問卷手卷專門店 (已結業)

好耐無去葵芳 琴日星期六去掃下街 2個人試左3檔手卷，問卷真係令人失望呀我地叫左個問卷王后，其實只係全部料擺左上去d飯到 食左2,3啖就得返d飯，寡到食食下要行返去鋪頭加鼓油D飯又煮到爛曬，紫菜又淋曬，真係好難食成35蚊定40蚊 無下次！

差不多每個星期也會去葵廣那邊shopping今天晚上也不例外只是今天晚上多了一項活動，就是掃街台灣的夜市去得比較多，以我們所知，都是室外😂😂😂而香港的，就比較特別，都是室內的，就好像葵廣，剛好相反🙈今日我地就去左嘗試呢間大排長龍既手卷店我地點左一客海膽手卷的確海膽部份好鮮甜，紫菜也是脆脆的，比起連鎖的壽司部，這間店鋪真的cp值很高，用料新鮮，會讓人值得再去光顧😌如果你話食連鎖店食到好悶不妨真係去下葵廣掃下街例如呢間🤔店面面積唔大，但勝在可以立食，又可以食到新鮮素材，真係好正😍

葵涌廣場的小食手卷店開到眼花，行左幾個圈，買左2件衫去到地下個層見到呢間，價錢適中就決定呢間啦自問吾係海瞻Fans但見咁多人點海瞻野，多人點的一定新鮮，所以點了三文魚海瞻卷，盛惠$28！由於平人6點吾算人多，2分鐘左右就有喇，一拿上手有返咁上下重量，飯量非常足！三文魚係一片厚身的，海瞻份量都足，剛好放滿手卷上層，我就比較鐘意傳統口味落左少少日式醬油已經ok!三文魚吾算凍的，味道無咩特別，海瞻無怪味，凍凍地咁果然生鮮！唯一美中不足的地方就是紫菜是好淋身，同元氣d紫菜有一段距離，不過$28有三文魚同海瞻仲想點呀！

一路都知葵芳開左好多手卷店但冇時間過來～ 今次睇過幾間手卷店，最後俾呢個加馬膽手卷吸引左！！2款海膽都好味！下面舊飯都有夾到海膽好細心仲有多款醬汁俾大家選擇！$40only 我呢個海膽控非常滿足！

去到葵廣必食呢個手卷!之前只有2樓一間隱世既小店有手卷賣依家愈開愈多! 就連2樓既另外一邊同地下都有而呢間就係地下個間價錢其實都差唔多 最正既有埋海膽既就40幾蚊我同朋友就叫左「問卷」既SIGNATURE手卷上面有三文魚 蟹籽 海膽等等另外芝士蟹籽加三文魚 又平又好味就咁睇相都FEEL到芝士蟹籽份量多但係唯一既缺點就係要等好多葵廣野不嬲出名快靚正但呢個至少都要等15分鐘先有 

lunch 同同事仔 "立食" 第一站, 就係呢間一開已經想試, 但係到而家都仲未試到既 "問卷"!!我揀既係『三文魚海膽手卷』, 等咗 5 分鐘左右就有得食~哇~ 係厚切三文魚呀, 好吸引~ 好吸引~ 海膽金黃色, 先試一小啖海膽... 甘, 鮮, 甜... 正!!!枱面有一大堆唔同既調味料比你 "自便"~我就落咗好多 wasabi 豉油, 哈哈~急不及待一大啖咬落去, OMG!!!! 真係好正呀!!!!!先講紫菜, 脆架!!! 好新鮮!!! 勁爽!!!再講D飯, 飯身粒粒分明, 軟硬啱啱好, 黏力亦適中, 唔會咬開之後散修修...重點係個飯有落醋呀, 酸度剛剛好, 為個手卷加咗唔少分!!! (而家無輪小店定連鎖, 佢地既整手卷/壽司好多都已經唔會落醋, 一係少到無朋友就完全 feel 唔到)個人黎講, 其實落咗醋真係正好多, 起碼食落無咁 dry, 而且食多D刺身都唔會膩, 所以真係手卷/壽司既精髓!!!講返個手卷, 三文魚夠肥美, 海膽夠鮮甜, 2 樣加埋一齊食, 真係.... 太滿足啦!!!!我一定...一定... 一定會............返黎!!!!P.S.: 同事仔揀

呢日同朋友特登入嚟葵芳掃商場，朋友就想食手卷，行吓行吓見到呢間問卷，都幾多人食，應該唔錯，所以買咗三文魚海膽手卷。三文魚味道都幾新鮮，而且份量唔少，金黃色嘅海膽亦都無腥味，味道仲幾新鮮，質感creamy，最鍾意係店舖提供左唔少嘅醬汁比客人任加，黑松露沙律醬超正，大家一定要試下。

又去到葵涌廣場, 行過見到忍唔住買返個海膽手卷。今次第一次幫襯問卷, 問卷比上一次同場既另一間排隊既手卷店價錢再平一點點,睇外表感覺唔錯~ 好!食啖先講!!海膽有甜味, 海膽數量算多, 個人認為比起我上次食既個一間更好食!

