品穀

营业中

休息中

難得今日賴生同屈小姐都放假休下晏，去左尖沙咀行街睇野，當然要把握機會黎到《品穀》食番上次賴生錯過左既抹茶牛角。為左確保今日唔會再錯過抹茶牛角，賴生都一早打去問定品穀確認多次出爐時間係1330同1530-1600，而我地今次既目標係1530果一轉，所以我地係尖嘴行到咁上下，就火速過去佐敦去《品穀》，達陣既時間係早左5分鐘 - 1525！賴生第一時間入去問下正式出爐時間啦，結果比賴生見到個好感動既畫面，係整整一盤9個既抹茶牛角呀！今次冇撲空啦，而且陣容咁鼎盛，仲唔係新鮮出爐既（？）！太好啦賴生即時去拎夾同盤去夾走一個啦拎左去收銀處比錢之後，店員話要等一陣先拎得，因為要即時加抹茶Cream!等左10秒就可以拎到手，之後賴生同屈小姐當然第一時間係舖外品嚐啦1）抹茶牛角：3.5⭐️一拎上手之後，屈小姐同賴生都發現凍既？明明話1530會出爐，而且新既處理方法（改良版？），即係即時加Cream有個好嚴重既問題⋯⋯就係漏Cream⋯如你所見，未食已經漏左少少，再當你手拎住個包咬落去既時候，D cream更加因爲按壓既原故，係加Cream果個窿窿噴晒出黎，浪費晒d Cream!而且，即時加Cream可能會

抹茶 芝麻 牛角包🥐味道普通👌🏻我地兩人因為睇到啲相好吸引，專程黎買抹茶同芝麻牛角包。入到去有職員邀請我地試吃 芝士蔓越莓法包，我覺得啲蔓越莓、芝士、白麵包 既味道完全分開，融和度不足。講翻牛角包，我地夾既係空心牛角包，比錢時職員會拿去廚房吱cream。✏️我們的食單👌🏻抹茶牛角包 $28❌芝麻牛角包 $28👌🏻抹茶牛角包 $28：雖然牛角包係應該脆，但呢間整既外皮硬左啲。抹茶醬味道還可以，希望再濃啲，醬既份量偏少。❌芝麻牛角包 $28：外皮都係太硬，上面有啲黑色既但吃唔出係咩。醬既芝麻味好淡，只覺得甜。份量比抹茶更少，吃落好乾。P.S. 覺得URBAN cafe commune既牛角包更好味抵吃。👳🏻‍♀️員工態度一般，唔太友善。

是日星期五，又係搵好野食既時間🙆🏻今日行到落佐敦，係澳牛隔離見到呢間品穀大佬話佢d牛角包好出名😍店員介紹呢到既麵包無添加食材🙆🏻 無防腐劑🙅🏻🙅🏻🙅🏻發酵72小時⏱其實明明食完晚飯好飽但聽完佢咁講太吸引都係要買黎試🤦🏻‍♀️我地揀左個咖啡味😍牛角包外面烤到好脆，有少少濃濃地既香味包既中間塗左咖啡味忌廉，咖啡味唔算好濃由於牛角包本身無咩味主要都係靠中間既cream黎吊味。插住係包上個枝係咖啡醬，比大家吱係包面食，我吱左係包入面，唔係好食到個味😂整體味道比較淡，唔會太甜，主要係食佢既質感😍咬開牛角包入面呈現蜂巢狀比一般牛角包實淨 有口感得多唔似食左空氣咁 🙈🌬會飽肚好多😂$28一個其實都幾貴，不過真係值得一試，同外面食既爭好遠，下次黎會試埋d scones，望落都好吸引😍

睇過專訪,覺得老闆好有心做麵包,想試好耐,經過多次,無奈咩住個仔又唔方便入黎,今日見人少少膽粗粗,已經好小心慢慢夾,員工態度不好都算,基於禮貌上有人找錢比我我會講唔該,但竟然成為被恥笑對象,有位員工模仿我句唔該,另一位和應,實在太無聊,連應有嘅服務態度都無,麵包做得再好也會被呢種員工搞垮,飲食行業唔係做得好食就大晒,連服務態度都好重要,thanks

還記得在開業不久以前到訪品穀，沒有大排長龍，沒有搶購一空，後來經網上媒體報導，一夜成名，晚一點到訪亦只能看到空空如也的麵包櫃。經過數月以來的狂熱追捧後，終於不再「一包難求」，對厭惡排隊的我而言固然是福音，亦因而能有機會再次品嚐到品穀的麵包。並非首次購買品穀的麵包，最近最受歡迎的定非兩款新牛角包。芝麻牛角 ($28)店員會於客人結帳後將忌廉即場新鮮唧入牛角包內，將忌廉水份對牛角包鬆脆程度的影響減至最低，咬下立即湧現濃郁牛油香，不過摸上手並沒有過份泛油的感覺；外層酥化而不過份鬆散，內習濕潤並略帶煙韌。雖然芝麻忌廉看似色澤偏白，而非如芝麻糊一樣烏黑；不過事實上黑芝麻味醇厚濃烈，當中更會散發絲絲奶香，而呢份奶香正正就是抹茶牛角忌廉沒有的特色。抹茶牛角 ($28)抹茶牛角表面加上白朱古力點綴，綠白相間更是吸引，與芝麻牛角口感如出一轍，特別在於其牛角包酥皮混合抹茶粉，散發微微清幽抹茶香，牛油香在抹茶統帥之下乎意外地仍然飄香縈迴。抹茶忌廉不如芝麻忌廉一樣挺身而富空氣感，反而比較流質，軟滑細膩，香濃回甘。芝麻牛角與抹茶牛角各有千秋，兩者忌廉質地截然不同，芝麻忌廉明顯比較挺身、富空氣感，更附帶陣陣奶香，

