品臻 (海庭道) (已結業)

最近胃痛，忽然想飲薑茶，聽說暖胃，應該會舒緩一下吧。近年比較少喝台飲，因為覺得不平又會肥。不過呢個時候，想飲熱薑茶，應該都係台飲店比較易搵到。呢間第一次試，當時下晝四點左右，屋苑地方，冇人幫襯，我同一時間有三個員工。我要左杯 黑糖薑母茶（熱）大杯裝700毫升 $28沖好我個杯之後呢，其實都冇其他客人，可以直接遞比我，但係又要我特登兜入去拎嘢飲（我當程序上要咁，就算）我唔會再幫襯呢間嘅熱飲因為熱飲用返凍飲嘅膠杯、粗飲管其實真係好唔user friendly 會好容易燙傷飲晒成杯都唔覺有黑糖味薑絲就唔少唔係我飲開嗰隻黑糖甜味、濃郁當然有啲失望不過係去到少少胃氣有分兩個size $25 同 $28 爭3蚊我要左杯大杯裝，店員話要加$3我睇餐牌都知道的準備俾錢我咪問佢咁即係幾錢佢就就咁講話加$3我要知個總數啊，好彩問清楚佢本身想收$31有啲烏龍如果凍飲，可能都可以俾機會試吓

用OpenRice 叫左個外賣自取無諗過個味道可以咁麻麻叫左杯熱阿薩姆奶茶加珍珠加燕麥無燕麥竟然唔退返錢，咁樣做野唔得囉加上杯野飲係室溫而唔係熱，味道好淡好失望仲有朱古力雞蛋仔淋過毛巾希望質素可以改善下起碼雞蛋仔都應該有返少少脆

本身諗住買啲<<綜合芋圓>>咬吓! 濕吓口!有成十二款配料嘅選擇下…千揀萬揀揀咗九份芋圓、薏仁同椰果!真係唔知係揀錯配料定係揀錯湯底🙄佢有黑糖同蔗糖…係咪黑糖冇咁甜? 健康啲?我揀咗黑糖但超級勁爆甜😱糖水又甜! 珍珠又甜! 連啲薏米都好甜!薏米嗰堆糖水仲稠到好似嘔吐物添呀🤢口感非常唔討好!所以就算overall嘅配料韌度ok…但味道真係令我食唔到落去!.連好食得甜嘢嘅男朋友都唔俾我再食!真係太甜🧸嘥咗$35😑

其實奧運站D3出口出近啲，穿過奧海城2期，落一層扶手電梯，係商場1樓直行到尾，轉左，落扶手電梯，穿過巴士站，見到海富苑，過對面右轉直行，見到太興行入去，就係麥當勞對面～

黑糖芋圓刨冰🍧因為天氣好熱呀所以最近都覺得好想食返啲冰凍嘅嘢上一年嘅夏天其實都有幫襯過佢哋嘅黑糖芋圓刨冰🍧，同埋疫情期間因為佢哋生意減少所以當中都有做咗啲買一送一嗰啲珍珠奶茶，依家就已經全部取消晒喇今日就叫咗個$32嘅黑糖刨冰🍧可以選擇四個配料，我每次都會叫 芋圓 仙草凍QQ椰果 同埋紅豆今次我另外加多咗$6要多一份 芋圓佢哋嘅 芋圓 都幾煙銀彈牙，每次我都會要求叫佢哋加少少煉奶俾我，咁樣會更加香配上刨冰黑糖，味道的確唔錯不過啲冰攞到返屋企就溶咗一啲，同埋食到中途會見到啲冰黐埋一舊要攞個匙羹整開佢，先至可以食因為今日係紅日所以客人比較多，我淨係叫過刨冰已經等咗17分鐘🥲🥲冇辦法啦 客人今日比較多所以真係要等耐啲，佢哋好似多咗啲熟食小食所以有少少太忙，三個店員都踢晒腳，等到有啲想發火 但係好彩男店員嘅態度好好，所以會繼續光顧嘅，記得之前買咗個奶蓋奶茶，年輕嘅女店員態度惡劣，差啲想發誓以後唔幫襯佢哋，依家見到個年輕店員好似唔喺度先至俾多次機會佢哋，不過佢哋個奶蓋好似麻麻哋，唔夠出面嗰啲好飲所以我唔會再飲奶蓋建議店內可以整啲座位比客人坐住等，執一執等位嘅位置，唔好放咁多雜物，店內冷氣唔夠，咁

