唯一麵家

营业中

休息中

放工，時間不早了，去地鐵站途中見到哩間鋪，就喺壽司店旁邊，餓餓地，不如食少少野先上地鐵啦，喺門口，見到有人買【餡餅】，想起之前喺附近【民豐】買過一件牛肉餅，覺得口感太乾，試試哩間嘅餅又點啦 哩件餅就juicy好多喇，有唔少韭菜，肉汁比較多，食落比較鬆，喺口感哩方面就做得唔錯喇。但係食唔到咩肉wo，再食多啖，依然冇咩肉，有啲小氣囉 整體黎講味道唔差的，但係喺肉嘅份量同餅嘅鬆軟感之間攞唔到個平衡，啲菜同肉汁又撐唔起成件餅嘅味。。。哩件餅，真係冇乜肉的，味道又唔多夠，所以我覺得冇咩好食的。。。。。。

前日(7-2-2015 Sat)朝 同男友去買餸,問佢去邊間食早餐,佢答呢間. 又呢間?啊.我o地o黎到唔多人,坐低後,我要$40.00o既香茅豬扒麵,男友要$38.00o既油豆腐粉絲湯,加個$12.00o既豆沙餅.但亞姐話豆沙餅未有,冇時間整.但老闆話會整俾我o地.咁我o既香茅豬扒麵到o黎,香茅豬扒有炸過,食落,香茅味好夠但都好鹹;而碗麵同樣有雪菜, 雪菜都好鹹吓.之後男友o既油豆腐粉絲湯到o黎,睇到都清清地,味道都幾清,男友話成個配搭令人食得好舒服. 食食吓,男友睇到老闆落單個沙字好似被刪o左,我o地就問個豆沙餅有冇?佢答冇,唔好意思.但負責整同煎餅o既亞姐就話有啊,o衣o家整俾我o地,問我o地等唔等?我見佢咁好,就答好啦,我o地等.我睇到亞姐即刻攞麵粉皮包豆沙饀,而邊食邊等時,我都叫多杯$7.00o既凍豆漿,杯豆漿係斟到滿滿,本來都唔想影相,但飲o既時候飲到有冰,於是影低佢,凍豆漿味道甜啲啲,OK.之後亞姐主動同我講等多,等多一分鐘.終於有喇,佢親自拎o黎,重話唔好意思,亦叫我小心熱.好,食得喇,個皮係有啲粘同少少煙韌,豆沙餡唔太甜又好味,呢個要趁熱食,亦都好好食. 味道係

尋日(1-2-2015 Sun)同男友落荃灣剪髮前食o野,呢間裝修o左之後都冇o黎過,睇吓今日多唔多人先.唔多人喎,於是入去.男友要$48.00o既雙拼,無錫排骨麵拼鳳爪.我要$13.00o既北京餡餅,$29.00o既雪菜肉絲麵,男友加多杯$7.00o既凍豆漿.好快,北京餡餅到o黎,煎得幾靚,食落,由於蔥多過肉,都幾香同唔肥膩,但餅皮口感麻麻.然後凍豆漿到o黎,我先試試,唔凍,不過算啦,冬天唔夠凍都可以o既.而味道,係無糖,真係無糖,一啲甜味都冇,近乎原味,甚至有啲豆腥味.之後男友o既無錫排骨麵拼鳳爪到o黎,鳳爪近乎白烚,不過好夠腍,酸甜o既無錫排骨味道偏啲酸,不過都唔錯.我o既雪菜肉絲麵重未到,於是問問老闆有冇落單?佢答有,然後就催廚房至到o黎.雪菜肉絲麵都係雪菜多過肉絲,味道平實普通,不過真係食得好飽,我食唔晒俾o左男友食.環境:裝修o左後比以前舒服得多.服務:好亂,成日漏單,其實唔止我o地,其他客都係.抵食係2.5分

唯一非說情愛我表達卻是食也haha~忽然文縐縐起來,此店我記憶所及二十多年前原址喺荃興徑都係小時嘅心水麵食店之一尤其佢嘅北京餡餅$13更是我最愛慷慨韮菜藏於豬肉餡餅內一咬香氣撲鼻饀料夠濕潤餅皮小小焦脆~美味回憶~榨菜鳯爪麵$44麵質爽口鳯爪夠入味而不溶爛份量也足喔,不過個人更喜歡江記嘅鳯爪~ 酸辣湯(小)$24師傅應該掛住刨馬仔喇酸到不行差差差~凍豆漿$7一貫濃香豆味不過甜很讚~地址:荃灣青山公路富華中心一樓2A鋪,葵涌廣場也有分店按此

