喜來稀肉 (已結業)

最近有煲緊韓劇，所以又諗起想食韓式烤肉，之前都食過返尋味，覺得呢間價錢合理，肉質質素高級，又有韓國嘅其他菜式食。所以就相約朋友再次返嚟食烤肉，一嚟又彌補一下去唔到韓國。因為我哋都係鍾意食牛嘅，所以就叫咗兩款牛扒來做烤肉，啲肉質都好新鮮肉味亦都好重爐邊雞蛋，入面仲有啲泡菜，味道一流。另外食親韓國嘢都必定要嘅飯團，紫菜碎再加埋啲麻油同埋蟹子，呢個配搭真係一流。仲有叫咗一個海鮮烤餅，但係呢個烤餅就略嫌比較粉左一啲，味道亦有啲不足。環境方面抽煙效果都可以，而且枱與枱之間嘅分隔亦都夠開，唔使擔心。

好耐冇食過韓燒啦，一直bookmark左呢一間但係未有時間試，今日終於可以同朋友嚟試吓呢間咁出名嘅韓燒！最衰今次得兩個人，唔可以叫太多款嘅肉類，不過我哋今次叫咗一款牛，兩款豬。食韓燒就一定要叫五花肉㗎啦，呢度嘅五花肉油脂分布都幾平均，每一層都幾分明，燒香咗之後好啱用生菜包住嚟食，我就鍾意加埋粒蒜頭！豬護肉好少喺出邊見到，聽講係每隻追得好少呢個部位嘅肉，食落爽爽地，但係有冇豬頸肉咁油膩，唔錯唔錯！喜來烤肉嘅肉質好好，顏色望落去好新鮮，因為切到好薄，所以好快就燒好一片，啱晒好肚餓嘅我哋。冇諗過韓式拌飯都唔錯喎，最鍾意佢哋醬汁另上，啱晒我哋唔係好食得辣嘅人。最後一定要讚下呢度嘅服務，服務員好殷勤咁樣幫我哋不停換燒烤板，又好快咁幫我哋加生菜，好抵讚呀！

讀大學嘅時候呢度簡直係我嘅飯堂，不過返咗工之後越來越少食韓燒，今日突然間經過，同朋友二話不說入去回憶一下大學生活。真心估唔到冇食咁耐，價錢竟然冇貴好多，相比起學生時期，更加可以放膽咁嗌更加多嘅肉正呀。嘢食味道之前已經有一大碟泡菜，同埋普通嘅涼菜俾我哋食，泡菜唔會太辣，亦都唔會太鹹，我哋差唔多清晒成碟！爐邊嘅蛋汁簡直係呢度嘅皇牌！特別係有芝士嗰邊，正到爆啊！我哋叫咗三碟肉，冇諗過份量係咁大㗎，喜來烤肉嘅肉質好好，望落去好鮮紅，感覺好新鮮一定一定要叫五花肉，係我嘅最愛，油脂分布平均，秘製醬汁味道好，加埋生菜包埋一齊食冇得彈。以為呢度主打燒肉，但原來韓式拌飯都做得好好食，我哋食晒一個飯啊

我同老公都係非常喜歡韓燒，韓燒放題唔適合我哋呢啲食量細，唔抵🙈 我哋都係比較喜歡單點，食物質量較好，也不用撐到自己太飽! 喜來稀肉的燒肉質素佳，成為我們喜愛餐廳～真雪花牛肉$228好靚的雪花紋理，牛肉有光澤，脂肪豐富分布平均，一睇就知係靚牛～ 另一碟是牛護心肉，鐘意高性價比的話揀佢就岩哂，$160都高質，入口有濃郁牛味，蘸少許鹽牛肉鮮味更突出😋蟹籽紫菜包飯初頭餐牌睇相我以為得六粒小包飯，點知上枱係一大大盤！比一隻手套可以自己包飯，將蟹子、紫菜同飯掐成一個小球，加上麻油及芝麻令飯團更香！好食到我都想自己整🥰

韓式燒肉真是太香了！網上風評不錯的喜來稀肉是我最喜愛的韓國燒烤餐廳，平常我比較早吃晚餐，一般6點就到餐廳人流不多，今天等老公下班7點半比較晚來，正正是餐廳人流高峰期，見識到旺角喜來稀肉有那麼多人！也太受歡迎了吧！還好不用等太久可以入座，先嚐點前菜泡菜是我的最愛～之後用手機掃碼點菜了，點了兩盤肉是真雪花牛肉跟調味牛護心肉，價格分別是$228和$160，兩款各有風味，都推薦！雪花牛肉脂肪比例較多入口較軟，油脂比較豐富；護心肉則是牛味較濃郁，配米飯超正～

