善膳坊

营业中

休息中

父親節當日嘅下午，我同家人去咗善膳坊食飯，因為我哋去到差不多3點，廚師要落場，只有點心同套餐可以叫，所以我哋就叫咗個二人套餐加一隻十穀棕。二人套餐 ($238) (套餐奉送糖水)涼拌三小碟 (日式螺肉、中華沙律、青瓜雲耳)手工點心: 素蝦餃、四寶扎、香煎腐皮卷美味碗仔翅上湯浸時蔬素鹹魚G粒炒飯日式螺肉爽口、有少少wasabi 味。四寶扎幾好食，材料有冬菇、猴頭菇、雪耳、芋頭，芋頭夠粉、口感綿滑，其他食材都好入味。素蝦餃材料主要有素蝦、粟米仔、甘荀粒，餡料爽口。上湯浸時蔬有絲瓜同腐竹。炒飯用上紅米飯，配料只有素雞粒同甘荀粒，味道適中，不過感覺比較普通。十穀粳米糭 ($38)

見到深水埗有新開素食店，同媽咪入去一試！看一看餐牌，可能因為地區關係，價錢比一般素食店平！碗仔翅（$20）～外表看上去一般但味道不錯！星洲炒米（$55）～絕對喜出望外，米粉炒得夠乾身，配料多，色香味俱全👍🏻👍🏻👍🏻咕嚕肉套餐（跟飯同湯）（$68）～用猴頭菇做素咕嚕肉，口感一流，不比真正咕嚕肉遜色！青瓜拌螺肉（$38）～像真度很高，味道也不錯😋整體嚟講真係價錢平質素高！

新開素點心鋪，深水埗地鐵站唔哂5分鐘就行到 ，真係開心呢頭愈開愈多素店，親民價點心 唔哂過海有得食呀，要試下。同埋Staff又nice。素粉果$28皮薄餡都多，個味可以再出d。四寶紮$38幾入味，芋頭無想像咁香，但ok既。豉油皇炒河$45 送老火湯炒河好夠火喉嚨，以為自己叫左乾炒牛河，點解仲未見肉塊，覺得自己好白痴🙈😂 個湯都唔錯。素湯仔翅$20好足料，會想再食。除左點水，仲有乾貨小食埋，有興趣可以主動問職員。

聽講元州街新開了一間素食店，特登行過去買外賣食下，午市有六款平價素餐可以揀，另外全日供廳素食點心，晚市也有別的菜式，看起來都幾多元化。善膳坊在食店臨林的元州街之上，隔兩個鋪位就係素味牽，不過疫情關係暫停營業，今日經過見到都仲未開返。素店前一手做火鍋店，所以沿用有火鍋位的舊桌子，據說之後都會推素食火鍋。午市素餐有六款，好似間中會轉下，主食加老火湯 HK$45 起，11:30後供應。除了套餐之外，亦有素食點心。善膳坊朝早10點開門，來飲早餐也OK。店內有賣一些素食養生產品。買了外賣回Studio吃，今天的老火湯是冬瓜有機蘿蔔湯，飲落味道都幾清甜。乾炒素腿河 HK$45看起來和吃起來都跟乾炒牛河相似，用了素火腿而非素牛片，加了彩椒絲和芽菜有些爽口野咬下。炒河食落幾香口，整體偏油膩，同埋應該不是即叫即炒，中間竟然有幾啖河粉係凍既。在深水埗吃素都幾多選擇，如果想食點心或者小炒類，這間買外賣都方便架。

無意之中走入呢間素食店，見到內里坐到七成左右有空位就入去試下。叫左3樣野：腐皮卷。素叉燒素荷包蛋飯。四寶紥。。最稱讚就係腐皮卷和四寶紥。。腐皮卷入味。有料。唔會就塊皮。。唔知咁好吃。。忘記左影相四寶紥啲冬菇。猴頭菇夠稔。夠入味。。唔會有苦澀。。整體黎講都算唔錯。份量都夠。啲野係即叫即製。所以等左一段時間。。上枱時係熱辣辣。

下午放工與老公去深水埗逛逛搵野食，在元州街見到一間新開素食餐，裝修並不起眼，價錢十分相宜，套餐$45，有餸有飯有湯，於是便衝了入店食。我和老公共叫了2個套餐，合掌瓜炆栗子和素海南G飯。合掌瓜炆栗子，賣相OK，至於素海南G飯，是腐皮加薑蓉，賣相似雞髀，我鍾意夠多薑蓉；而黃薑飯有驚喜，很香。至於湯，今天是老黃瓜赤小豆湯，足湯料👍後來忍不住再叫一碗素碗仔翅和素蝦餃，好好味，下次要再去試其他點心😋