哥利亞餐廳

营业中

休息中

前幾日，在蘋果動睇到這間餐廳的介紹，講呢間餐廳負評多過好評。點知今日有同事想食，原來佢之前已經食過，根據佢形容，個老闆娘係"煩"~ 但炸脾飯好味～咁我就跟埋去試試啦～醬同餸可以自由組合的！我揀左蔥油+炸脾!!首先一上枱，見到滿滿的蔥油就好吸引喇，餐廳一d都唔慳料！一呢度的炸脾唔係我想像中果種好多炸粉果種炸脾，而係無用任何炸法炸的。大大隻雞脾炸得皮脆肉滑！真係好正！！令我不禁讚嘆這間小餐廳竟臥虎藏龍，有個咁出色的廚師！而且老闆娘並不像傳聞果種態度差，而係好詳細咁解釋餐廳有咩食，可以點組合等等。有機會會再來試其他!

為了蔥油炸肶而來....第一次已經服務不太好, 店員一直要求快快食完快快走,唔好阻住下轉....午飯時間都可理解但今日只有我一人入座(埋單時都未有其他人入座) ,店員服務依舊....給你難受既感覺,佢講你要聽,意見不同係你錯,店方一定是對的.........下次再想食可能要外賣走.......

行到天后未試過這家餐廳所以walk in 一試 dinner。店内無其他客人所以喜歡坐那張枱也可以。點了個焗飯及意粉套餐。套餐包括鮮熬雞蓉湯，波波茄沙律，焗飯/意粉，Green tea latte。評： 波波茄幾特別，值得一試。手撕雞焗飯中上水準。最后杯Green Latte 有驚喜！因某連鎖店的太甜，我不飲這款latte的 但見套餐包埋姑且一試。味道調較得非常合口味。店内女侍應叫Lisa 熱情招呼，臨走因我們第一次幫襯還叫廚房富哥出嚟打招呼！還有原來這兒免加一！ 餐廳來說是比較罕見。才百幾蚊個套餐我會再幫襯。

呢間嘢以前會去食下lunch,個老闆娘自以為好親切，其實好嘮叨。唔係佢d白汁魚柳不錯也不會幫襯。怎料過年前有一晩去食dinner,這老闆娘竟然變本加厲，可能因為維園年宵多客，佢竟然在店內有四張空枱情況下（其實佢店只有少於十張枱），趕走入內的客人，好不耐煩地説：唔好催我，出去等，我地唔係快餐，要十五至二十分鐘。在內的客也不好受。佢非常神經質咁不斷問客爭乜（其實得五六枱客），又唔俾人初落單時叫埋嘢飲，我地食哂嘢佢先俾嘢飲，等左三十分鐘。最可笑是本來佢對住其他客，話水吧佢一人搞掂不用等，我地催時佢竟話煲奶茶個爐壞咗係要等！其中一枱客，有碟焗飯放到佢枱，人地已放咗叉想食，佢竟然一個唔該拎走，個客大怒，佢的解釋：我怕送錯！五六枱客啫，不斷問人爭乜（問的聲浪，頻率達騷擾程度），不斷要人等，冇送錯又拎走人地碟嘢。另一討厭位是不斷自言自語，連冇播音樂也高聲解釋是因太忙（其實冇人問冇人關心）。食完見附近食店也把枱櫈放埋出街座無虛席，心諗呢間嘢簡直自取滅亡。公然趕走客人。

年宵人流較多 ，唯店內尚有空位 ，於是走左入去。點知未坐低， 侍應用警告語氣話最少等30分鐘先有野食， 唔催得，否則唔好坐。咁都算，坐低冇人招呼你，自己起埋身問佢有冇menu睇下先，仲比佢趕番出門口，叫我企係度等，搞掂哂舖頭d order再叫我地入去。不可理喻， 即刻走人。

飯太爛又唔暖，雞脾overcooked唔新鮮，服務員態度欠佳。午市去食，食到一半催你走，話有人等位（但其實我地坐低未夠三十分鐘）。仲話唔想食得急，應該11am去，請問邊間公司放lunch放十一點？

the waitress is very rude! Food are just ok! The rice is too dry and hard, No coffee sugar provided! I will not come again any more!! Feeling so bad!