想食冇化學既麵包，又吾上定要去到中環既～😌佐敦站A2一出轉右見到7仔真行 品穀幫到你！🤣上幾次黎都冇見過石磨鄉村 今日心郁郁就試下佢啦😋一攞起手好有重量令我毫無疑惑咁直接行去俾錢 $36係有小小貴 但真心愛麵包既朋友準備吾會計較😌 一個店收錢 另外一個負責將麵包入袋/加熱我個包原先已經切好 想加熱但店員好似嫌麻煩咁..而且加熱後似冇乜分別 膠袋連霧都冇起不過無阻我食包既滋味😎!!💬:吾係甜/咸 就緊係酸架啦😂品穀可以話係100%冇落improver 因為食既時候特別煙韌，以我食sourdough 經驗黎講只有天然酵母先做到 不過佢酸味吾太出 反而麵粉令人一試難忘😆😋 *ps 佢地ig擺既相可供參考 希望可以花多啲係切紋方面😗

一直都鍾意食牛角包，除咗平日開工前會食返個，好多時都禮拜五收工都會買定返屋企第朝做個慢慢歎嘅早餐。好食嘅牛角包一定會片片層層脆， 啖啖牛油香。 鍾意食開嘅道友唔洗再多字，你懂的....開頭想去街尾間賣德國麵包嘅舖買，點知去到見到接咗。好在醒起街頭開咗間品穀。之前行經立眼標榜靚麵份又低麩質都知走高檔路線，入到去見到廿幾蚊個牛角包真係窒一窒諗左陣。上次食個過廿蚊嘅牛角包係文華酒店出品。當其時真係諗“有冇名牌大酒店咁好食㗎你？” 響搜尋牛角包嘅時候見到原來除咗傳統牛角包重有綠茶味同咖啡味。 猶疑咗一陣都係決定買個原味試真章。打開包裝紙嘅過程發現隔咗一晚包裝紙無乜油印但個包重幾香。情況就同高級天婦羅冇乜油印響紙上一樣唔係間間做得到。唔熱唔香嘅牛角包我諗冇人會覺得好食。所以來個指定動作細火返焗十分鐘。依十分鐘梗係要來處理杯咖啡啦。 其實隔咗成晚，個包都唔散要保持到個包形，侬啲咪工夫囉。攪咁耐，終於放入口啦。Yeah! 真正牛角包嘅層次、香味、啖啖都係享受。俾出面多一倍價錢嘅牛角包就咁樣治愈咗我一個禮拜嘅工作煩憂。咖啡牛角包你等我呀！我遲啲一定返來搵你㗎。

鬆餅質地比較乾身但抹茶味比想像中特出，以顏色黎睇，我覺得係會零茶味🙊雖然茶味唔濃烈但至少食到微微既甘香。價錢有D貴， size 唔大既scone 都要成$18一個🙊

經過佐敦, 無意中發現品穀, 它的牛角包在ig非常出名， 一定要入去試試先😄各式包包排得整整齊齊， 見到呢個黑芝麻牛角包就知道一定要試呢個 😍 雙色牛角包喺外國比較流行，香港好少見 😄 外表見到牛角包 平均的 一層一層代表 製作嘅時候，摺酥 摺得靚 👍 顏色金黃亮澤， 見到都流口水呀😋 有善嘅店員幫我打開包櫃，因為飢詩完全唔識開 😂😂 俾錢後，店員為我即時唧cream 😘😘 然後用紙包住 🤗 環保呢嘢畀個like佢唔該 👍行咗兩條街之後已經忍唔住要開咗佢嚟食。 咬一口，外脆，先係牛油嘅香味飛入個鼻度， 然後係酥嘅甜味 😍 接著食到芝麻 cream 餡, 質感輕巧，充滿芝麻香氣，甜度適中 😋😋 香脆與幼滑的配搭 。 少量瑕疵包內蜂巢 結構 不算很細，但 食完成個人開心曬😁😁😁關於價錢問題， 有網友覺得略貴，但個人認為 店主在背後花了這麼多心思， 焙烘 是一門掌握時間的藝術， 這個價錢 絕對值得，請 繼續加油 💪💪💪 飢Point : 9.5/10#hungermarch #飢詩 #非飢詩

