唯一麵家

营业中

休息中

地點方便就係地鐵站對面。店鋪推介既葱油餅：夠暖、可惜偏鹹，上海雲吞麵：好開心係有雪菜、雲吞一般、麵質幾好，酸辣湯麵：配料切得size岩岩好、有口感、酸辣湯偏酸、麵質都係幾好。不過，酸辣湯麵同上海雲吞麵，『唯一』並唔係荃灣唯一既選擇。

尋日(17-12-2016 Sat)同老公跟團去半地遊前食早餐,由於有啲趕,老公話o黎呢間食,OK.我好快決定要$18.00o既南瓜咸骨粥同$12.00o既炒麵,老公要$46.00o既酸辣淨雲吞,好快,我o個兩樣o野都到齊,即刻問動喇.橙色o既南瓜咸骨粥味道偏甜,排骨唔鹹.味道: 2.8分炒麵同樣大大碟,唔太鹹,麵質腍.味道: 3分老公o既酸辣淨雲吞好耐至到,大大粒o既雲吞同樣有十粒,而酸辣味其實係加酸辣料菬淨雲吞o度, 酸辣湯料有木耳絲,筍絲,豆腐同冬菇,酸酸辣辣幾開胃,不過我唔食得多,試兩啖就俾返公食.味道: 3分老公話要飲豆漿,佢就叫一杯熱o既啦,點知亞姐俾o左兩杯,唉!是但啦,唔斟都斟o左,要埋佢啦,今次豆漿甜o左啲.味道: 2.8分服務:叫完o野食,亞姐自動俾個碗仔我o地share食.

之前經過曾吃過這裡的麵，無什麼特別，但我的確欣賞佢地的北京餡餅。今日第一次食其早餐，只有南瓜排骨粥和豉油王炒麵，而炒麵居然賣曬！我們每人都要一碗粥，和半個餡餅；想唔到南瓜粥如此多料，我覺得佢地真係落南瓜煮，而且好結，飽曬！可惜餡餅不夠熱！

4-9-2016 (Sun)瞓晏o左起身後,一齊去食o野買餸,又去邊o度食?唯一,突然又想去唯一.我o地o黎到唔多人,坐低睇,見有人食$12.00 o既炒麵好大碟,於是要叫呢個,再要同樣$12.00 o既蔥油餅,老公要$42.00 o既排骨麵.好快,大大碟炒麵到o黎,亞姐問我o地要唔要碗仔?我o地答唔使.然後無鍚排骨麵到o黎,不久,蔥油餅都到埋.蔥油餅熱騰騰,個底煎到幾脆口,蔥唔係好多,油就唔油膩,鹹淡適中.相對o黎講,大大碟炒麵就好油,佢唔鹹但就腍o左啲.而無鍚排骨麵呢,味道似豬腳薑,排骨好腍,亦有啲軟骨;麵亦都係好腍,OKo既.最後我o地要杯$8.00o既凍豆漿,味道唔太甜,OK.味道係2.88分,抵食係2.5分

一早被男友電話叫醒…要去城門谷影荷花，他說陽光照射最美的時間在7點，所以我們６點幾就要起身出發… 荷花超美！影了約２小時就離開，行去荃灣吃早餐~以前常常到荃灣地鐵站的唯一麵家吃麵，除了麵食，這裏的牛肉餡餅都是超讚!店舖裝修了，亦加增多部冷氣。我點了上海雲吞麵。雲吞大大粒，餡料是豬肉及蔬菜。豬肉的分量佔大部份，可惜皮厚、質感厚實，大粒夠飽肚但味道一般。上海麵 麵條粗幼、軟硬度適中，整體份量亦算多。本來還想點牛肉餡餅，但太飽，早餐吃不下太多。有點失望，記得以前這裏的雲吞麵是蠻好吃的。

