唐揚日式炸物小食店 (已結業)

最近開了大大小小既台式小食店尤其以各類型台式地道炸物如花枝丸，雞排等小食店越開越多難得在繁華既旺角鬧市中開了這間以日式為題既炸物店總可以在一眾台式小食中較如別不同，又帶多一點新鮮的感覺吧！得悉這裡最出名的是得意雞，但又看見各位都不約而同對芝士雞翼讚好但今天只得１人加上又剛好食了lunch不久所以只好在得意雞／芝士餃子雞翼作下一個決定吧最後，都是點了自己最喜愛的芝士，所以點了日式炸芝士餃子雞翼這裡都是即叫即炸的，大約十分鐘左右就有了即叫即炸果然新鮮熱喇，立即急不及待咬了一口嘩，不得了，芝士都像爆出來似的而且旁邊更添加了一個醬第２口我便立即沾沾這個醬果然，原本不沾醬已經很好味啦沾了醬的芝士餃子雞翼簡直美味極了！自己１個站在旁邊吃這個小食，都傻傻的吃得不禁微笑出來！^0^是真的，真的很美味！！我會再來的，下次會試埋出名既得意雞呢！另外，新推出既芝士薯餅也是期昐中！最後，美味既芝士餃子２隻價錢為＄２０即是＄１０／１隻相比其他旺角既小食店其實價錢都是略為貴一點的當然，美味食品也是符合這個價格但如果價格能略為調整一點我相信在這個繁華的旺角區中，要找更多客人也一點不難啊！

煩擾了我整整一個月的事情，終於見到盡頭，前路未知是否光明，但我決定先輕鬆一下，人在旺角，就去試試食友介紹的唐揚日式炸物小食店。唐揚位於西洋菜街麥當勞側，此鋪位曾轉手多次，記憶中無論是賣甚麼，珍珠奶茶又好，燒賣魚蛋也好，都總是做不長，十分奇怪，這次換上日式唐揚炸物，或者是一條出路。雖然只是一間路邊小店，這裡供應的食物種類也真不少，日式炸帶子、炸虎蝦、炸芝士餃子釀雞翼等，賣相吸引，但卻要廿蚊以上，自己一個唔使食咁貴，還是要回招牌的得意雞。得意雞 (或稱「雞肉唐揚」)，可選原味、辣味及紫菜味，大中小價錢分別 $18 (9件)、$15 (6件) 及 $8 (3件)。雞肉是即點即炸的，約需等數分鐘，size 一口吃，熱辣辣的外層炸得鬆脆，內裡肉質亦不失嫩滑，不會如「屯門大雞大」般「嚡烚烚」，但吃罷也覺得有少許油膩。「辣味炸雞」即是灑上辣味味粉的炸雞，其實無甚可取，倒不如要回原味，反而蛋黃醬味道不錯，沾來吃更加開胃，不知另外三款醬料 (日式芥辣、燒餅、韓式泡菜) 又會如何呢？執筆之時，見到食友報料，原來台北豪大大雞排已靜悄悄在旺角登打士街設立分店，看來街頭炸物勢成冬季大熱！

今日經過金魚街見到呢間店,平時唔係好食炸嘢,但呢間店好似係新開嘅,行過聞到好香,我就買咗炸虎蝦,得意雞,芝士餃子釀雞翼3樣返去加菜~都幾抵食~特別係得意雞,以為好細粒,但原來咬落都啖啖肉,唔錯~!!!芝士餃子釀雞翼就好入味!下次會再買呢個,炸虎蝦我都怕有雪藏味,但係佢又冇喎,仲好好咬口,可以食好多隻,都OK,媽咪就覺得得意雞最正,係咁吉嚟食=.=",希望佢做落去~!!!

