唐包點

营业中

休息中

肉餅飯嘅質素，我覺得都做得唔錯，可能係喺個蒸籠啱啱拎出嚟非常之熱，整體嘅味道我覺得都做得唔錯，價錢嚟講就係$29，會包一包豉油，我就問佢攞多咗一包辣椒油，本身個人鍾意食辣，肉餅嘅厚度都唔錯，食落去都唔會太薄，而且加埋章魚味道非常好食，飯嘅份量亦都覺得正常，正常男仔都應該會食到飽，唔會比得太少，呢一個價錢嚟講都冇乜太大要求，下次會試埋佢嘅唔同點心。不過餐廳只係得外賣大家要留意，如果要膠袋嘅話會+$1。

依家間唐包點，喺東涌地鐵站D出口，喺東薈城出口隔離，主打係外賣，亦都有其他唔同嘅蒸飯點心，係冇堂食嘅，主要俾人外賣拎走，雞扎裏面嘅餡非常多，有火腿，芋頭，雞腿肉，味道嚟講都幾好食我覺得，整體上唔會太鹹，亦都同普通茶樓嘅質素，我覺得都不相伯仲，價錢嚟講，亦都非常親民$20，有兩大件，作為一個小食嚟講，絕對唔錯，下次會試吓再幫襯佢嘅蒸飯或者蒸包，我見價錢上亦都唔係太貴，整體上發揮都唔錯，下次會再返嚟幫襯

2月7日大約晚上7點叫左兩盒飯，一個係枝竹蓮藕腩肉飯，一個係咖喱牛筋腩飯，兩個餸有呀，俾得一盒飯我，想點？電話打極都唔通！電話號碼要黎做咩？個飯都唔係即刻煮，淨係汁兩個飯都可以汁漏，點做野呀？又無做堂食，又唔係現場煮，咁都可以錯，汁漏個員工，你真係要考慮下你自己既工作態度！照單汁既工作你都可以錯，真係炒得啦！本身又唔近間野，收工順路買，就係唔想煮飯先買外賣，你汁漏個飯，我又要專登煮，我駛咩買外賣！

主打點心蒸飯，而分店面積都略小，但東涌地鐵站卻增設凍櫃， 售賣甜點/麵包/飲品。中式甜點一盒$18,買兩盒有優惠$33椰汁馬豆糕/石磨芝麻糕 $33椰汁馬豆糕 ~黃豆平均分佈在糕上，但沒有太大的椰汁味，也沒有很大的馬豆糕感覺，只是一件甜點罷了。石磨芝麻糕 ~沒有石磨的天然口感，亦都只是一件很甜的芝麻味甜糕點罷了。食後感:雖然甜糕點，大大件，但都係去返舊式糕點店，才可以尋回古祖味，整體口感，味道都麻麻，試過就算。