店子不是結業，只是裝修，已重開。翻新後的唯一，給我的第一感覺，就是好凍。像雪櫃一樣，坐在這兒，口中噴煙，笑屎人。點了一份煎餃，原來只得三粒。或許是地方太凍，好快餃子已放涼了，不過味道都還好。個人喜歡沾些豆辨醬，可惜偏咸了一點。也吃了擔擔麵，麵條口感還可，但味型以及配料，跟我所認知的擔擔麵，有很大出入。

話說當天跟豬大人走遍了綠楊坊的大小旅行社後,開始聽到肚皮不停地打鼓。就在我倆茫無頭緒要吃什麼之時,忽然看見對岸的''唯一麵家'',久違了的味道, 我倆對望, 是它了!!多年沒有光顧, 甫進店內驚覺裝修後光猛了;雖然位置不變﹑面積不變, 但感覺就是陌生了......點食過後, 食物很快便送上 。北京餡餅特多的韮菜藏在餡餅內,肉汁沁透每一口~但青蛙略嫌皮比較厚。煎餃子餃子皮同樣偏厚,感覺乾身, 肉汁不及北京餡餅多。冷、熱豆漿偏甜, 但算有豆味。唯一擔擔麵賣相看似一般, 但竟是全餐最好吃的~肉碎帶微辣, 與湯麵混在一起吃,味道很捧呢!!!上海粗炒看著旁邊的廚子即炒即上檯, 絕對熱辣辣!! 可惜賣相看似調味充足的麵,入口竟然非常淡....幸好有咸而不辣的豆板醬作自行調味 ^^

晚餐突然想食上海麵就去左食唯一, 係荃灣港鐵站一行就到之前小學既時侯成日堂食, 大過左之後就多數買外賣食, 今晚突然得閑就黎過久違既堂食啦雖然佢間野可能有時有D污糟同暗, 但係唔知點解我成日覺得係堂食係別有風味(題外話: 果度既員工話大概1-2個月後就會裝修, 想再感受下係D舊式地方食野就趁早)其實我由細到大都係食滷水雞翼拼水餃麵, 不過突然間想食又酸又辣既野所以叫左一個酸辣湯水餃麵($40)個人認為佢個湯酸得幾ok, 但就唔夠辣辣味少之極少...不過佢D湯料好足, 幾多冬菇,豆腐,雞紅,肉絲etc. 水餃仍然好好食好足料, 唔會話勁多韮菜勁少肉幾有咬口D湯既味無入落D麵度, 所以D麵都係一般殷, 正常啦總括黎講個人較 prefer 佢個清湯底

荃灣區既食店越開越多~部份食店做唔夠一年又執笠一雞死一雞嗚~好快又有另一間食店租用~所以轉來轉去..好多新野食依間唯一麵店都好多年無幫襯lu~我同另一半本身都幾鐘意食上海菜依早大家都想食上海麵..又咁岩諗起依間~所以闊別5年再幫襯下先食店環境無變~同樣都係比較迫+油煙味好勁! 但服務好好另一半點既"五香牛肉併吉列豬扒配上海幼麵"因為我唔牛~聽佢講五香牛肉好鬆軟又入味..唔錯麵條軟硬度適中~湯底清清地唔會太濃鹹吉列豬扒鬆之中..略為乾身我點個"無錫排骨併香茅豬扒配上海粗麵"伴上好多雪菜..湯底同樣清清地不太濃鹹粗麵條有咬口無鍚排骨..醬汁帶醬油+醋味~排骨炆到好腍如果醬汁可以再濃稠一點仲正而香茅豬扒..香茅味唔突出~豬扒夠鬆軟整體食物都ok可以既

27-1-2013 (Sun)朝同男友起身食早餐,因為我都要再落荃灣買o野,所以都落o黎,食咩好呢?突然想食有湯o既o野,通粉.行到o黎呢o度,男友話一係吉野家,一係上海o野.我答上海麵.咁就入o黎喇,我o地要o左:1. $12.00o既北京煎餃3隻坐o係出面整包餃兼收銀o既亞姐即刻拎出o黎,影好相食喇.今次比上次煎得夠啲,但已經吹凍o左唔熱,內裡o既切粒韭菜同豬肉份量比例o岩o岩好,味道唔太鹹,正常.4. $32.00o既上海雲吞麵一碗有四粒雲吞,粒粒飽滿,見到白白o既湯,就估到呢個麵味道好清.果然係,雲吞皮好滑,雪菜同樣都唔太鹹.3. $7.00o既凍豆漿兩杯味道同樣係唔太濃,OK.2. $20.00o既淨吉列豬扒豬扒剪開晒上,呢個熱騰騰,食落,件豬扒好薄同乾o左啲,而鹹味係來自炸粉.衛生:我o地入到去時,得返門口o個張枱冇人坐,但張枱有一邊好污糟,係抺o左,但仍然係有油.服務:亞姐拎上海雲吞麵o黎時,同樣識做地拎多個碗仔o黎.