今日下晝朋友專程鄰去佐敦排隊買 佢話當時情況好似排緊買新出iphone咁 個個戰鬥格😂之前經過已經好想試 但見到條人龍我就二話不說收左皮🤦🏻‍♀️ 難得朋友有心為我排隊 係愛呀😍朋友專程花費$2買個大紙袋 話睇落大方啲🙄打開大熱抹茶牛角酥 迫不及待想睇佢個流心😛酥皮好脆亦堅挺 中間流心蠢蠢欲動😜一個近鏡 啲流心醬非常smooth同埋好重茶味！另一個係芝麻味 黑邊係朱古力薄條 望落係咪好似著左間條衫既海螺😯雖然芝麻無咁流心 但佢個麻香味好impressive 夾埋出面鬆脆酥皮同朱古力 口感出哂黎呢啲就係準備3日先有既麵團口感 之前delifrance 都出左芝麻牛角酥 完全唔係對手😂😂呢個係第日朝早食既bagel 之前係台灣食過bagel一次 一試愛上 但可惜香港搵唔到相同既味道 呢個係今年試過最實在的bagel 強牙的口感繞梁三日😻睇下足料的定義就是這樣 甜甜酸酸 紅莓好新鮮亦好開胃🤗下次要去試其他包仔 最重要係親身見靚仔老闆 如果有幸的話

今天中午買了兩個包, 一個是抹茶牛角包, 另一個是熔岩芝士 本來感覺環境是不錯, 亦對麵包有所期待!怎知道他們的服務真的是........很差!我買了兩個麵包, 他們是用紙包好給我的, 但我打算回家才吃, 跟一位男店員說可不可以給個"普通紙袋"我裝著~ 男店員卻指著上面一個手挽的紙袋跟我說是需要給$2 才有的但是...問題來了, 在我排隊時前面的伯伯他購買了4個麵包, 當時店員亦自動為他提供"普通紙袋"不是手挽那一種我再一次回去說明是要"普通紙袋"但是他仍無視我的說話,  把我本來裝著牛角包的紙  用膠紙封一次再給我, 我不知道你們店舖是不是有規定是需要購買到達某個數量才給"普通紙袋"的,  但我不明白為何你們會給伯伯卻不願給我何況我跟你們說的時候, 是想要一個"普通紙袋"來裝著我的麵包! 不是要你們價值$2 的"手挽紙袋"如果當時我沒有手袋那不就是要我左手拿著一個 右手拿著另一個?味道方面, 抹茶牛角包 - 吃下去沒有油的感覺, 但是內裡的抹茶醬很苦, 味道很淡, 給牛角包本來的味道遮蓋了熔岩芝士 - 中間有一堆芝士 但味道很一般, 價錢上不便宜

原來只得13:30出爐時間, 抹茶牛角酥雖然唔係熱辣辣但就夠脆身, 唔會淋😏外樣睇落都唔差, 唔會黑蚊蚊, 當然包身本身既茶味係唔出, 但內餡既抹茶醬係夠哂甘香、顏色又翠綠, 食完一個之後覺得可以再食過但$28真係唔平🤣

最初喺社交平台認識呢間鋪頭，記得老闆講過，佢嘅麵包係食得飽嘅麵包。以往經過，唔係大排長龍，就係麵包接近全部售罄。今日終於有機會試到。望左一下價錢，每個都價值不菲。廿幾蚊一個麵包，好貴。不過，一場黎到點都要試下。合桃包(左)：確實比平時嘅麵包實在，但咬落軟綿。麵包帶有天然嘅發酵味道，有別於一般麵包店只有奶同牛油味。合桃細細粒平均藏於包身內，整體不俗。經典牛角包(右)：外酥內軟。但始終拎出烤箱已經一段時間，加上沒有保溫，凉左嘅牛角包有一種油益味，可惜。整體味道高於一般麵包店，唔會好似食左一啖空氣落肚，但又不至於讓人有飽嘅感覺。唔否認老闆選用優質酵母及麵粉，但價錢唔親民，只能偶爾一嚐。

雖然邪惡但係要同大家極力推介非常好味嘅抹茶牛角包!!!品穀位於佐敦同澳洲牛奶公司同一條街唔好睇佢好似普普通通同一般麵包鋪差唔多其實內有乾坤最出名嘅係佢嘅牛角包分別有抹茶味同埋芝麻味呢度用嘅沒茶丸久小山園龍抹茶抹茶味非常濃郁 個味一D都唔假抹茶味係有D茶甘味個一種而且牛角包非常之鬆化 外皮仲有少少脆兩者配合得非常好不過價錢就真係稍為貴啲＄28 幾啖就食完但我依然有興趣下次再買埋佢個芝麻牛角包試下另外仲買咗個音羽紅豆包紅豆蓉非常之香濃 餡料好足麵包有彈性 食落口唔會覺得好滯

品穀大家都唔陌生啦☝🏼大家估下我今次食咩🍯？係喇 就係蜂蜜包包喇食落去個包真係好firm最估唔到啲蜂蜜流哂出黎🤤真係好好好好味啊💗另外我食過紫薯栗子芝士包？呢個就比較普通啲😂_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$14________________________唔信我嘅可以自己去試試😂地址：佐敦白加士街61號地舗