影片
付款方式
以上资料只供参考，请与餐厅确认详情
今日路經呢間小店，買左半磅曲奇$60, 3款混合曲奇(腰果，杏仁，藍莓), 好鬆化，同埋一個軟芝士麵包$10, 麵包好食過連鎖店既好多。以前幫襯過禧利街分店，買過芝麻餅，好香口;永和街分店係熊仔曲奇隔離，2店人流好大對比，希望大家都支持小店啦
继续阅读
星期日，完咗event收工，已晚黑10點幾。平時極少去呢頭，作為新界人，對呢間餅店認識亦唔多😅本來只係hea下渾下吉，所以問老闆收工未，怕阻佢，老闆幾親切話等埋人先收。望下望下，醒起過兩日去台灣探朋友，咁不如買啲手工嘢做手信。本來想買曲奇，但又好似冇乜特別，又怕碎，最後買咗幾重嘅花生朱古力。又見到雞蛋餅及鳳凰卷，童年回憶返晒嚟。返到屋企急不及待開雞蛋餅食，好脆口、濃濃蛋香又唔太甜，好正。鳳凰卷就未食。出年過年，賀年食品，又多一間選擇。
继续阅读
Farewell移民嘅朋友，諗住買啲嘢送俾佢，諗起公司附近有一間好好味嘅曲奇，等佢懷緬下香港滋味。曲奇種類，總共有六至七款口味，同其他唔同，佢係太大塊，牛油味適中，鬆脆適中，覺得好味過連鎖麵包舖半磅都要$50 ，唔算好平，另外有其他鐵盒裝可以選擇，送俾人應該得體另外，亦有其他中式嘅餅，價格比較相宜，一包大卷都係$25 ，食落幾有質感，唔同奇華嗰啲得個脆字另外試咗黑糖馬仔同埋鳳凰卷，都算好味，會繼續試埋其他產品
继续阅读
合桃酥好鬆脆，但係唔係好覺有合桃味🤔牛油曲奇都好食，不過相比合桃酥就冇咁鬆脆，同隔離嗰間小熊曲奇相比，牛油味冇咁濃同重，同埋都冇咁散，感覺好似健康啲同冇咁有罪惡感（ ？）😂
继续阅读
作為一間老牌餅店，雖然曲奇餅出名好食，都不能自以為是，對顧客態度甚差，有一位賣餅的女店員，看似應該係老闆娘，她對顧客的眼神、態度、語氣都令人不安，完全唔優做，甚至叫你買就買，唔買就走，佢哋唔稀罕做任何人的生意，連最基本對客戶的禮貌都沒有，在購買的過程中，他一直用厭惡的眼神及晦氣的說話面對客戶，而我們作為客戶，並沒有作出任何不禮貌的對答，真係買到一肚氣，明白今時今日的香港，大家都有點煩躁，大家都需要忍耐，呢種服務態度完全不能接受，雖然我幫襯咗好耐，我亦決定以後都唔會再去！太失望了！
继续阅读