唐宮小聚 (新港中心)

营业中

休息中

由於無得網上book枱，我上星期三打電話來book今星期六2030，慶祝父親節。到左之後佢話無我既booking，我話唔緊要你馬上安排枱啦，我又不會投訴。（之後佢搵左一陣資料，佢話同事mark左係前一日星期五）到入座，非常嘈非常多人，D職員忙到無人理你。咁我地都好快落單怕要截單（因為電話上佢話2030 last order），之後都好快上野，但d野食唔夠熱，但賣相精繳。去到尾聲仲有一款未到，我地追單但好似個個同事都係新人，搞左好耐先搵得到我地張單然後同我地講賣哂叫我地轉其他野。我地係呆左，又唔一早講🥲之後當然叫其他野，因為d野食好細份，飽就一定唔夠飽。最好笑2115講一次last order有冇野加，到2130又問一次有冇野加最後，有樣野我地冇追討，就係個「檸檬薏米水」，餐牌上寫支裝但最後俾罐裝，而且入面無檸檬，基本上同餐牌上張圖係完全唔同既野。不太滿意地方：1.成枱都係空碟，d人行來行去都唔執，叫佢哋轉頭執只執走一個碟，因為我哋一家人都叫得多嘢食，根本無位放。2. 熱情果水果茶，個長匙同飲管都不適用於果隻大杯，根本好難飲到...3. 一來就上哂d甜品先，但主食都未俾我地，而主食就唔夠

唐宮小聚的新派點心造型吸引，今日二人點了多款食物，大部分都好味。包括:1. 和牛啤梨 😋😋😋😋😋2. 得意小豬 😋😋😋3. 紫薯天鵝4. 沙田乳鴿 😋😋😋😋5. 椰皇燉雞 😋😋😋😋😋6. 小小三併 -- 黑松露雞 😋😋😋😋 -- 沙薑豬手 😋😋😋😋 -- 醬汁鴨舌 😋😋😋😋7. 熱情果鮮果茶 😋😋8. 冰鎮咕嚕 😋😋😋😋還有多款食物想食想試，但由於二人胃納有限，只好留待下次。😅臨走前還買了其中兩款新派粽 (柑桔豆沙粽、松露西班牙黑毛豬肉粽) 回家吃。豆沙粽甜味適中，松露豬肉粽很惹味，兩款粽也好吃!

入去裝修已經唔同一般嘅中菜廳，但係一點時尚但係又不失貴格，座位有圓枱都有方枱。今日同屋企尼食午餐，叫咗一個骷髏骨，招牌乳鴿同少少點心。招牌乳鴿都keep到好好食，流沙包外觀就非常吸睛。咕嚕骨有幾特別用冰鎮嘅，外皮特別脆口，咬落肉都唔差，有d肉汁嘅。仲嗌左個薑汁炒芥蘭，廚師好有心機，芥蘭界開一條條，令到芥蘭唔會太難咬。

尖沙咀想食中菜，唔一定要一大班人或去傳統酒樓。今天行街本想去新港中心同層的中餐館，但見到這間舖頭新開又剛好🈶️位坐得舒服，所以試吓。初時見唐宮兩字以為是上海菜，一望餐牌，簡直花多眼亂。又新派點心，樣貌得意可愛，價錢亦中等唔算太貴‘又有川菜麻辣或酸菜食物，當然亦有傳統廣東菜，估唔到新派新餐肉素食亦都有。所以如果佢依間餐廳，食多幾次都唔怕厭，重點係每一碟唔算極大兩個人去食都OK。因為食晚餐所以沒有點點心，今次點了沙田乳鴿見有特別優惠$38大眾化價錢，因為太肚餓一上菜已經忍唔住食，所以沒有拍照但是味道嘢味，熱辣辣新鮮炸起，皮外脆之餘肉質有肉汁鮮嫩。絕對值得推介！第二樣點了唔係咁簡單，原來是一味辣子雞側邊初時以為係雞蛋汁點來食用，原來是一些甜酸汁令到雞件野味，$110價錢絕對OK！再叫了炒四季豆，味道亦很好味，穩陣水準。反而叫了一個酸菜魚，這號個魚有一點腥，可能本身我唔係好食到魚，味道跟傳統酸菜魚的湯有分別。煲仔子薑咸雞煲仔飯，沒有太大特別，下次可能會試其他😂另外有特別嘅手工啤酒，我叫了枝香港手工龍脊啤酒味道都算OK。

