哈比斯燒肉串和咖哩 (利景閣)

营业中

休息中

有次經過呢間舖頭，成日聞到裏面好香，今次終於入去試吓外賣返公司當午餐食，叫咗個牛肉卷，佢哋除咗有呢啲卷之外，仲有Pizza，亦都有咖喱，有沙律俾你叫，所有食物係即叫即整，所以都等咗一陣，不過熱辣辣，亦都香噴噴，店員會幫你用錫紙包好食物然後再用個膠袋裝好俾你，所以唔需要太擔心點樣放置，開餐嘅時候都仲係熱辣辣㗎，裏面有啲牛肉，有啲生菜，洋蔥同蕃茄等等，亦都會有少少醬汁所以唔會太乾，不過感覺牛肉有少少蘇味，但係整體上可以接受，平平哋不過不失啦，大家都可以去試一試。

我自己都幾鍾意食中東野同印度野，之前經過天后見到呢間【Habib’s】，專賣燒肉串、卡巴卷、咖哩同pizza等。每一日都有特價Meal of the Day卡巴卷或沙律，連星期六日都有！禁我就叫左Meal of the Day 加飲品 同Samosas。星期日既Meal of the Day係魚塊卡巴卷/ 沙律， 另外加$2可以配罐裝汽水或紙包飲品。就算係特價卡巴卷，分量都好大好足，但餅皮就無得選擇。蔬菜好多、魚塊係炸左，而且調味好特別、D醬搭配有岩岩好！Samosas係印度式咖喱角，比起港式咖喱角大好多，而且超多餡！有肉碎、薯仔、蔬菜碎等，塞得好滿。而且可能為左迎合香港人口味，唔會好辣，但超多香料！性價比高，全部即叫即整，非常新鮮熱辣，但就要耐心少少等候，如果人多或訂單多，大概需要等20-30分鐘！

天后有好多好嘢食，見到呢間印度野突然好想食呢個kebab sharwarna，記得以前好耐食過，幾好味的，所以就係呢一間買咗一份外賣拎走，揀咗夏威夷烤雞肉味，份量來講其實好大份，食完都會好飽，外面一層印度餅嘅皮，裏面嘅餡有洋蔥、烤雞粒、蕃茄、生菜同埋沙律醬，因為有好多蔬菜類所以食落好fresh，而且好有口感，都幾好味，我買嘅時候就有叫佢要辣嘅，如果你唔鍾意食辣都可以揀唔辣。呢度個侍應好好人，態度幾好又有笑容。

上班放lunch時, 又到了這間kebab店點了一個烤肉kebab帶回公司吃。餐牌上有很多款kebab供選擇, 肉類方面, 主要有烤雞、烤羊肉、烤牛肉, 他們亦有素食的選擇。只看價錢是覺得有點貴, 但當店員遞食物給我時, 我完全覺得超值呢! 大大份, 非常飽肚! 我點了烤雞肉kebab (Kebab Gyros), 即叫即製, 拎上手是熱辣辣的。烤雞肉肉質很嫩, 上面淋上秘製沙律醬汁, 很juicy。裡面還有生菜、蕃茄、洋蔥, 味道豐富。Kebab皮不會過厚, 很軟熟, 食落有麵粉香。

好耐之前我仲係大學讀緊書嘅時候 大學飯堂就一直都有間做Kebab嘅餐廳 我一直都好想去試下 眨吓眼四年過去 到我畢業嘅時候我都仲未去食過今日偶爾經過天后見到有一間餐廳野食賣相唔錯嘅餐廳 我就走入去彌補返大學時無食到嘅失落感今次我點左牛肉餡嘅Kebab 未食嘅時候我對佢嘅第一個感覺係啲料真係超多 之後我食落去我食到啖啖都係肉 而且佢地辣辣地嘅醬汁都相當惹味 配埋可樂真係無得頂 而且中東菜有一個好大嘅特點 就係佢地對香料一啲都唔吝嗇 未食就聞到香噴噴~~~~~~~~~~~~~~~~~~~~~~~~~~~~~~推薦比平日喜歡食唔同國家菜嘅朋友 佢地嘅kebab作為宵夜真係無得頂

