唐記包點 (都會駅)

营业中

休息中

12月15日晚餐，見到唐記冇乜人排隊，所以特登去買個章魚肉餅飯但係個點心鮮牛肉球！章魚肉餅非常之有口感，牛肉球啱啱蒸好，加埋喼汁十分惹味不過唐記就越嚟越貴兩樣加埋都要40蚊了！

12月13日晚餐，見到唐記有咖哩牛腩飯買當然要試下，咖喱牛腩份量都足夠,食落口好有港式嘅味道,32蚊呢個價錢我覺得性價比十分之高,我仲加多咗個菜肉包,今晚應該可以飽到上心口,哈哈

一向都鍾意食中式包點，經過唐記次次都忍唔住買個包食。今次買咗一咸一甜嘅包，姐係菜肉1包同香芋包。熱辣辣嘅菜肉包永遠都係最正嘅，一咬落去啲肉汁標哂出嚟；而香芋包我都係第一次嗌，成日驚會太甜，點知剛剛好，香芋嘅甜味淡淡地，食完都唔使瘋狂飲水

星期日同屋企人想飲茶，但係又唔想去酒樓同人哋迫，就落咗樓下買唐記包點啊點心叫咗鳳爪同埋鮮竹卷，鳳爪都有四五隻，鮮竹卷有三條，Standard酒樓份量包點就叫咗榨菜肉包同埋馬拉糕，榨菜肉包小小辣，幾好食，馬拉糕都好大個另外仲叫咗個蒸飯鹹魚肉餅飯，個飯仲跟埋椰菜除咗食物，佢哋仲有飲品架，叫咗奶茶，黑芝麻豆漿同埋原味豆漿叫咁多樣嘢食$100都唔使，三個人都夠食喇，咁嘅價錢去酒樓一定唔得啦，又平又快又好食

相信好多人都鍾意星期日瞓到自然醒， 發現星期日冇工人姐姐特別多一家大細操兵落街食早午餐㗎。瞓醒都已經係日上三竿， 落咗樓下買嘢食返屋企， 經過唐記近近哋決定買點心返去醫肚。唐記總有一間喺左近，不過都好耐冇食。最近冇咩新款出， 買咗我最愛嘅鳳爪排骨飯～～ 標明使用泰國絲苗👍 排骨醃得入味， 加埋鳳爪辣辣地～👍 每次必点!仲揀左樽香滑奶茶$12， 強調無添加防腐劑， 有茶香唔會太甜，不過唔夠濃郁 但就夠曬香滑， 都係只一杯嘅份量， 一個人飲啱啱好。點心揀咗山竹牛肉和沙爹金錢肚沙嗲金錢肚夠入味惹味， 牛肚夠腍。反而盒山竹牛肉， 肉質有啲鞋，冇一般酒樓牛肉球嘅滑。 唔知係唔係喼汁滲晒入去，肉質帶酸酸地的。每款包類個底墊紙張都有名稱～～ 唔會食錯。這個就是我推介和每次必吃嘅菜脯肉包～ 佢啲菜脯好爽脆，唔會硬又唔會過鹹， 豬肉餡不肥不瘦啱啱好！其他甜嘅包類味道都唔錯， 最多人揀嘅會係紅豆包， 餡料脹卜卜唔會太甜～👍👍

家附近的唐記一向人多，勝在價錢平，一個蒸飯廿蚊左右，點心十多元，對街坊學生來說真是恩物。蒸點蒸飯款式多，全部新鮮蒸，出爐熱辣辣。鳳瓜排骨飯，必吃，排骨肉滑，份量多，鳳瓜有少許辣味，可以要求多菜多汁，一個飯有肉有菜，健康又好味。雞扎一籠有兩個，入面有芋頭、雞肉、等等，材料十分多，皮薄，當然即蒸熱辣辣好食，十多元一份，好過去飲茶。黑白豆漿唐記自家出名，喜歡它不太甜，有原味及黑豆味，自家製沒有太多加工，大大一枝。

早餐食返個糯米雞，唐記既足料糯米雞係多d料，裡面有叉燒，雞翼，東菇，啲糯米夠彈牙但又唔會黐住啲荷葉，他們既外賣袋寫著「包裝物料通過歐盟標準測試，可安心使用」。都係22蚊隻。

奶黃包冇過硬，而且都幾扺食，平平地一個包一枝野飲都可以當一個早餐，個包都幾大，拎上手熱食都幾飽肚而且仲可以提神!其實其他包我都食過，不過個人最喜歡都係奶黃包，因為佢奶黃餡好香令人一試難忘!!!!!!!

