影片
以上资料只供参考，请与餐厅确认详情
放大假去咗長洲行下，一落船行咗無耐見有間餐廳門面幾吸引，見門口既餐牌選擇都多，有街頭小食，窩夫，沙𣲙，甚至上海菜肉雲吞麵都有。。。餐廳入面客人不多， 我地坐低點左兩個小食同兩杯沙𣲙，餐廳落order 時要比埋錢架。之後就搵位等食，但等咗都幾耐先有野食嚟。原味窩夫熱狗($28)：窩夫表面口感比較硬身，唔夠柔軟。午餐肉黃金條($45)：溫度熱既，口感鬆脆，但有油益味，午餐肉嘛嘛哋。芒果沙冰($38)：沙𣲙溫度係涷既，但未去到沙𣲙既程度，芒果味都算唔錯，沙𣲙效果可以再多返d。士多啤梨沙冰($38)：呢杯沙𣲙既士多啤梨味算可以，但話佢係沙𣲙，個人覺得比較偏向似奶昔多D，沙𣲙效果唔係好夠。
继续阅读
如果你有小朋友，或者諗住拎佢地餐牌慢慢睇有咩食再叫呢，咁你唔好來呢間野到試，因為白頭佬同個女人店長會語重心長再三指示你出去條街到等，我諗佢地只係比一次機會你order一次野食。你如果想加野食的話，佢地會係期望你行一行出去，再入一入去，再叫野食，希望你食野之如，又做到運動。可能佢d野食真係好難整，普通一碟野都可以用幾個字時間去整，當你想知大約仲有幾耐，你問個白頭佬(可能佢外國番來) 佢會唔明你問咩，之後比一似是而非ge答案你。
继续阅读
今日一行三人入長洲行吓，經過呢間鋪頭，小朋友見到餐牌個原味窩夫話想食，而我同女朋友都對西班牙油條加雪糕有興趣，咁就入去諗住坐低食，點知唔好彩，小朋友想食嗰個窩夫冇得賣，咁我就叫左個西班牙油條拎走，我地三個人出左門口張類似BAR枱嘅物體度等，小朋友因為有D攰，所以就比佢喺張高櫈坐住等，等左大約十幾分鐘，食物出爐，咁我見佢地都冇客等緊位，咁小朋友就繼續坐，我同女友就企左喺張BAR枱前，用左5-8分鐘時間，食左佢嗰幾條油條囉，正當我地食完諗住走嘅時候，有個長毛白頭佬走出嚟問我地仲有冇野等，我以為咁好服務啦，咁我地話冇，跟住點之佢講句冇野等唔可以喺度食外賣，我當堂嚇左一跳，然後得啖笑，我想試個油條都係因為我期望你會有尖沙咀嗰間嘅質素而試，咁你嘥我十幾分鐘時間等你個同人地差幾班嘅食物唔緊要，我都係用返5-8分鐘時間喺冇阻你做生意嘅情況下喺你鋪頭出面食你地嘅野啫，點知原來你地做生意咁鬼小氣，或者真係我唔啱，幫襯小小野就霸左你地個位，咁為表歉意，我唯有祝你地生活休閒，唔駛點做啦
继续阅读
25-12-2022 (Sun)晏晝,同老公,女友人HJJ一齊去長洲行,食完海傍美食店後,就沿海傍街向熟食街市行,繼續搵嘢食,老公中途見到呢間,見有窩夫,老公覺得啱我,於是入去食,我哋坐低後,老闆娘拎Menu出嚟,介紹佢嘅嘢食.我哋睇完研究完後,決定要:3. $38.00嘅芒果荔枝沙冰Size正常,我撩啲啲嚟食,味道唔太濃亦唔太甜.味道:2.5分4. $38.00嘅熱朱古力連埋一塊餅嚟,朱古力唔太熱,味道唔太甜但夠, OK嘅.味道:4分5 $53.00嘅西多士+雪糕雖然呢個最後至到,但因為有雪糕,所以要即食.由於糖漿已經淋咗,所以我哋冇得控制份量,呢個食落好甜,因為糖漿太多?而西多係冇花生醬,成個夾埋雪糕,又食一冷一熱咁食,感覺 ok 嘅.味道:3分6. $43.00嘅nutella榛子朱古力沙冰上到枱,大大樽,味道唔太甜,ok 嘅,不過真係好大杯.味道:5分2. $48.00嘅麵包牛油布甸呢個細細兜,麵包有少少脆,牛油布甸好軟熟,不過好甜.味道:3分1. $42.00嘅香芋酥卷兩條一開四,見到有少少炸過龍,外面係脆脆地,中間嘅芋蓉夠軟,不過好似唔欠食到芋頭嘅味道.味道:1分價錢:收$258.00,明明香芋酥卷,好彩有問老闆娘攞啲單睇,佢哋張單打咗$38.00,唔知係咪打錯呢?2.7分堂食每人最低消費$20.00.
继续阅读