今朝七時未夠就到達荷花池影荷花，女友開頭說話多多，又熱、又曬、又要早起身…但見到荷花的美態後立即收聲！Anything, 影完荷花9點幾決定到附近(都要行15分鐘)吃早餐。由她帶路去了荃灣的唯一麵家（還好沒有帶錯路, 感恩)。五香牛肉麵的牛展軟腍，不會太韌或0鞋口。牛肉味香濃，麵條味道正常偏腍身，整體味道Ok。女友好想食餡餅，太飽了惟有下次！

今日(14-7-2016 Thur)趁要去銀行同買餸,就不如乘機一早o黎食早餐,由於係平日同過o左返工o既繁忙時段,所以客人唔多,可以一人坐一張枱.我就要個$40.00o既淨北京水餃,$15.00o既北京餡餅同$8.00o既凍豆漿.當然,凍豆漿即到,飲吓先,唔凍,只係室溫,佢只係微甜豆味重啲,如果係冰凍會好好多.味道: 4.8分 之後北京餡餅到o黎,一如以往,佢o地會將佢一開四上碟,餡餅熱騰騰,餡料中韭菜比例較多同切得細粒啲,但唔夠民豐咁香咁惹味,皮就實啲.味道: 4分然後淨北京水餃到o黎,好大碗,北京水餃又大大粒,數吓有幾多粒先,十粒,係十粒咁多 ,我唔知有十粒o架,如果知我就唔叫呢個.先飲啖湯,好淡,冇乜味.而北京水餃o既餡同北京餡餅一樣,自然唔夠香同惹味,所以我可以試晒原味,加醋,唔太辣豆辦醬同辣油食. 最後覺得配豆辦醬最好食.味道: 2.8分環境:冷氣唔多夠,啲o野食都開始放涼,但我都依然覺得熱.服務:好好,好有禮貌.抵食係2.5分我對上一次食評: http://www.openrice.com/zh/hongkong/review/%E4%BF%9D%E6%8C%81

好耐冇食過唯一，今日去到荃灣先知原來佢裝修左，決定同朋友一齊入去懷緬一下...我哋兩個分別叫咗酸辣湯麵，餡餅，鍋貼同雪菜粗麵，首先酸辣湯麵酸度適中，麵底亦都唔會太淋，亦唔算太辣，啱晒我呢啲唔算食得辣嘅人至於雪菜粗麵，雪菜唔會太咸，但粗麵算有啲硬，但整體感覺還可以至於招牌菜鍋貼同餡餅方面，餡餅到現時為止都係值得推介，皮薄餡多，但鍋貼就有少少失望，因為個皮太厚，比以前失色

唯一麵家, 伴我成長的一個名字。細細個, 就經常幫襯。荃灣, 真係唔知點解咁多粉麵店。講到最好的幾間, 除左唯一雲南米線、山西刀削麵, 唯一麵家都一定係其中。星期六, 去三聯書店睇書前, 先醫下個肚。叫左碗十幾年來始終如一的「牛水粗」牛腩依舊美味, 水餃皮香饀多, 粗上海麵又彈牙又香!雪菜(定係鹹菜?)加埋滾水般的清湯, 唔太鹹又夾脆, 真係一啖一滿足!我試過葵涌廣場間唯一, 水飲饀相若, 但皮出哂事! 硬而無彈力! 好彩, 荃灣依然令我安心! 一個月, 總有一日會來。

以前讀書時代，很喜歡吃唯一麵家，平平地，又有舊風味，姐姐們又好人！今天一去，門面不同了，裝修很豪華，有點不認得呢！下午時間入去，但已經沒有了下午茶餐，有點失望呢，唯有單點了一個無錫排骨＋上海雲吞雙併麵！😑😑上菜速度很快，不消五分鐘就可以開餐！無錫排骨用碟另上，排骨弄得夠唸，酸酸甜甜很開胃；雲吞就是菜肉雲吞，皮薄餡足，包得頗為大粒；麵條不過不失啦，一般上海麵的水準！但最可惜的還是價錢問題，普通一碗雙併麵都要52元，連埋豆漿更要超過60元，真的很貴啊，不再是以前學生年代的唯一選擇⋯⋯物價通脹，可能租金真的太貴了吧⋯⋯😔😔😔

