喜惶點心專門店

营业中

休息中

乾蒸牛肉燒賣（$32）口感好特別，好軟綿好gel（有可能係啲免治牛撻到起膠），牛肉味係有嘅。加少少喼汁吊味更好。脆皮沙嗲牛肉包（$30）最後一款上枱，即炸，熱辣辣。包的確係脆卜卜，有少少似炸饅頭，但油咗丁丁。裡面沙嗲牛並唔係牛肉片，係牛肉碎。沙嗲味唔算濃，但夠味的。薑蔥牛柏葉（$33）推薦。薑蔥汁夠哂味，牛柏葉索哂啲味，而且牛柏葉煮得好好，有咬口，彈牙，但又軟身。可惜墊底兩件白蘿蔔，有一舊係“腎”嘅。荷葉黑椒牛仔骨飯（$52）牛仔骨夠腍（但疑似用咗鬆肉粉），有牛味，唔算太肥，但有兩件骨比較大，冇乜肉食。飯底勉強合格，因為少少偏濕。鮮蝦炸雲吞（$29）唔太得，雖然脆卜卜，但好油。中間包嗰隻蝦唔算大隻，亦唔爽口。老火湯（大）胡椒豬肚湯（$12）夠哂胡椒味，驅濕驅寒驅風。除咗豬肉、豬肚，仲有用白豆煲，較少見到。$6位茶，冇收加一，只收現金。

呢間係唔顯眼既平民點心店，就咁睇外表真係冇咩信心，但原來大件夾抵食。呢間點心店以牛肉自居，個人覺得的確幾好食，好滑，但未至於好出眾。反而傳統既拉布腸粉有驚喜，真係好滑😆2個人點左6樣野連茶位HKD170,價錢正常，但點心都幾大件，好飽。南瓜芋蓉小丸子真係好推介，好好味，喜歡甜食既朋友應該會好鐘意。由於忠情甜食，一定要試埋佢既奶黃包，但個人覺得一般，首先唔夠熱然後奶黃比較稀同淡味。餐廳細細，唔係可以慢慢坐同傾計既地方，食完好走啦。

旺角依間點心專門店打住牛肉世家既名號，所以招牌菜上面每一樣嘢食都係牛，我哋一場嚟到當然都唔執輸，試吓佢嘅牛肉出品。蒸點同埋煎炸野我哋都有叫到。乾蒸牛肉燒賣，牛肉口感都幾鬆軟，呢個鬆係好食有肉汁嗰種，咬入去仲有大大粒馬蹄，增添左啲唔同嘅口感。呢個煎牛餅對我來講就油左啲，比較似炸點。佢個外圍係脆卜卜嘅，咬開都有好多粟米粒係牛肉餅入邊，味道不錯。講開炸嘢，介紹埋另外一個特色點心 - 蜜瓜炸鮮奶。炸鮮奶食過，蜜瓜味嘅就比較少見。外層脆皮，入邊係甜甜軟軟好似布甸質感嘅蜜瓜鮮奶，食落仲暖粒粒添！相信如果佢出蜜瓜牛奶糕都一樣會好好食～依度嘅春卷都唔係傳統嘅春卷，入面嘅餡料係煙三文魚、芥末沙律汁同青瓜，我個人就比較鍾意傳統春卷味道多啲。最後由於依餐係晚餐嘅關係，我哋都叫咗個飯黎飽肚啲～份量都幾多夠兩人分享（有兩隻鳳爪呢）鳳爪係好林嘅，好容易吐晒啲骨出嚟。排骨就唔會太林，保留返肉既質感。而且餐廳好細心咁 將豉油另上，可以因應自己嘅口味調節咸淡～好彩我哋食飯時間比較早，一入去就有位。但食完飯出嚟見到門口已經有好多人等緊位，似乎都有好多人欣賞佢嘅點心呢！

