唷溫體牛火鍋

营业中

休息中

前餐廳主打是牛肉粉麵, 現在搖身一變就成了火鍋店, 這樣做的邊際利潤應該會高一點吧! 定價並不便宜, 特別是其牛肉拼盤, 媲美山林道傳統的高價火鍋店. 餐廳用的牛並不是和牛, 而是新鮮手切的黃牛, 脂肪相對較少, 但牛肉鮮肉味更強, 吃起來比較少負擔, 湯底也不會再打邊爐途中變得很油膩. 說到是溫體牛, 第一時間想起的是台南的牛肉湯, 牛肉從屠宰到運到店家的時間很短, 所以能夠保持牛的新鮮和牛在生時的溫度, 也就是溫體牛名字的由來. 基本上吃如此新鮮的牛肉, 牛骨清湯就已經足夠. 在大陸吃潮汕牛肉火鍋, 湯底甚至是蒸餾水或者是礦泉水呢! 這就是對自家牛肉有信心的最好證明. 牛肉拼盤的四個部位分別是吊龍, 匙柄, 五花趾及白肉, 用上西方的譯法就是loin, chuck rib, hind shank及brisket fat, 這樣大概知道其味道和口感的分別, 請三者口感又軟腍到實在, 由無筋到有嚼勁. 白肉的脂肪不是完全的軟腍, 帶點爽彈就是這餐的MVP呢!

手工啤酒一流🙌🏻牛腩湯底夠哂濃郁🩷牛黃牛非常彈牙‼️連配角既粟米都夠哂甜仲有個醬爆丸🤭🤭🤭真係5食5得一咬就爆肉汁 🤭肉味濃郁肉身彈牙‼️‼️‼️絕對要黎食🙌🏻🙌🏻🙌🏻

食材非常新鮮, 牛肉好正。黑松露燒雞翼,皮脆肉滑有驚喜。氣氛好好, 開party一流。老闆親自招呼, 非常親切,賓至如歸。唯一魚皮有少少淋,唔係太好食。其他嘢都非常之好。

第一次黎食 好有驚喜喎個牛肉拼盤好好食 啲牛好新鮮 仲要講埋要整幾多秒 個竹笙有半隻手臂咁長 仲要係勁爽勁新鮮 真係未食過 仲要老闆同店員都好Nice好Friendly 又請我哋飲酒 佢哋仲有個唱K神器喺度 gathering真係一流

已經到訪了5次以上，香港難得可以食到呢個質素既牛，同日本和牛唔同既地方係，佢地既肉味真係好濃，值得捧場，店員老闆很親切，係呢到食野好似回家的感覺，食材新鮮，環境舒適#沒有什麼是一頓火鍋解決不了 地點係旺角黑布街97號地舖

星期五晚上，和朋友约了来这里吃火锅，因为听说了这里的牛肉是溫體牛肉，所以慕名而来汤底也是非常的足料，鲜甜，除了不吃麻辣火锅之外，这个绝对是最好的选择这次嘗試了他们的雪仙邊，终于尝试到了朋友介绍的溫體牛，确实是和新鲜的牛肉有很大的分别，下次还会带朋友来吃，因为在香港很少有这种牛肉火锅除了牛肉让人有惊喜之外，对于一个打边炉必定要吃海鲜的人，绝对不能放过，看到menu有流浮山本地生蚝，而且看到老闆在海上蚝排📸，非常驚喜老闆有支持本地的產業，立刻叫了一份，味道非常鮮甜，很驚喜，可以感覺到這是真的很新鮮高質。下次可以再試試其它的部位，帶多點朋友一起，可以嘗試多幾個品種。

Dined here with friends as they highly recommended this place. After dinner I wouldn’t hesitate to do the same!The quality and selection of dishes is incredible. The hot pot is very innovative with having two ways of cooking the dishes (fast or slow). The winter melon was delicious too.Also I should mention their hand craft beer. The flavour profile is perfectly balanced between the hops and the fruits and the sake selection was perfect.Environment was lively and I had a great time dining at Yo!

今日難得收早，所以即刻約咗幾個閨蜜去打邊爐🍲見呢間地點方便又有啲特色，二話不說就訂位。餐廳氛圍給我一種舒服的感覺，最開心係見到有好多款唔同嘅sake選擇，仲要係買一送一!!好彩第二日使返工早起😝湯底我哋叫咗花膠雞冬瓜盅，啲湯好鮮甜，很多配料質感好豐富，食到最後可以刮啲冬瓜蓉食超好味! 呢度有好多唔同牛部位選擇，最後揀咗三花趾同黃牛脷雙拼，牛脷出奇地好味，牛味好鮮，咬感好好！因為有個朋友唔食牛，所以叫咗一碟黑豚豬肉，點知都好好味😋另外仲叫咗陳皮牛丸，同平時食的牛丸唔同，可能加咗陳皮好香，而韭菜餃大大粒皮薄餡靚，鮮竹笙好爽口，雜菜盆啲菜好新鮮，全部都好滿意🥰今晚很開心，飲飽食醉的一晚，下次一定會再嚟☺️

讚1.買一送一既清酒優惠都好抵既彈1.湯底、牛肉、配料都令人失望，冬瓜湯底既雞湯底好油；牛肉中間既軟骨未清好，同埋無乜牛味；水餃皮厚，幾樣嘢都令人失望2.定價實在非常有問題🤨，無海鮮而平均六百，係旺角都叫中高級，但食物水準明顯唔合格，環境就更唔合格，坐既櫈係無椅背，現場仲有人唱內地版卡拉OK，咁既價錢唔係咁嘛！

