問卷手卷專門店 (已結業)

話說我上網做research嘅時候，見呢葵廣有幾間手卷壽司店，而呢間問卷手卷壽司店就係評價相對上好嘅一間，幾乎個個page都話佢平靚正，所以將佢擺嚮我嘅必食list上面，可以話係對佢有好大嘅期望，但食完之後，好失望。海膽手卷價錢30蚊嚟講，算係平民同合理，而且份量亦都唔係話少，但質素就好普通，食落唔單只有少少腥味，而且一啲都唔覺得鮮甜。好老實講，如果合埋眼食嘅話，真係會以為自己唔係食緊海膽，可一不可再。

放學之後同朋友去到葵涌廣場掃街，我哋三五成群冇個好人，而且個個都餓底，總之乜嘢都買嚟食，不論係牛雜、雪糕、魚蛋、串燒、鹽水雞總之乜都食，但係當中我最鍾意嘅就係手卷。 我個朋友話問卷手卷專門店嘅手卷好食所以就買嚟食。 朋友就推薦我食呢個人氣大熱食品 - 加馬膽手卷 加馬膽手卷 $48，加馬膽，其實就係加拿大海膽、馬糞海膽嘅雙拼，個手卷好大支而且啲海膽餡有好多又好滿，海膽啲味道都好鮮甜甘香，可能有啲朋友唔係好喜歡海膽嘅味道就會話苦，但我就覺得都幾好味。

特登來葵廣掃街 已經一早bookmark定呢間人氣小店 問卷😍😍😍諗左好耐食咩 最後見佢個名咁霸氣 就叫佢啦！問后（海膽 凡立貝 芝士蟹籽 甜蝦）賣相都唔錯 好豐富咁 不過始終手卷細細 載咁多餸 食得有啲"呢hea" 老公想偷食一啖 點知一咬就食左我勁多餸 嬲死佢🙈🙈 飯都比較少 食晒一個都唔會話好飽 唔會影響掃其他街既戰鬥力💪

葵涌廣場真係超級多買手卷地方，呢一間定係第一間，但係因為就腳，所以有陣時趕時間，都會買呢一間。。三文魚手卷即叫即製。三文魚唔算太肥美，份量一般， ＄15/一件，質素尚算合格。

Well well一早聽聞le間手卷好出名但係由於我同le個地方相距太遠所以一直未有嘗試嘻今日黎開le頭冇理由唔食埋先走等左10min終於有得食星期六日的關係所以都幾多人嚟買㗎比大家睇張相先足料三十幾蚊甘多海膽抵食鮮甜食完D海膽仲有好多醬比你加正題外話;對面間夾糖好抵🖒

第一次幫襯呢間手卷店，order左一個三文魚芝士蟹子手卷。坦白講就唔覺得呢個手卷帶到比我好大驚喜感。我自己就覺得三文魚唔算係好新鮮，(可能係因為我夜晚8點半先嚟幫襯，比較新鮮嘅三文魚一早已經賣晒？) 。三文魚油潤感不足，不過芝士蟹子份量係足夠嘅，而且紫菜都脆身，手卷食到底部依然都仲有三文魚值得一讚嘅係，店家有好多醬汁比客人選擇，(款式味道比同場嘅其他手卷店多)，我地可以以自助嘅形式加落手卷。

一排冇黎原來葵涌廣場d 小食店開到一樓都有試左全城最平既半板海膽手卷紫菜勁脆 唔錯唔錯但海膽既分量就少過上面果間不過我一心諗住黎掃街 咁快食飽左 咪冇得試多幾樣野所以依個分量過下口忍係唔錯！有十幾款不同既醬雞尾酒沙律醬勁正仲有個勁辣wasabi 真係辣到標眼水下次黎要試埋其他醬

