唐記包點 (港鐵葵芳站)

营业中

休息中

麥皮饅頭真係好好食！饅頭入口軟綿，麥皮嘅香氣彌漫。饅頭裡面嘅麵糰鬆軟有彈性，口感豐富。佢嘅味道香濃而且帶嚟一份獨特嘅麥麩風味。每一口都帶嚟滿滿嘅滿足感同嚼勁。呢個麥皮饅頭絕對係早餐好選擇。

今朝早諗住買盒飯晏畫食, 一比完錢見到盒飯 我就知中伏啦 盒飯細到得個拳頭咁大, 你雖然係平賣28蚊 但講真一個成年男人 呢盒咁嘅飯無可能食得飽,後尾我都要同個姐姐講加多個包先至得.個飯丁屎咁細盒我都唔知你搏乜, 搏找人買多個點心或者個包?咁倒不如你賣貴少少 整返大啲盒飯啦好無, 真係食到我一肚氣呀

今朝喺這家店嘗咗幾款令人目不暇給嘅美食，仲要每樣都係香噴噴咁送上黎咁啱哋食。第一彈係嗰碗鳳爪排骨飯，鳳爪腍滑得嚟又冇柴味，每隻足足夠晒味，真係爽口到喊！排骨亦都掂到一個不得了，肉質鮮嫩，一啖咬落去肉汁四濺，真係食得我停唔到口。再來講講燒賣同牛肉球，燒賣個皮薄肉嫩，咬落去啲瘦肉突然咁爆漿，一啖一個剛剛好。牛肉球呢，彈牙又唔會太過韌，嗰汁醬拌哂全球，食落去完全唔膩口。食完咁多嘢，可能會怕肚脹，但喺單飲呢款新出嘅阿華田奶茶，瞬間給佢平衡返！奶味同阿華田嘅濃郁夾埋，香得嚟又不失滑溜，真喺係消化完美幫手！總括，今日嘅街邊美食之旅實在滿意！得閑一定要再嚟探探，下次可以早啲，唔使怕心儀嘅美食又賣晒喇～🍚🥟🥤

前日(30-9-2023 Sat)追月傍晚,同老公帶亞姨喺港島行完返到葵芳搵嘢後,搵完就要買嘢返屋企食晚飯,去邊喥買?老公見到唐記,就提議呢間,好吖.行到嚟,我哋決定要:3. $34.00嘅魚香茄子飯原本要涼瓜腩肉,但賣晒,就要呢個,呢個亞姨一食就大讚好味,好少茄子可以煮得咁好食.我都食吓,佢唔係好辣,我覺得正常ok.味道:3分1. $34.00嘅咖哩雞飯咖哩味道夠濃,對我嚟講辣少少,但好味,雞肉又好滑,薯仔同紅蘿蔔都好夠腍.我哋係咁食多咗飯.味道:5分 $29.00嘅梅菜肉餅飯我覺得梅菜唔多,肉餅好鬆,鹹度啱啱好.味道:4分

✨香芋蒸包💜最鍾意唐記呢個口味嘅包💜因為佢係芋泥嚟，甜甜地，有時早上特別鍾意食甜嘢多過食有油嘅嘢🙈🙈呢一種芋泥係相對creamy啲嘅，冇一舊舊嘅香芋粒，而麵包唔會太乾身，都幾好食。

我一開始買左叉燒包同燒賣收銀個姐姐一向都好串嘴當啲客係狗咁明明有陣時已經講得好大聲 佢都可以聽錯同佢講番落錯左 佢就勁炆咁呼喝你好似係你做錯咁上一次去買 見到前面啲客比佢鬧話綠色貼住啲野冇真心痴線 佢貼既牌真係淨係for佢睇 出面個大牌都冇貼出黎 啲客鬼睇到咩 個客問一下又唔鍾意咁款趕人走都算我都係求食物啫點知到拎野食就慘喇第一次就比漏左燒賣我 好彩我有睇下個袋第二次拎到番公司一開妖 佢比左饅頭我 差好遠喎大佬好心佢快啲請多個人番黎做啦班嬸嬸做得辛苦 啲客又要受苦唉

北菇雞飯🐥$29叫嘅時候可以揀要唔要菜同豉油，菜亦都可以揀多菜，好貼心。雞同飯嘅份量適中，飯面有一粒冬菇同姜絲。味道適中唔會太鹹，雞嘅肉質都算滑。唔錯！👍🏻黑芝麻包 $8.5嗌完之後店員會喺蒸爐入邊拎出嚟，熱騰騰。面包部分都落左芝麻，搣開見到佢有芝麻蓉同一粒粒嘅黑白芝麻。芝麻餡嘅份量非常多🤩，餡同包嘅比例係接近一比一。咬落去每一啖都有豐富嘅芝麻蓉，而且唔係好甜，好味👍🏻👍🏻

唐記包點太趕時間所以經過見到咁多人排隊就打算一試，估唔到味道都OK喎，幾特別嘅快餐。首先講下個北菇雞飯先，好耐冇試過食$29嘅飯！相等於中學生lunch嘅價錢🤣🤣🤣好懷念啊啊啊啊～～雖然係平，但係質素唔差，對得住呢個價錢，$29但係D雞唔少，個飯keep住咁熱因為係叫餐之後姨姨先會係蒸爐拎出黎，所以唔需要擔心會凍嘅問題！比錢個時叫我試埋芝麻包，以為會得少少餡，結果切開一半D餡佔咗9成😭😭好香又唔乾仲要得$8.5！抵食！！！

