喫麵 (K11 MUSEA) (已搬遷) 新店位置

上次喺K11聽完展覽送咗一張coupon係$300 -150，唔可以喺依間餐廳用所以嚟試吓。餐廳唔係好多人可以自己入去揀位，自助落單。餐牌有好多唔同嘅麵食，多國選擇，有啲想食成都嘅麻辣麵，又想食越南嘅船麵。不過最後都揀咗新加坡嘅喇沙麵，香港九龍城嘅沙嗲和牛公仔麵，仲有中國嘅雲吞撈麵。🌟新加坡喇沙麵唔太平，索價$100+， 但係碗麵好大，好多科，喇沙湯底微辣帶椰香，麵條軟硬度適中，幾好食😋🌟蝦蝦🦐薄餅🍕酥脆不油膩，我只係食到一啖，其他俾小朋友食晒😂🌟香港九龍城沙嗲和牛公仔麵真係俾佢嘅和牛個名吸引咗，平時食沙嗲牛肉公仔麵就食得多，到底和牛會唔會唔同啲😂，答案原來差唔多。$8x,本人覺得貴咗啲。🌟中國雲吞撈麵麵條色水好靚，撈面顏色好均勻，俾埋相都好吸引，麵條爽身彈牙，配埋肉碎食好惹味，鮮蝦雲吞啖啖肉都好好食😋🌟炸雲吞燒賣拼盤炸得夠更新唔會油立立，主要係俾小朋友食，佢哋話好好味👍🏻

一年兩天也來這餐廳吃午餐，當然是給它的味道吸引了，而且自助形式夠簡單，餐牌食品及飲品也有好多選擇，經常過來其實也不會悶。今天用餐又可以用消費券又可以有75折優惠，實在一個字抵，點可以唔多D來呢。

來K11 Musea 喫麵，預先在openrice book位，在屏幕點餐，現在食滿$150， 可以請職員幫你入優惠碼，便有75折，最後要用消費券結帳，店內全自助形式，坐位濶落，算幾舒服，慢慢食慢慢傾都冇問題。

一直想搵一間麵店🍜，可以吃遍東南亞美食😋！成日喺K11 MUSEA行街🛍嘅我，發現咗呢間YumMee(喫麵)，當然唔會放過，搵咗朋友一起品嚐一下👬🏻！ YumMee(喫麵)店內設計充滿現代感✨，環境寬敞舒適，店裡匯集多個亞洲城市之著名麵食🍜，同時都提供咗多款不同城市之著名地道小吃、飯食和甜品等等，選擇多元豐富，任君選擇💁🏻‍♂️！ 而且餐廳坐落喺全新體驗式購物藝術館K11 MUSEA 💫 入面，當中其一聚焦點為佢係全自動選購程序 🙌🏻，顧客可以喺自助點餐機🤖或者喺座位上素描QR Code📲選購食物及以電子付款形式結賬，全程十分方便🥳! 我同朋友當晚點咗幾款東南亞美食🍽： YumMee(喫麵)曼⾕⽜腩🐮船麵「船麵」是非常傳統泰國🇹🇭小吃，起源於水上市場於船上販售，味道濃稠鮮香，搭配牛腩，豬肉丸，牛肉片...等豐富配料，湯底微辣味道正宗，非常過癮🤩！新加坡🇸🇬海鮮🦐喇沙香濃湯底搭配蝦仁，魷魚🦑，白魚蛋，魚片🐟仲有溏心蛋🥚...等豐富配料。魚蛋爽口彈牙，魷魚切絲口感彈脆，溏心蛋濃稠甜蜜，配上油麵，搭配合宜，美味🤤！ 馬沙文咖哩雞🐔馬沙文咖哩味道豐富濃郁，辣度溫和，雞肉軟爛不柴，搭配酥脆薄皮，滿