🍣火炙芝士三文魚太卷🍣成六舊 舊舊都勁大舊飯🍙三文魚就麻麻地 少又冇乜味芝士都係冇乜味 啲味完全黎自沙律醬佢地黑松露沙律醬係必食 好香黑松露味😍另一款係雞尾酒沙律醬 聽落幾特別又試下酸酸地甜甜地 冇酒味 反而似乳酸味唔難食 但我會食返黑松露or蜜糖芥末😛

葵涌廣場一向有好多小食店，近年嘅手卷店更加愈開愈多。e間小店一直都保持水準，仲好抵食。海膽顔色鮮黃帶橙紅色，入口甘甜好味，中意海膽嘅人一入口就會愛上佢。帶子鮮甜，紫菜脆口。係一間可以一試再試嘅小店🤤🤤🤤

庶民想豪邁的話當然要來葵涌廣場掃街啦🍢，不過很多時還得試過才知到底那間平靚正，猶其現在的手卷店真是開得偏地開🌻，但好吃不好吃還真不能光靠門口多不多人排隊，還記得上次到了樓上一間勁多人等候，但吃起來海膽很不新鮮，故此今次看了其他人的食評才膽粗粗試試這間這次叫了招牌的半板馬💩海膽手卷，雖然海膽量比別家少了點，但出奇地海膽來得挺新鮮，馬上讓人覺得這$35不負所望，算是起碼回本了哈哈另外，門口極細的放了超多醬汁，連沙津醬也有實在出人意料，真的忍不住讚一下，比人家齋鼓油山葵好多了，而那個有正字的雞尾酒沙津醬確實算不錯，可以不妨試試。

都係食番問卷！ 葵芳係開多左好多呢D手卷店有D都好多人，但唔知點解就係會想食番問卷~可能就係因為佢水準不變!今次唔係好想食海膽，就叫左個海膽魷魚好足料，有鮮味!呢間店最貼心係枝有wasabi既醬油!

葵芳 X 問卷手卷專門店🍙海膽并三文魚手卷🇯🇵等待嘅過程有d耐 真係好多人排隊同我預期嘅係有d出入嘅個海膽係吾錯幾鮮 但係三文魚就差d 紫菜吾係好脆我都係會鐘意食1樓嘅卷之屋多d

葵芳越出越多賣海膽手卷既鋪頭，但都係選擇返試返問卷，因為以前食開，相信水準都會有保證。落到去買都好多人排隊，個個都係食海膽手卷，我地同朋友都一人一個。等左一陣就有得食啦。水準同以前一樣，都仲係有好多海膽，海膽都算鮮甜，咁既價錢好抵食！

這天，相約小姐，到葵涌廣場「掃街」。第一站，商場地下的「問卷手卷專門店」。 加馬膽手卷$40，以加拿大海膽和馬糞海膽入饌，標榜是「人氣」，豈能不試﹗ 咬下去，海膽鮮美，個人而言，喜歡左邊色淡細滑的海膽，右邊海膽味道較濃烈。然而，手卷的紫菜不夠香脆，飯粒口感也較為濕粘。 六款芝士玉子燒，我們揀了三文魚芝士玉子燒$30。燒得外微脆內香軟富蛋香的玉子內，乃包著壽司飯。玉子上，放有鮮美豐腴油潤的三文魚刺身，以及芝士、蟹籽和香濃醬汁去。咬下去，滋味滿瀉，教人回味不已﹗

每次黎到葵廣都係唔食正餐，不停掃小食今次就去左地下果間問卷我地叫左海膽三文魚手卷 ($28) 同海膽帆立貝手卷 ($28)海膽嘅份量雖然唔多，不過一食果下真係幾鮮甜呀完全無苦澀味三文魚嘅份量就好足，厚切之餘食到底都仲有，唔會唔夠餸食雖然唔係三文魚腩，但係油脂都幾夠，食落既有魚香味又有油脂味，唔錯帆立貝嘅份量就少啲，都幾夠鮮味，手卷入面同個頂都有加蟹子，食到尾果陣無咁寡雖然有好多種醬汁任君選擇，傳統嘅為食豬都淨係落左wasabi豉油