當唔錯侍應哥哥好落力，我地個蘿蔔糕未到，同佢講聲就立即補番俾我地．仲成日加荼，就連我地已經埋左單，不過仲未找錢時都繼續幫我地加茶，真係少見．不過呢度唯一不好的，就係太多人太嘈，結果我地今餐談話時都幾乎要讀唇語．

七點去到要等齊人才有位，cat在旺游緊過來，好等！七點十分被帶到二人位〈要搭枱那種〉。二人餐杯杯碟碟特別多枱細細食物卻不少，唯有逐碟消滅。重頭戲，一碟無咩特別的唐生菜馬拉盞天荒地老也不來，大概等了1小時30分還是沒蹤影，其間是三催四請，差不多整間店的店員都問過我哋 還有什麼菜未上，等了大約30分鍾那個經理狀的少年說整緊，好信你一次，30 分鐘過後，cat開始發火，那個阿姐又急忙的幫我們再落單，騙局！簡直係驚天大騙局！30分鍾前的炒緊，到底炒去那裏，簡直係惡劣！埋單走人，又等30分鍾，離譜！要是很空閒的不況多幫襯，保正可以消磨一整天。

經常都會試下新野,同幾朋友一齊經過就試下,好似好特別咁,但完全唔掂law,態度又差, 我個朋友叫左佢幾次先有人應你!有d 見到你叫佢, 都好似扮睇唔到, 聽唔到!叫佢俾多隻碗都好唔願意咁!而食物份量應該係俾1,2 個人去食咁既,少少地好似好抵咁,但計埋條數係仲貴,都算la,d食物勁普通! 一個人平均食百幾二百蚊, 但食完都唔知食左咩, 結果過左一陣,再要去食宵夜!希望快d執, 唔駛咁多人受害呀! 一定冇下次!!!!!!

試左2人自選套餐($200)前菜-手撕雞-炸雞軟骨燉湯-人蔘竹絲雞-向螺唯山雞主菜-咕嚕肉-印度火焰雞-炒銀針粉-炒飯清炒油麥菜(3選1)炸餃子芒果布甸x 2另加一及茶芥食物其實唔差的(最差係個飯同粉)...可惜坐位好迫,張'木台'又好細,根本擺唔哂D野;人手非常唔夠,上菜次序好離譜,一個湯上左,另一個湯就同甜品一齊上...頭盤又遲遲唔上...個咖喱係咁滾但又冇飯...好混亂...有個女侍應盡哂力,無奈分身乏術.

星期三同男朋友去到雅蘭, 唔知食咩好, 就試下la, 見未試過又唔駛等, 因為都幾餓, 所以就入去啦, 入去坐低, d 通道好窄, 不過唔緊要啦, 咁睇左一陣menu. 佢問我地飲咩茶, 咁我地想要水, 等左好一陣啦, 叫左d野啦, 佢終於拎左一壺野o黎, 咁我一倒, 又係茶, 咁唔緊要, 請佢換過水俾我地, 又等左好一陣先拎俾我地, 咁我地叫既野係小籠包, 芝士丸, 牛柳粒, 糯米飯, 魷魚鬚. 我見佢入既單係20:18 , 我望下表原來等到20:3x 先有一碟芝士丸(共6粒) , 好普通law, 我地好餓好快就食曬, 男朋友提議不如問下有冇漏單, 我初初見好似人地d野都好慢, 唔想催人啦. 但望下表20:4x , 咁我就問係咪漏左單定係有咩問題呢? o個個應該係manager 既人好似好快咁拎左我地張單走左, 話幫我地睇下, 又等, 冇人回覆過我地, 佢再好似好快咁拎左小籠包, 糯米飯俾我地, 好普通law, 小籠包似supermarket 買返屋企叮o個d , 糯米飯一pat pat , 好"林" , 但完全冇交代我地係咪漏單, 等多一陣, 個魷魚鬚o黎喇, 佢即場整左d蔥,

