影片
港铁旺角站 E2 出口, 步行约4分钟
继续阅读
电话号码
28821683
营业时间
今日营业
10:00 - 23:00
星期一至六
10:00 - 23:00
星期日
09:00 - 23:00
公众假期
09:00 - 23:00
以上资料只供参考，请与餐厅确认详情
优惠
9折
点心专门店 $100现金劵 (只限堂食)
$90
$100
呢間以牛肉點心出名嘅點心專門店🤩，我已經食過好多次，喺香港用心製作點心已經買少見少，大家要好好珍惜🫰🏻!!·♡ 鴛鴦燒賣 HKD$38可以一次過食哂2款燒賣✌🏻，乾蒸牛肉燒賣係每次我必點!! 選用新鮮牛後腿肌肉🐃，撻至起膠再加入馬蹄粒、芫茜，絕對係手巧用心💕。牛肉燒賣口感好彈牙，好好味😋！·♡ 粟米煎牛餅 HKD$30先炸後煎，所以牛肉餅個皮十分金黃香脆😊，口感好似食緊薯片咁；牛肉加入粒粒粟米🌽，口感好豐富。·♡ 喜煌鮮蝦餃 HKD$38蝦餃外皮唔算好薄，但咬開係滿口蝦肉🦐，好爽口。·♡ 瑤柱灌湯餃 HKD$45 灌湯餃大大隻😚，外皮唔會浸到好糊口，湯頭加入偽翅、瑤柱、蟹柳等，不錯～·♡ 醬皇金錢肚 HKD$32金錢肚唔會切到好大塊，咬落爽口唔會痴牙😋，幾惹味。·♡ 喜豆百花釀魚肚 HKD$40蝦膠一大球半個拳頭咁大✊🏻，魚肚浸住高湯好索汁😚。·♡ 芥末沙汁三文魚春卷 HKD$35幾新穎嘅配搭，個人幾鍾意芥末嘅甜辣味👍🏻，估唔到同春卷都幾夾。·📍喜煌點心專門店旺角通菜街17號地舖
继续阅读
呢間點心專門店出色呀，好彩你得一間鋪🙏🏼🙏🏼🙏🏼派哂傳單話外賣套餐（原價某餐$69 優惠價係$64 : A指定蒸飯+B指定點心+C指定生菜/甜品+例湯）（有寫每一個外賣盒$1）咁預你頂多加埋3蚊（飯、點心加菜，湯）以前叫開係咁樣裝，可惜少年太天真🥺點知叫完係原價收費+1蚊，收$70😂咁就打去問下收費詳情嘅時候接聽個同事態度好似欠佢錢咁理所當然叫外賣員（擴音對話）：「逐個數比佢睇，外賣兜一蚊一個」原來係每一個塑膠器皿（寫就外賣盒）每個收一蚊，當你蒸飯盒+1 點心盒+1 甜品+1 例湯+1都算，然後醬料兜都計埋豉油+1 辣椒油+1，總共加左$6，最後收費係$70，唔知以為你開廠賣膠定係入落好多膠要清貨???野食差左都算仲要咁樣玩隱藏式收費（本人附近商戶，食物變差同時不斷加價以前成日叫黎食的），然而唔知喺公司政策出現問題定員工心理狀態不佳，不過都冇下次了🙏🏼
继续阅读
周日下午茶時段，一心諗住試下附近的Chef's Kitchen，點知店細客多，店員話至少30分鐘後先有位，身邊有老人家，等唔到咁耐，最後轉場嚟喜煌。呢間點心店之前已想試，但早茶1000先開始，夾唔啱時間。今次趁下午茶時段就試試。店舖有2層，以港鐵做裝修設計的主題，幾適合打卡，遊客應該覺得幾有特色，幾有趣。電子落單，點心選擇算多，尤其牛肉，因為舖頭標明係牛肉世家，所以牛肉點心特多。菜心：味道正常，但好細碟 虎皮尖椒：幾好食，虎皮椒少辣，配豉油相當惹味；釀魚肉好厚身；一碟6件，份量足蝦餃：好似係$38，蝦餃好細粒，有一隻仲爆開咗，覺得唔係好得鳯爪排骨飯：呢款蛊飯係老人家上茶樓必食；睇落去唔錯，算大蛊，仲係原數蛊蒸飯；之不過，個砂煲仔崩咗一大忽，竟然都唔換走佢，食具已經出現咁大範圍的破損，仲照用，爛咗果個位已經界手，如果老人家唔小心食嘢時整親，舖頭於心何忍？