喜徠食堂 (已結業)

打開外賣，碗邊好多頭髮，打返去同佢講，老闆態度好差……………………..Sorry 都無句，叫我攞返去換，然後就cut 線。……………………..其實係好心同佢講聲姐，條街咁多VIP 都唔想落返街，態度真係不得了

初一十五齋戒日，兜來兜去都搵唔到間目標齋舖，原來長洲唯一的齋舖已經執笠，趕時間是但衝入間茶記吧！凍奶茶，異常清淡，還飲得到茶香及奶味。熱菜蜜，沒怎樣特別，舒服暖暖微甜。鮮冬菇芽菜韮菜香濃鮮茄湯米粉，生芽菜爽脆非常而帶草腥味，韮菜爽甜，白雪雪米粉硬係覺得格格不入。整碗最好味係豆卜，索湯嚥韌香口。四川小麻辣肥牛出前一丁，白烚肥牛原味鞋韌。最討厭白烚出前一丁、最討厭用滾水沖湯粉完全無煮過，入口即刻食得出。麻辣在那裏？清淡水味湯底。墨魚腐皮卷，食完碗麵還未登場，苦苦等候終於出現！即炸滾熱辣，油光令令，油香微脆不過炸物油膩感頗濃，食落好似炸豬大腸。

試吓長洲啲茶餐廳先！次次都好鍾意食佢個豬頸肉撈烏冬！豬頸肉好好味 仲有好多配料 飲埋杯凍檸茶爽啊🤤員工服務態度好好 雖然小店地方不大 但係感覺簡單清潔乾淨👏🏼 會再來😋

特色野，呀仔食得好過癮一家五口入長洲行個圈，諗住去另一間餐廳，但想食果d都冇得食隨緣黎左哩間好多選擇，有麻辣米線，茶餐，咖哩飯咁呀仔一睇餐牌就見到爆炸糖雞翼，二話不說說叫左另外呀囡叫左西多士，西多士都好出色

年幾兩年前好似幫襯過，但食過的乜就唔記得，因為呢半年出去市區都有的危險，所以假日主力都係留係長洲搵食見好多食評都有讚下呢度嘅炸豬扒，所以叫個D餐試下蕃茄肥牛米線，好大一碗，蕃茄湯底正正常常，只是味道偏淡；米線份量非常足（唔似「到此一遊」咁，食晒個餐都唔夠飽）檸茶味道正正常常，大大杯唔怕唔夠飲$豬扒好薄身，脆漿都好薄；但炸完之後塊豬扒（乾又鞋，見圖）～硬到唔想食；於是放佢入湯麵度吸下水整體感覺，食完唔滿足，想搵個間好食的，以補充心靈缺失邊食邊後悔，洗$54⋯倒不如自己煮；起碼食得健康，又滿足

對於無飯家族嚟講，放工返到長洲唔想諗食乜～亦唔想周圍去搵嘢食，只想快快醫肚就返屋企最就腳就係呢間。所以大大話話都幫襯咗好幾次今晚食胡麻醬撈讚岐烏冬，麵質算彈牙夠Q可惜d配料就麻麻地，得d粟米粒同青瓜絲今晚揀咗配吉列豬扒～豬扒偏薄，顯得脆漿較為厚，希望佢有改良。餐牌其中一頁醬汁又唔係好夠，食到底部已經乾憎憎。值得一提嘅係佢嘅辣椒油，好香好野味又夠辣x x 腸好普通～下次唔洗再食，試另一款小食

是日點了吉列魚柳配黑椒汁，跟白飯。平時喺屋企極少炸嘢，所以出去食會叫d屋企唔會煮嘅食物～ 就算熱氣都照食！樓面果位妹妹仔夠哂快手，熟哂駕步，又算有禮貌，喺長洲餐飲店嚟講十分罕見，抵讚。除左食物之外，我覺得服務態度係我會再次幫襯嘅重要因素。講食物質素，的確係唔錯。上菜時必定係熱辣辣。唯一美中不足係魚柳偏薄，顯得脆漿部份份外厚令我會間中吐d脆粉出嚟⋯⋯餐廳內有電視，一邊食一邊睇新聞，食得幾舒服。d白飯對我嚟講太多了，又唔夠黑椒汁最後，我放棄了4-5啖白飯⋯⋯

