唐記包點 (大埔超級城A區)

营业中

休息中

而家疫情關係外賣乜嘢都試下。要咗個鳳爪排骨飯，棉花雞扎，同熱豆腐花。首先講咗啲好食㗎嘅豆腐花，有豆味五蚊一碗真係好抵凍嘅加一蚊，夠滑都ok大碗嘅其實我已經嗌咗三次啦。佢而家加五蚊就得食多幾次都唔厭。但係佢主食嘅鳳爪排骨飯同點心就真係唔得，個汁一啲都唔好食。我記得佢啲包係ok嘅。不過佢啲鳳爪排骨飯呢啲排骨醃得太犀利，啲肉散，淋啤散開，啲飯又唔靚真係只會為咗整飽個肚。棉花雞入面啲嘢唔實淨，非常一般都唔係好建議。

其實之前在其他區一定有吃過唐記包點，但是在大埔一直沒有光顧過。這間唐記位處於巴士站附近，其實如果等車太久，也可以先來買個外賣，再上車。😉發現原來唐記包點比起包點先生的售價便宜得多，因此一不小心，就叫了兩個包子。🤷🏾‍♀️但其實唐記包點的包皮也不算太薄，沙嗲牛肉包的外皮極厚，因為聽到沙嗲牛肉包，還心想會不會好像香港式茶餐廳的沙嗲牛肉，但其實它是將沙嗲牛肉搓成一個球體，然之後混入了洋蔥，放在包子中間。還好，包子不算太乾，有點兒沙嗲汁液，亦都不太辣，但缺點就是洋蔥太過多。另外的叉燒包質素更好，包皮不算太好，叉燒不會太大件，亦都不算太乾，味道較為好。阿華田麻薯包，這算比較特別，又可以有阿華田又可以有麻薯？阿華田的汁液，味道有如朱古力醬一半，普普通通，不算太甜，阿華田味粉的味道，麻薯輕微煙韌，但是偏向流質的狀態，還是不錯；但是這個包比起中式包子好像更加乾，因此起上來，好像比較乾涸。蓮蓉包的確應該比起包點先生出色，因為包點先生外皮較厚，內裏蓮蓉又少，而且偏向乾，好像質地比較鞋身；但是唐記，始終都是這類中式點心包子店的群龍之首，蓮蓉比較滑溜，而且份量比較多。唐記的阿姐手腳非常之快，因此即使有兩三人在排

阿華田麻糬包 $7.5唐記之前出左阿華田包已經引起左一陣熱潮😝今次見到佢地出左升級版，加入左麻糬😚，即刻叫K姐幫手買返黎🤗阿華田包個皮比較黏，一撕開個包，啲阿華田醬已經係咁爆出黎😂比上次食果個更流心😌最正既係佢麻糬既份量好多，而且口感都夠煙韌😃同埋落左麻糬中和下，反而無之前咁甜，幾好味。

唐記包點近幾年分店越開越多，勁方便。而且蒸包蒸飯價格親民，所以經常會見到排隊的人龍。今日心血來潮想吃牛肉球。山竹牛肉球就是內餡要有馬蹄、芫荽、陳皮缺一不可，再加上喼汁調味，一次過就想吃掉3個🤣

【唐記包點】呢個名稱今日又出現喺我腦海入面， 點解， 因為 lunch時間又到啦， 每日到呢個時間都會覺得好煩惱，餐廳食肆都迫爆人，有時唔想嘥時間等位， 就會選擇外賣， 天時暑熱想 食得清淡D， 所以選擇【唐記包點】 因為啲蒸飯唔油膩， 係我快食 必選之一， 無論去到邊梗有一間糸你左近， 今日講呢間位於大埔中心巴士總站對面， 早午晚都見到好多人排隊， 有唔少fans， 我係其中一個， 貼喺牆度嘅menu牌 寫有多種蒸飯 同點心， 煎包 ，鍋貼 等……， 仲有我 好鍾意 飲嘅黑白豆漿 ，健康 又好飲， 我總發現左新出嘅《阿華田包》 聽個名好似係小朋友食ge, 好奇之下買咗一個黎試， 啱啱蒸起熱辣辣， 雖然賣相唔吸引，但里面ge（華田味流沙）就好香滑， 比我想像中好食， 所有蒸包優惠價$15有3個包，超抵食，