今日食完中午飯 ，意猶未盡，路過天后見到哈比斯 燒肉店。佢專門售賣中東kebab 和印度美食，以外賣為主。 喺門口外面已經聞到佢嘅佢嘅香味!個人最喜歡 食印度的咖哩角，即刻入去買咗個咖哩角Kebab和 兩隻咖哩角。咖哩角Kebab餐廳每日推出特惠Kebab $36，加兩蚊包嘢飲，星期一到日每天不同款式。今日是咖哩角Kebab，啱曬我呢個咖哩角控！Kebab包滿沙律菜，口感清爽新鮮，感覺健康有益!咖哩角即叫即做，熱辣辣香噴噴，雜菜口味有兩隻，份量幾大，質感香脆鬆化，有香酥味道帶微辣！

天后一帶，食肆商戶十分多，😝我今日經過一間中東餐廳，被香味吸引，店鋪吾大，我決定外賣反屋企嘆，🌮我叫左Kebab 羊肉卡巴，羊肉味道極濃，屬羊癡的我非常喜愛，可媲美重慶大廈的卡巴。🤩而且佢價錢便宜🥳，大眾化，建議女士們可以同朋友share, 因為好大份，🥗入面有菜，又有蕃茄，好豐富下👍😁我一路等外賣，一路听住印度歌💬，十分有趣💃，店員亦是印度人，彷彿去了旅行一樣😂🤣 不過店員的英文好像不太好，他們不太明白我地講咩😝🙈

今日行開天后，又經過呢間野，呢間野啲卷好好吸引，所以買黎試下，入面好細一間店，都有三張枱仔，如果行街行到攰都可以係入面買黎坐低試下，我就買左番屋企慢慢嘆。佢有好多款式可以揀，最後決定買左e號烤牛肉kebab, 用錫紙包住，佢有部機會係包完之後壓一壓，好香烤味，入面有烤牛肉，番茄，洋蔥，生菜，好新鮮嘅食材，入面仲有好特別嘅汁醬，食落口會慢慢小麻辣感覺，好惹味。我本人唔鐘意食正宗印度野，因為好怕啲香料味，但呢個完全無，而且超級好味。

餐廳空間偏細🤔 得幾個位可以坐 所以我都係叫外賣回家食算了。 😚😙E. Kebab Beef Roast 烤牛肉 $70係一個墨西哥卷來的🌯， 有的揀辣同唔辣👍🏻 除左牛肉仲有其他 例如雞，羊同素菜等等... 唔食牛既 都可以揀下其他素食類別😊幾貼心！ 但我就比較中意食牛多啲 所以揀左牛😂 牛如果無咁韌會好啲 因為調味足夠。 佢個沙律醬好多配埋個肉都幾好味🤓 雖然佢一份都幾大條 一個人都食得飽既 不過價錢平小小就更加好了😍

放假出黎天后整完野 再食小食但又想食D特別d既野 最後搵到黎哈比斯 有得食Kebab 夠曬特別又得天后先有既小店 就你啦！😎但今日太熱唔太想食肉 最後嗌左個素食Kebab （$62）同芒果乳酪（$20）素食Kebab主要有菜 蕃茄 洋蔥 同薯仔🥔內有少少咖哩醬同沙律醬 味道調得好好 唔會食到個口好乾 而且一開二方便d食 比我想像中飽肚 一個人食曬兩邊都食唔到其他野了😆而芒果乳酪幾特別 出面都唔見有得賣 $20就飲到正宗印度乳酪 而且唔會好甜 難怪見到有人得意入黎買乳酪飲啦最後食到飽一飽先離場 今晚唔洗食飯lu🤣🤣