我看雜誌介紹，店主曾經在日本讀書和工作，很欣賞唐揚，因此回到香港開了一間賣唐揚的小食店。唐揚（から‐あげ〔kara-age〕）又寫作空揚，就像空手道以前是叫「唐手」的，有可能是由中國傳過去的，又有說法是寫做唐揚比空揚更能吸引人客啊！唐揚是指用小麥粉薄薄地包著食材，再高溫油炸的烹調方法。超級市場有唐揚粉賣，就像天婦羅粉一樣，愛烹飪的朋友可以試試。這小食店，我來了兩次。第一次和妹妹來，我們吃了得意雞（$15）和日式炸帶子（$22）。得意雞有原味、辣味和紫菜味的，我們第一次吃，當然是試原味。得意雞的外層很脆，不會太油膩，雞肉嬾滑多汁，熱辣辣的炸雞蘸上蛋黃醬，真是很好吃！好的炸物，原味已經很足夠了。至於炸帶子就只是一般，都知道是用急凍的帶子，雪藏味不大，但沒有帶子的鮮味，而且脆皮也不如得意雞做得好，應該是因為帶子不夠乾身，所以炸得不夠好。另外，加$7可換取特色飲品，我換了日式荔枝蜜梳打，味道還不錯，有很多冰，很夠凍！但內裡有我不喜歡的蒟蒻…過了兩天，這次我特別帶男朋友來，他已經感冒了，但還是堅持要吃，我估計他明天就會變啞巴了…我們吃了原味得意雞和日式炸虎蝦（$25），原本想吃日式炸芝士餃子釀雞

係U個度見到有介紹，又去開旺角，就特登去搵呢間店出黎喇間店外型幾討好，睇落好乾淨好企理！係OPENRICE 睇過之前D食評, 就叫左炸芝士雞翼喇!落左單等左5分鐘度就有。我本身都係好鍾意食芝士的人, 覺得真係炸得唔錯!成件雞釀左CHEESE仲係好完整, 唔會炸得太過火而且唔油。不過20蚊我會覺得有D貴, 如果18蚊俾人感覺就可能會平D。不過都會再去試其他食物! 不過等野食其間留意到人流多但真係少人幫襯,我諗最主要係因為隔離實在太平,話就話客路唔同, 但2蚊一串魚蛋燒賣真係好吸引 @@我諗店主要諗下點樣做多D宣傳,同埋6蚊3件雞可以寫得大隻D, 咁先俾人見到GA MA 希望可以做落去啦! 加油!

今日行旺角, 諗住行埋落太子睇寵物用品見到有間新開既鋪頭,店面好乾淨簡單, 又見有d口痕, 就埋去睇見佢地做緊promotion, 6蚊3件雞, 有三個味, 就揀左紫菜味。之後再睇個menu就揀埋炸金菇同汽水。先講佢地service, 我等既過程, 佢地都會同我講有d咩好食(唔係好煩個d推我食野)然後等左約兩三分鐘, 佢地話原來係即炸, 所以要等, 期間仲遞埋我罐汽水比我等我飲住等(good! 細心)之後遞野食比我個時, 又會提我熱, 小心燙口(因為本人係好怕食熱野 所以佢地一提我, 我就唔咁大啖)再講佢地既食物, 我覺得個炸雞(好似係招牌雞??)好嫩, 又唔會話過腍唔知自己食緊咩, 個調味都岩岩好, 唔會太鹹或者太淡個炸金菇, 十二蚊, 望落好似好貴, 但食落, 你會發覺佢真係新鮮既, 唔係放左好多日, 而且仲好好味, 最緊要係佢唔會好似其他鋪頭咁,炸到好似一舊梅菜, 「拿」埋一住。扺讚。overall, 我覺得唐揚個service加埋食物係值呢個價錢, 好岩一邊行街一邊食. 會同fd經過時再幫襯。

個得意雞好好味..做緊優惠...6蚊有3粒..抵玩~食左個辣味...好"林"...一個字..好味x]下次試下個芝屎餃子釀雞翼先:]

上一次食過,很好食,今日突(燈)行過黎買佢的小食,男友話要再食芝士餃子雞翼,回味,味道E然咁好味,芝士味濃我就試了得意雞,hehe~迷你得意雞做緊優惠$6有三件(有辣味,原味,紫菜味)我選辣味,雞肉很好嫩,外層唔厚.正唔記得幫得意雞影相tim,下次吧.

