唐宮小聚 (The L. Place)

营业中

休息中

Came here for dimsum because it is in the middle of my place and my friend’s place. The dimsum selection here was not as extensive as the traditional ones. The quality of dimsum made up to it - good quality Siu Mai and Har Gaw. Their buns were very cute - in mushroom shape and spiral shape.One of my favourite is their glutenous rice wrapped in lotus leave. It was made with healthy 3 colour rice and it was not as heavy as the traditional type.

第二次嚟，都係有訂枱，訂1點鐘👌。但上到嚟，就要喺條好窄嘅 LIFT 口位，迫住咁企喺度第🤦‍♂️❗️今日等咗廿幾分鐘😱，先入到去😓❗️點解餐廳咁耐以來🤔，都唔諗啲方法，去安排番枱嘅呢😖❓客人食完離開時，等 Lift 都有排等🤦‍♂️，比啲指示叫客人離開時行樓梯啦👌。講番食物，醉雞酒味唔太濃，雞肉滑但冇雞味😏。醉蟹蟹細細隻，酒味唔太濃，好味道😋。蟹粉球，成個煎埋咁😄，入面包住啲蟹粉撈埋其他食材嘅嘢😋。芥蘭同西蘭花，我都好少食菜嘅😛。麻辣燒賣，入口就感到辣😖，麻就唔覺有🤪，味道普通啫🤨。脆蝦雲吞，真係估佢唔到🤨，加埋芝士喺入面😃，有拉絲架😋。蝦腸粉好普通，冇咩特別😏。乳鴿就係必食架喇👍，就連佢個頭我都唔會放過架😁，肉嫩多汁😋，我唔用手套架👌，食完可以啜手指回味呀😁。

唔知由幾時開始香港突然興起食新派中菜，早幾日成班人約食飯又唔想食西餐，所以就揀咗去中環嘅唐宮小聚試吓啲小菜同點心啦🥟第一款嚟到嘅係成日見到嘅黑金奶皇包，加咗三行金色嘢有style得嚟包身軟熟，奶皇亦都好香濃，相當唔錯。之後嘅猛虎咬豬係塞咗一大舊肥豬肉嘅包點，醬汁幾香，大量酸菜中和返豬肥腩嘅油脂，但如果一個人食曬都幾濟。🦑椒鹽魷魚鬚味道一般，粉太厚，不推薦🙅🏿‍♂️🍍火燒菠蘿入面裝住辣汁牛腩，牛腩幾淋，但係可能辣汁太濃味，唔太食到菠蘿味，但我相信送飯係唔錯嘅！乳鴿係全餐最好味嘅，呢度嘅乳鴿比平時食到嘅多咗少少唔sure係茶葉定香料嘅味，價錢亦唔貴，推介2個人叫一隻！另外仲有叫咗幾款嘢，但係就冇乜特別，所以都唔專登介紹了。整體嚟計呢度價錢中上，但食中餐嚟計都幾舒服，一班人食吓嘢傾吓計係唔錯嘅👍🏿

一直都聽聞唐宮小聚嘅包點精美又美味，索性黎一個［全包宴］。首先講講我首推嘅黑金流沙包，個包唔會實的的，鬆軟，流沙涵，又香又滑，奶皇味比蛋味重，我喜歡❤️第二名就係香菇松露包🍄，外型趣致，味道又好，食到松露味之後就係猛🐯咬🐷，個包就無咩特別，開頭我都擔心個豬腩片會好大陣豬味，但出黎又冇，加埋啲酸菜味道ok，如果襯熱食會更加好🤨令我最失望係嘅個金沙玫瑰🌹，個包實到不得了，紅豆蓉涵又太少，個賣相係好靚嘅，但$29一個，就完全唔值🙅🏻‍♀️#StayHungryStaySheepy

樣樣都好食 推介呀～～～～～•食乳鴿有膠手套好細心，肉質可以既，若果個皮脆d仲正•荷葉飯夠哂熱，每粒米都入哂味同埋濕潤度剛好•醉雞夠醉，肉質嫩•紅油抄手係好味但小編就覺得較辣•春卷，剛炸好，脆卜卜$100-200/位