本局長續於長洲公幹，是日一早起來工作至中午，街上見到一餐廳名曰喜徠，想起每日早早起來之辛勞，立馬入內幫襯。餐廳食物選擇不少，有酸辣、麻辣米線、咖哩飯、芝士撈公仔麵等。本局長著小二來一日式咖哩吉列豬扒飯，凍啡走甜。咖哩甜而不膩，吉列豬扒炸得香脆，肉質鮮美，而且份量甚多，加上有一煎蛋襯托，屬本局長推介級別。凍咖啡則是正常之作。總括而言，此餐廳食物美味，份量頗足，價錢公道（$48），本局長大快朵頤，盡興而歸。

今日中午時間到這家店鋪找東西吃的，點了個勁量吉列豬扒飯餐，轉薯角，咖哩汁。黎到時見到嚇一嚇，話勁量真係勁大塊，仲要兩塊，又口感鬆軟，個汁都好入味，埋單五十幾蚊真係無得輸，食到飽，推薦！

叫左咖哩吉列魚柳飯 同 豬頸肉凍撈烏冬勁中意啲豬頸肉 小小焦得嚟 又脆又香撈烏冬 又多麻醬 唔會食到一半冇汁乾爭爭咖哩魚柳都好正 有兩大塊 非常脆 一定要熱辣辣食餐廳整體良好👍ps 啲相忍唔住食左幾啖先記得影😂

入到門口，見到都冇人招呼，唔緊要，自己搵位坐。 坐足15分鐘都冇人理，侍應態度嚴重惡劣，食到一吐氣。張抬癡笠笠，食物一般 (呢個價位我冇要求，唔難食飽肚就ok)我比得$50一餐飯唔係要求5星級服務水準，但人與人之間嘅基本禮貌都應該有掛？住長洲幾個月呢間餐聽真係算最差。If you’re looking terrible dining experience then look no further. This is restaurant will serve you a generous portion frustration along with your meal.

屋企樓下好平凡嘅一間長洲小店，平常都有幫襯開，一個月都有幾次偷懶唔煮飯都會落去食，並唔係生客，但今晚係第一次食餐飯咁受氣，當時入面只有兩個食客，我同我老公兩個人入到去啱啱坐低都未睇餐牌，有個新請返嚟嘅男侍應就好唔耐煩咁喺我哋張枱周圍行嚟行去，幾秒後仲坐喺隔離枱面等我哋落單，語氣、態度都係超差又無禮貌，就連我老公咁好脾氣都比佢激到未落完單就起身走，如果以後都請啲咁無禮貌嘅侍應嘅話，真係好難再有下一次幫襯囉，好似趕客咁。

同朋友行完山，偶爾經過，見到價錢都ok，於是選擇此家﹐有個叫「是但D餐」，原來係番茄牛肉湯米線，啲番茄湯都唔錯，最緊要係食完唔口渴，店家好老實，漏咗個吉列豬排未俾上，（其實我冇留意有呢樣嘢﹐只係求其點啲嘢食）﹐好主動問我係咪有嘢未上﹐值得一讚！遊客地區﹐40多元一個套餐，都已經比較少見了。

今日又去長州工作, LUNCH又食喜徠, 本身食左好多次, 但由於就來唔駛再入長州返工,所以終於寫番篇食記自己冷烏冬必食,而且用胡麻汁真係好配合冷烏冬,甜酸味夠開胃,而且冷烏冬又夠消暑.今日餃子賣哂,所以用魚餅代替大大塊吉列豬扖X2,我呢種肥佬都覺more than enough, 外表金黃色,炸得夠香口夠脆口,咬入去炸皮應聲而裂 肉汁都算保留到.可惜冇吉列豬扖的絕配椰菜絲魚餅夠香,有魚味,唔太油.都算好食位置有點難找, 如果你是遊客,的確好易在長州的橫街迷宮中迷路.所以有興趣的食家真係要花花時間GOOGLE MAP了

食肉獸黎到呢度一定有驚喜，每次啲野黎到都會令我同同事忍唔住嘩左一聲出黎！因為塊扒真係有我塊面咁大美中不足既係略嫌韌左啲，𡁻完咁大塊牛扒個牙骹都攰攰地（ps.同事叫既吉列豬扒有兩大塊😍雖然比較切得薄身，不過相比塊牛排， 豬扒既肉質稔身得黎加上炸到脆卜卜既金黃色外層真係諗番起都好想食must order next time 😈