喜悅火鍋海鮮酒家 (已結業)

上星期有一晚,D同事興之所致,話天氣凍要去打爐,咁arm公司附近見到任飲任食都係$78位,咁即管上去試下啦!!!見到點菜單都幾開心,因為有幾多海鮮揀(連蝦都有得點)不過個高瘦既黑面部長,十問九唔應,比張點菜紙佢,發晒難渣咁由我手中搶去,反而D傳菜亞姐都客客氣氣,食到差唔多10:45得番我地幾檯客,個死人部長走去熄電視同一大部份燈,搞到我地幾檯好似有spotlight射住咁食最後埋單仲要我自己拎張card同receipt,我話過因為佢,我以後唔會再去受氣

因在附近居住，每逢大節日都會和親戚們一行廿人在此吃飯。早預料到每逢大節日必定到處都很滿，所以必定很早便訂定枱。有一次，在最少一個月前已經訂了枱，結果到達時接待員說沒有訂枱記錄，我姊夫即時與部長理論。終於那天我們廿人坐了一張臨時加建在電梯及樓梯旁的枱吃飯。第二次，同一個情形又再現。但這次全部爆滿，不能加枱。當時部長及其他職員一點歉意都沒有，我的家人即時破口大駡，並馬上移到附近酒樓吃飯。我的親戚其中是住在上水特意來中環吃團年飯的，適逢這些大日子當時十分狼狽，心裡非常憤怒，已破壞了整家人吃團年飯的心情。從此我們沒有再到過這間酒樓了．．．

Went to yum-cha this morning with wife and kid. I live in Southern District but prefer to yum cha here because it is 1. Chepaer and 2. Usually no need to wait for seats. Bottom line: Eat here at breakfast and dinner. DO NOT eat here in lunch time, especially weekdays. That's when their price will double for most dishes. If you can stick with these rules, you are ok. You can order cheap dim sums before 10.30am everyday, starting from $4.8. There's probably over 20 selections for discount

話說今天12月14日中午一班同事(9位)想開開心飲返餐茶，見中環有間茶樓每次去飲茶都沒有去試過，那麼今次就去去吧!中午一時到達都還有位(注:中環一般十二點四十五分至一時半都難找半個位的)，心想:真好運。入到這間"喜悅"茶樓，開始畫點心紙啦，又見她有些套餐，於是點了個六人套餐(包一窩湯，四個小菜和四個點心都是$278)，然後再加八碟點心，我們點了的四個小菜中有個"乳豬燒味"，四碟點心我們又點了最貴的那四個啦~哈哈.... 事情就一連串發生.... 首先茶樓"部長"上了一碟"叉燒油雞鵝"燒味，我們對"部長"說"我們叫的是乳豬燒味"，得到的回應是..."乳豬要等喎", "乳豬燒味我們都是叉燒油雞鵝上放上幾塊乳豬咋喎", "你們要轉嗎? 要等喎，怕你們不夠時候嘛".. 心想(我又沒有說過我沒有時間)，結果我們硬著頭皮要了這碟"不用等"的燒味，好啦，跟著陸陸續續來了我們點的點心啦，套餐裡的本應是不用在卡"給"印的，怎知上點心的阿姐陸陸續續的"給"印到我們的卡上...結果我們又招了個"部長"來啦，問她是否套餐的不用"給"印，她說"是"，我們告訴她卡上的印錯了但她看看說"沒有錯"，跟著我們跟她計數(

上次係中環食蓮香樓, 今次係呢度打邊爐亦都係任食個種$78一位人客唔多, 但都有漏單既情況出現有D無叫既野又自動送埋來, 唔知做乜甘搞笑整體上來講, 食物都OK既除了豬頸肉同九肚魚, 完全係雪貨, 無味但呢度有汽水, 橙汁, 啤酒又任都算係甘啦