今日同幾個朋友一齊食飯，有一個啱啱喺外國返黎，所以特別想食中菜，碌咗好耐openrice，見到有間嘢叫唐宮小聚，賣啲新派啲既點心，見幾特意我地就一齊去左試啦。一行入間鋪，就見到張好大既兵乓波枱，都幾有特色。松露香菇$49一咬開好香松露味撲鼻而來，如果鐘意食松露味既嘢食真係唔可以錯過。陳釀醉蟹$69用左陳年花雕酒同話梅浸泡，好入味又充滿酒香，入口啖啖蟹黃，真心推介!  黑金流沙$49姐係流沙包，但係好靚，啲流沙亦都好香咸蛋味。 金魚戲水$59 其實姐係川汁雙色皮蛋，擺到好靚好似兩條金魚咁，啲醬汁好入味。

中午過來 呢度食午餐係為咗呢度嘅抵食乳鴿 三十蚊有一隻乳鴿 不過一人只限一隻 我哋另外加咗碟 龍鬚 芥蘭 同埋齊菜蒸素餃啦啦啦你睇下 一人一隻唔使爭 雖然佢平但係絕對唔係bb鴿食咗都有一半飽 呢度好貼心 檯面已經放咗一對膠手套 可以盡情地食由於太忙碌食乳鴿唔記得咗影碟芥蘭同埋素餃 啲芥蘭好有誠意批咗皮 仲有少少雕花 賣相好得 味道都好得仲有個齊菜素餃 薺菜好新鮮同埋好多 餃子脹卜卜 餃子煮法可以揀煎都得可能我哋比較早到 所以被安排嘅位置係窗邊 外面就係中環中心同埋都有啲樹木 感覺好舒服 加上佢沖嘅茶應該好似係玄米茶 對於打工仔嚟講好似忙裏偷閑嘅感覺 整體嚟講呢度坐得好舒服抵食嘅乳鴿 美味嘅熱茶 一定會再嚟呀

今日我地去到中環哩間唐宮小聚嘆早茶啦！哩度地方都幾大噶，裝修都好靚，D嘢食嗰個賣相都好精緻，仲選擇多多添！哩味白玉王鴿只需要HKD29蚊一隻咋，性價比超高呀！因為個乳鴿外皮酥脆甘香，肉質鮮嫩多汁！正，必點之一！仲有哩個蘋果軟包，一上台我就聞到蘋果清香啦，裡面餡料仲有蘋果肉添，都值得一試噶！哩個荷葉飯有少少失望咯，因為我只係食到D䜴油味，其他瑤柱呀之類我都食唔出。仲有哩個肉鬆抓餅，煎得幾好，很香脆！

睇咗評語，決定抱住無咩服務既心態黎試！但又ok喎，有問有答！Book枱時，已講得1.5個鐘用餐，心諗晚飯好似急咗d喎⋯⋯所以已經預先睇定有咩好推介，一坐低就有哂目標但餸菜真係黎得快，方便相機一次過食先，食完重有時間消化，原來1.5個鐘又唔太急趕乳鴿、沙薑豬手、黑金流沙真係好食👍🏻雞絲粉皮、皮蛋豆腐、荷葉炒飯、蝦多士、蟹粥都ok，價錢合理。陳皮燉雪梨，原個雪梨，好香陳皮味，唔太甜下次會黎試埋其他

One of my fav dim sum spot in Hong Kong, which never fails me. 一家可以盲点的店 --> the most signature dish def goes to 黑金流沙包, the egg yolk is perrrrfect, melting in your mouth. Another my fav dish is 墨汁蝦餃，rich and mouthful, full of shrimp. Highly recommend.