要尖沙咀行街食嘢買嘢點可以少得去K11呢！呢一間位於K11嘅色店裝修精緻，而且利用日式小清新風格令到你置身於日本當地一樣。而食物嘅質素更加錦上添花！/上海麻辣黑毛豬扒擔擔麵 💰98 9⃣️分首先豬排鬆軟但外皮脆到隔離街都聽到，而不得不令人心醉神迷既係佢擔擔麵！擔擔麵啖啖都好入魂，味道濃郁，霸氣而又令人軟服係佢權威之下，回味無窮。/吉隆坡海南雞喇沙💰118 9⃣️分海南雞皮滑肉嫩，雖然配搭濃郁喇沙湯底，但雞味依舊鮮甜。而麵底本身都係濃郁而飽滿，令你一口食完緊接第二口。/吉隆坡森巴醬拌麵配日式叉燒 💰78 8⃣️分拌麵雖乾爽，但入口完全唔會乾，反而爽口彈牙，而日式叉燒本身肥美好大塊，鹹香味十足！/炸蝦薄餅💰58 8⃣️點5⃣️分外貌平平但係口感非凡。金香酥脆，同樣又係令隔離街都聽到既咀嚼聲同脆皮聲又再次展現。配搭酸甜辣醬食，又別有一番風味。/黑糖港式珍珠奶茶 💰42 8⃣️分賣相十分吸睛！小熊仔好似浸溫泉咁係上面慢慢融化，認真盞鬼。/京都柚子檸檬茶 💰42 8⃣️分京都我飲落就酸酸甜甜咁好開胃，都好消濟。係炎炎夏日透心涼系列既小清泉。

無得去旅行，想食台灣牛肉麵，泰國船麵，新加坡喇沙，港式沙嗲牛肉麵，樣樣都想食，點算好啊？但係… 竟然！俾我喺K11 Musea嘅YumMee一次過滿足晒我咁多個願望！餐廳採用自助式，自己搵位，每張枱都有QR code自行落單俾錢，自取。Menu嘅主食同小食各有十幾款，真係樣樣都想食，今次等我試住少少先。🍜新加坡海鮮喇沙 $108要搵一間好食嘅喇沙真係唔容易海鮮喇沙係新加坡做法椰香比較重，好香，微辣跟足傳統用油麵同米粉海鮮有蝦，魷魚，魚片，青口，魚蛋，超豐富第一次食喇沙竟然係用溏心蛋，連埋湯底超正一定要將最索汁嘅豆卜放到最後先食好食嘅喇沙我一定會飲埋佢嘅湯底呢一間我飲到一滴都冇得剩除咗海鮮之外仲有海南雞選擇🐮九龍沙嗲和牛湯麵 $88好耐無食沙嗲牛麵喇見到menu仲要係和牛梗係即刻order啦好濃嘅沙嗲湯底配上嫩滑和牛將呢個經典食品提升🍯蜜糖蒜蓉炸單骨雞翼 $48單骨雞翼真係懶人之選配上蜜糖再架邪惡嘅蒜蓉去炸真係yummy yummy 🤤 🦑沙嗲玻璃魷魚 $48爽彈嘅魷魚加上濃濃嘅沙嗲汁魷魚都唔係需要𡁻好耐嗰種整體都唔錯🧋黑糖港式珍珠奶茶麥麥熊 $42睇Menu見到張相已經即刻話要叫嚟試吓