唐記蒸飯永遠都唔會失望，大大盒之餘，一盒仲唔洗$30。今次買咗鳳爪排骨飯，鳳爪好淋，排骨都好入味，仲有好多椰菜。啱晒鍾意食菜嘅我！食量細嘅，一盒真係可以兩個人分。

返工嘅早餐一定會買唐記包點，佢款式多，熱辣辣，好過焗嘅麵包好多好多🥯最緊要係好足料，餡唔會得小小，仲會時不時推新包😍我自己最中意食紫薯包，紫薯味好香，又唔會好乾，早上食完感覺腸胃都會更暢通🙈🙈不過唔同地區嘅價錢都會有唔同，咁樣好似有啲唔公平🥲

超可愛 布甸狗奶黃包超香又鬆軟 買黎自己食 買黎氹小朋友 都好啱全線唐記都有得買 真係好難買啊 日日都售罄好難得先買到兩個咋😮‍💨😮‍💨買嘅時候 姐姐話係凍包黎所以要拎返屋企 再蒸

🤩限量【唐記】X【布甸狗】造型包點【唐記包點】與【Sanrio】聯乘推出超可愛的【布甸狗Pompompurin】3D造型包點+布丁燒🍮。兩款賣相都非常可愛😍，最適合打卡，我最欣賞是布甸狗3D奶皇包，它的包裝及紙盒竟然仿似西式漢堡包的包裝，非常幽默搞笑😆，但說到底…作為布甸狗Fans的我，真的是不忍心吃他下肚😳。🍞【Pompompurin布甸狗3D造型奶皇包】（每個$20）帶了經典畫家帽立體造型奶皇包非常可愛，餡料是唐記特製奶黃，奶皇包蒸焗後非常軟綿綿。而奶皇包共有兩款布甸狗表情。⭐️現凡購買Pompompurin聯乘系列產品，即送期間限定包裝膠袋，奶皇包更配有精美包裝紙盒。每日限量發售，送完即止，布甸狗Fans們不能錯過~🍮【Pompompurin布甸狗焦糖布丁燒】（每杯$18）(凍食)面層是鬆軟芝士蛋糕，並烙上布甸狗可愛的樣子，中間是滑溜雞蛋布甸，低層有濕潤甘甜焦香的焦糖漿，味道配搭好好味。這個味道口感絕對是對得起這個價錢，性價比高，驚喜。🛒唐記包點⭐️供應期:6月16日起🇭🇰地點: 【唐記包點】、【唐包點】、【巧手制作】

星期六出街玩了大半天，午餐又食得飽飽，晚餐食乜好呢！6點左近食又唔係，唔食又怕肚餓，途經葵芳地鐵站旁見到有間唐記包點，💡時有了靈感！😻😻😻佢哋除咗出名蒸飯同點心之外，仲有我嘅至愛組合，☝拼盤套餐B☝，組合包括滑滑腸粉3條，魚蓉燒賣5粒，仲有潮州粉果1大個，都祇係$20咋！加埋飲品仲抵，都係加多$1！👍👍👍🤭魚蓉燒賣周街都有得賣，不過未必檔檔好食，呢道嘅魚蓉燒賣好足料，唔會得舊粉，咬來咬去咬唔開，味道都好有傳統街邊魚蓉燒賣味！🤔係咩味？掃慣街嘅你會懂的！🤣🤣🤣腸粉亦很滑滑，雖然拎到返屋企都凍曬，不過冇加熱就咁食都仲好軟滑。阿姐果然係混醬...高手，混得味道啱啱好！👍👍👍加埋個飽滿嘅潮州粉果，完美！粉果大大隻一個就夠曬數，食得辣叫阿姐比個辣椒油，加埋落去食仲正！💯佢哋其中一個賣點，就係將美食預先裝好在一個密實圓盒內，客人買又快捷方便，乾淨企理，拎返屋企加熱又得，真係將街邊小食殿堂化。⭐⭐🌟🌟🌟快、靚、正就係啱曬香港人節奏，而且經濟實惠、選擇多，所以經常大排長龍㗎！✌✌✌✌✌

繼我上一次食唐記咖哩牛腩既意外驚喜之後，今次試咖哩雞！一樣足料，洋蔥紅蘿蔔同薯仔都有三至四塊，雞反而有五至六塊，但係有骨雞件，鍾意啖啖肉既人就差少少啦！份量對正常胃口足夠有餘，而咖哩質地偏杰身，辣度可接受，食完會出少少汗，係陰陰沉沉既天氣食少少辣個人清爽曬，同咖哩牛腩一樣咖哩底，茴香味幾突出，同港式咖哩有分別3字頭既價錢，咁既質素，我滿意有餘，性價比好高。另外一樣比蒸飯優勝既地方，呢啲住家飯系列送同飯全部獨立一份份，衞生贏曬。

足料既外賣餐，牛筋牛腩👍🏻，洋蔥紅蘿蔔同薯仔都有三至四塊，份量對一般男士胃口足夠有餘，夠晒飽肚，而咖哩質地偏杰身，對我黎講算中辣，食完會出少少汗🥲呢個就係食辣野最正既地方，出完汗個人清爽曬，但寫字樓妹妹就要注意啦😆比較驚喜係同一般香料味無乜既茶餐廳咖哩不同，茴香味幾突出，令我諗起疫情前去重慶大廈咖哩王既咖哩32蚊既價錢🤣，咁既質素，我滿意有餘，甚至比好多茶餐廳出色👍🏻👍🏻👍🏻