仲未走得出香港嘅日子，今次要食返個靚韓燒當飛左轉韓國先！我地7點左右就到左，所以唔洗等位就入得啦！🤩 係有咁多好食side dish嘅情況下，兩個人食唔到太多，所以就叫左兩份燒肉同兩份熟食，就已經好夠飽！我最鐘意嘅泡菜蛋仲可以不停refill ahhhhh 😍😍燒肉分別叫左牛護心肉🥩、調味醬油雞肉🐥燒熱左個爐之後放護心肉🥩個下炸一聲，好正呀！！唔洗燒好耐就已經食得第一舊梗係食原味啦，好夠肉汁同牛味都好濃😍之後仲可以夾埋已經炒香左嘅蒜片加泡菜同埋韓式海鮮醬咁食啦！超級好食！至於調味醬油雞肉本身已經調好味，所以燒好咗就即刻食得啦！佢嘅調味做得好好，唔會好鹹，而且叫咗一份就有成大塊雞扒嘅份量，好抵食架！韓國人本身都好鍾意食完燒肉之後叫番個冷麵，所以我哋今次就揀咗拌冷麵啦！旁邊嗰支係醋，自己選擇落嘅份量就唔怕太酸啦！冷麵可以消除左燒肉嘅油膩感咁，所以好推介大家都叫一個試下！

終於有得食燒肉啊等咗食韓式燒肉好耐啦因為我係食肉獸雖然之前有減肥但係都係逃唔出肉類嘅魔掌之前曾經食過側邊嘅蛋會燶晒但係呢一間冇喎 好勁餐牌如下叫咗我最鍾意食嘅牛舌啦$148同埋最推介嘅喜來烤肉$158主食叫左韓國拉麵🍜d肉類會比較薄 容易燒 燒大約1分鐘 轉色就可以食架啦肉類既牛味都好重 燒落好香噴噴喺韓式餐廳度食拉麵同屋企食其實係唔同啲嘅😙😙特別有風味呢配埋少少海鮮大蝦青口好鮮味呀😍😍😍大家快啲去試吓啦

想搵間餐廳又可以坐得耐傾計，又諗起喜來稀肉，今次去左位於旺角既分店，店舖位處於地庫，電話信號唔係幾好，但餐廳有提供WiFi，非常貼心，而且上網速度非常快，要比個讚。一去到服務員已經極速安排左位置比我地，佢啲櫈下面可以儲物，如果有衣物怕會整臭，可以放入面，但記得走既時候拎返走。食燒肉我個人比較鍾意食五花腩肉，有肥有瘦，夾埋生菜、蒜頭、泡菜一齊食，特別有滿足感。另外，佢啲蛋都好好食，建議唔好比啲蛋燒太耐，否則會太乾。

真係好耐冇食過韓燒喇，應該都至少一年咁耐。終於約到個朋友陪我今晚去旺角食韓燒，超開心! 第一間黎呢間餐廳，一入去就有韓國人招呼。環境都唔錯，雖然係食韓燒，但餐廳既韓燒味唔係好濃烈，食完走都唔會話有好大陣味~我地叫左兩牛一豬。等食主食既時候食下啲前菜同爐邊蛋。爐邊蛋一邊係有炮菜，另一邊就淨蛋。牛護心 ($160) 牛味好濃，唔洗加任何調味，淨係配返生菜已經一流!真雪花牛肉 ($228) 真係好正，油脂雪花既分佈好靚，加啲鹽既味道仲正。辣五花肉 ($138) 肉唔算肥，味道唔係好辣，我地覺得五花肉要加少少鹽，再配埋泡菜食先夠惹味。另外想講，店員好貼心，每次見到淨返好少生菜，都會主動幫我地添生菜。一啲唔怕唔夠菜配肉食。好滿意呢間既食物，下次又想心郁想食韓燒，實黎返呢間!