喺天后見到呢間中東野，因為嗰日唔係太肚餓所以叫咗一個Kebab Chicken Tikka 外賣返屋企食。初初我以為唔會好大個，估唔到都有12吋長，咁$68來講就幾抵食👍🏻女仔食量細嘅話食半個都夠飽至於味道方面，我覺得幾好食，個皮唔會話好厚，厚度適中，而且唔會太乾👍🏻入面嘅餡料都好豐富，切開咗一半之後啲雞肉都跌晒出嚟👍🏻雞肉食落去味道都好夠，再加埋啲醬汁生菜同埋蕃茄等等一齊食，口感都幾豐富👍🏻同埋呢間野係即刻order即刻整，所以攞到手嘅時候都會熱辣辣好新鮮👍🏻P.S 幅圖入面個Kebab 係切開咗一半之後嘅份量

又到左yoga既時候，同朋友食少少野先上堂，見到呢間有kebab食，我係好鐘意食kebab，因為塊皮！當日星期六係咖喱角做特價，其實捲左入去我都無乜理d餡，所以我地要左一份kebab一份salad share!其實佢一個kebab已經好大份，不過我地廢是叫咁少野😂即叫即整，好熱辣辣，餅皮煙韌，入面好多菜，少少辣好開胃，夏天食好正！咖哩角我估係素食，所以感覺似薯仔，捲左入去加多陣咖喱味好食左！另外沙律都唔錯，不過kebab抵食d😂😂😂下次叫2捲算，不過女仔半捲都好飽下。

一向對印度烤餅都好欣賞，不過印度美食並不常見，途經呢間充滿印度風的餐廳，就一於買返屋企食~呢間餐廳雖然細細間，不過播住印度歌，好有feel。服務都好好，服務人員應該係印度人，不過就好nice~餐廳菜式都幾多款，捲餅、小食、沙律、PIZZA....如果三心兩意的話，可以叫服務員介紹下。PS. 佢地D英文係有少少難聽得明^^我最後揀左呢款雞肉咖哩配印度烤餅，雖然外賣，不過拎到返屋企仲係熱辣辣，烤餅係特別用錫紙包住，好keep到熱。個咖哩可以揀辣同唔辣，但我一食，真係有點驚喜!我都諗點唔辣，始終係咖哩~但一食你會發現佢呢種係香辣，入口個下完全唔覺，但食落慢慢就開始有d麻辣feel，不過好好味~烤餅沾上咖哩，好惹味，少食辣嘅我都食到要比個讚!而且個雞好入味，一啖烤餅一啖雞，好滿足。如果鐘意食印度烤餅，可以食呢間！

今日去咗北角度做運動，出完一身汗即刻肚餓，想食啲健康啲嘅嘢經過見到呢間印度野鋪面細細，但係幾有印度風味，仲有我最鍾意食嘅Kebab ，所以即刻入去買返件外賣返屋企食先<Kebab Gyros (Chicken Roast)$68>就算係Kenab已經有勁多嘅選項，仲可以自選麵包Fatbrown 見到頭三個都係雞，就揀咗第一個，通常擺第一個係好嘢嚟㗎嘛待應哥哥整好卷kebab叫我拎嘅時候，真係嚇咗一跳卷kebab 有我飯手臂咁長，用錫紙包住熱辣辣咁，真係聞到都流口水返屋企一切開見到裏面有好多雞柳同埋生菜，仲有少少酸味嘅醬汁，食完真係好滿足

突然好想食Kebab 就走咗入去買咗個烤雞肉Kebab拎走。一份成68蚊，初頭都覺得貴貴地，但眼見佢拎出嚟嗰下即刻明哂，食落去嗰陣更加覺得，啲料多到一個點，懷疑佢賣68蚊分分鐘係無錢賺Haha喺佢整緊嗰陣，都有偷偷地裝下佢點做，見佢攞咗塊好大嘅薄餅，將烤雞肉滿滿的舖上去，再好似唔使錢咁加生菜，蕃茄，洋蔥等各種配料，然後落醬，落齊之後用錫紙包起佢，再放落去烤箱加熱，就完成了Kebab到手嗰下熱辣辣，即刻開嚟食，超級好味。不過最可惜係，我食唔哂，諗住留返一半晏啲食，但因為生菜出水，令啲汁變稀，整到薄餅好濕，就變得無咁好食了...嘥咗添