喜來稀肉 (已結業)

突然好想食烤肉，好耐無食過！烤肉就當然係揀韓式啦，無限任食嘅前菜同芝士、泡菜鍋邊蛋，一定夠晒飽！一坐低已經幫你開定火，烤熟啲蛋先，未有肉食可以食住啲蛋等住先，食完一轉蛋就可以開始烤肉啦！個人覺得韓式烤肉豬係好食過牛，但成日聽到韓牛雖然都好想試，但太貴啦😭食唔起！而點解我覺得豬好食啲呢？特別係要連豬皮嘅更加正👍🏻烤到外皮香脆豬皮煙韌，點少少韓式辣醬👍🏻正呀而夾係生菜包再加埋其他配菜可以去到油膩感之外味道一樣咁正😆但牛肉就相反啦，唔可以烤太耐，太熟就韌就唔好食啦！兩面意思意思烤下就食得！另外除咗烤肉、烤海鮮仲好多可以即食嘅熟食選擇，如大醬湯、石頭拌飯、海鮮蔥餅！人多就可以一邊烤一邊傾下計！呢度位置雖然難搵咗少少，係地庫，仲要入到去電話完全收唔到😅但個場地好大，裝飾都好有氣氛！員工都好有禮貌！

有韓國🇰🇷開到台灣再開到嚟香港嘅烤肉店！終於都有機會黎朝聖😍😍一入門口就係高大靚仔嘅oppa嚟照呼我地！佢連中文都唔識講但都用韓文同我地打招呼，好有禮貌🥰🥰喜來烤肉$158🐃起來！起來！起來！今晚大家不想去街～一定要叫嘅招牌喜來烤肉！韓國牛肉切到好薄，油脂比例分布均勻，放上鐵板兩邊煎10秒就熟！好juice!!豬護心肉$158🐷最怕就係豬肉肥騰騰，一大舊肥膏，呢個係豬靠近心臟部位嘅肌肉，比較偏瘦，以後有豬肉味，如果想試吓爽口彈牙嘅豬肉首選護心肉🫀韓式炒年糕$75正宗韓式炒年糕，咬落煙煙韌韌，不過最正都係個醬汁，甜甜地好開胃！人蔘雞湯$125🐣人蔘雞湯用原隻鮮雞熬製，一大支韓國人蔘，補中益氣，養生之道！#喜來稀肉#食好西#韓式燒烤#食左先講#旺角美食#oppa#朝聖

晚市終於開返，平時食開家常菜，心血來潮突然之間想食大啖肉，朋友即刻向我介紹呢間韓國過江龍🐲旺角分店開喺地庫一樓，地點雖然望落有啲隱蔽，但其實餐廳空間感十足個場亦都夠大。當晚都有唔少食客嚟食燒肉。餐廳依家用咗電話落單，效率高同埋上菜速度相當快，呼叫員工加水及refill前菜、生菜同蛋都相當方便。喜來五花肉配特製醬汁 $138特製醬汁配上五花肉相當惹味，而份量都唔少都有成三大片。喜來烤肉 $158佢哋將牛肉卷成一對花咁樣用，嚟打卡真係一流。牛肉味香濃再配上佢哋嘅醬汁，令人食指大動。牛肋骨肉 $150份量唔細，而且肥瘦適中，配上佢哋自家製辣醬，都唔知令我消滅咗幾多生菜同前菜🤣🤣

同朋友嚟旺角食呢間開咗好耐嘅韓國人主理韓燒喺地牢，一落到去係昏暗柔和嘅環境，店員好有禮貌咁帶我哋去我哋嘅座位，呢個時候蛋漿已經倒好，泡菜等配菜都已經set好我同朋友就叫咗喜來烤肉，因為好似好出名咁，一黎到亦都唔失禮，卷好花花咁上菜，燒得好快就食到，拌以麵豉醬同生菜超級好味😋生菜會索晒油膩感，侍應仲會經常自動幫我地refill生菜🥬同換爐，非常有禮同貼心！❤️爐邊蛋有泡菜味同芝士味，有得無限refill，又係叫得唔好嘥系列，佢唔會太咸，香口好食，食唔停口最後嘅牛排骨湯又係好好飲，好大陣牛味，煲完嘅排骨都唔會食落痴牙，仲有好香嘅牛骨味，入面仲有d粉絲，推薦推薦✨

近排約左朋友夜晚出黎食飯，而呢位朋友好鍾意食燒肉就提議食韓國烤肉，所以就去左旺角食烤肉了。不知不覺都已經有成年無食過韓式烤肉，都估唔到咁耐。入到餐廳自己好似去左韓劇啲場景咁，一入黎已經有個好似韓仔嘅店員招待我地，成個格局真係好似去緊韓國旅行咁。我地用手機點餐，嗌左兩牛一豬。呢個辣五花肉燒過之後唔會好辣，而五花肉嘅油脂香好正，包埋生菜食已經好滿足。生菜唔夠，店員會自動波去幫你補菜，所以配菜唔使就住食，放膽食就可以。真雪花牛肉呢個名係堅嘅，因為啲油脂雪花係好分明，呢個燒好點啲鹽再包生菜都夠做，如果想辣啲或者平衡啲可以夾埋泡菜一齊食。牛護心肉估唔到係咁岩燒，牛味好好，唔需要太多調味，就咁包菜食都得。咁耐無食真係好滿足，短期內應該會繼續黎呢間食燒肉過過癮。

