唐記包點

营业中

休息中

中午，兒子說想我買外買醫肚，平時就比較少買盅頭飯，經過太安樓，順便買了兩個飯回家，我選了排骨盅頭飯，順便叫服務員少放的醬油，回家開來吃，飯還保持熱溫，排骨還行，入了味

平時路過都無諗過要幫襯，一間外賣點心舖整嘅點心可以好得去邊？只是因為放工晏咗無得去Apita買sushi, 唯有去太安樓𥄫𥄫有咩食。路過唐記見成9點幾仲有人幫襯，就過去睇下有乜啱！最後買了2只菜肉包，價錢只係$12。回家試試竟有驚喜！包身鬆軟、肉饀十分鮮味！抵食！一定會再返去試試其他點心！

是晚自己一個人食飯, 去到西灣河經過唐記包點, 諗住自己一個人食飯無乜所謂, 叫左個土魷肉餅飯同燒賣, 諗住醫飽個肚就算. 點知返到屋企, 打開個飯盒, 聞到都幾香. 食落口原來D飯好爽口, 一D都唔會淋pat pat. 我自己認為, 如果一碟點心/飯不停翻蒸又翻蒸, 一定會蒸到好淋, 水汪汪咁. 點知呢間唐記包點有驚喜. 個肉餅飯D肉餅都好爽口, 而且唔似有好多味精, 幾香口, 而份量都足夠. 而個燒賣都唔錯, 好多料, 一樣爽口. 價錢每樣都係十幾廿蚊, 好抵食!見到佢個餐牌仲有久違了的鵪春蛋燒賣, 下次要試下!

星期日中午，唔想出街食，連妝都懶得化，所以求其落街買外賣，今次試唐記，都唔錯。我初頭諗住D中式蒸包，拎到返屋企唔知會唔會吸晒D水蒸氣淋晒，但係又無喎，打開嘅時候仍然保持原狀。以下是二人份量:叉燒包 - 都幾大個，個皮好軟，內有很多叉燒奶皇包 - 比叉燒包細少少，奶皇幾香滑蝦餃 -以外賣黎講算係高質數，皮薄而且軟身。章魚肉餅飯 - $22咁大盒真係超抵，而且係好味，塊肉餅好厚，有爽口的馬蹄喺入面，肉餅下面仲有菜。雞扎 - 平時的雞扎多數有件火腿喺入面，佢無，但係有件豬腸，仲有件唔淋嘅芋頭，我覺得雞扎麻麻地，不推介。鮮竹卷 - 吸晒D汁，好味!

是日放工，於唐記包點買了一個奶皇包$5.5、香菇雞肉包$5.5和蕃薯包$5.5回家。奶皇包尚未影相，就即時被細佬狼吞虎嚥地解決了。刻有葉紋的香菇雞肉包是母親大人今早的早餐，味道如何就不得而知了。蕃薯包$5.5包色有點假，淺紫色的，寧願是白包或麥包好了。拿在手裏包蠻有重量，絕非坊間輕飄飄的空氣包也。今日，母親翻熱後，蒸包熱騰騰的，鬆軟非常。撕開兩半一看，嘩，果真是真材實料的蕃薯包，餡料差不多佔了包的一半﹗香軟具彈力的蒸包內，有一大團粗糙綿密、纖維豐富且香甜無比的鮮黃色蕃薯蓉。咬下，香軟蒸包配蕃薯天然微甜，香而不膩，煞是滿足而美味。小結：個人而言，唐記包點可說是包點先生的翻版。前者的點心蒸飯水準不錯，後者的包點則較天然健康。

今日收工經過買左2個包（$5.5一個，抵食），一個芋頭同一個蕃薯。攞上手，重量十足，一定唔係空心包蕃薯包餡有纖維，甜左少少，但好味，包鬆軟。芋頭蓉香，正！另外收銀姐姐好笑容，下次一定再幫襯，試試其他點心先

是晚，落車時，見到巴士站旁新開了一間「唐記包點」，有不少街坊圍觀，就八卦上前一望。門口收銀阿姐蠻有禮的，細心解答街坊的查詢。店子不大，擺有蒸爐，店內三位阿姐正在忙碌工作。小店除了賣十三款由$4-$6不等的中式包點外，還有六款蒸飯$22、八款由$14-$22的點心及兩款豆漿$8。新張期間，如購買一款包點或食品，只須加$3.5就可換購紙包飲品一盒，優惠如此類推。嘩，小店竟有鵪鶉蛋燒賣出售，一於要試下，再要個章魚肉餅飯，另加一盒凍檸茶，三十九大元而矣﹗「唐記包點」屬連鎖式集團經營，有印有自家品牌的膠袋、飯盒及碗兜。最吸睛的，莫過於那個笑面迎人的外賣仔了，煞是可愛﹗章魚肉餅飯$22一盅蒸飯也幾乎塞得滿滿的一個飯盒，在粒粒分明的白飯上，有一大塊圓形的章魚馬蹄肉餅，再加點椰菜，淋上豉油，就構成健康富足的一餐了。白飯軟硬度適中而乾身，蠻具嚼勁，稍嫌豉油鮮甜味稍遜，且份量下得偏少了。章魚肉餅味鮮多汁具咬口，再混入爽口的馬蹄粒，口感層次豐富，食指大動。鵪鶉蛋燒賣$14/3粒鵪鶉蛋燒賣早已絕跡於中式酒樓了，成為了可遇不可求之點心。曾於老牌酒樓吃過，蒸得一團糟，樣衰兼難吃。想不到，小店之作卻甚有水準，喜出望