平日跟朋友午飯，知悉唐宮小聚點心設計有心思，所以一試鮭魚燻蛋 $69 鮭魚是煙三文魚，上面少許魚子。三文魚味道ok，燻蛋就像日本的溏心蛋，蛋黃比溏心蛋更濃但不太鹹，很喜愛黑金流沙 $49 外觀已很吸引，比傳統奶皇包富有高貴的應覺。流心奶皇甜度剛好，不會讓人有太飽的感覺，吃不了其他食物。質感很滑。花雕醉雞略嫌花雕酒味不夠，不多脂肪，肉質嫩脆蝦多士 $79雖然愛吃炸物，略欠蝦味荷菜蒸飯 $99不夠荷葉香，但份量足夠貓山雪糍 $24/件外型可愛，打卡一流。最少點2件，如有需要可加點。有榴槤味，但不太濃，不要太高期望得意小豬 $39草莓乳酪凍。很討人喜愛，因為震動的小豬很可愛，大家都瘋狂拍照。味道也不錯，不太味，有點酸酸的。

༺ 唐宮小聚 ༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 唐宮小聚不嬲就係出名點心夠精緻✨，今次就特登去試吓佢得意嘅點心😍。 咁今次就叫咗兩款嘅包啦⊰ 非常山竹 ⊱佢外表就好似一個山竹咁，個皮脆脆地🥠，而入面就係濃濃龍蝦汁蟹肉湯🦀，個味都幾特別值得試吓😌。⊰小小熊仔🐻 ⊱外表一個熊仔其實係一個朱古力嘅流心包🍫，我會當佢係一個甜品咁食，因為佢真係幾甜下😋。 而最吸引我嘅當然係⊰ 得意小豬🐷 ⊱佢其實係一個椰汁嘅布甸🥥，加咗啲淡奶喺上邊，就好似幫緊小豬浸牛奶浴咁🛁，隻豬豬真係好可愛好唔捨得食🥰。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 餐廳🛎：唐宮小聚地址📌：尖沙咀廣東道30號新港中心3樓303號舖營業時間⏰ ：星期一至日 11.30～20.00交通🚗：港鐵尖沙咀/尖東A1/L5出口∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 

新港中心分店間隔闊落讓人坐得很舒服；唐宮小聚的乳鴿一向很有名，還有特別的點心，這次特意來試試。沙田乳鴿：熱辣辣上枱，皮沒有很脆，但肉質夠滑而且很juicy👍🏻焗鮑魚酥：性價比超高，一隻才10元，皮好鬆脆，香菇味好濃👍🏻非常山竹：外型超美打卡一流，外皮煙韌又夠脆，入口有蟹粉汁流出，味道不錯👌🏻紫薯天鵝：又是造型一流的點心，酥皮包著甜的紫薯餡，頗油膩蝦多士：懷舊的蝦多士炸得香脆，蝦膠也夠彈牙，好吃😋咖哩雞葫蘆酥：咖哩味好濃，酥皮也夠酥脆，但吃一整件會膩得意小豬 ：Kawaii~可愛到忍不住打他屁股🤣一顛一顛的超可愛，其實是草莓布丁，味道頗甜而且奶味好濃熱情果鮮果茶：沒想到這麼大杯，上枱時嚇了一跳，感覺2-3人share也可以，很香熱情果味，酸酸甜甜解膩一流《唐宮小聚》📍尖沙咀廣東道30號新港中心3樓303號舖

