啤酒溝燒烤

营业中

休息中

一大班人想搵個地方飲杯啤酒🍻傾下計咁，就要黎深水埗呢間「啤酒溝燒烤」啦～以前呢間係附近既地舖黎，後尾先搬左黎宜家既新舖😎-🎈超值套餐 $98$98就可以食到成30串既串燒😍真係好抵！包括有魷魚鬚、五花腩、雞軟骨、雞腎、雞肉串、四季豆同娃娃菜～仲包埋兩枝汽水添🥤簡直物超所值！-🎈燒牛舌心 (1串) $28牛舌心都幾厚切！入口夠哂爽口彈牙，內裡仲好軟嫩～-🎈招牌燒黃喉(3串) $48平時好少食燒黃喉，今次終於一試，食落真係幾爽口！-🎈惹味蒜蓉燒原條茄子 (1條) $28食串燒唔叫燒茄子真係對唔住自己🍆🥹呢度既燒茄子同坊間有啲唔同！除左有巨量蒜蓉同香蔥外，仲加左啲菜脯係面頭，令到成個口感好特別好有層次！-🎈燒肥牛金菇卷 (1串) $24火候拿捏得剛剛好！燒得唔會太乾仲好juicy😋-🎈惹味燒蒜蓉扇貝(2隻) $58燒得真心幾惹味，但略嫌重口味左少少🤏🏻-🎈燒豬大腸 (1串) $22🎈串燒雞全翼 (1隻) $16雞全翼燒得香脆內嫩！-🎈Sapporo 生啤2000ml $198真心抵到爛！唔洗$200就有成2L既Sapporo生啤🤤岩哂一大班人share黎飲～(平時出面單點一枝都要幾十蚊🤫)同

［期間限定］🦑超值套餐 $98 （原價$228）魷魚鬚10串｜五花腩3串｜雞軟骨 2串｜燒雞腎 2串｜雞肉串2串｜四季豆 10 串｜娃娃菜 2串｜可樂兩樽好抵食ʕ •ᴥ•ʔ至愛魷魚鬚、五花腩、雞軟骨五花腩薄切串起燒，焦脆又香(˶‾᷄ ⁻̫ ‾᷅˵)雞腎唔會好實仲有玻璃樽版可樂！平時唔飲可樂嘅我食到一半忍唔住飲🤣［期間限定］🦪XXL蒜蓉燒生蠔 $98/6充滿蒜香同少少辣仲有少少菜脯熱辣辣，好juicy~屋企人首次食生蠔都話好食😳🍆惹味蒜蓉燒原味茄子 $28勁多蒜、超惹味（有冇人估到咩歌😂）🐟燒白鱔串 $38塊皮燒到脆脆哋幾香鱔味(˶‾᷄ ⁻̫ ‾᷅˵)👑蒜蓉燒大蟶子 $58/2燒得剛剛好🐮燒牛肉串 $20偏韌😆黃金炸饅頭 $15/3即炸所以好脆同熱辣辣加埋煉奶好正(⁎⁍̴̛ᴗ⁍̴̛⁎)🫕 燒流心芝士年糕 $28/2煙韌同芝士嘅合體🤍串燒店仲有一筒筒啤酒嗌偷聽到隔離枱話好抵🤣

之前經開深水埗，已經俾呢間鋪頭出面嘅霓虹光管吸引，咁啱朋友聚腳要飲酒吹水又有人提議食燒烤，就一於試試佢～我哋一行3人前後叫咗：1）周年紀念特惠套餐（$98）一個套餐有足31串食物加2枝支裝汽水，入面有雞肉串、燒豬腩肉、雞腎、雞軟骨、魷魚鬚、娃娃菜、四季豆，種類夠晒豐富，尤其個口豬腩肉做得相當出色，厚切嘅連皮豬腩肉皮脆，但啲肉仲係有肉汁嘅，而且味道令我印象深刻，問返店家原來佢哋個燒烤汁都係加咗啤酒落去一齊煮，味道層次好豐富2）烤牛胸爽（$28/串）叫咗兩串牛胸爽，一上枱已經聞到龍龍嘅牛脂香味，食落去外面焦香油香並重，最後係牛胸爽帶嚟嘅爽口口感，不過呢個一定要趁熱食3）燒牛舌芯 （$28/串）牛舌芯厚度足夠，生熟度剛好，一咬落去啲肉汁就爆晒出嚟4）燒雞中翼（$14/串）又係燒到皮脆肉嫩，加上$14已經有兩隻雞中翼，雞翼怪表示食到欲罷不能5）汁燒羊架（$78/2件）香嫩嘅羊架配返佢哋個秘製燒烤汁，真係冇得頂6）燒茄子 （$28/條）望落去同其他燒烤店嘅茄子冇乜分別，點知食落去就驚喜萬分，喺厚厚嘅蒜蓉入面食到一啲脆脆地嘅口感，原來店家切碎咗啲蘿蔔乾溝埋落去蒜蓉度，食落去無論個味道同埋口感層次即

一直都想去試呢間燒烤 終於去到試啦 最衰唔記得影張單 不過我真係好記得自己叫咗啲咩食 我自己就係一個薯仔忠實fans黎嘅 原本都以為呢間嘅薯仔片係好薄嘅 直到上檯之後 好厚一塊 見到其實一開始就覺得會係好伏 結果食第一舊嘅時候 好有驚喜 外脆內軟 加上秘制燒烤汁 係會上癮 我仲要係叫咗2串都叫咗2串牛肉嘅 不過食嘅時候就覺得有啲過老 而且就有啲筋 咁結果過老嘅其中原因係上檯嘅時候冇第一時間去食 所以導致過咗最佳時間 因為抖音博主「彬仔」有介紹過呢間燒烤店 老闆娘都好nice 好親民嘅 因為識彬仔所以老闆娘打咗9折俾我地 裝修環境都唔算太差 不過就煙味太重 呢點可以改善下 值得再去食嘅

串煙好食，要唔辣，出嚟原來辣既，老細即話燒多次俾我，仲唔收我錢，因為個汁係辣既，再燒唔落汀，之後知道我男朋友生日，老細即刻去買個蛋糕返黎，犬有心啦，我女都話下次要再黎，好味道