尋晚三個人去左呢間食晚飯,見到裡面咁多人,以為好掂啦!於是決定試下喇!只係等五張枱以為好快可以入座,點知等左成一個半鐘都唔覺有人叫飛仔入座,於是行埋去睇下,見到個服務員都唔係跟飛仔入座,佢好似比哂D熟客入,我地當然要問下佢點解無叫過飛仔喇!點知佢話叫左但係我地聽唔到!嘩~~今時今日咁都得??真係激到爆!!同佢爭議左一輪,最後合共等左兩個鐘先入到去座.我地點左個$200.00既二人餐同兩個散叫主菜...... 其中有個XO醬蘿蔔糕~完全唔得,無味而且好林,完全食唔落口.另一個鐵板豬軟骨~又係唔得,好硬同梅梅地.又係無食到!跟住有荷葉飯~又淡又無味又林,仲衰過碗白飯.小籠包~無湯係裡面,好乾身.總之無一樣野係好食,就連個芒果布丁都唔好食.呢餐飯都唔知食左D乜,好似無食過野咁!雖然價錢係平,但係都無理由咁難食.我寧願食街邊雲吞麵都唔會再去呢間野食!真係好差~~~

噚晚同細佬補祝生日,因為同埋爹同媽咪食,所以想食d大細都食,問friend話呢間都ok, 同有set,唔哂諗食乜,好彩我晏晝book位,到都幾full,同幾嘈,我叫個六人餐, 頭盤有華欣酸辣鳳爪,都幾辣,酸酸,ok,創意蟹子沙律脆盞,好似食空氣咁,食唔到d乜.茶杯粒粒蘿蔔糕伴xo醬,蘿蔔糕ok,但食唔到有xo醬,木魚飄飄水晶蘿蔔,蘿蔔都夠甜,無渣,師傅手撕雞伴水晶翅,無乜味,同好細碟,避風塘雞翼尖,幾香口,最好食呢樣!主菜:鐵板豬軟骨,鐵板唔"渣",凍兵兵,唔掂!十里橋餃子雞翼,雞翼好細隻，餃子全部都係肉，無味，點指兵兵海鮮手卷，有ｄ蝦，幾趣，石中穩肉，其實係有舊石同ｄ肉同蔥一齊焗，但唔知點解出好多水，都係唔夠熱.更上一層樓，這不是豆腐,但我食落明明係豆腐,唔知佢點改名,酥盒一口牛伴紅酒汁,酥盒幾香,牛就食唔到紅酒汁啦,但牛都滑, 但好細粒,湯有淮杞燉螺頭,鮮人參燉竹絲雞,都出味同甜,應該落少少味精咁啦,但法式什菜湯,唔掂,個味好怪,唔知落d乜,叫中湯罷啦!菜最正常,可叫三款,飯都有三款,我食茶杯糯米飯,肥b話有雪味,話應該返叮同係隔夜飯,我就食唔到有味,要用汁撈先有食得落,點心,叫三

放工約食飯, 見裝修ok 入去試下, 叫4 人套餐糯米飯, 鐵板燒魷魚, 混醬雲吞, 茶杯粒粒蘿白糕, 小籠包, 菠蘿包皮既豬軟骨,味道ok

見間野裝修ok,價錢又唔貴,咪入去試下囉,真係好後侮!叫完野食等左大半個鐘!隔離張台d自由人同我地一齊叫,佢地食完咁濟,我地d野食都仲未黎,催一催個部長,佢親自入廚房裝飯同叮d野食出黎,糯米飯+肉燥飯,炸蘿蔔卷,味道好普通,之後黎左個菠蘿包皮既豬軟骨,唯一係呢個ok,又等左好耐,最好笑係個waitress又拎過部長親自拎果d野食黎,咁我地話"黎左喇",佢竟然話,"係呀?咁要埋佢啦",跟住放左o係我地台面就走左...=_=''''最尾黎埋個法式咩什錦湯配米通,點知個米通得1塊,半張8達通咁細...真係xyz!雖然價錢唔貴,但咁既服務真係令人髮指!