咁岩行過旺角 見到做緊promote $6有3件炸雞咁抵食就試下啦仲有其他炸物,見果個炸芝士餃子饟雞翼幾特別咁就試埋!佢地即叫即炸,唔會話擺左段時間凍左都拎出泥比人食!熱辣辣,等1-2分鐘就有得食lu間鋪頭d員工仲好有禮貌阿哈哈仲有條友係咁講日文,雖然唔知佢講乜hahahha炸雞個皮炸到岩岩好 炸出泥唔會話食到成口都係厚粉咁同埋食落口唔覺得太油,d雞肉仲好嫩炸芝士餃子饟雞翼好正阿!>_< 1咬落去已經食到有芝士味 熱辣辣 好好食!一定會繼續食落去繼續努力!!!

我係住係呢間鋪頭附近。眼見呢間鋪頭係一年內已經轉左好多次手其實呢度人流都幾旺架但偏偏唔知點解開係呢個鋪位既店舖生意都唔多好再加上租貴,好多做2個月就要結業。見佢又開新野.我同屋企人都心諗"唔知呢間鋪頭捱得幾耐"一開頭開個幾日..又係冇人影之後D STAFF開始好勤力派傳單呀,PROMOTE咁情況好少少啦,不過真係少少今日又經過,佢地出緊$6招牌炸雞既PRMOTION咁我就試試係我之前有一個人等緊佢係即叫即炸,但都好快手就搞店,唔使等好耐門面既STAFF好有禮貌,仲叫人食完俾下意見佢$6有3件雞.仲有3隻味揀,真係算係咁望落個樣已經唔錯啦,食落更滿意!佢炸個皮唔會好厚,岩岩好,又唔會有好油好肥既感覺入面既雞肉仲好"亂"!唔會乾.而且竟然炸雞都有雞味!拎住盒野番到屋企.仲好想落去買多盒-_-哈哈遲D應該會試埋佢其他野食,睇左OPENRICE咁耐第一次打食評因為覺得呢間小店真係有HEART有誠意!都好想佢做落去!加油LA!

收工路過, 見到開左間新o野, 又有d 肚餓, 膽粗粗去試下. 收銀姐姐態度好好, 問我想食咩, 簡單介紹左一下, 我見個芝士餃子雞奕幾特別就叫左佢.等左一陣, 師傅就隊左我o既霄夜出o黎, 都好快手.開頭諗住廿蚊雞街邊o野都應該無咩料o黎, 點知一咬落去.....爆芝士 仲好香, 真係外脆內軟, 意外驚喜下次真係要叫埋d friend 去試下.

呢間小店開左冇幾日，前幾日上openrice都未有資料，仲諗住可以做第一個寫食評既人添...門口派傳單既員工話新張期內減$5，本身又好炸炸野，見裝修都幾企理，望落乾淨，而且炸物即刻炸，起碼唔怕腸胃炎先。即管一試。先讚：原味炸雞係真係即炸既，算幾脆口，而且唔油，證明有吸過油先交俾客，值得一讚。後彈：坦白講，個人意見：正價$18炸雞(大：~5-6件)，同區而然，會覺得貴左D...但減$5就一試無妨。而且味道普通，冇咩吸引力，同普通炸雞塊無咩分別...如果唔係呢個價錢，我會當零食再幫襯，但正價$18真係貴左少少... 建議小店看看有咩辦法improve下...

係太子行返去mk果陣咁岩見到呢間野主要係因為成間舖都黃錦錦...所以經過都會望下...雖然話係炸野但食落又唔覺好熱氣既...只係企係果度食有D熱囉...個炸蟹本身唔錯...食落去唔會成口粉廿蚊係咁上下啦...之後再買佢果個咩原味雞幾好...D肉幾嫩又係唔會成口粉...但如果一兜份量多d會好d囉...同埋如果有埋飲野就好啦...而家係乾啃...跟住去隔離檔買野飲D服務員都幾有禮貌...見到連煮野食果個都出黎叫人試...幾落力...之後先知原來係新開張...

收工時,同男朋路經此地,見到新開張,又派緊$5現金券,咪試下囉.我同他喜愛食雞翼,所以要了兩客芝士餃子雞翼,一客有兩隻,雞翼內有芝士,咬一口,很熱呢,要小心食.味道不錯.一定會再o黎