這一天到大埔中心附近做事,見到這間超級城的唐記有很多優惠,蒸飯加一個點心只需要HKD34,反正也不知道食甚麼,於是就決定食唐記啦😬我點了一個章魚肉餅飯和雞扎肉餅有好多章魚粒,雞扎竟然有豬肚做配料,好驚喜😀這間還有香煎風味系列,我點了一份鍋貼,一個香煎韭菜包,味道很香,很脆的外層,可以食到平時食不到的食物,不錯不錯最近唐記出了一款新流心包-阿華田,軟綿綿的面皮,一撕開立即爆出流心醬料,嘗一口,果然很濃郁的阿華田味道,而且現在做緊優惠,只需HKD5就食到啦,好抵食👍🏻👍🏻

大埔呢間唐記位置非常方便 係正巴士總站附近，地理優勢佳，有時貪其方便，價錢相宜，放工返工不知想什麼時都會幫襯。唐記最近新出左不同餡的中式包，有新意不同款式有咸有甜。點了當中新出的甜餡包：黑麻蓉包 $5.5 黑麻蓉餡有爆漿感，咬下時豐富餡料湧出，濃濃麻蓉味道微甜，芝麻味好香，包好軟綿。香芋包 $5.5比較喜歡這香芋包 因芋蓉好綿密幼滑，好香濃！ 豐富芋蓉吃落好飽肚有滿足感！喜歡香芋的必食！章魚肉餅飯 $22另外新蒸盅頭飯也是鎮店之寶。大大盒都只是$22，抗通賬價的食物質素，也非差。章魚粒混在豬肉餅，味道帶點章魚鮮味，肉餅軟滑，份量足料，有些椰菜配搭更豐富！另蒸飯推廣價配點心會減2蚊。我叫埋燒賣，$12有4粒實在太抵食了！樽装奶茶$12這奶茶不錯，有茶餐廳奶茶般奶滑香濃 稍稍欠茶味，及稍甜但可接受！晚上客人非常多。連最想試的阿華田包也賣光，下次會再幫襯

香港人放工已經係夜深…夜媽媽想飲茶點算好呢？夜晚有酒樓但無點心？“叮”！梗係去唐記啦🤗 有點心有蒸飯仲有包包，仲開到夜一夜，一次過滿足我幾個願望🙆🏻‍♀️😚😚·唐記真係包羅萬有，完全滿足我乜都想食既慾望😂 叫左蒸飯、點心，仲有新出包包😍 章魚肉餅飯真的不錯🤤 肉飯裡食到有章魚粒，亦好香章魚味👍 燒賣、鮮竹卷同金錢肚都係我點心既至愛❤ 特別喜歡唐記既燒賣，燒賣雖然唔算好大粒，但勝在餡料足，唔會感覺淨係飲食到滿口肥豬肉，燒賣上面仲有一粒蝦仁仔，咁既價錢質素真係唔錯！ 唐記除左有多款熱辣辣既中式包外，原來仲有凍包賣，可以買返屋企留喺聽朝早餐食，用蒸爐蒸一蒸就食到軟綿綿既包包，夠哂方便👍👍·另外仲買左近期大熱新推出，期間限定阿華田系列，分別有流心阿華田包同阿華田奶茶，阿華田包熱辣辣超流心😋 阿華田味道亦算濃郁，仲要賣緊5蚊咋🤗 喜歡阿華田既你真係要試試！至於阿華田奶茶，樽仔裝住的的骰骰，出街消暑一流！

Site visit餐之選。流心阿華田包 $5期間限定，又係大埔遇到！一人一個，大大個，軟軟。甜而不膩，再多d汁就好！阿華田奶茶 $9阿華田同奶茶味道均衡，麥香重。白饅頭 $5配阿華田奶茶一流！好似食多個阿華田包咁，哈哈！馬拉糕 $5.5梳起窿窿，如果凍飽就要8分鐘隔水蒸，現場食正d既。軟得嚟馬拉糕糖甜感溶落口，沙沙口咁，小糕點。就嚟想整個浸哂囉！菜肉包 $5.5菜肉比例近一半啦，肉多一點。少少肥粒，包份量又多又厚。北菇雞蒸飯 $22比平時平了5蚊，雞件都係咁大，超抵！冬菇加d薑絲食，多汁。長粒飯爽軟適中，仲配點菜喔。足料糯米雞 $22一大個，雞翼一隻多糯米多蝦米豬肉碎，當中仲有叉燒。22蚊超抵！鵪鶉蛋燒賣 $14三粒鵪鶉蛋脹脹，細蛋蛋味集中在蛋黃粉粉，蛋白好「脆口」咁。