收工落雨見肚餓好耐無食唯一所以去左買兩個韭菜餡餅醫肚 15蚊1個 買左2個 係兩個人食其實肚餓黎講都幾好食不過係5夠熱 皮厚左少少好多韭菜 味道好濃 好多汁其實都好大件 食完已經5洗食飯

一年總有幾次回到荃灣工作，總會見到荃灣地鐵站旁邊的一間上海小店「唯一麵家」。每次看到店員正在煎起的北京餡餅及煎餃吸引着。餐牌上種類繁多，有酸辣湯、上海粗炒、豬頸肉飯、小食等。 大部分以上海菜為主，是我的最愛選擇。天寒地凍又不想吃麵及飯，來一碗淨水餃也是不錯的選擇。 大大粒水餃一共有十粒，還有少許蔥花更加香氣四溢。咬第一口水餃，滿佈韭菜豬肉超級足料。 ＄42有十粒餃子，已經相當飽肚。下一次再來的時候，要是北京餡餅及煎餃。

多年沒去荃灣唯一麵家，連佢地裝修也不知... 從前我每星期都去荃灣總店幫襯，即使不是每次堂食我也會外賣買個餡餅。 早幾天經過荃灣，肚餓之際，我腦海只想起唯一，衝呀！太肚餓，一坐低即叫餡餅和葱油餅再加個水餃麵。蔥油餅和以前味道有些少出入，以前較好餡餅的皮有點兒實但餡料味道無變水餃麵的水準是保持得最好，基本上同以前食既味道沒什麼分別裝修後環境較之前舒服但食物水準下降了... 還有,價錢也加了很多...唯一麵家 (荃灣)地址:荃灣青山公路荃灣段210號富華中心1樓2A舖電話:24158223

尋日(26-7-2015 Sun)朝同男友起身後落荃濘買o野兼食早餐,去邊間食?男友話呢間.熱辣辣o黎呢間?咁是但啦.入到去,有人整o緊冷氣機,但冷氣好凍,我o地照叫o野食,男友想要油豆腐粉絲湯,我問,又叫?上次o黎食食o左.於是佢要$29.00o既炸菜肉絲麵,$13.00o既北京餡餅,兩杯$7.00o既凍豆漿,我要$40.00o既香茅豬扒麵.叫完,兩杯凍豆漿即到,同上次一樣味道甜啲啲.然後男友o既炸菜肉絲麵到o黎,佢一個人食晒,我冇食到.之後北京餡餅到o黎,又係同上次食一樣,冇乜分別.最後我o既香茅豬扒麵到o黎,都係同上次一樣,香茅味好夠亦都好鹹.食完好口渴到夜晚要飲汽水解渴.味道: 2.67分, 抵食係2.5分

今天與親戚入TUN MUN, 要係荃灣千色店轉BUS, 點知佢地未食早餐, 想係荃灣MTR附近快快趣搞掂.就在MTR出口附近, 見到這麵店,以前好似曾經光顧, 就到這家吧!中式食物應該好ARM親戚胃口.點了炒麵, 粥, 及豆漿南瓜咸骨粥HKD 16橙色的南瓜肉很多, 所以南瓜味頗重, 骨係咸的, 剛好突出清清的南瓜粥味.親戚點了2碗呢喃豉油皇炒麵HKD 10唔太咸, 麵的彈牙程庶度OK.最重要係, 唔太油膩, 我喜歡.自制熱豆漿 HKD 7唔太甜, 豆味重, 親戚都話好飲, 再追加多杯以前中學時期好似係來過這店, 當時係食煎餃, 店面好暗, 咁這次係咪舊地重遊??