搵食搵到去旺角糖水街，見到呢間韓國燒肉門面幾靚，之前係銅鑼灣食街都見過分店，已經好想試，今次一於試下😋一落到去感覺好似去到韓國嘅餐廳咁，裝修幾靚，位置寬敞，中間仲有棵發光嘅樹，幾浪漫，可惜我唔係同男朋友嚟🤣黎到座位，鍋邊蛋已經煎好，仲有啲配菜同醬，我同朋友就叫餐牌讚好嘅喜來烤肉（牛）、豬護心肉&牛排骨湯等咗冇耐，先來嘅係燒肉，擺盤幾令，牛嘅質感嫩滑，我同朋友都唔係好識燒豬，會燶邊但又驚唔熟😂包住生菜食就無咁油膩！超級幸福牛排骨湯就非常濃郁，好多排骨又唔鞋，忍唔住食晒😚😚Nice night with friend 🥰

實在太想念家鄉🇰🇷要去韓一韓燒🤣一坐低已經叫咗碟海鮮煎餅，幾多蔥，都有魷魚仔，不過冇乜味😅一定要點個醬汁先有味。我同好朋友都超鍾意食水冷麵😍基本上次次同佢韓燒都一定叫碗水冷麵😂今次都唔例外，不過我就覺得好一般，麵條淋咗D，同埋又係勁加醋先有D味😅最後燒物，揀咗雪花牛，同五花腩。碟牛雖然係雪花，但係又冇乜牛香，有點名過其實🥲個五花腩，佢切好晒上檯，不過我都係鍾意成條燒，自己剪剪剪😂😂 最後兩杯特飲，都係普通。

每年復活節長假都會去韓國嘅我，已經2年冇得去😭，唯有喺香港食餐燒肉就當去咗韓國🇰🇷，今次嚟喜來稀肉，餐廳佈置似足韓國燒肉餐廳，俾我解下思鄉嘅之情🤪❣️牛肉眼 $150牛肉眼雪花分布均勻，食落去油脂感好豐富又唔會過膩，包埋生菜同埋配菜食一流🤤❣️豬護心肉 $158本身想嗌牛護心肉，唔小心叫咗豬護心肉，唔好睇佢個碟細細，其實都有好多嚿，食落去有啲似豬頸肉，肉質充滿油香，點鹽食最正👍🏻❣️喜來五花肉 $138有三大塊五花肉，最鍾意就係燒到有啲燶邊，食落脆脆地而又有豬油嘅香味😋❣️海鮮蔥餅 $90海鮮唔太多，有幾粒魷魚粒，但有大量好似大蔥等嘅蔬菜，呢個唔太推介食🌚🏦是次消費總額 $590（人均消費$147.5） 🍴須加一服務費👅好味度：8.5（10分滿分）燒肉質素尚算高質，而且配有大量任添嘅配菜如生菜、泡菜同醃蘿蔔等，亦有任加嘅泡菜爐邊蛋同芝士爐邊蛋，推介芝士爐邊蛋🤤，全程自己燒，不足之處就係限時90分鐘交枱，燒得有啲急🤪

今日特別肚餓想食肉肉肉, 就去咗旺角既喜來稀肉未坐低已經見到每個燒板邊已經放咗泡菜同埋芝士係兩格內, 侍應即將蛋漿放落去, 仲指住牆上提提我要啲蛋熟咗先好食. 當然配菜都已經擺得正正已ready. 地牢手機收得麻麻, 我駁左free Wi-Fi後就自助用手機落order. 除咗睇個hard copy menu, 手機睇得好似仲清楚今日肚餓二個人就叫左三肉一飯喜來烤肉我最like佢薄切又有汁, 雖然有汁低d肉仲係好紅好樣, 好快燒完即可入口特別惹味, 跟埋啖石頭飯我超like... 石頭鍋飯係我最鍾意嘅質地嘅石頭鍋飯, 飯焦唔會過多, 有少少咬口, 落咗少少醬之後個味道啱啱好, 熱辣辣好暖胃, 加埋薄切的烤肉超配囉喜來五花肉配特製醬汁(豬)個五花腩燒左D肥出來, 好香好味, 肥肉都係多左啲啦, 不過始終係五花腩嘛牛肋骨肉怕唔夠食, 最後決定叫埋的牛肋肉, 質感不同, 細細件有厚度, 肉味濃D, 3款肉輪流食好正...燒肉吸引就係夠惹味, 加埋濃配菜就更正..... 泡菜味好濃好搶老公好鍾意, 我就食多啲生菜包住牛肋肉同酸酸甜甜的蘿蔔2個人一路夾野食, 一路食, 一路燒, 又呢又路...