而家寫寫下，我都有啲嬲嬲地黑金流沙包：真係唔好食！之前喺點心到食過呢款點心，覺得好食，諗住度度反正都唔係現做，品質應該差唔多，但呢度個包真係爭太遠；餡好少，奶黃隻顏色暗淡，令人冇乜食慾；包唔係熱辣辣，饀亦唔流心，令人失望沙爹牛肉包：唔知好唔好食，但如果話係牛肉世家，吹噓成分應該比較高，因為老人家同狗狗爸爸食完冇讚嘆；會唔會係舖頭自己賣花讚花香？茶：喺呢啲地方飲茶，唔會有太多要求同期望，不過，呢度的茶壺唔大，店員應該間唔時嚟加下水，但可能我哋被安排坐閣樓，基本上冇店員長駐招呼；啲水係滾燙，好難先攤凍杯茶嚟飲如果嚟呢度打卡，都唔係唔ok，不過，我會諗，呢度咁近旺角港鐵站，倒不如直接入地鐵站打卡好過啦。店舖的點心水準低，服務唔太貼心（因為冇人），食具、食物又崩又爛，講真，係幾冇heart既。。。除咗喺環境裝修上花過心思，其他方面太就真係得過且過。我唔會推薦呢度，除非大家好想喺偽•港鐵影幾張相🙈
继续阅读
香港平時食點心都貴得唔合理，但身為一個香港人又點拒絕到點心😭好彩喜煌嘅價錢合理，仲要裝橫都好有80年代風味，打得卡，食物好食有。今次叫左以下菜式🌸鮮蝦腸粉🌸腸粉即叫即蒸，所以腸粉皮好薄身，加少少醬油已經好夠味😍🌸皮蛋瘦肉粥🌸份量好夠，四個人share食都食到兩碗。皮蛋味好夠又唔臭，粥煲得好綿。後生女都鐘意食。🌸鳳爪🌸皮完全唔腍，好好食🌸奶黃包🌸黑色外皮夠曬型格，奶香味都好夠🌸小籠包🌸小籠包外皮唔夠薄，而且唔夠多汁，可以唔洗叫。🌸燒賣🌸隻蝦大大粒，好爽口，不過味道唔夠咁多樣除返都係70蚊，可以話超抵食。味道唔係超班，但咁嘅價錢，好滿意。
继续阅读
20/4/2024📍喜煌點心專門店同屋企人食飯 飲茶就最好不過啦 呢間係旺角嘅點心專門店主打係牛肉嘅點心話自己係「牛肉世家」 好似好勁咁入面裝修幾特別 好似舊式戲院咁 行懷舊風 用QR code落單 只限45分鐘落單時間 （唔知過咗時間係咪就冇得落呢？🤔）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨瑤柱杞子燒賣皇 （$35）幾彈牙 加咗瑤柱令燒賣level up 咗✨竹炭熔岩奶黃包 （$28）細細個 食一個啱啱好 甜度適中 有流心效果 ✨蜜汁叉燒腸粉 （$30）切開咗6嚿 方便同人share 但餡料偏少 ✨海苔香煎蘿蔔糕 （$25）係普通蘿蔔糕 果幾條紫菜係面都冇乜存在感 ✨芥末沙汁三文魚春卷 （$35）沙律醬好多 食一嚿都好膩 仲搶埋三文魚嘅風頭 春卷配咁甜嘅野感覺唔係好夾✨蜜瓜炸鮮奶 （$32）最奇怪係呢樣 陣蜜瓜味好假 冇乜奶味 ✨陳皮山竹牛肉球 （$30）幾大嚿 夠彈牙 ✨酥皮焗叉燒包 （$32）普普通通 可以再酥脆啲個包好鬆軟 酥皮薄薄哋 食落似墨西哥包多啲✨粟米煎牛餅 （$30）外皮脆脆哋 牛肉幾juicy 但粟米唔夠甜⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋4個人食咗9樣野 加埋每人茶位 $8 用咗～$300 大家都食得夠飽嘅 除咗個炸鮮奶之外 其他都唔錯仲有值得讚嘅係全部野食都好夠熱 推薦指數🌟：3/5📍 旺角通菜街17號地舖
继续阅读
您可能会有兴趣的...