💛💛💛旺角呢間黃嘅點心店成日都大排長龍🤭🤭最緊要係價錢好平而且水準又高今日專程嚟到試吓佢哋最出名嘅幾樣點心😍竹炭熔岩流奶皇包佢哋嘅奶皇包係必食嘅點心之一🤭外表有別於一般奶皇包 係好sugnature嘅黑金色咬咗一啖之後 啲奶黃就熱辣辣咁流出嚟食果時記得小心燙口呀‼️‼️‼️‼️乾蒸牛肉燒賣見到舖頭d訪問介紹話佢哋幾代人都係牛牛養大可以話係牛肉嘅世家🐮所以一定要試吓佢哋牛肉類嘅點心🐮除咗一般嘅牛肉球之外 佢哋仲有牛肉燒賣🐮其實味道同牛肉球差唔多 🤔不過外表係燒賣嚟 超有特色🥰豉汁鳳爪排骨飯特別嘅地方就係佢哋唔係用一盅盅上而係用瓦煲 好似一碗碗迷你煲仔飯咁🙂所以可以比客人選擇加錢要飯焦底😉海苔香煎蘿蔔糕平時食開嘅蘿蔔糕都唔會加紫菜呢度啲點心真係夠哂與別不同😋原來加埋紫菜有幾夾🧐蘿蔔糕唔會太重粉 夠晒足料呀😝蜜瓜炸鮮奶依個點心真係好小可仲有得食😖就算有都未必係好食😟不過呢度炸得啱啱好外脆內軟😝而且仲好哈密瓜味 又唔會過甜過漏 😳

心血來潮想飲茶，就搵左依間「喜惶點心專門店」。2點去到以為啲人都食完lunch應該無咁多人，點知去到都見到有唔少人排隊，最後2個人排左大約半個鐘先入得。入到去啲位都幾逼，但算乾淨既。係等位既時候已經揀定左食咩，所以啲野食都好快黎到。見到例湯$6一碗咁抵，所以就叫左黎試下。果日既例湯係青紅蘿蔔豬骨湯，湯黎到睇落好足料，飲落的確無味精味，但略嫌有啲淡。依間點心專門店更加標榜係牛肉世家，所以點都要叫啲牛肉點心食，最後叫左「太陽蛋牛肉飯」同「乾蒸牛肉燒賣」。「太陽蛋牛肉飯」我地叫左飯焦底，離遠拎緊黎既時候已經聞到一陣飯焦味，過左一陣仲有一大陣燶味，食到最低啲飯已經燶曬，但牛肉係好食既。「乾蒸牛肉燒賣」既口感都唔錯，煙煙韌韌，牛味同芫荽味都幾香。另外不得不提既係「酥皮焗叉燒包」同「海苔煎蘿蔔糕」，「酥皮焗叉燒包」咬落去好鬆軟，個餡好多汁好多叉燒，食完好想叫多碟。第一次見有「海苔煎蘿蔔糕」好似幾特別咁就叫左，意想唔到紫菜同蘿蔔糕係咁夾，但係蘿蔔糕就有啲鬆散，一夾就散。整體黎講，點心黎講係唔錯，想食點心果時會再去。2個人食到勁飽都係$200有找😋個人評分（滿分為5）味道：😉😉😉😉環境：😉😉😉員工友善

我地真係好鍾意食點心同飲茶🤣🤣 今次我地黎到旺角呢間拒絕CCTVB訪問嘅良心小店- 喜惶點心，店內主打牛肉，一入門口仲有牌匾寫住牛肉世家，知佢咩料啦😆😆野食方面，我地首先試咗佢重點推介嘅➡️"乾蒸牛肉燒賣"，一籠4粒，咬落啖啖肉，牛肉仲好鬆軟，都唔錯架😋而➡️"粟米煎牛肉餅"，外皮金黃色，入面係好飽滿好香嘅牛肉餡，有少少似生竹牛肉加咗脆皮，真係估唔到咁夾😂😂➡️"芥末沙汁三文魚春卷"，就好似三文魚青瓜沙律放咗入春卷入面，外面脆得黎入面又有少少清新感覺，有興趣可以試下➡️"蜜瓜炸鮮奶"感覺就比較特別，平時炸鮮奶就食得多，但係加埋蜜瓜嘅果香同甜味都唔錯，不過就有少少好似變咗甜品嘅感覺🤣🤣➡️"蔥花炸兩腸粉"就真係誠意推介，腸粉皮好滑，炸兩腸仲保持到好脆，而重點係佢地麻醬好香濃同甜醬好夾，正架👍🏻👍🏻