平時我最鍾意嘅就係食唐記包點嘅菜肉包，今日咁啱行過調景嶺發現呢度都有唐記， 就諗住買個包當下午茶。原來呢間係唐記特惠店，價錢比其他店舖平。＄13可以有三個菜肉包，另外平時＄25嘅唐記炒飯可以用$18 ，$19就能夠買到，真係好抵！所以我就即刻買咗三個包嚟食，比平時$7一個真係抵好多。

小編今日夜晚9點先收工，但心血來潮又想食返d 懷舊住家餸，路過見到唐記新出的“鹹蛋肉餅飯”，都係只係💰25蚊於是梗係二話不說買來試下啦雖然係咸蛋肉餅，但肉餅裏面加左粒粒馬蹄，食落口感清爽而不油膩，但是鹹蛋就差左啲，冇咩油水，太乾喇不過整體來說這個飯都ok,而且價錢相宜，值得一試！

這家分店，比起其他分店便宜。可能因為鋪租的關係吧~喜歡吃叉燒包和菜肉包。叉燒不會太鞋，或太靭。而菜肉包很juicy，入面的肉超嫩滑，菜也吃得出很新鮮。加上入面小小的肉湯， 簡直一流。吃時要小心，因為裡面超級熱，很易燙口。他的燒賣味道很夠，並不是用粉做的那些，而是入面真的有料。而他的糯米雞也勁足料。有雞，有菇，有肉碎，有蛋。整個飯比拳頭還大得多。加汽水也只用2.5, 非常抵食!很喜歡當lunch 食，因為都只是十零廿蚊，就填飽了肚子。

喜歡光顧唐記點心的原因，因為有時候晚飯不想吃太多澱粉質，便會到唐記購買一兩個點心作晚餐，今晚如常到唐記購買一籠牛肉，一籠雞扎，當見到雞扎內的豬皮，即時胃口全消，豬皮上的豬毛極度令人不安，如果魚肚太貴，豬皮質素差，我唔介意兩樣都唔放，都唔好放啲咁令人毛骨悚然嘅豬皮落去。

自細好鐘意同媽媽去茶樓飲茶，一定會叫點心，例如蝦餃，燒賣，叉燒包等等自從有左呢間唐記之後唔駛等到放假或者要去茶樓先有得食點心，因為隨時隨地你想就可以去到任何一間分店買到啲味道同茶樓差唔多，我自己就好鐘意食佢個個um春蛋燒賣(咬落去唔會散晒，好多汁)同菜肉包(啲菜肉好多，肉質剛剛好)，現在已經唔係有好多茶樓有 um春蛋燒賣食架啦，所以通常經過呢間店我都會買番一碗黎回味下

記得細細個成日食唐記嘅糯米雞但宜家冇左所以好少幫襯唐記今日午餐打算去包x先生買糯米雞做lunch點知冇曬甘就試下唐記嘅蒸飯啦揀左北菇雞飯好快有得拎返到屋企打開好香椰菜,雞好多👍美中不足嘅系豉油太少唔夠撈飯不過一食個飯有驚喜d雞好滑,好香菇有汁,好爽口 正今餐有驚喜

lahris經常會幫襯唐記的中式包點，今日就去買咸魚肉餅飯，可能是lunch hour，比較多人，仲有工人姐姐拖住個小女生排在我前面再前面據我觀察，工人姐姐不愔中文，惟有看圖揀飯，小女生又好似唔識嘢咁，大概搞左兩分幾鐘，而我前面的女人就已經非常不耐煩，仲話「不如幫左我先」估唔到的是，店員呀姨好霸氣，只拋低一句，「人地排隊先」（其實都只係講道理）然後好耐心咁問小女生「呢個有豬肉，你姐姐食唔食豬肉架？」太貼心了吧! 同時又提一提個工人姐姐，「後面好多人排隊，你地要快少少喇!」先說我的飯，好吃，咸魚好香，肉餅好吃（雖然實左少少），返到office都仲熱，算okay啦! 4分out of 5分，有1.5分係畀果位店員呀姨的!