喜利餅店

营业中

休息中

今日路經呢間小店，買左半磅曲奇$60, 3款混合曲奇(腰果，杏仁，藍莓), 好鬆化，同埋一個軟芝士麵包$10, 麵包好食過連鎖店既好多。以前幫襯過禧利街分店，買過芝麻餅，好香口;永和街分店係熊仔曲奇隔離，2店人流好大對比，希望大家都支持小店啦

星期日，完咗event收工，已晚黑10點幾。平時極少去呢頭，作為新界人，對呢間餅店認識亦唔多😅本來只係hea下渾下吉，所以問老闆收工未，怕阻佢，老闆幾親切話等埋人先收。望下望下，醒起過兩日去台灣探朋友，咁不如買啲手工嘢做手信。本來想買曲奇，但又好似冇乜特別，又怕碎，最後買咗幾重嘅花生朱古力。又見到雞蛋餅及鳳凰卷，童年回憶返晒嚟。返到屋企急不及待開雞蛋餅食，好脆口、濃濃蛋香又唔太甜，好正。鳳凰卷就未食。出年過年，賀年食品，又多一間選擇。

Farewell移民嘅朋友，諗住買啲嘢送俾佢，諗起公司附近有一間好好味嘅曲奇，等佢懷緬下香港滋味。曲奇種類，總共有六至七款口味，同其他唔同，佢係太大塊，牛油味適中，鬆脆適中，覺得好味過連鎖麵包舖半磅都要$50 ，唔算好平，另外有其他鐵盒裝可以選擇，送俾人應該得體另外，亦有其他中式嘅餅，價格比較相宜，一包大卷都係$25 ，食落幾有質感，唔同奇華嗰啲得個脆字另外試咗黑糖馬仔同埋鳳凰卷，都算好味，會繼續試埋其他產品

合桃酥好鬆脆，但係唔係好覺有合桃味🤔牛油曲奇都好食，不過相比合桃酥就冇咁鬆脆，同隔離嗰間小熊曲奇相比，牛油味冇咁濃同重，同埋都冇咁散，感覺好似健康啲同冇咁有罪惡感（ ？）😂

作為一間老牌餅店，雖然曲奇餅出名好食，都不能自以為是，對顧客態度甚差，有一位賣餅的女店員，看似應該係老闆娘，她對顧客的眼神、態度、語氣都令人不安，完全唔優做，甚至叫你買就買，唔買就走，佢哋唔稀罕做任何人的生意，連最基本對客戶的禮貌都沒有，在購買的過程中，他一直用厭惡的眼神及晦氣的說話面對客戶，而我們作為客戶，並沒有作出任何不禮貌的對答，真係買到一肚氣，明白今時今日的香港，大家都有點煩躁，大家都需要忍耐，呢種服務態度完全不能接受，雖然我幫襯咗好耐，我亦決定以後都唔會再去！太失望了！

想在香港買一些好鬆化又牛油味重的曲奇餅，上網看到喜利，於是專程來到上環買。有些$90 有1磅，有些$100有1磅，我就用了$90買了4款曲奇食。食了2塊，因為太大塊吃不多，十分鬆化不過甜，甜度剛好原味香牛油咖啡味香期待一陣食埋其他2款也買了南乳餅，包裝良好沒有碎店員很好人，拿曲奇餅很小心打算多買一些帶給公司同事一齊食在想這些鬆化曲奇餅會不會有盒子裝如果可以裝實在更好，送人更得體下次試下店的其他扁身曲奇餅，看評價也好好

今日約左去中上環呢頭食飯,專程去呢間上環餅店買曲奇餅, 上環有三間分店, 文咸東街, 禧利街及永和街, 不過今日公眾假期就只有呢間文咸東街開, 就專登過黎, 黎到已經六點幾, 買左唔同味略曲奇, 仲有鳳凰卷.  推介牛油曲奇, $45/半磅, 有九塊,  一打開已經好香, 呎吋比其他的曲奇大, 大約8CM一塊, 咬落去好鬆化, 不太甜, 有點驚喜系自家制的鳳凰卷,裡面有芝麻, 椰絲, 餡同蛋皮味配合絕配, $23/11件, 餅店睇舖嘅哥哥好好人, 系咁要比個紙袋袋住D餅, 我諗系因為只用膠袋比較容易碎, 因為D餅實在太鬆化, 朋友之前試買返到新界西屋企就碎左好多, 有個紙袋我返到屋企都無碎，下次要會拎番呢個紙袋去買其他餅食

We been living in Sheung wan for 9 years now. When we first moved here in Sheung wan, Hei Lee Bakery only had one shop on Hillier Street. Now they have two branch stores in Sheung wan.I like their coconut tarts(HK$8) because they are not too sweet and always taste fresh.Usually, I have the coconut tart with a cup of Darjeering leaf tea. The light muscatel flavour of Darjeering tea suits coconut flavour. Their egg tarts(HK$7)are not bad as well. Of course, many people like to accompany egg tart