問卷@葵涌廣場半板馬糞海膽手卷 $35今日黎到葵涌掃「廣場」😂，第一站去問卷食件海膽手卷先！就咁睇落就唔足半板海膽，但份量都唔少既，海膽色澤金黃，味道正常，唔腥唔苦，都幾鮮味，食完冇肚痛，$35係好抵既！☺️呢度仲提供好多醬汁任客人添加，貪心的我每樣試左少少，黑松露沙律醬最正☺️

最近揾食蒲點莫過於有葵涌廣場，因為半板海膽最近hit爆社交網站.其實商場以海膽手卷作招徠的壽司店有3間，這次就先試一下位於地下一層的「問卷？手卷專門店」店內沒有堂食，只有外賣，買完最多只能站在店外享用.除了手卷，也有不少卷物選擇，價錢可為相當抵食這次當然要試足料半板馬糞海膽手卷，價錢只是HK$35,真的沒有不吃的理由店外有幾款調味料供自行調味，貼心程度滿分。可能人多的關係，等了10分鐘才有得吃. 海膽顏色橙黃，賣相吸引又討好，未吃已經流口水。 整體份量不少，而味道方面，沒有預期中有驚喜，雖然海膽食落幾creamy,但鮮味不足，壽司飯口感比較腍，感覺有點糊口. 但以這個價錢還是可以接受，也值得一試. 不過未必時常回頭.

在廣場內行街時已看見不少手卷店，最後選了這間問卷手卷專鬥店吃我大愛的海膽手卷^0^手捲種類非常繁多，想食生嘅又有熟嘅都有，再唔係葉問都有得食。等了五分鐘 就攞到我嘅海膽手卷啦，講到明用上半板嘅馬糞海膽，果然足料非常啊吃下海膽都算甜，但帶少少苦澀味，反而紫菜就很讚呀鬆脆可口,而醋飯亦挺軟熟可口，以35蚊嚟ok啦。

近期朋友間都post話試左葵廣呢間店既手卷，所以心癢癢也要來試一試。店舖不難找，就在唯一面家的扶手電梯旁。點了海膽手卷，等約10分鐘就有得食。海膽份量多，個人認為只要啲海膽唔臭/腥就ok， 所以呢個卷係ok 既。而啲飯就無乜醋既香味。不過以$35呢個價位去計既話，性價比都算高

去到已經無哂半板馬糞海膽了.... 失望... 惟有叫其他海膽手卷...帶子海膽+ 甜蝦海膽手卷, 2 款都有一半是海膽, 不過其實都好少.... 不海膽幾甜, 無苦味, 新鮮! 甜蝦一般, 無咩鮮味, 帶子無食唔知。紫菜好脆口呀!果度有好多醬俾你加, 可能因為D 餡只是得表面果浸, 食落去只是得番飯....傳統WASABI醬當然好夾, 另外蜜糖WASABI都好食, 海台沙律醬就一般....

基本上逢星期六都會經過葵芳每次都會去試試唔同小食~今次試左呢間既海膽拼三文魚手卷 (HK$28)三文魚夠厚切 , 海膽不算鮮甜但至少無苦味 , 店裡仲有好多唔同醬汁自由搭配個芥辣醬油要落多少少先夠辣刺生質素OK, 以咁既價錢食到絕對可以接受!

次次去葵涌廣場必食嘅野之一！雖然每次去葵廣都會去食佢但每次都要d時間先搵到佢😂你都知啦！葵廣d舖幾亂先得架！今次一行三人再去拜訪佢～門面一如既往排到去隔離間舖😂不過等待嘅時間唔算好長～5-10mins左右我例牌叫三文魚腩手卷～大大舊又滑又鮮味！而且我超鍾意去呢間嘅原因係佢大大件刺身唔係得面頭先有你食到一半都仲有魚腩係裡面！咁就唔洗食完個面舊刺身下面就齋食飯～👍朋友W點嘅三文魚手卷 好似18蚊的佢表示十分驚喜好抵食！朋友E點嘅魷魚手卷佢表示未見過有咁多魷魚嘅手卷！野味野味～下次要黎試埋佢馬屎海膽手卷先😍😍😍