放工約左fd食飯..但又唔知食咩就上左雅蘭睇下上到去見到呢間「品味人生」d餸菜個名同賣相都幾特別..所以就入去試喇7點幾8點入座..冇咩人..一入就有位因為我地等齊人先嗌..所以好遲先叫..坐低已經有人開茶..服務幾ok..不時會有人添茶...只係落order時..成日都落漏@@冇叫到套餐..因為想食既野套餐都冇..最後我地4個人total叫左油麥菜, 魷魚, 一口牛, xx骨(唔記得左個名), 軟殼蟹, 炸豆腐, 混醬雲吞, 小籠包, 3個肉躁飯, 1個擔擔麵, 3個桂花紅豆糕我未食軟殼蟹同豆腐已經飽晒..d飯都食凈半碗...不過每款菜式都好好味..所以點都要試下...只係個魷魚我就覺得麻麻..因為太凍喇..雖然已經用鐵板燒過overall我地全部人都覺得好好味...會再去試下...

早前經朋友介紹呢間舖頭,諗住佢都有幾多野,咪一於試下羅一心去試那個自選私房菜套餐,所以同左愛立信一齊去前菜(可選2款):紅黃粒粒雞軟骨(我相信佢用脆漿粉去炸,食落都ok)茶杯粒粒蘿白糕(略嫌辣左d,愛立信就岩食,我因為唔食得辣)湯:淮杞元肉燉響螺頭湯(夠熱,同埋都好好味,正)法式什菜湯配一件米通(件米通係放落去d湯度,味道似羅宋湯,但相比中湯黎講似乎遜色左些少)主菜(可選2款) :鐵板牛柳粒配燒汁(係就係鐵板上,但淋汁時,一d都唔鐵板feel喎,但牛柳都整得好嫩)青紅粒粒咕嚕肉配面包球(呢個係咁多樣野中,最唔抵食,因為佢用圓形面包入面放左咕嚕肉,但唔係好多件咋,況且個面包好硬同埋凍的,想食都唔得)炒菜類:馬拉盞炒油麥菜(用鍋上,都炒得唔錯)飯類:茶杯糯米飯(欠左些豉油,但唔知係咪好耐冇食的關係,所以覺得都唔錯,但略嫌佢凍左些少)籠仔荷葉飯(個樣似珍珠雞多,用蒸籠上,但打開個樣似糯米飯多d,但味道都唔錯)小食:你最愛的小籠飽(全部野差唔多食完先至黎,仲要叫左幾次先至有人跟進,佢同我地講話漏左單喎,但都好,因為夠熱麻,薑絲唔夠,)甜品:榴槤布甸(好重貓屎味,不過愛立信鍾意食,冇計,我都試左

尋晚去左雅蘭既品味人生~估唔到都幾好喎~~首先服務唔錯啦~ 我七點幾去到唔多人，有好多位，兩個人坐左四個人既~個部長仲拉張椅過黎話可以擺埋袋，先後又有兩個人問我要咩茶~ 招呼好周到~ 侍應又幾醒目，幾快手~野食都幾多選擇，諗左好耐~ 因為套餐幾抵，前菜兩款，湯兩款、主菜兩款、菜一款、點心一款、麵飯兩款，最後仲有甜品~ Total $200 ，但太多又驚食唔哂，如果散嗌其實又同套餐d差唔多，最後都係忍唔住叫套餐了... ...前菜: 手撕雞、xo醬粒粒蘿蔔糕(手撕雞有少少辣，但係幾好味、唔覺唔覺會食好多; 蘿蔔糕我最鍾意，不過食左會好飽)湯: 淮山杞子響螺湯、人參竹絲雞湯(人參湯有少少甘味，但係好似淡淡地; 響螺湯幾清甜)主菜: 點指兵兵鮮蝦春卷、牛柳粒(冇蝦、七款醬中只可以揀一款，單調左d ; 牛柳粒好配燒汁好味)菜: 雞湯浸娃娃菜(清清地沖淡其他野食既味精都唔錯，個鍋好大)飯麵: 杯杯糯米飯x 2(一個杯仔裝住幾好~可惜太飽食唔哂)點心: 小籠包(唔係好得，d皮痴埋一舊，入面d湯漏哂出黎)甜品: 桂花紅豆糕、芒果布甸(桂花紅豆清清甜甜唔錯~桂花好香; 芒果布甸同出面食到差唔多啦，好彩