今日就嚟咗食呢間韓燒。雖然已經經過好多次同埋成日都見到呢間野，但係咁耐都冇食過，所以今日就嚟試一試。環境都同出邊嘅韓燒餐廳差唔多, 可以打開張凳，然後將啲袋放落燈入邊。侍應帶咗我哋入去樹下面一個位置坐低，幾好feel。台面一開始已經上左生菜、芽菜，沙律，淹青瓜，泡菜等前菜 (生菜之後係可以任加）。我睇完餐牌之後，就 scan QR Code 開始叫嘢食。由於我哋兩個人，加上之前有睇過其他網友貼出來嘅相，我哋見啲嘢食都幾大份所以選擇叫咗三款食物。分別係希來烤肉、護心肉、同牛舌。第一次黎所以一定叫，護心隨係見到其他網友推介加上見到佢既餐紙都有推介。牛舌就係因為我地兩個人都中意食牛舌。初初諗住叫多一個飯，但係之後想食晒 d 先至再睇吓有冇需要。野食好快就黎到，先係希來烤肉。厚度適中，燒約三十秒到就食得，都幾有牛味。護心肉份量更多，係切條上，我地一次過落5-6 條，放係爐中間好似炒送咁樣炒熱。護心肉有更香既肉味，而且口感更好，個人覺得護心肉更好食。牛舌嘅份量都算大份，水準都比預期好 ！最後我地都無叫飯食都夠飯，職員會經常主動幫我地換爐，值得一讚！

疫情依然未解決嘅情況之下，令到每個人依然都好想去到旅行嘅心情，唯有搵一間有質素而好似去咗旅行嘅燒肉店就少之又少，稀來稀肉，除咗肉類每次都冇令我失望之外，好似入到去都有令到我去到旅行嘅感覺，而且價錢經濟，品質上乘，令到疫情期間之下，大家都會好想去有旅行感覺嘅食肆，懷念有得去旅行嘅日子，特別一提，稀來稀肉嘅牛肉，真係大大舊，而且肉質非常之優質，所以我絕對會推介俾人，而且醃料亦都十分之好味，食落唔會喊到口乾，所以我去咗咁多間燒肉店，最尾都會返嚟幫襯

食韓燒一講起喜來稀肉，好多人都識呢間餐廳，因為都開左一段時間，而且佢口啤幾好，好多朋友都話好食。今次同朋友叫左幾碟肉，加個水冷麵，都食唔晒。佢啲小菜只有四款，唔算多，連最中二食芽菜都無。不過，幾推薦佢泡菜蛋，咸咸地又有蛋香味。除左啲燒肉，佢個水冷麵都好出色，一定要加佢兩個汁再撈勻食，有少少芥末辣特別好食。餐廳服務員數目都好多，所以有一定既服務，而且服務員都定時主動幫你換左塊板，等你冇咁容易再燒燶。

繼續帶媽媽去食好西，今次搵左間韓國燒烤，呢間店門口既店員貌似係韓國人，好高既oppa，但都識講廣東話。一入到去安排位置，原來已經set好左枱，已經放左好小菜，水同埋倒左蛋漿，等我地吾洗再等。由於媽媽唔食牛肉，我只好點兩款豬肉，一個係護心肉，另一個係五花肉。護心肉：其實都原先都吾知係豬既邊個部位，但原來佢放餐具張紙有介紹，係非常稀有既部位，亦都係喜來稀肉既招牌食物，係位於豬橫隔膜個心中間部位。食落都冇乜油脂，都算嫩。五花肉：食韓燒點少得食五花腩，佢本身有用醬汁醃好左，所以燒完都吾洗點太多汁已經好有味。

冇得去旅行又掛住韓國，梗係去食韓燒啦！今晚就同班friend去食韓燒聚一聚🥰食燒肉最緊要就係牛肉靚！出面太多無質素嘅牛肉，平一平都無用！要食就食有質素嘅烤肉！豬護心肉$158🐽相對唔肥嘅豬肉，豬味濃郁，燒完香脆美味！喜來烤肉（牛）$158🐃將肉片接成玫瑰花型再雪凍，真係好有心思！份量較多，肥瘦適中，食落有牛味，喜來最出名的烤肉🤩人蔘雞湯$125🐔人蔘雞湯係傳統韓國養生首選！一大條韓國人蔘好鮮甜！加上原隻鮮雞同埋少少薏米仁，中和一下燒烤熱氣！

相信大家對喜來稀肉一啲都唔陌生，由韓風興起個時可以話係街知巷聞，直到而家一講話食韓燒，都依然會即刻諗起佢，為此對餐廳就不多作介紹啦😁.今次order咗802壹頭牛燒肉套餐-包喜來烤肉180g, 牛五花80g, 牛頸80g, 牛肋骨肉80g, 烤調味牛排骨80g小妹最喜歡牛五花，薄切肉身食起嚟比較嫰口，加上肥美的脂香最為好吃，建議韓式食法，用生菜包覆泡菜同肉，再點蘸韓式辣椒醬食，可以去除油膩感之餘，仲可以一解旅行之癢🥺🥺.侍應們嘅服務好好👍多次為食客更換燒盤。