睇網上食評感覺貴。服務態度唔係咁好都驚去到有排等。前一日打去book位帶位既的確一般。但入面既服務員都好好會提有d野食要親熱食。唔會扮睇唔到人手係唔夠。2點時間都係好多食客叫好多都係網評有介紹而叫牛肉。好味。入口軟棉棉d味好夾沙田乳鴿。拎起出煙。但皮唔太脆肉質好滑。但有輕微既蘇味麻辣乳鴿。個味的好中意。辣辣地。凍食👍🏿必叫仲要咁抵鮑魚酥。10蚊隻。睇食評個皮一般。想叫一隻。但見一人一隻好d暖暖既。皮鬆脆。好香菇味👍🏿荷葉飯。比較濕本身落咗order但見隔離枱有伊麵想食但已經太遲侍應話冇得轉一般。呢個可以轉其他。冇特別豬。未到之前已經好想叫。嚟到亦無失望怕甜既就唔駛諗好可愛有個齊陰女職員好好叫埋單時問我哋有冇做會員會員裏面有送$50coupon👍🏿👍🏿👍🏿

第一次去，點菜有少少困難，因為嗰啲餸名都唔知係乜，要慢慢睇返餸名下邊的解釋先知道是什麼餸。堂食乳鴿做緊優惠， $48 一隻，第二隻$10 ，即是$58兩隻。先唔好講價錢，乳鴿本身做得相當好食，好Juicy (我們叫了沙田乳鴿)，加上呢個價錢簡直冇得頂！我哋一行四人先叫兩隻每人半隻，食到最尾再encore order多每人半隻。其他點心例如非常山竹、蝦多士、牛肉叉燒、松露包，都很不錯，鄰座叫咗火焰菠蘿，好得意咁，上枱嘅時間菠蘿外邊點着火，啱晒鍾意影相嘅朋友。埋單四個人$700左右，每人百零蚊，我覺得相當OK ！會回頭。

同同事食team lunch~同事話呢度最出名食炸乳鴿，加上坐得好舒服，所以就決定嚟一齊食lunch啦😍😍😍黎到叫咗每人半隻嘅乳鴿～出名係真係有原因🤪脆得黎又好juicy😍諗起都舔舔脷啊😋😋😋除咗乳鴿之外，另一樣令到我好surprise嘅就係冰鎮咕嚕肉😍😍略嫌佢份量比較少，但係真係幾得意呀，咕嚕肉嘅外皮被冰鎮到好脆，連啲菠蘿都有脆脆嘅感覺，最特別嘅係佢仲有藍莓同埋蜜瓜😍推介大家要嗌黎試下😍

📍 新港中心 唐宮小聚💰 300/位 已經第三次來唐宮小聚吃飯啦！每次來吃都要叫唐宮小聚的乳鴿！乳鴿真的很好吃很入味！但是這次去好像乳鴿變得好肥好油～一撕開油噴了一身，感覺沒有第一次好吃了哈哈，蝦多士也就是炸了一下的多士，其實新派點心感覺並沒有傳統點心好吃，黑金流沙包比較不錯，是熱熱還流沙的，總算沒讓我失望。而薺菜蒸餃特別濕，口感不太好，我比較喜歡乾一些的蒸餃。而抓餅就是百佳可以買到的印度飛餅，一般般

