哈佬燒烤川味

营业中

休息中

想食好耐，但每次下晝經過佢都未開，今次特登搵個夜晚，放工過黎食！提前有bk, 去到唔洗等就有得食！水煮牛肉，佢有得揀辣，我地嗌咗正常辣，夠辣夠麻，食落去好爽，哈佬d水煮嘢無薯粉，唔洗驚食唔晒！見隔離枱水煮毛血旺，好似仲正，下次試吓！乾鍋肥腸，夠辣夠鑊氣，份量十足，餸飯超正！不過肥腸真係幾肥，走油後食唔岀肥膏感覺，得番香味，真係好易爆quota! 炒鱔，辣得黎，又有青尖椒嘅香味，中意食鱔嘅朋友唔好錯過！總括黎講，好滿意嘅一餐！小店經營，嘢食大份又唔貴，老細仲好friendly! 唯一一樣嘢係，d餸都偏鹹，下次再黎食要叫老細少鹹！

之前上網見到有人介紹，打電話去問一問有位，於是就齊齊去試下。—————————————————同行有人食得辣有人唔食辣，今次叫咗 ：*中辣水煮魚：辣度一般，鐘意食辣嘅朋友可以會嫌唔夠喉。*胡椒蘿白牛展湯：胡椒味夠濃，牛展蘿白夠入味，用嚟做打邊爐湯底一流。*魔鬼炒蜆:夠辣，夠入味。*椒鹽鮮魷：新鮮即炸，熱辣辣，脆卜卜*雞雞煲：多汁中辣，可以做埋火鍋湯底，夠辣，夠味。仲有其他小菜都唔錯，總括嚟講，值得推薦

男朋友呢排成日嚷着要食酸菜魚🙋‍♂️💁‍♂️🙍‍♂️ 好啦好啦今晚就陪佢去食啦🤗 本來想食陳醋雲耳但老闆話冇😭 麻辣蓮藕片就啱啱整好 所以我哋要左一份💁‍♂️ 蓮藕片好爽脆 真係好夠麻辣！💁‍♀️💁‍♀️💁‍♀️酸菜魚 鯇🐟一黎見到勁大盆👀😂 $118真係超級抵💁‍♀️ 入邊有好多好多好多魚 仲有少少豆卜，菇同薯粉 真係兩三個人都夠晒食💁‍♀️ 酸菜嘅湯底好香 唔太辣 下次試下多酸睇吓得唔得先🙆‍♀️ 鯇魚幾滑 不過始終比生魚多骨 但我哋兩個好鍾意食魚 所以鯇魚都okay🙆‍♀️泡椒黃鱔再黎多款魚🙆‍♂️ 泡椒雖然油啲 但好香好惹味☺️ 黃鱔滑嘟嘟 好實肉！食得出好新鮮既魚味！ haha 不過就真係油啲啲🙇‍♀️ 見男朋友想食左咁耐 今晚就陪佢放肆下啦🙆‍♂️🤷‍♂️PS. 見到有啲熟客黎食雞😯 一隻勁重稱 唔知點賣呢😮

今晚晚餐 去咗屋企附近 屏會街 幸福樓 地下的哈咾 燒烤 川味 食 晚飯 熱情果梳打 青檸梳打 大杯抵飲 跟住小食 係 麻辣薯仔絲 同埋蓮藕片 好好味椒鹽 九肚魚拼 椒鹽魷魚鬚 十分惹味豉椒炒蜆 略帶腥味 可能不新鮮 味道一般 川味小炒王 口感一流 食到停唔到口青椒蜜桃 生炒骨 不過不失 值得一讚 就係 服務好