第一印象—快!落單唔夠20秒,就上煎腸粉煎腸粉-唔掂,一夾就碎叉燒腸-腸粉一般,叉燒太少潮州粉果-皮太厚而且唔覺有花生雞絲粉卷.牛柏葉,金錢肚-幾好春卷-夠脆水晶包-幾好,但唔明點解咁多”倒汗水”贈送的甜品-蕃薯糖水-幾好,但薑味唔夠總結:唔算特別便宜,杯碟好舊

這是我第一個食評, 因為平食我都只是開他人的食評去找野食的.. 但這家店真的令我很想在此.. 分享我的食後感... 朋友說見到門口的廣告宣傳小菜好像很平宜，便相約一行4人到此晚飯...我們叫了多寶魚($68)蒜容粉絲蒸元貝($58)螺頭湯($78)炸子雞一隻西蘭花炒雙蚌($78) 芋容炸帶子($68)蝦球(忘記了名稱) ($78)原本我們想點龍蝦($98/斤) 的.. 但她們說最大的都只是1斤4兩.. 提議我們點兩隻.. 但我們最後決定放棄..整點來說.. 多寶魚, 螺頭湯都不俗... 炸子雞皮有少許\\"淋\" 唔夠雞味... 元貝味道比較咸... 西蘭花炒雙蚌和蝦球的份量少得可憐... 只有幾件... 另外..蝦球的汁好濃.. 不太好..芋容炸帶子的芋頭太淋... 咬上去成痴(月利).. 另外.. 完全食唔到有帶子既味道.. 感覺好差..除此之外, 這裡上菜很慢.. (由點菜到上菜.. 足足等了半個小時多... 但人客不多) 待應十問九唔應... 只有最後給我們送水果的傳菜員笑容比較好...最後, 我們一致認為不會再幫襯這家店

尋晚試任食打邊爐, 好正!!!啤酒, 汽水, 菓汁先生橙汁任飲, 發達啦!!!火煱料有肥牛, 新鮮蝦&懶尿蝦(全部仲識郁架)...又有白雲鳳爪, 生果, 糖水等熟食...

蒙牛話晚飯要試新野, 走左去呢度食, 坐係2樓火煱區, 有個42吋plasma比我獨霸, 正~~~叫左個龍蝦$98/斤, 加$38配伊麵底, 唔算太平, 叫左個金銀蛋燕菜$48, 黃金蝦$68. 本地龍蝦2斤幾, 都算有d肉食下啦, 尾位都有肉喎, 殼唔硬, 易咬開~~肉質都好新鮮, 有咬口~~芝士咸左d,所以有點口渴, 伊麵煮得岩岩好, 唔太淋, good金銀蛋燕菜好大portion, 金銀蛋好多, 菜又新鮮嫩口, 味道好清唔太咸, 唔油膩,正~黃金蝦令人好失望, 雖然個咸蛋黃就起晒沙,但個蝦殼未去就煮,要折殼又蝦肉又唔入味,而且蝦係梅的, 蝦肉腍到一pat pat, 好唔掂, 好漏.....no good坐得都寬敞舒服, service唔錯, 加水快, 叫人有人應, 電視任選台, 好好~~

一行12人去飲茶..又係..每人3個點心..叫0左成30幾個點心...冇叫炒粉麵..最好味係咩呢?都冇邊個係特別好的..水準平均..較為唔好食既係個腸粉..太"林"喇個素餃都ok..有栗米,carrot,沙葛,木"ear",,.好好食..個皮雖然唔係好薄,不過夠彈牙.唔會蒸到林曬..d阿姐都ok幫忙..會收碟同加水..埋尾的糖水係豆腐花..都有豆味,香,真係好滑,仲要係送的!