琴晚見有少少秋意，約埋班friend 去邊邊佢👭👯‍♂️轆轆OpenRice 係指定動作，見旺角有間嘢個名好特別叫做：唷。好，大家話比個機會佢🕺成班牛癡叫咗個牛皇煲，再加三份不同部位的新鮮手切小黃牛肉，蝦滑吖，餃子吖，雪裙仙子，菜吖諸如此類。牛皇煲其實係牛雜煲，冇乜特別，只係香啲同鮮甜啲。牛肉就真係強力推介，與別不同。 甜 ， 鮮 ， 滑 ， 彈牙 店員話：雪裙仙子係新鮮竹笙（不是乾貨發水）在爽滑之上係多咗一層清甜味。我哋帶咗4 支紅酒竟然冇收我哋開瓶費，值得一讚👍👍埋單每人$468利申：我下次會再幫襯，也會試吓他們的Sake ( 因為買一送一）

上星期五約了幾個好友到唷溫體牛打邊爐，其中一位試過覺得不錯於是就帶我們去，火鍋店裝修新潮光鮮，樓底高，枱也不算排得太密，所以也不會被火鍋氣味燻到身體，當然我們男士沒太所謂，但女士朋友對這方面還是挺介意的，這火鍋店在抽氣方面處理得不錯。食物方面我們點了花膠雞冬瓜盅火鍋湯底，這湯底挺特別的，中間是個空心的冬瓜用來火鍋，外圍慢熱用來慢煮，很滋味，材料也十足。另外點了黃牛脷，味道濃郁。牛肉店主介紹了匙仁部分，牛味濃但對我來說是偏瘦，女士朋友就十分喜歡了。還想提下鮮竹笙，跟外面不同的就是竹笙原條切的，口感很好也食到鮮味。其他食物如墨魚滑，豚肉等也有水準～約9點店裡還開了卡拉ok，我們即慶唱了幾首歌，邊唱邊飲邊食，大家打成一片，全店氣氛很好～最後想提下店的手工啤酒很不錯，順滑麥味濃口感不錯，最後店長還多送一支給我們，開心晚上～

行過見到門口有部靚車咪膽粗粗入去做白老鼠🐁。坐底原來車主同班friend坐我隔離枱，食緊冬瓜盅飲緊十四代✌️叫姊姊推介食乜最穩陣😅姊姊話夏日精選：富士山花膠瑤柱雞冬瓜盅例牌叫多份精選牛肉拼盤，我都唔輸蝕order 咗支菊咲（正在promotion 買一送一）佢哋標榜係新鮮小黃牛肉，姊姊話與其它急凍牛肉不一樣，淥3-4秒便好。入口果然鮮甜無比，彈牙冇渣👍成班 friend 全晚飲飽食醉👍埋單每人四百幾，底食指數簡直無話可說😊

突然心血來潮想食火鍋，記得朋友之前介紹過呢間，所以就即管試！侍應姐姐服務好殷勤，佢介紹我哋食花膠雞冬瓜盅火鍋，老闆仲送咗碟麻辣魚皮俾我哋，巧巧味，朋友仲 encore 咗一碟！等咗一陣就上湯底，個賣相果然好吸引，好似好少見到其他餐廳有得食，個湯味道剛剛好，滾埋啲雞同花膠真係不得了除咗個湯底外，其他食物如手切小黄牛肉、 黑豚豬、牛拖羅墨魚滑、鮮竹笙等都好好味！成晚食得好開心，食物質素好好，氣氛一流.，一定會再encore！

朋友生日想打邊爐，之前有朋友推介過呢間所以就決定去試吓！因為有個兩個不食辣，而我和另一個就很喜歡食辣，所以叫咗個鴛鴦鍋，皆大歡喜😋牛骨湯好好飲，辣嗰邊都可以飲，辣度對我來講剛剛好，入面仲有牛雜，尤其是牛小腸，雖然有點邪惡但都忍唔住食咗幾舊😛因為慶祝生日，所以叫咗啲海鮮賀賀佢！有象拔蚌同龍蝦刺身，都係我嘅至愛，姐姐話我哋好好彩，因為正常要預訂先有！龍蝦刺身上枱時更加有生日蠟燭，真係又驚喜又窩心💗象拔蚌好鮮甜，龍蝦刺身都好爽口新鮮，正😍😍牛肉都好高質，有很多特別部位平時好少有機會會食到，淥幾秒就食得，超香牛味，好快就K.O.咗一碟！😝😝如果要慶祝朋友生日可以考慮呢度，氣氛很好🥳仲有88折，性價比高👍🏻

放工後約咗同事打邊爐，朋友介紹咗一間係旺角的隱世火鍋店，即管試吓! 入到去餐廳雖然不是很大，但氣氛燈光好舒適。大熱天時最好啤啤佢，呢度啲自家製手工啤好正，四個人成晚飲咗10支😆我們選了招牌湯底之一的瑤柱花膠雞冬瓜盅，等咗十五分鐘左右就到了，我哋四個不約而同wow咗一聲，個賣相好正呀，滾了一陣後姐姐幫我哋落埋啲雞同花膠等材料再滾多陣就可以食了，未真正開始打邊爐前已經飲咗三碗湯，超鮮甜好味😋😋呢度啲牛都好正，有啲部位出面其他餐廳好少有得食，見到款款都想試所以叫咗個當日精選牛拼盤，果然不負眾望，有吊龍、匙柄、雪仙邊同三花趾，本人就最鍾意三花趾，肉味好鮮，另外同事就鍾意吊龍，各有各喜好！成晚都叫咗好多其他嘢食，食材新鮮，值得再嚟，見到隔離枱個麻辣火鍋都好似好正，下次試吓先！