見到朋友話唐記出咗新包咁今日經過就決定順路試吓～～～～～-流心阿華田包$5咋😍😍😍阿華田味道十足入面又真係流心喎！$5呢個價錢真係超值😍😍😍我一定會再食！！！！！！希望一直都會有阿華田包！😍😍😍😍阿華田奶茶嘅奶茶味好濃，真材實料 呢個味道幾特別可以試吓 $9😆😆😆咸魚肉餅飯其實二十幾蚊有咁大盒飯，而餸鋪滿飯面都真係搵唔到其他地方有性價比咁高既飯盒以蒸飯黎講係超值...豉椒排骨飯燒賣都唔錯～

唐記包點出左阿華田奶茶、阿華田包。之前試左阿華田包，唔錯，超愛個流心。今日的起心肝一早七點鐘走去買埋阿華田奶茶，終於買到。 很多人以為會很甜，但又唔算甜，入口是阿華田味道，茶底也不錯。

屋企人唔煮晚飯所以齊齊食樓下唐記大餐買外賣 叫左好多野食鹹蛋肉餅飯$22新出嘅飯 成日食點心 同鳳爪排骨飯未食過呢個 幾好味 肉餅d 肉 好滑好嫩鹹蛋嘅鹹味帶出左d 肉味而且佢啲飯唔會太硬身乾身秘製金錢肚 $14同茶樓果啲一樣 咁好味 咁入味 好彈牙鳳爪排骨飯$22必食 惹味 邪惡飯 🤣🤣佢d 鳳爪同排骨味道配搭得幾好 唔會太咸沙嗲牛肉包 $14新出嘅沙嗲牛肉包幾惹味 入面啲牛肉又唔會太乾宜家仲有優惠蒸飯加點心 只係$34 真係好抵😍😍

收工又攰，一落車就好想買啲嘢食返屋企慢慢嘆，知道有一間唐記包點在大埔超級城，就特意去買外賣！根據家人的指示買了幾款蒸飯和包類、點心。餐牌非常清晰，分門別類列明食物及圖片，原來包類都有超過十多款，多款選擇。一口氣點了差不多$100的美食，非常豐富！奶皇包表面都見到係奶黃色，一眼就認得出佢。食落去奶黃帶一點流心質感，味道香濃。還有點了凍包-菜肉包、叉燒包和馬拉糕，可以隨時隨地蒸來食，店員仲溫馨提示我們隔水要蒸8分鐘才可吃！點心中的燒賣是每次到唐記包點必點的食物之一，燒賣的豬肉味道夠晒濃郁，最鍾意配搭埋佢哋特製嘅辣椒油一齊食，好鬼滋味！最後我和家人都食到捧住肚，非常飽及滿足！

平時搭巴士返嚟一落車巴士總站附近總有一間唐記包點，每次去到都多人排隊等候。餐牌清晰可見，圖文並茂。先不忘叫了這裏出名的點心，鮮竹卷和燒賣都是我至愛的點心🥧。鮮竹卷有三件，而且外皮非常入味。這裏還有套餐選擇，只需以優惠價錢就可以換購各款的飲品，好抵食！當中有我最鍾意嘅香滑奶茶，非常香濃！我們就揀選了兩個蒸飯，一大盒非常有份量，我同家人就Share食，滑雞同埋排骨蒸飯味道入味新鮮。熱賣的糯米雞很大隻，荷葉味道濃郁，而且入面真係食到大大件雞肉架，足料！唐記包點食物款式多，很快我們會再幫襯！

因為起身起得遲，又趕住帶小朋友去睇Toy Stoxx 4, 所以起身就沖落街隨便買，樓下有唐記包點，小朋友又鍾意食排骨飯，就唐記啦我地4個人，叫左兩個排骨飯，一個皮蛋瘦肉粥，一個鮮竹卷，一個黑麻蓉包，加兩支香滑奶茶，都係$101.5 幾抵呀！成日經過見到好多人排隊買，原來咁抵食唔怪得啦個飯阿仔話好好味，食晒d 排骨！個黑麻蓉包我同細仔一人一半，好香芝麻味！個皮蛋瘦肉粥好綿，d 肉絲亦拆得好碎好易𡁻到個奶茶，都幾好，有茶味唔會只有奶味！$12 唔錯