.🔻喜惶點心專門店呢間主打靚牛肉，有幾款特式點心都係用牛肉做☺同埋有牛肉就有芫茜襯宅，雖然我就唔鍾意食芫茜，但係我都會頂硬上試下既！做foodie係可以揀飲擇食嫁！！！！😠(儘量) 唔通明知難食都食咩😝😝.🔻酥皮焗叉燒包($26)呢個唔係成日有嫁，我一坐低見到有張類似廚師推介物體既紙仔寫阻佢，我就即刻話要點啦😂😂因為我好鍾意食叉燒餐包果類野，面頭有滿滿既墨西哥好香好鬆脆，個包好軟熟，個餡岩岩好唔太多又唔太少，所以唔會話過咸或者冇肉食咁😍正！.🔻陳皮山竹牛肉球($25)牛肉球啖啖肉唔在講，d 肉好滑唔鞋口，好似一大舊滑牛擺入口咁😂牛肉球同喼汁係唔可以分開！佢d喼汁唔嗆喉嚨，淡淡既酸味帶dd甜中和阻咁，所以食落好舒服，食果陣忍唔住係咁沾d喼汁😂.🔻乾蒸牛肉燒賣($29) 雖然佢都好特別，但係我都係鍾意食平時酒樓有隻蝦果d燒賣多d, 因為呢粒野好似同牛肉球差唔多，雖然佢都幾好食，但我就推介牛肉球多d.🔻粟米煎牛餅($25)點心緊係要嗌話碟香口野先係完美😂😂呢個都現喼汁食既，不過普通阻少少，但佢都幾足料，唔錯既.🔻蜜汁叉燒腸粉($25) 餡份量還可以，不過嫌皮厚阻d, 食落唔夠滑，對比其他野冇

依家食點心已經唔會再有時間限制，我比較鍾意晚飯時段黎，人流無咁多，坐得舒服d，食落都會好味d...今次選擇左係西洋菜街既喜惶，以“牛”系列為主既點心專門店~原來晚市都要等位，咁就知有幾咁吸引!同老公total 叫左7個點心，每款都好滿意~茶位4蚊位，點心價錢亦都合理，而且keep單，30日內再食，下就仲有9折!乾蒸牛肉燒賣~牛肉好有山竹牛肉既口感，外層用燒賣皮包住，頂部舖滿蟹籽，牛味濃，係我暫時食過最夠料既牛肉燒賣！免治牛肉腸~1碟有6件，腸粉皮夠滑，再包住足料既牛肉，既傳統亦好味道，只係個皮厚左少少！粟米煎牛餅~上碟香噴噴，外皮薄而脆，煎到金黃色，亦都好香口，大小朋友都岩食既竹炭熔岩奶皇包~熱辣辣既，呢款包就好似佢個名咁，奶皇係熔岩流心狀態，係級好味，亦不會過甜，大力推薦!鮮肉灌湯小籠包~小籠包最重要就係汁夠多，呢度做到皮薄肉鮮甜，值得一試既~鳳尾蝦香辣鹹水角~鹹水角好有驚喜，好多茶樓既料愈黎愈炒，好似空氣咁!但呢度唔會，料夠多，個皮炸到脆卜卜，再加埋鳳尾蝦，睇~得又食得!醬皇金錢肚~以白蘿蔔配上金錢肚，蘿蔔鮮甜，而金錢肚每啖都入晒味，即刻想配返配白飯!可惜本來想試黃金牛肉芝士包，但

以前細個唔太熱衷飲茶, 而家大左, 唔係成日得得閒同屋企人去飲茶,所以特別掛住一盅兩件既感覺.見到呢間都幾抵食既點心專門店~今晚同朋友就黎試下啦!老火湯(大): 粉葛赤小豆呢度既老火湯標榜無味精, 日日不同~真係好有家既感覺, 好埋係勁足料! 見呢度出名牛肉, 亦係牛肉世家, 當然要試下D牛肉食品!燒汁牛肉蝴蝶餅呢個既食法有D似片皮鴨, 個燒汁好夾牛肉, 而且夾埋片青瓜, 好清新~一啖有齊3種唔同既材料, 口感豐富! 十分推介!乾蒸牛肉燒賣比一般既燒賣大粒D, 帶有少少莞茜香味.而且粒粒都好飽滿!粟米煎牛餅煎得好香脆, 即叫即煎, 真係新鮮熱辣!牛肉都keep住juicy, 加埋D甜甜地既粟米, 又係一個新配撘!竹炭熔岩奶皇包黑金色, 相當型格霸氣!一met開流心奶黃大爆發, 食落唔會太甜, 仲有好香濃既蛋黃奶味~ 籠仔荷葉北菇蒸雞飯材料滿滿, D飯帶有陣陣荷葉既香氣!鮮肉灌湯小籠包湯汁鮮甜, 肉餡飽滿~紫薯南瓜小丸子最後黎個小甜品作結~外脆內軟好好食!仲有支裝汽水, 好難得~Overall, 呢度環境舒服新淨, 而且食品既價錢都十分親民~ 牛肉既點心非常出色特別, 不愧為牛肉世家!