幫襯咗好幾次，每次啲後生嘅員工都黑口黑面好似吾想做咁，問句嘢又吾想答，語氣又差，係門口睇餐牌又會睥到你實。食物質素係ok，但等候時間都幾長。如果叫嘢食，因為即炸嘅關係，所以都要等15-20分鐘。而員工嘅出餐次序都好有問題，有幾次只係叫杯嘢飲，但都比遲過我買嘅人遲拎，有朋友幫襯過都話有同樣問題。價錢亦偏貴，吾太抵食(每次同一個價但食物份量都吾一樣)。所以吾會再幫襯👋🏻

不時幫襯開的小店的珍珠奶茶，相比其他茶店，這家珍珠特別軟熟好咬口。今次吃豆腐花的芋圓都係好煙靭彈牙。靚仔老細響度的招呼和服務寧舍不同。今日佢推介台灣夜市必食新產品，椒鹽魷魚同炸豆腐，豆腐是魚腐，有啲特別，未必人人喜歡，但炸魷魚就無得輸。品臻的價錢定位很老實，用料也特別講究，有幾次要等他煲新的珍珠，因為靚仔老細珍珠不能放過夜，煲多左要棄置會浪費。所以等多一陣也很值得。這家的雞蛋仔也很美味，但今次沒空間吃。

本來唔特別想飲乜嘢、即管幫襯下、促進經濟。點知、叫紅豆抹茶、冇抹茶喎！但店員話有紅豆抹茶鮮奶！？！？算啦、求其叫杯咖啡啦、點知等完又等、佢不停沖其他嘢都唔整我果杯、全店冇客、只有我、員工就有2個。可能係外賣、咁但係未有人嚟拎、咁係咪應該做比我先呢！好啦、卒之開始整我果杯、整整吓有人要落單、店員就去收錢、到底點解我嘅 priority 係最底？！嬲得滯唔等走咗、$36 豪比佢！但以後永遠不會再幫襯。呢啲咁嘅員工、請佢返嚟堵米！4/30 4:30pm

🍴海鹽奶蓋阿華田鮮奶沙冰 HK$32海鹽奶蓋鹹鹹地相當清新，無芝士奶蓋咁肥膩，阿華田足料，加埋明治鮮奶打成沙冰，冰爽濃郁。🍴芋頭特濃鮮奶加小芋圓 HK$36芋香唔錯，撞落鮮奶度幾濃厚，食到鮮芋頭蓉，小芋圓煙煙韌韌，可惜d冰溶得太快，唔夠凍。🍴花枝丸（跟餐） HK$10、鹽酥雞（跟餐） HK$20花枝丸表面酥香，咬落彈牙，椒鹽份量落得岩岩好。鹽酥雞香脆乾身，淨係塊脆皮已經相當可口，雞肉都幾滑，估唔到飲品店都有咁出色嘅小食。📍品臻大角咀海庭道8號地下16號舖

大角咀都有唔少好野食，依間主打台式手搖飲品、港式及台式小食黑糖小芋圓鮮奶，小芋圓口感軟糯，黑糖味道正宗、帶有焦香，甜度適中，鮮奶味道厚重，口感細滑。炭燒烏龍珍珠鮮奶茶，鮮奶、炭燒烏龍茶比例均勻，茶味濃香，珍珠口感Q彈。古早豆腐花，配料包括有黑糖、芋圓、地瓜圓、紫薯圓、珍珠、仙草，豆腐花囗感滑身，豆味濃香，黑糖味道香甜，九份芋圓口感煙韌，仙草口感滑溜。魚肉燒賣，食落有淡香魚味，配以豉油食用，味道更佳。

呢間台式店位於屋苑樓下如果無人帶路都未必知道佢嘅存在喔！🥣九份芋圓（$28）自選三款配料及底料港女我就揀咗最愛嘅仙草墊底...再配上珍珠、椰果及芋圓💕仙草質地稠厚滑溜，帶點草藥香加咗蔗糖調味，唔會好苦喔😋 珍珠Q彈；椰果爽口；芋圓有嚼勁口感非常豐富呢！🥤海鹽奶蓋阿薩姆紅茶（$25大杯，微糖）奶蓋厚身，咸咸地且富奶香味入口順滑，紅茶同奶蓋混合，兩者味道好夾！另外追加咗小芋圓（+$5）細細粒，圓碌碌，好有咬口！味道滿分之餘，同時加添口感喔💯🥤檸檬蘆薈冬瓜茶（$27大杯，微糖）蘆薈份量佔咗1/3，順滑爽口配上檸檬冬瓜茶底，非常絕襯呀👍🏻香甜嘅冬瓜茶配上清新檸檬，酸甜解渴夏天必飲！