k11 musea真係好多野食! 今次發現左依間喫麵, 佢唔止食碗麵咁簡單, 而係匯集多個亞洲城市既著名麵食, 換言之拉麵, 擔擔麵, 船麵, 雲吞麵等等全部都可以係度食到!布吉大蝦冬蔭功粉大蝦開左邊, 食起上黎方便d, 湯底夠濃郁, 入口有刺激既冬蔭功感覺, 湯粉好快索湯, 啖啖泰國味道, 食完更加掛住布吉!河內和牛湯河朋友話想清清地, 揀左pho, 湯頭清甜鮮味, 和牛腍滑, 味道不比食pho既專門店差!成都紅油抄手五粒紅油抄手, 餡料飽滿, 內有原粒蝦肉, 入口彈牙, 大大粒夠滿足, 味道微辣, 可以再重口味一點就更好食!芒果糯米飯連最愛既甜品芒果糯米飯都有, 椰汁夠香甜, 糯米飯軟糯度合格, 不錯!飲品叫左台北火龍果檸檸綠茶 & 吉隆坡薏米檸檸綠茶, 兩者都清清甜甜幾解渴, 加上少少檸檬味仲幾開胃添!依度真係幾乎你UP得出既亞洲小食同埋麵都有齊, 梗有一款ARM食, 而且半自助式成個用餐過程叫做快靚正, 值得一試。

沙嗲牛肉麵- 麵硬、唔夠味燒賣-多粉 ，便利店的比這家好（sorry) 菜- 好、夠綠、夠趣夠新鮮。不過炸蒜唔係人人接受到，個人覺得好「銀」口銀針粉-怡保醬口味都幾好，似有蝦米嘅甜豉油簡簡單單都幾有風味適合坐低飲嘢對食物冇要求人士環境乾淨衛生服務員態度可以可能因為食物水平一般唔係太多人行得攰歇下腳都OK嘅點餐用QR code不過叫三樣嘢，會分三次出去拎，次次要帶返口罩出去攞就唔係咁方便啦。可能係食物嘅溫度同埋方便有下取捨

朋友要去英國了，揀左呢間farewell佢。我哋四個人叫咗Yumee小食拼盤，三個飯：一個牛展飯、一個吉隆坡傳統蝦麵，一個係豚肉咖喱飯。牛展飯正正常常，可以多一點牛展😂。小食拼盤不過不失，雞肉串燒最普通，魷魚就好食嘅。個麵就一般般，湯底就濃味咗啲，蝦唔算入味。飲品方面，我地叫左檸檬荔枝茶，京都柚子梳打，甜左d；至於佢有個餐廳推介黑糖珍珠，我哋就覺得都幾好飲。環境就好寬敞，都唔會趕人走。最唔好嘅就係冷氣好凍，唔知佢係咪跟musea嘅中央冷氣。

小姪女❤️考完試， 要出來放鬆下😌帶佢到K11 Musea 行下行下搵到角位這間喫麵，餐廳裝修別緻，整潔😍 而且可自行落單方便快捷👍🏻👍🏻「布吉大蝦冬陰功配飯」👍🏻👍🏻 超喜歡這款冬陰公湯，不太辣，而且有泰國風味😋 大蝦相當新鮮🥰 又大隻👍🏻「蜜糖蒜茸炸單骨雞翼」 蜜糖配上蒜茸是一流架😍 雞翼炸至香脆，絕對是我最愛😌「吉隆坡龍蝦海鮮蝦麵」有半隻龍蝦，份量十足，湯底濃濃蝦味🥰「沙爹雞肉串」沙爹醬正呀😂🤣「京都巨峰提子梳打」&「京都柚子梳打」飲品大大杯，抵！備註：🔺 自助形式，要自行取餐🤓🔺緊記取餐具😂🤣😂

估唔到k11 musea咁高檔地方都會有咁差質素餐廳店內只有1-2名職員，點餐取餐都是自己做，呢個價錢我洗鬼係度食咩？我去返food playground食唔好？真係中晒伏兩人咁樣叫，已經$300又唔飽，我食車仔麵無咁嬲❌京都洋蔥和牛飯 $108呢個真心差，啲牛係最cheap牛肉，連吉X家牛肉都好過佢，佢呢d又無味又硬，仲話係和牛？呃人吧！擺個樣都衰過人，見到都唔開胃❌曼谷牛腩船麵 $98呢個正常d，味道可接受，但份量偏少，仲有配料好普通，完全食唔到難忘感覺❌小食拼盤 $98食左兩舊春卷先記起要影相報告大家（完整版睇返第一張相）呢個伏到爆，$98俾d咁嘅嘢，雞翼仲要單骨，肉硬無汁；串燒肉又鞋口又無味；炸魷魚好細條，無鮮味；春卷都係無味，食完想嘔！每一個小食好差，千祈唔好叫佢，又唔好食又唔抵食，換來成肚氣

