喜來稀肉 (已結業)

來過喜來稀肉幾次，這個一頭牛拼盆也是第二次來吃了！再來的原因很簡易，味道不錯，而且價錢合理。一頭牛$488包括了招牌喜來烤肉、牛五花、頂級牛頸、牛肋骨肉和烤調味牛排骨。拼盤用牛形狀的木板上盛著，十分可愛！喜來烤肉拼成玫瑰花型，賣相精緻。5款肉類當中，我最愛烤調味牛排骨，喜歡它甜甜的秘製醬汁，味道很不錯。牛五花也很好吃，帶有脂肪的部份，肥瘦夾雜，油香充足！而喜來烤肉肉質較瘦，肉味則較濃香。吃烤肉當然要點杯啤酒嘆一嘆。其實一頭牛餐已經包了兩罐飲品，不過我們還是喜歡另點酒飲更盡興！

同朋友行完街，諗住去亞士厘道搵食，見到開左喜來稀肉喎！聽就聽得多喇，但食就真係第一次。個個朋友都話好好食，評價咁高當然期望都會高d啦，好在都無令我失望～問店員有咩推介，佢就介紹我地食護心肉，原來即係豬橫膈膜同肝之間既肉～食落口味道濃郁，點埋醬黎食，味道好夾呀！食完一舊又一舊，好快就俾我地兩個清晒由於朋友唔食牛，所以另一款都係叫左豬肉—五花肉。雖然唔係韓國食果d咁厚，但就易燒d同快熟d。最鐘意係面層有薄薄既豬皮，好有口感！用菜包黎食，食落無咁油，食得多都唔驚！最後仲叫左個海鮮泡菜餅，呢間整得真係好好食，表面金黃香脆，內裡就好鬆軟！我覺得好出色～

韓燒試過咁多間，都係鍾情於喜來稀肉！今日竟然聽到同事話原來附近開左，開心到即興約埋放工去食～店入面環境幾好，雖然好多客人，但都唔會好大油煙鐘意韓燒其中一個原因係我好鐘意食爐邊蛋，一邊放泡菜，一邊放芝士。食下肉，又食下蛋，好有風味～護心肉係每次都必食既，基本上每枱都會點。肉質鮮嫩、有口感，份量又夠多！都唔洗點介紹喇～總之一定要食啦！平時食開牛五花，今次試下真雪花牛肉先！menu上有手指公，應該都好食既～脂分佈平均，好有牛味，亦都唔會太油膩，好好食話說睇韓劇，見到佢地成日食泡菜湯之類既野，搞到我都好想食～所以就點左個海鮮牛胸肉大醬湯估唔到都幾足料，勁多海鮮，但比較重口味，哈哈兩個人食，飽晒！

今晚約左班同事又黎呢間韓式燒肉!! 之前食燒肉都鍾意黎呢間, 因為味道唔錯, 而且又係韓國嘅店舖。今次都隔左一段時間先黎喇。突登約早啲, 因為之前食都要等得耐, 約左6點3。去到樓下見冇人排隊, 而且有朋友未到, 就坐底等下先, 餐廳有時限, 用餐時間90分鐘。同事到齊就上去攞位, 時間都早, 但都有唔少人食緊。裝修方面係典型韓燒, 圓型桶枱同方型枱都有。枱同枱之間唔算逼。坐底之後, 侍應都會倒蛋漿, 一邊原味, 一邊加左泡菜, 呢個爐邊蛋係可以無限refill架。90分鐘內我地都refill左3次。蛋燒到就熟就最好味, 滑嫩的, 個人鍾意泡菜味蛋多啲。配菜有醃洋蔥, 泡菜, 豆芽同生菜。配菜都係唔洗加錢, 免費refill的。醬料有3款, 鹽加麻油, 韓式辣醬同韓式豆瓣醬。一頭牛套餐: 有5款牛肉同2款菇。最左手邊, 中間成個花型同埋後面4塊原切牛肉係最好味架。肉質唔靭而且有油香。前面花型嘅牛肉唔好睇佢好瘦甘, 其實佢都好嫩, 而且一啲都唔嚡口, 包著泡菜食, 真係唔錯。但係肥牛同右手邊深啡色嗰款牛肉就麻麻喇, 太見而且肉味差少少。一頭豬: 呢個餐我覺得唔多得。五花腩勁肥, 之前食過

第一次食係在荃灣食，感覺良好，食物好吃，但今次在尖沙咀這一間，首先調味料要叫先有，泡菜雖不是主菜，因為嘗了第一次好好食，所以亦是再光臨的原因，因可以添加，但服務員的面口好像話你知(洗吾洗食甘多呀)，另外兩旁的蛋，在荃灣店是可以每次加泡菜的，呢間話淨係頭一次先有得加，之後係冇的，(不過吾知係咪改左制度)，食豬皮，係有黄豆粉的……又冇跟埋……因為叫得太多……我都吾好意思再叫啦……希望淨係呢間先甘啦！其實食一餐都吾平，服務態度係咪要好D呢！

食物上菜速度還快 因年初一不夠工作人員關係 老闆已先不好意思解釋 唯其中一個女員工態度極差 問她不回答 永遠只向地下方向望 收碗時將食物不小心沾到朋友的褲也不道歉 遇過最差的侍應

Lunch 同同事黎食，點知轉左手，試下咁啦。叫左個烤肉拉麵， 仲要等好耐，要催。個拉麵到左了嘩伏到喊得幾舊肉。$60蚊 未加一仲要4捨五入！！！同事叫左個 牛骨湯拉麵 半舊肉都無 得d 蔥，清淡到一個點，不但只無肉味，牛味都無，仲差過自己煮個雞蓉味杯麵。千萬唔好叫！！！伏到喊。

估唔到這個位置的餐廳，久不久又易手，今次同上次一樣，同樣是韓國餐廳，陳列和裝修和之前差不多，變的是名字同燈光。午餐有湯類、飯類和麵食等，由$60-$90，包泡菜、主菜同罐裝飲料一款。這兒的泡菜很不錯，唔係太鹹或太鹹，味道恰到好處，尤其是辣白菜，juicy 又爽脆。飯有蓋飯、拌飯或石頭窩飯，心在想究竟有什麼分別呢？一問之下，原來蓋飯同石頭窩飯才有熱窩盛著，而拌飯則是普通碟而已。生牛肉拌飯$75有鮮豔的生牛肉拌著五彩菜蔬，生牛肉很鮮嫩，完全無筋，帶有微甜的味道，拌以蔬菜同白飯，又幾好味噃。美中不足的是欠一個滑旦，否則，食味應該更上一層樓。而附送的海帶湯味道唔錯，咸咸地有少少鮮味同海帶味。整體而言，質錢合理，質數中上，可以再訪。