訂了枱8點，好少咁夜去唐宮少聚，新景象好多人超級嘈，下次都係訂6點好少少，都係大路食乳鴿醉雞雞絲粉皮，蟲草花份量少，下次都唔好叫，還試了蜑家蟹粥麻麻地上枱凍嘅，真想叫他換掉把，最好都係肉鬆抓餅上枱都會熱D啦好味！機得攞票尾有50元下次用家。

工人姐姐👩🏽表現好，在她生日正日🎂，當然要獎勵一下，帶她出外吃飯慶祝生日！由於長輩一同參與，所以今次選擇了中菜！中、上環較為方便大家，在OpenRice搜尋，發現「唐宮小聚」評分也不錯，就去試試！上環店地方寬敞，裝飾簡潔時尚，餐具設計獨特。餐牌菜式選擇多，有小吃、小點、小炒、小菜、飯麵、小甜，價格相宜。👍🏻來到必定要一試他們的推介，我們點了12款東西，最喜愛而最印象難忘的是「火焰菠蘿」，上菜時侍應會點火，整個原隻菠蘿火燒場面壯觀，食客興奮雀躍！不單止賣相吸引，而且味道一流，內裡的牛腩炆得十分入味，微辣惹味，口感軟淋，大讚👍🏻。「麻滑石班」也是心頭好，真的是原條上碟！由於長輩不能吃辣，所以下單時要求麻辣配料、豉油分開上。石班原條起肉，油泡魚肉十分滑溜，爽滑鮮甜，啖啖肉，我試加麻辣配料，味道一流，麻香醒胃，我也強調推介！😋喜歡吃乳鴿的你，這裡的「白玉王鴿」不能錯過！只需$29一隻，烹調絕不馬虎，甘香滋味，不會太鹹。注意每人只限堂食一隻。至於小點，如「黑金流沙」、「金沙玫瑰」、「松露香菇」、「紫蓉豬豬」，賣相特別，可愛吸引，質量絕不遜色過茶樓！👍🏻最欣賞的是他們流沙餡料，熱燙燙，餡料流出，非

近年開咗好多新式既點心。唐宮小聚係其中一間，亦都係當中我認為頭一兩間特別得黎，又好食既一間！👍🏾點心造型夠特別，好多點心都好新穎又精致!!!!例如墨汁蝦餃， 松露香菇包。我覺得猛虎咬豬係幾好食，中式既包，夾住豬腩肉同海鮮醬!好食，但要趁熱食，因為豬腩肉熱既，放得耐個包濕泣泣>”<lunch time 去，一定要記得book 台！多幾full!! 但佢上菜唔算慢，都okay! Overall 係我力推既新派點心！！❤️

我地全家人都鍾意食好野， 今次就拉左隊去中上環呢間唐宮小聚嘆茶。因為係上班日嘅關係我地十一點半嚟到店內只有兩三枱人。地方算大， 枱與枱之間唔算迫， 不過因為係新派裝修， 啲坐位似西式餐廳多啲嘅，彷彿叫你食完就要走， 唔好嘆太耐咁😅🤭。佢嘅選擇都算多， 而且樣樣賣相都好精緻，我地六個人點多十零個點心， 其中我覺得最好味最必點嘅就係：乳鴿、黑金流沙包、同荷葉飯另外豬仔手都好好味其他點心其實都好好味不過就唔係好特別咁啫。佢仲有幾款造型特別嘅包點， 不過啲內餡唔係我地想食嘅所以冇專登為左影相而點單😜。我覺得呢度好適合要返工但lunch又想食點心嘅一班同事， 因為佢上枱都幾快， 唔使等，點心又好味。

一起坐唔夠一分鐘就幫我斟茶、服務態度好好、嘢食都唔錯、可以再嚟食！唯獨個碗成日望落去好似有隻烏蠅咁、魚好滑好味！豬腩肉包好味、醉雞一般、有點硬！豆腐ok, 翡翠苗上面係炸金針菇幾得意不過就下面啲菜有少少油！全部來講係可以再嚟食過嘅價錢又實惠！睇真啲原來係蜜蜂