呢間店有好多不同國家嘅麵食選擇，今日試咗四川擔擔麵同新加坡風味嘅炒銀針粉。味道ok,正常發揮。有驚喜嘅係小食炸魷魚鬚，粉漿好薄，酥脆香口，魷魚鬚鮮味彈牙，且入味。

今日同朋友喺K11Musea度行吓街，見到呢間餐廳好似以food court嘅形式咁，乜都有得食。嗌完嘢食之後就可以自己去搵位，佢啲座位其實都算多。然之後就等廚房嗌你個單Number去拎嘢食，完全係自助形式。朋友嗌咗個吉列黑毛豬扒擔擔麵，佢個面唔會太辣，都好香花生味，份量都幾多。而佢啲吉列豬扒嘅炸份唔會太厚，食落都鬆軟。我自己就揀咗個京都蟹腳醬油拉麵，就咁睇佢隻蟹腳真係好巨型。拉麵湯底亦都真係偏濃味，比較咸。然後我哋叫咗個泰式炸魷魚鬚做小食，同樣地佢啲炸粉真係唔厚，亦都醃到入晒味，又唔會炸到乾晒，真係幾唔錯。另外朋友就叫咗個芒果糯米飯做甜品，佢呢個甜品啱啱好可以兩個人食，兩舊糯米飯應該加咗斑斕汁，但係又唔係好食到斑斕汁嘅味道，不過感覺比較甜少少。另外嘢飲方面一定要試吓呢度咁特別嘅啤啤熊珍珠奶茶，滿足下少女心，因為啤啤熊真係好得意。咁樣食法又要自助，其實價錢真係唔算平，不過喺呢個商場來講，價錢都算比較親民。

見到openrice d評價好似五錯，就打算試下呢間餐廳有幾多元化，有幾多國菜，點知睇一睇個餐牌其實唔算好多選擇！ 餐廳係自助式的，自動用程式下單，付款後會畀個牌，有響聲後，就去拿餐！ 職員嘅服務態度好一般，等一個麵都要勁耐，食完一碗，另一碗先出到，問個職員仲要唔耐煩過我哋 話說點咗個和牛沙嗲米粉，嗰張相明明係厚切和牛，點知出到嚟好明顯係沙爹肥牛真係騙照！米粉好多，牛肉就少，簡直係重口味，茶餐廳仲好食！呢個蝦餃啲皮極度唔好食，好粉呢碗麵等咗成半個幾鐘先到，睇落去足料，但係超級重口味，超級重味精呢間嘢真係冇下次，高級快餐店，食完仲要勁口渴！

亞洲區多款標誌性既麵食雲集哂係呢間店到。先到自助/counter點餐，然後自己搵位坐底等叫號。🥢新加坡海鮮喇沙🥢 $108喇沙之最，食過當中濃底最濃厚，質感勁稠密勁漿，椰奶無咁重反而突出左香料，不過就油左少少。魚蛋好彈牙，食落唔會覺得成好粉。🥢布吉大蝦冬陰功粉🥢 $118蝦既鮮味都入哂係湯到，飲湯先係要主要，又酸又辣又甜，同泰國菜店飲既一樣。🥢泰香炸魷魚🥢 $48魷魚酥香，帶郁香檸葉芳香。🥢蜜糖蒜蓉炸單骨雞翼🥢 $48雞翼唔會過老仲好蒜，不過睇落好細隻。🥢黑糖港式珍珠奶茶麥麥熊 & 台式火龍果檸檬綠茶🥢 $42茶味重既奶茶好正，珍珠甜度剛好，加埋可愛既熊仔造型冰。