男朋友喜歡食點心，這間以新鮮牛肉製作特色點心，所以今晚就同佢黎食晚餐。環境好乾淨整齊，感覺唔錯！以不同款式的點心圖片及可愛的籠子、算盤等為牆上裝飾，這裡除了地下，還有一樓坐位，地方都幾大不會好迫的感覺！舒適坐位，椅子背更是笑笑臉的可愛造型坐下就送上熱茶，枱上有點心紙及鉛筆讓我們寫下點心！幾方便！1. 晶瑩鮮蝦餃小小精緻的蝦餃，透明的皮好薄但煙韌、內餡有爽脆的蝦子；2. 乾蒸牛肉燒賣這個好好味，是必點推介！牛肉牛味濃郁、香軟又多汁唔乾身，又大粒又飽滿，中間拌了粒粒爽口的馬蹄及香口莞茜，而外皮好軟滑及上面有粒粒蟹籽的彈口，點上酸甜的喼汁，真的好可口美味；3. 蔥花炸兩腸粉我推薦這個好長又粗粗的炸兩腸粉，喜歡這個超多醬汁的腸粉，熱辣辣上枱、即點即拉香軟皮薄的腸粉卷著脆卜卜的炸兩，配上香口芝麻、麻醬、甜醬及豉汁，拌碟就有2條蜜糖豆；4. XO醬炒蘿蔔糕好用心地4邊都煎得好香脆的蘿蔔糕，外脆內香軟入味的蘿蔔糕煎得好靚又配上拌碟的芽菜、蔥段、紅蘿蔔絲及XO醬，超野味又香口；5. 即煎京燒叉燒包男朋友好有興趣話未食過，煎得熱熱的、香脆的外皮及底部麵包、中間夾著香甜軟腍的叉燒；6. 竹炭熔岩奶黃包這個

難得旺角有好食既點心鋪兩個人叫左7樣野，啲野都黎得幾快，職員好主動去跟佢地招牌自家養牛，出左幾款至少我出面睇唔到既菜式，例如乾蒸牛肉燒賣，都幾好食Xo 醬炒蘿蔔糕，個糕可能係自己整 唔夠粉，比較林，但夠味蜜瓜炸奶一碟有三件大大件，好好食 無太實靚靚竹炭奶黃包，好重煉奶味，有咸蛋黃粒最後仲有個飯作結

在旺角女人街發現這間「喜惶點心專門店」，外表平平無奇，但覺得是牛魔王之輩必定喜歡。店子位於女人街排檔的側邊，真的會很容易錯過。但入內後發現「牛肉世家」這個牌匾，直覺話比我的此店的牛肉類出口品應有料到。原來店主是牛肉賣手世家，所以牛肉類點心至少在來貨上會有品質保證。最終我點了一個太陽蛋牛肉飯、燒汁牛肉蝴蝶餅同乾蒸牛肉燒賣，看看他是龍是蟲。食物頗快便出來了。太陽蛋牛肉蒸飯賣相OK，蛋唔會過熟，肉餅夠厚身有肉味，具質感，不像大部份店子般成塊肉「軟pat pat」，飯亦算蒸得乾身，粒粒分明，整體而言相當不俗。燒汁牛肉蝴蝶餅其實只是用薄身饅頭夾煎肉餅，用的牛肉冇咁厚，但煎得幾香口，加埋上面的燒汁，吃起來有點像吃中式漢堡包呢。牛肉點心中，此店的乾蒸牛肉燒賣最啱我心意，手切牛肉吃得出牛肉的筋，吃來很紮實，肉味夠濃，讚！至於非牛肉類點心中，我吃了一個銀蝦蔥花炸兩腸粉，銀蝦算多，油炸鬼上桌時仍相當脆口，腸粉皮夠薄，唔錯。一個人最終吃四樣東西連茶錢收$104，在旺角區來說不算貴了。唯有有點問題是我坐在二樓，店員在上完我的東西後有好長一段時間無影，要加單比較麻煩，看來坐地下會方便一些。

朋友介紹說女人街內有不少好野食，其中「喜惶點心專門店」剛開業不久，掛著「牛肉世家」的牌坊，以供認新鮮牛肉來製作香港點心作招徠。其實我很喜歡吃點心，近年開了很多點心店，方便人少少都可以去飲茶，而且從早到晚都供應。這天剛好在附近開會有個下午茶空檔，便來到「喜惶」飲下午茶。餐紙上有乾蒸牛肉燒賣的相片賣相不錯，點來試試。牛肉果然新鮮沒有雪藏味，即叫即蒸，牛肉上面有些蟹籽，燒賣皮薄，餡料爽口。另外，點了兩個甜點，一個是蜜瓜炸鮮奶，炸脆皮內包著蜜瓜味的鮮奶醬，外脆內香滑。另一個藜麥椰香鮮奶凍，香滑的椰香奶凍上灑上一點藜麥，帶來健康新口味。