又開始食生日飯喇!打嚮頭炮嘅係辣!呢間小店係我同朋友T兩個辣妹去過撐枱腳嘅，上次兩條友食唔到d乜，今次成10個人，想食咩都可以叫齊啦!今次再嚟，餐牌比起之前多咗d菜式，另外仲有張綠色手寫menu係d唔辣嘅小菜，由於有朋友唔食得辣，我哋又試下d唔辣嘅小菜。另外飲品方面，我哋大部分人都點梳打，但人哋明明冇兩溝嘅梳打，朋友M叫錯咗 "青檸柚子"梳打，老板娘又照做比我哋。哈哈!所以我哋今次除咗試咗"青檸柚子"仲試咗"青檸熱情果"，呢d就係幫襯小店嘅好處!涼拌麻辣小食呢個前菜真係無得頂，其實係自己叫咗6款小食組合成嘅麻辣拼盤，以12蚊一款嚟講份量適中。今次多人叫咗6款試晒咁濟，全部少少麻少少辣好好味，係入門級嘅辣味!哈哈哈！不過已經無咗泰式鳯爪。麻辣土豆絲，麻辣豆角，麻辣蓮藕片陳醋雲耳，麻辣豬耳，麻辣鷄腎醉鴨舌佢嘅鴨舌份量都算幾多，鴨舌夠爽又夠酒香味。虎皮尖椒原隻尖椒冇刮去入面嘅辣椒籽，保持辣度，但朋友個個話辣度一般，就只有我中咗隻最辣嘅椒!手拍青瓜青瓜爽脆，略嫌少咗d汁。涼拌皮蛋皮蛋溏心軟滑，清涼爽口，帶d鮮味。辣子雞我上次就係被呢個辣子雞吸引住，雖然今次d雞粒比上次大粒，但味道依舊冇變，仲係

好想幫哈佬寫食評，嚟左兩次食物同人情味我都好鍾意。依家出面好多時都係大集團就算係小店都好少有互動，例如問吓食客對店同食物嘅質素、感覺如何。呢點哈佬做得好好，為求改進等自己可以做得更好。我同老友隔左一個月多啲第二次去，店員都仲認得我同朋友之前幫襯過，感覺上好像見到朋友咁，真心有heart！我哋真係好欣賞佢哋嘅熱誠呀！再睇埋呢張白飯相，就知哈佬幾勁人情味食物當然亦唔講得笑，全部都好夠鑊氣，味道又正，香氣仲勁，好印象深刻嘅係，隔離兩台點左一道辣子菜式，伙計上菜時行過遺留果陣香味幾震撼！用料真係好足，大家請落去下面睇下相！陳醋雲耳，甜酸中帶點孜然味醉鴨舌魔鬼炒蜆，超好味辣得嚟又有層次，非一般的辣水煮毛血旺，配料有豬腸、豬紅、栢葉、水土魷、豆卜等等。。。太多濃味食個清炒鍋筍都唔錯爆椒鴛鴦雞，一個煲滿足兩個願望，本身菜單無嘅，想試就問吓落單個哥哥仔可唔可以，相信人情味濃厚嘅哈佬應該會盡量滿足食客嘅要求！

第二次再來這店， 四個女仔聚舊， 實在太難忘涼拌小菜同辣子系列， 今次涼拌點了藕片， 肚絲，雲耳， 本人最愛的依然是藕片或菜類的涼拌， 和麻辣味非常夾， 爽爽脆脆， 口感不錯又醒胃， 唔好意思， 又係食到一半才醒起影相， 太好食了即拍青瓜， 入口清爽， 我同幾位女仔朋友都愛點了辣子雞， 不要被一堆堆辣椒所嚇壞， 這道菜不算很辣，雞炸得很乾身，不拖泥帶水， 配啤酒一流， 但本人還是喜歡上次一吃就辣子鴨舌， 有多一點𡁻口，可能我喜歡吮骨吧我地幾個怕怕一鍋也是紅色辣油的水煮系列， 於是點了酸菜生魚， 超大驚喜，生魚超級滑同彈牙沒有骨， 不要以為用很多酸菜或什麼墊底使魚片露出湯面，食完面果浸， 在底的還是魚，魚同魚！ 夾了好幾次還是一大鍋滿滿的， 真的誇張又超抵食另外一驚喜的是蜜川一口牛， 吃了大部分都是辣辣的菜，蜜川一口牛卻是甜甜的， 一口牛好軟又林， 搞到食到一半才想起要影相最後仲有萵筍牛肉， 很喜歡萵筍很爽又入味， 本人自從上次吃了蒜茸炒萵筍， 就愛上了萵筍， 很喜歡萵筍的口感， 但是今次炒牛肉是切絲後很難夾起， 很滑呢， 下次還是點蒜茸炒萵筍， 一大片的咬， 易夾又易食4個人點了四道菜

