喜囍豬扒店

营业中

休息中

炸髀炸到個皮脆卜卜，調味適中雞髀size算係幾大份西多士賣相好靚仔，厚得黎入面唔會腍啤啤，口感唔錯！如果入面啲醬可以再多少少就更好喇，不過整體點埋糖漿食都OK。

同事教用apps 訂飯，真係好方便！🤣🤣香煎豬扒太陽蛋薯菜大大件豬扒！又好食！價錢實惠！太陽蛋💓✅美味！仲有大件茄子！令人回味！下次會再試其他美食！！😉🤪

鮮茄焗豬扒飯超好味裏面有勁多片豬扒，茄汁味夠濃，有原隻蕃茄，真材實料。唔喜歡食飯還可以轉意粉。加多3元可以由紙包飲品轉罐裝咖啡。外賣盒比平時的不同，可以保温一段長時間。大家黎觀塘一定要試。

想買外賣，行咗入駱駝漆嘅後巷，見到三間餐廳。揀咗兩間，各自買咗一個飯盒。行到喜囍豬扒店，個店員即刻行出嚟Sell佢地豬扒飯。店員推薦洋蔥鼓油汁，鍾意食辣，就香辣咖喱汁。咁我就即刻叫咗個A1香煎豬扒太陽蛋飯加洋蔥豉油汁試試😆再加$3 轉IF100%椰青水。塊豬扒好大份，份面仲有椰菜同茄子即配菜。中規中矩，但勝在價錢抵夠大份。

剛巧經過，店員派咗張傳單畀我哋，覺得幾吸引，又唔算貴，所以就叫咗嚟試試。我哋兩個人，分別叫咗吉列豬扒太陽蛋飯配黑椒汁，同生炸雞髀熟蛋薯條配黑椒汁。(兩樣都有飲品送)一嚟到個賣相已經好吸引，冇諗過上面會有一條矮瓜，係期望之外的。首先講吉列豬扒太陽蛋飯，個豬扒好入味，好鬆軟，咬落去一啲筋都冇。而生炸雞髀亦都好入味，冇唔熟或過熟嘅情況，肉質仲好juicy，唔乾唔柴，雞皮亦炸到好脆，整體十分高質！店員仲送咗辣醬同他他醬畀我哋點嘢食，兩個醬都好好味，我點唔晒唔想嘥，帶咗返屋企。😀呢間嘢食好好味，非常滿意，一定會encore！P.S. 冇影到相，只影咗ig story，張相係喺ig story度cap返出嚟，所以有啲矇