味道一般，食物份量小，製作時間過長，焗飯要等半小時左右。人手唔夠，有些混亂，侍應態度積極，好似sell保險，狂sell一兩款餸式。收費取巧，好多隱藏收費，但侍應又無說清楚，加湯及包要另外收費，餐飲轉特飲要另加15元，總之要看清及問清楚價錢。如各位有多餘錢就去試試，我就無下次了。

女侍應服務態度相當差冇禮貌，蔥油鷄肶飯來錯蔥油牛肉，又話我係叫牛肉飯！我都唔食牛的！多次理論後換比我！但只雞肶炸到極度過火！我覺得佢有心的！最後我一口也沒有吃！埋單走！佢再話又唔係唔換比你點解唔食！我話怕妳加料！一定不會再去！

這餐廳的餐牌最好看清楚, 有什麼不明白也最好問清楚, 不然好多不知道的隱形收費會令你火爆.要記得湯是要加錢的, 凍飲和特飲的價錢是分開加的, 要多一些醬汁或加水加茶加飯是要收費的.咖哩豬扒飯, 味道一般, 飯很少豬扒也偏細, 咖哩難食豬扒肉粗粉太多. 薑葱雞脾飯, 很香不過味道一般.

放工一個人晚餐，路經發覺有雜誌貼在出面讚好食，即管試一試買返屋企食啦！薑蔥雞脾飯，雖然賣相普通d，但雞脾肉好滑，好入味，個薑蔥汁好正，好香好足料啊最surprise係杯熱奶茶，茶味香濃，最抵讚係個外賣杯係熊貓杯，好窩心呢。ps: 撞到某明星係入面開餐啊

愛隊相隔多年後再度來港，小弟自不然要來捧一下場了。提早多個月經內部購票，等了良久之後的今天，卒之來到已久違了的大球場，欣賞一場刺激的賽事....看球前的其中一個任務當然是要醫肚。同行的姑丈教路，從天后那一邊入場是會較少人一些，所以最後決定在天后一帶搵食....這一間名稱為"哥利亞"的小店，印象中好像從前是身處在跑馬地的，現在店開過來天后這一區，對我來講當然是更為便利....略聞這裡最出名的便是那個薑葱系列的碟頭飯。今夜直闖過來，馬上便想叫一客心儀已久的薑葱雞脾飯....此時望一下menu，找來找去也找不着這些薑葱嘢，最後忽然就醒起....原來這兒晚上只供應意粉及蛋包飯一類的東西....Oh No....心裡只能怪自己太善忘及沒有事先做功課....都已坐低了，唯有硬着頭皮叫點東西吧。蛋包飯也是店中其一的推介，就叫它吧....上桌後一看，樣子平平凡凡，份量也很少。試一口蛋皮，甚嚡偏老；內裡的茄汁飯茄香欠奉，只是吃到微微的酸味湯而且太濕。蘑菇片的份量也下多；淋上面的洋葱汁就如普通外頭快餐店的出品一般，杰杰的無甚可取之處...凍咖啡反而調得不錯，甘苦味適中夠勁度，轉眼間便喝至清光...這樣的一

This restaurant used to be located in Happy Valley, but recently they had to close down due to rent problems.I have never heard of this shop because there was only one review, and I only found out recently because of a recent review.If you look at this restaurant, there are not many reviews on this place or at the previous location.On my first attempted visit, they did not serve the item I wanted to try because it was 5.50, the owner said that rice is not served after 4pm.Anyway, I went another

同事話呢間野以前喺跑馬地OK,咪去試下LOR。我地一行8人去,一去到叫佢搬枱啦,其實都係係咁兒移下張枱泊埋一齊姐,個女侍應既物體(可能係老闆娘)話啲枱唔移得,食個餐都係四十幾蚊,有枱就坐.....我呆左,算,分開坐啦。叫左個咖哩豬扒飯, 因為肚餓,問可唔可以加啲飯,佢話碟頭飯SET好左係咁多,唔夠不如叫多個飯, 又呆左....咖哩係日本式,但係好淡,可能加太多水,啲豬扒炸得麻麻,好似有層粉喺面, 啲肉好鞋. 啲飯係白飯,又好似係又好似唔係既珍珠米,好普通,唔知加啲飯有乜難度....食食下,有幾個人入黎,應該得二人枱, 今次個女既又幫佢地泊埋啲枱,可以一齊坐( 唔係話食個餐都係幾十蚊唔移得啲枱咩?)  士但啦,食完即閃,以後唔再黎......

無幾耐之前先黎過，今日又黎，原因係今日似想落雨，又唔想去咁遠食飯。呢到位唔多，我地六個人黎要分開2張台。今次個餐牌同上次一樣，又係果D野，我今日揀左個黑椒豬柳，講真，唔差，但都唔叫好，同屋企自己整無咩分別，D豬柳好似諗得滯，黑椒汁好似重味左少少。其實個奄列其實唔差，可能只係賣相唔係太好，D蛋半生熟咁咬落去個口感好正，可惜我只係試左幾口，下次黎可能會揀佢。下面呢個咖哩飯我掂都無掂過，不過其他同事講話都唔差。順帶一提，呢到D熱奶茶無其他野飲咁好，可能揀其他野飲會好D。如果呢到D餐唔一定要配飯而可以配意粉就好啦。