晚上涼了一點，忽然想食燒烤晚餐，最好選擇就係去吃韓國烤肉！ 這家店地點很方便，在商場的地庫，一進去環境都很寬敞！還未order, 殷勤的侍應已放下泡菜、生菜。泡菜做得很正宗，很入味。餐牌選擇都好多。點了石鍋拌飯，喜來五花肉，牛肋骨肉。牛肋肉配生菜一起吃，清爽。喜來五花肉- 一客有二大件，醃得香口，自己燒得剛剛好，唔會太老。石鍋拌飯分量十足，調味配料洽到好處。 大約四百蚊的消費，真是十分合理的價錢和高水準!

今次黎到旺角食韓燒 之前都食過其他分店同之前一樣 都係散叫 燒肉同有爐邊單 同配菜爐邊單有芝士同泡菜 加左好好味 仲可以無限.refill 肉方面叫左牛肋條 好重牛味 而且燒完都唔會好油 令一樣係牛既.steak黎 好大塊仲連埋舊骨 好惹味 包埋生菜岩岩好之後仲有叫左雞肉 雞肉用醬油醃製左先。雖然好深色 但其實唔會好鹹 雞肉燒完好嫰滑服務方面都好好 店員成日都.fill 野 而且爐樣燶左都可以換 成餐兩個人share. 已經好飽lu!!!!

今日同女朋友去左旺角一間韓國燒肉店食燒肉價錢不貴,,,,地方寬闊,,,,好乾淨❤️❤️❤️無乜油煙，講番食物方面有好多選擇而且價錢不貴又高質😜😜😜😜😜😜—————————————————————————我地叫左牛肉眼扒,,,,,,.一份喜來希肉同埋辣既豬腩肉🤪🤪🤪仲有任食既爐邊蛋，有兩種口味一邊係芝士味同泡菜味😋😋牛肉眼好好食，好大塊又重牛味豬腩肉都好好食 ，一d都吾硬，好香口

今日去左旺角行街,,,行完街肚餓想食韓國燒肉就即刻諗起呢間喜來希肉😋😋😋我地兩個人叫左一塊西冷牛扒,,,,,, 一份喜來希肉,,,,,同一份辣豬肉價錢唔貴😜😜仲有得任食爐邊蛋爐邊蛋有兩款口味,,,,,一邊是芝士口味一邊是泡菜口味好好味😋😋😋西冷牛扒大大塊油脂分佈得好好牛味好重😋😋非常好食喜來希肉 大約有十幾塊都好正辣豬肉好入味😋一啲都唔鞋好好食😋包埋生菜一齊食正呀 仲有好多配菜有泡菜同埋醃蘿蔔

但願疫情快過可以出外旅行，先到旺角的喜來烤肉解愁，進店內有身處明洞的感覺。喜來烤肉 180g，上桌時以牛肉砌出一朵玫瑰花己經討得女友歡心，確實漂亮。喜來五花肉配特製醬汁，用長鉗及長較剪將每件五花肉剪開很有風味。五花肉油脂較多所以入口很香口。牛肉放在烤爐上很快就熟，肉味濃而且很滑。另外選了傳統的石頭鍋飯，將韓式辣醬混入多種材料，飯焦亦很好吃。每口石頭鍋飯都是高纖維，裡面有芽菜、紫菜及雞蛋等。另外更點選了炒年糕，年糕入口很有口感很煙韌，裡面更有餃子，味道甜甜地有小小辣。傳統韓燒的烤蛋，有泡菜及芝士味，半生熟的滑蛋特別好吃。坐在樹下吃，真的如置身韓國的莊園吃著韓燒。這個位置相當有韓劇的電影感，下次再來有機會都想坐這個位置。

好耐冇同老友飲返杯，放假前夕梗要 happy 吓 ，飲啦！Orion & Sapporo一般韓烤會飲韓國燒酒或啤酒，而呢間竟然主打日系生啤，當然咪放過 ！叫左兩款燒肉送酒，一牛一豬，每款都係百零蚊，量多肉靚仔，幾抵食。牛護心肉平民價都食到，好香好淋，一碟兩人分享啱啱好。呢款肉冇醃過，但點小小鹽已經好滋味。喜來五花肉 食韓燒又豈能錯過五花肉？ 今次揀有醃過的，唔使點醬已ok 。燒到全熟，脆脆地又有少少軟骨，送酒一流！海鮮葱餅除咗燒肉，仲叫左海鮮葱餅。最鍾意將個洋葱汁淋上面食，令到成件葱餅內外都係葱，正呀！自家製泡菜無限添加，爽！食滿$500 可以加$1 有台灣鳳梨，復活節限定 ！