媽媽生日想食中菜同點心，一方面想搵d特別少少嘅點心，另一方面又要搵個方便嘅地點就細佬weekend夜晚份part time，於是就book呢間位於尖沙嘴新光中心嘅唐宮小聚～沙田乳鴿啱啱做緊買一送一！超抵！我地仲叫多左兩隻麻辣乳鴿試哂兩款唔同口味～乳鴿肉質非常嫩，不過醃得有d過鹹，一人食一隻會覺得口渴。小聚拼盤揀左黑松露雞、沙薑豬手、醬汁鴨舌。我地對黑松露雞印象最深刻，拌雞絲嘅炸芋頭絲超脆，口感一流，十分有驚喜！沙薑豬手又爽又多骨膠原，鴨舌啱啱一人一條，夠哂惹味！陳釀醉蟹細細一隻蟹嘅蟹膏同酒香都十足，甜甜嘅酒味釀得好入味，簡直食指大動！大家都好鐘意呢個非常山竹，個樣勁棧鬼！山竹皮好煙靭，咬開暗藏爆漿龍蝦汁同蟹肉，為你嘅視覺同味覺帶來衝擊～焗鮑魚酥亦係另一重頭戲，一口鮑魚好有嚼勁，底下有好濃黑松露味嘅金茹，如果曲奇皮再鬆化d就Perfect~冰鎮咕嚕分量好多，而且冰鎮後嘅咕嚕肉脆皮keep住脆，可以慢慢食而不失口感。荷花蒸飯嘅飯有荷葉香，裏面餡料十足，有四隻蝦，火鴨同雞丁，仲有瑤柱。炒蝦腸粉好夠鑊氣，每條腸粉都比XO醬蓋住，韭菜更將香味提升。媽媽最愛陳皮燉梨，既有濃郁嘅陳皮同冰糖味，又有淡

今晚三人行到了這間唐宮。。。之前在沙田分店也吃過了，朋友說想試試尖沙咀這間，於是便book位去了！先來一杯梅酒，呷一呷甜甜的很醒神點了三個拚盤小吃，麻辣鴨舌、涼拌秋葵、冰鎮豬腳，三個也很好味，全部給我們吃光光哩😝當然也叫了朋友愛吃的乳鴿，肉質鮮嫩也很多汁，正啊👍之後還叫了這個非常山竹，外型有趣精緻，外皮脆脆的入口仲爆晒濃香的蟹粉汁出黎，很不錯😋還叫了冰鎮咕嚕肉，這個反而有點失望，唔知係唔係因為今晚好多人所以水準差咗，之前喺沙田分店食過外皮脆好多啊反而這個炸蠔餅，入口太油同埋感覺脆漿多過入面啲蛋同蠔，有點失色😬所有食物都比我地一掃光，食完大家都很滿足，這間中菜水準高，但可能客人太多員工人手不足啊！但食物質素不錯，下次可以試吓呢度啲點心，全部都好似好特別啊😇

一間食新派點心既地方～每樣點心同小菜都好新穎，亦好igable.當然亦係因為咁樣而吸引咗我去😂.♦ 得意小豬 ⋆ $39超級震騰騰😆可愛到唔捨得食～上面係士多啤梨布丁同煉奶。味道清清地，都推薦大家叫佢👍🏻.♦ 松露紅菇 ⋆ $49睇一個中式包點來既，中間夾咗松露同菇。包都幾soft、而菇味好香，食入口好舒服.♦ 牛肉叉燒 ⋆ $149用叉燒制法做成既牛肉，外皮都香甜同脆既。但可惜牛肉有筋同有兩件都係超肥，性價比不高

有時候想食點心中菜，又唔想去傳統酒樓，怕週末人多。發現呢間既點心都係行新派路線，好食之餘有玩味，全部都整得好得意！花雕醉雞，酒味夠濃而且件數多，雞件吸收晒所有酒香，每啖都好好食黑金流沙包，好高質！一上枱熱辣辣，咬一啖之後，入面既奶黃係湧出黎，勁滿足聽講呢到既乳鴿係主打招牌，最近仲做緊特價： $39/份，見到個外皮咁靚已經「哇」一聲！外皮勁脆，入面既肉汁非常多，鴿肉非常鮮嫩，而且亦都唔細隻，一個人食晒都有ｄ飽呢個冬陰公海鮮刀削麵，有齊蝦、蜆、魷魚。鍾意辣既朋友一定好開心，因為佢辣味真係好夠，每食一啖個辣味都係慢慢滲出黎，再keep住係舌頭上面麵條亦都非常彈牙再叫左一個荷葉飯，好足料，有4,5隻大蝦，雞丁，瑤柱。一打開塊葉已經好香，每啖都有瑤柱同雞肉，完全唔係偷工減料，淨係得飯果種呢到既點心見佢全部都係好得意，今次得2個人食唔到太多，下次再返黎要試下其他特別點心