Went to Mongkok with my BF trying to find something decent to eat and this place looks quite funny. Went in there and ordered the set dinner for 2. Looks like a lot of food but most of them are really bad, weird taste and mostly cold. The waitress are extremely rude and the food we ordered took 45minutes to come through.We will definitely NOT COME BACK TO THIS PLACE. On another note, the family next to us has the same feeling as they waited for an hour and they received only 2 tiny plates of

尋晚同男友終於都試咗哩間野喇！之前等咗兩三次半個鐘都食唔到．叫咗一個二人自選私房餐，有好多野都岩食；見ｄ二人食客都係order哩個餐，HK$200有好多嘢食，不過加埋茶芥（香片，甜酸齋）加一HK$250：－兩個頭盤－師傅手撕雞：點咗黃芥辣醬，在酸辣既口腔之中交替；米網喇叭卷：脆脆地，點以甜辣醬．兩個湯－淮杞嚮螺頭湯：好清甜；人蔘竹絲雞湯：少少人蔘味，有ｄ油．兩個小食－雞軟骨：美中不足，不應加粉漿炸，麻麻地；燒汁石中穩肉：即場示範，將一片片豬肉同石頭在石頭碗到炒下炒下，好有BBQ既味道，ｄ肉片好嫩滑．兩個飯－茶杯糯米飯：有臘腸，煙靭既糯米飯；籠仔荷葉飯：荷葉包住糯米飯，蝦米，冬菇，雞肉，都唔錯，有ｄ似糯米雞．一個菜－馬拉盞油麥菜：既咸咸地又爽脆．一個唔知係咩類－混醬雲吞：辣到ｄ神經線打晒Kick．口甜舌滑－楊枝金露：西柚肉，芒果肉，西米，唔太甜，幾好．日日都唔同款．

28 August 2006 (Mon) - 晚飯友人帶我黎呢度食飯，自雅蘭裝修後，我都冇黎過，原來已經變晒做食肆，真係犀利！我哋好早去到，所以有卡位坐，仲要係一個四人卡位，唔係兩人，因為兩人既卡位啱啱full咗．．．甫坐低，waiter/waitress們己急不及待推介我哋食二人套餐，好抵咁話，又真係好似好抵，$200有好多嘢食，有兩個湯，兩個小食，兩個頭盤，兩個主菜，兩個菜，兩個飯，一個唔知係咩類，同兩個甜品，不過我哋冇叫餐，因為實在有太多嘢食，我晏晝時飲茶飲得太飽，兩個女仔都唔食得幾多，所以決定散叫！叫咗兩個湯：一個豆腐湯，一個唔記得名，但係個樣同味道都帶點南瓜既；豆腐湯就非常翠綠色！前菜我哋叫咗泰式鳳爪，ok好味，但好少同唔夠辣；仲有叫咗個類似牛肉薄燒，係比個爐仔你自己燒既，呢個好味道，我個friend上次食完都話好食，所以佢今次第二次黎食都唔介意同我食多次；仲有個菜，得嗰五條，真係的骰，味道都係好既；然後再叫咗一碗仔$15既燥肉飯同一碗仔$15蚊既唔知咩麵！！都幾得意既，但就真係勁細囉！最靚都可算係呢度既碗碟，裝修亦不俗，可能新既關係！我哋叫咗唔係好多嘢，但係最後埋單居然要$