見朋友介紹呢間元朗小店食辣嘢好得，今晚約咗辣妹兩個人撐枱腳，吹下水食辣嘢!由朗屏西鐵站行落嚟都只係大約6分鐘，途中都見到有好多類似嘅川菜小店。店外有個雪櫃放滿麻辣小食，睇到已經流晒口水。舖入面真係細細地，得6張4人枱，可以坐30人左右啦！每張枱都有電磁爐係面，方便食火？？但我見menu好似無，唔知係咪冬天先有呢？！menu 都好簡單，只有兩張紙仔，分小食、涼拌同小菜~牆上面會寫左d推介同飲品~熱情果梳打vs鮮檸柚子梳打老板推介熱情果梳打係用原個熱情果整，味道少少酸，但夠晒大杯夠解辣!泰式鳳爪酸maymay好開胃麻辣土豆絲拼蓮藕片麻辣味好香!水煮田鷄(小辣)少少麻少少辣又唔太油，田鷄仲好滑溜!有秀珍菇大豆牙紅薯粉仲有豬紅，老板仲加咗d薯粉比我哋!其實可以加20蚊加薯粉!老板仲話可以早一日打嚟order水煮其他魚，佢就會幫我哋去買條靚魚，下次一定要試水煮桂花魚!辣子雞點做到外脆內軟滑?!喺其他地方只食到舊堀堀炸雞。今晚兩個人實在食得太少嘢，下次要call齊辣友嚟，朋友仲試過口水雞同手撕雞同話好滑。

舖頭雖小，味道俱存。推介冷盤，麻辣豬耳，雞腎，皮蛋，份量十足，豬耳爽口小麻，皮蛋有點淋，但能從皮蛋黃吃得出是鮮辣汁味熱盤推介, 口水雞，辣子雞，手撕雞，水煮生魚，水煮牛肉。口水雞唔算好辣，但勁滑，好入味辣子雞，淨係睇到啲辣椒已經嚇呆左，好彩唔係勁辣，但好麻好脆，令人再三回味，要encore手撕雞，啲雞一樣係滑到溜，配埋秘製既花生醬，絶配水煮生魚，魚鮮入麻，再配大量原粒花椒，尖椒，簡直係越辣挑戰，嗜辣者可一試份量十足青檸梳打，青檸有幾塊咁多，味道拍得住泰菜館，但size就大一倍，又麻又辣了味角後，喝一口清新飲料，味角舒緩不少這家自家小店，上碟需時，請耐心等候若怕太辣，可以吩咐侍應小辣

🍽🍽🍽呢間新開既川菜好好味👍🏻👍🏻👍🏻酸菜魚大部分都係大大塊魚肉，無乜骨，嫩滑彈牙🐠🐠😋醉蝦同鴨舌好入味，水煮黃鱔🌶🌶🌶無得頂呀！個個送都好好食，辣同唔辣都一樣咁掂😍😍😍小朋友都好岩食！價錢又平，色香味俱全！抵食！服務態度仲要勁好👏🏻👏🏻👏🏻已經同過好多班唔同既朋友去食，個個都讚不絕口！絕對有下次喎！😎😎😎仲要外賣啲醉蝦同涼拌第二日做午餐，聽晚又再去喇😆😆😆

美味之選，偶然同朋友二人經過，入去一試，點知超出咗我預算，雖然環境唔似得一啲餐廳咁靚，但佢嘅環境乾淨，服務態度親切，同佢哋傾咗一輪，原來係家庭式作業，所以佢哋都好客，見到有好多住附近嘅街坊都會嚟食，而且同佢哋都好熟，整晚食飯氣氛都好好，出菜速度仲好快添，味道比好多坊間好多食肆，首先食咗個麻辣蓮藕片，辣度夠，又夠爽，份量正常，再嚟手撕雞，雖然份量唔係太多，但2-3人食，就差唔多，味道適中，之後再試個水煮牛肉，真係好辣，但又唔會話辣到入唔到口，愈食愈想食，認真我一定會反來再食