烈日當空之下☀️拎住一大疊嘢🗂真係又攰又頸渴🥵就同朋友去咗附近品臻 食翻碗冰唞下☺️.品臻至尊配豆花底🍧入面有紅豆、綠豆、芋頭、芋圓、薏仁、仙草、珍珠😍豆花豆味都幾重，仙草滑溜 👍🏻芋圓暖暖哋又煙韌😆紅豆、綠豆、薏仁都煮到好腍身🤤.黑糖芋泥鮮奶+小丸子🖤攪勻之後就飲到軟滑嘅芋泥💜同軟糯嘅小丸子好夾😌黑糖香甜又唔會搶走芋泥嘅味道，仲食到粒粒芋頭😉.紅豆宇治抹茶鮮奶+珍珠🥤抹茶茶甘濃厚🍵紅豆係好甜蜜😛兩者一齊飲就非常平衡😋配埋香滑嘅明治鮮奶🥛配搭不錯

今日食既呢一間係位於大角咀既品臻係屋邨樓下都可以咁高質既台食店真係少之又少台式鹽酥雞係即點即炸的鹽酥雞, 我揀左既辣既口味, 味道不錯而且好香既鹽酥味, 夠哂嫩口同香脆!!雞蛋仔呢度既雞蛋仔味道選擇都幾多, 我就揀左原味比想像中更好味, 因為佢唔會太淋! 所以可以一粒一粒咁拎出黎食!! 味道同口感都是不錯的!! 而且價錢不算貴, 性價比高海鹽奶蓋珍珠奶茶呢個飲品特別之外價錢好貼地!! 珍珠係好彈q既口感, 而味道不錯, 奶蓋係無敵好味!

位於大角咀海庭道8號地下16號舖的品臻 (Ban Chun)，主打台式飲品及台式小食。小店除了食物質素不錯，整體給食客的感覺充滿人情味，職員頗為友善。。九份芋圓 - $28好大碗好抵食😋😋三款配料揀左九份芋圓、紅豆同珍珠，芋圓同珍珠都煙煙韌韌，水準相當高。其他配料揀左仙草凍同黑糖，黑糖的份量充足，味道香甜。食完既感覺，就好似飛左去台灣咁😭😭😭甜品盛得滿滿的，外賣回家後，可以分給三位女孩子享用。。椰汁紫米芋圓鮮奶 - 500ml - $32揀左細杯裝，好足料好飽肚😚因為係外賣翻屋企，所以翻到屋企就用個長匙羹，攪勻晒所有配料，紫米同椰汁既味道會更加均勻~紫米和芋圓的份量也相當慷慨，而且椰汁沒有用水溝淡，味道相當香濃。。椒鹽花枝丸 - $18即點即炸，外面勁香勁脆口😋裡面的質感彈牙，還會吃到粒粒墨魚肉。

這家公司附近嘅小店成日都見到好多人排隊光顧，飲料種類繁多而且味道都好吸引。除咗台式飲品之外，佢哋仲有售賣多款小食例如格仔餅、豆腐花、芋圓等。今次就叫左三杯凍飲同兩款小食試試🤤-飲品方面揀左蜂蜜檸檬蘆薈綠茶、水蜜桃果茶同招牌芋頭鮮奶🥤 芋頭鮮奶係用明治鮮奶製成，證明用料高質，芋泥味道不會太甜。水蜜桃果茶同蜂蜜檸檬蘆薈綠茶味道天然，不會有假甜味道。-小食叫左好特別嘅芋圓糖不甩同肉鬆格仔餅～ 平時芋圓糖水就食得多，但芋圓配糖不甩就真係第一次試，估唔到味道出奇地夾，非常推薦大家試試！肉鬆格仔餅係即叫即製的，大大份同人分享都冇問題。裡面嘅餡料份量非常足，呢個價錢來講性價比真係超高👍🏻