3月11日10:15本約了前輩到蓮香飲茶，好讓前輩能懷懷舊，但人實在太多，前輩不願等，並建議到對面喜悅，因較清靜，方便詳談。客人稀少感覺和蓮香有天淵之別。要了：蝦餃：皮厚，雪白，並不通透，蝦不爽。雞絲粉卷：皮太淋，餡料鬆散，偏鹹。綿花雞：雪雞塊，北菇和少許魚肚。牛肉腸：不滑腸粉皮，配梳打牛肉團。這裡人手不夠，開茶後，我們便被遺忘了，剔好點心紙後，不斷揚手無人理會，最後自己拿點心紙給部長。到埋單時，前輩叫我自動自覺到收銀處好了。題外話：一心想讓前輩懷舊，但他老人家不領情。太座說得對，老人家曾走過艱苦的日子，他們不太願回望。懷舊！讓我們年輕的一代做好了。正如我到勝香園，覺得不外如是，因為那環境和食味，我輩早已習以為常。我外母(過氣職業女性)寧可大家樂，亦不願到茶記，因為她愛整潔的環境。

10/12 2pm今日番半晝,辛苦左咁耐,終於可以有個long weekend 抖抖!男友咁啱編到呢幾日放假,所以同佢黎中環飲下午茶先再行街.本來想去"北園",但等成10幾張枱.唯有行過黎呢間試試,環境尚算舒適光猛.點心方面大,中,小點半價即$11,$9,$7,茶錢$6位.我地叫左百花釀魚肚$16,星斑魚云粥$16(阿姐話呢2款有半價,點知埋單時又話無!),麵豉蒸茄子$9,蘿蔔糕$4.8,竹笙上素腸$9,馬拉糕$7,灌湯餃$8.8,煎薄撐$8.8.基本上食物質素不俗,推介竹笙上素腸,馬拉糕,灌湯餃,百花釀魚肚.埋單$102,我地告知部長佢地有位員工話全部點心都有半價,但而家埋單又吾系呢回事,個部長無咩反應.其實呢餐吾系貴,但吾值!

今晚BF提意呢度打邊爐, 見佢有讚冇彈咁, 就即管試一試.先黎醉雞窩底, 用料十足, 好香!!火鍋配料好多選擇, 大約80-90款競擇, 當中鱔片, 手打四寶丸, 帶子最正. 另外, 鮮枝竹係見佢即刻拆包裝, 材料十分新鮮.任飲罐裝啤酒, 樽裝氣水, 酸梅湯. 茅根竹庶水, 橙汁.晚上9:00後每位$48. 窩底, 醬油, 茶芥加一埋單每位$95.5左右, 都算唔錯, 勝在食物揀手及配料新鮮.P.S.: 唯一要彈就係個場好多人食煙!

同我男朋友食得好開心地方都幾清潔,食物種類都幾多,質數唔錯任飲任食,每人都係$100 到,都算幾抵

上星期天氣急劇轉冷，當然是最好的時機去打邊爐。一心想去灣仔新星，但朋友唔想等位等到儍，所以一於去中環踫踫運氣。先後去過幾間酒家視察環境，但形勢似乎都不太理想。最後走過喜悅，見價錢合理，食物款式唔算”行”，又不用得位，於是胆粗粗走入去幫襯。因為兩個人的食量有限，一坐底立刻上網查詢一下有否其他網友的推介。根據Lulula所講，加上自已心水，終於點了第一輪食物。果然，牛肉唔得，豆苗同蝦都唔錯。蝦雖然細隻但都算新鮮。除了豆苗，油麥菜都非常甜。不過最出色都係非常新鮮的台灣白鱔片，連不太鍾情於鱔片的我都吃到停唔到口。另外帶子片黃”咁咁”，起初大家都猶疑了一會，幸好食落還算新鮮。鮮竹笙亦如是。黑根丸唔得。金錢牛展都有些韌。其他食品如墨丸、粉絲、芋絲、烏冬，雖屬平價貨，但一點都不”行”，可見此食肆的誠意。李麗珍和葉蘊儀還在我們隔離檯一齊打邊爐添！總括而言，於中上環以$48任食打邊爐(最後埋單每人$90)，服務和食物都算有水準。