每次放工經過呢間食店 總會好香 總會很多人 今天終於有得1試 ~買了1個北京餡餅 $10 熱辣辣 的不用等 ~皮不算是薄 但咬下去熱辣辣 還有肉汁的味道~ 餡有9菜 + 肉 沒有太多肥豬 9菜也不會多過豬肉 分量2者是剛剛好~經過又口痕可以1試 ~

住油麻地的時候，唯珍是我的最愛；現在移師荃灣，唯一是止水餃癮的好地方。三十元一碗淨水餃，十隻脹鼓鼓的擠在一起。咬一口，韮菜和蔥豐富了肉味，更難得是有少許肉汁鎖在皮裡。餃皮稍為厚了一點，但太薄又難以盛載重重的餡料。如斯美味，不經不覺把所有水餃幹掉。還叫了十五元一碟腩汁津白。腩汁色稀但味濃，是可以的。用四十五元換來一夜上海平民體驗，痛快。

前日(11-8-2012 Sat)朝早同男友起身後陪佢食早餐,由於我好肚餓,就走入o黎呢o度食啦.我o地叫o左:1. $14.00o既南瓜咸骨粥今次有好多咸骨,係吓先,只有南瓜o既甜,咸骨唔夠鹹,差o左喎.2. $10.00o既窩貼其實唔係窩貼係北京煎餃,韭菜味道濃,餡料夠鹹,正常.3. $10.00o既豆沙窩餅豆沙餡份量算o岩o岩好,甜甜地,好味.4. $7.00o既凍豆漿呢個係男友o既,唔夠凍,我只飲一啖,味道唔太濃,之後佢自己飲晒.5. $21.00o既淨香茅雞中翼竟然用碗裝,雞中翼幾大隻,食吓先,熱辣辣,檸檬味偏多o左,蓋過o左香茅味,不過都OK o既.環境:呢日雖然冇咁熱,但都唔係只開一把風扇o掛?真係奇怪,呢班亞姐真奇怪.衛生:有幾隻烏蠅定蚊滋飛o黎飛去.服務:起初有個亞姐好醒目,我o地叫完o野,佢拎南瓜咸骨粥畀我o地時,畀埋一個碗仔我o地,但點解我highlight束馬尾亞姐唔掂?因為我最後叫o既淨香茅雞中翼好耐都冇到o黎,男友趕時間唔食先走,我就問佢係咪整o緊?唔係o既我就唔要.佢check都唔check就答整o緊.之後佢收坎我同男友食完o既餐具.好,而我見我同男友都食

中學時代已經常光顧唯一麵家。不過當時是在福來村的舊店。10多塊有麵有豆漿，對於剛發育的我實在是不可多得的店子。歲月飛逝，舊店已經不見了，而在荃灣地鐵站附近的這店子，聽説好像是分店。剛好有事要去荃灣，便去這裡懷舊一下。看餐牌，價錢當然已經今非昔比。衆多選擇下，挑了最愛的上海湯粗麵。麵被端來了，我還以爲搞錯了。怎麽是這樣？椰菜肉絲麵？原來這裡的上海湯麵，就是如此貨色。當年的不是這樣的啊！外道賣相做法完全不對勁！越吃越不是味兒。當年的美好印象一掃而空。吃了一半，吃不下去了。我在銅鑼灣的正宗上海餐廳吃上海湯麵，比唯一的更正宗更好吃，也只不過賣40元，唯一的也賣34元。我看不出爲何要在這裡吃。再見了，我的唯一。

去做GYM之前, 食少少野, 呢間近地鐵站, 所以唔諗咁多就入去食個餡餅.不過剛好賣晒, 要等佢煎過新既. 等左15分鐘左右, 都值得!餅皮薄煎得香, 裡面九菜特多, 肉碎都滑, 有肉汁好正!我會落好多豆板醬, 不過餡餅本身就夠咸, 豆板醬又咸, 加埋都幾重味.但唔加辣醬又好似爭D, 所以食完要飲杯豆漿中和下.個餡餅都唔細, 食完都剛剛夠飽, 做GYM唔會太辛苦.

我點了雙絲粉絲(炸菜絲和肉絲), 以為不會太飽, 可當減肥.但原來超大碗!! 煮粉絲其實有點考功夫, 不能煮太久, 否則會變得很碎.我覺得這間店煮得恰到好處, 軟滑又不會一夾即碎.可惜湯好咸, 可能因為有炸菜絲的關係, 湯汁份外減.粉絲吸收了所有湯味, 整碗都好咸.肉絲也鞋口. 是有點失望.朋友食淨雲吞, 雲吞皮好厚, 但裡面的肉餡都不少.一碗有七大粒, 我試過她的湯, 反而味道適中, 不錯啊!