喫麵 (K11 MUSEA) (已搬遷) 新店位置

喫麵地址: 尖沙咀梳士巴利道18號K11 MUSEA1樓136號舖行街行到唔知食咩好，咁就是旦行咗入 @yummee.hk  試試佢。 吉隆坡傳統蝦麵 🦐🍜 $98 湯底味道幾特別，味道濃郁帶鮮，少少辣，食落都幾惹味。 麵既份量唔算多，但麵質帶點點彈牙，再加上青口、蝦、腩片、通菜、溏心蛋、芽菜等配料， 整體味道都算唔錯。新加坡海鮮喇沙麵 🍜 $108喇沙湯底非常濃郁，味道都幾正宗。米線吸收了喇沙味道，掛湯力非常高，不錯。#nicefoodie尖沙咀

地點真難搵，食物不是等同價值，但熊仔非常可愛，可惜是一隻泰式薑茶係當天冇貨，但都嘗試了另一款好味。當天坐的位置二人枱比較狹窄，見有四人枱而沒有人等候，也不會給你坐。整體看可以說是不妨一試但不會再去的餐廳。

今日去左K11 musea嘅喫麵食晚餐，間店嘅地點比較難搵，musea裡面真係好似迷宮一樣，搵左一陣先搵到，鋪頭裝飾有一個很有效的Lcd mom, 播放著東南亞的風景照片，很有時代感。我Order左上海麻辣黑毛豬擔擔麵同吉隆坡咖喱燒賣腸粉，首先講左擔擔麵先，個湯底有濃濃的麻辣嘅香味，加上花生醬等配料令原來的擔擔麵湯底再上一個層次，麵的硬度適中，煙韌有口感，黑毛豬是吉列的，皮好脆，肉質好厚實，幾好食。吉隆坡咖喱燒賣腸粉，咖喱汁好夠味，少少辛辣，腸粉好滑，燒賣有5粒，本身無味嘅燒賣，加左咖喱汁就幾特別。總括黎講，最Like個擔擔麵，必食推介！

星期日晚上6點到，有很多位，我們點了擔擔豬扒麵、咖喱豬扒飯。兩款豬扒都是一樣，但係擺碟就有分別了，味道不錯， 都是很溫和，不是很辣，此店我已經來了很多次，都是因為容易搵位，而且味道不錯。

喫麵有各地的粉麵、米線、小食和甜品，以東南亞風味為主。我們點了新加坡海鮮喇沙和曼谷牛腩船麵，兩款的湯底都很濃郁，而且十分足料，好大一碗✨ 相比起來，喇沙會稍微重口味些，吃多了會略感油膩，需要喝口茶調劑下😝

想食啲東南亞嘢，經過見到呢隻熊仔喺嘢飲上邊覺得好得意即刻行入去試吓！今次嗌左：✨黑糖珍珠薑奶麥麥熊🧸：隻熊仔真係好得意，成餐飯不斷望住佢食不過其實杯野唔係幾好飲，太多冰了，沖得好淡。另外啲珍珠唔太彈牙，口感偏淋。✨吉隆坡傳統蝦麵🦐：呢個就okay，入邊有蝦、魚片、通菜etc. 湯底感覺上有啲味精但都幾好味嘅。不過碗麵唔算大碗，食完我仲有少少肚餓🤣🤣整體來講我覺得不過不失啦，未必會再特登返來吃。

這間餐廳有多種東南亞食物，我地點了牛𦟌湯麵及排骨擔擔麵，非常好味，自助點餐形式冇問題，環境寧靜，顏色佈置也令人舒服，坐位也不是每一組一式一樣，明顯低調地有點特色，已經來過幾次，會再來的。

今日去呢間食午餐叫咗個上海麻辣擔擔面同埋一杯西柚檸檬茶上海擔擔麵偏油，麻辣味唔算香嘢飲即使叫咗少甜但係依然好甜有員工折扣七折先至覺得價錢比較合理如果原價我唔會再幫襯 因為又貴又唔好食

今日再一次嚟喫麪食，叫咗冬蔭功蝦湯河粉，玻璃尤魚，香芒米紙劵，同埋泰式船麪，甜品食泰式香芒糯米飯!雖然自助形式，但係夠靜，坐得夠舒服，服務員都好helpful，冬蔭功蝦湯河無得輸，一個字"得"!出面有好多貴過佢，味道都無佢咁好，隻蝦起碼新鮮，一定再幫襯!

上次約咗朋友喺K11 Musea傾偈，想搵一間清靜坐得比較耐的餐廳，最後我哋行咗入Yumme ，因為望落去冇人😅餐廳似快餐店，較貼地。地方寬敞，坐得幾舒適。主要係麵食，選擇幾多，有上海擔擔麵丶香港雲吞河丶泰國船麵丶新加坡叻沙丶越南湯河丶台灣牛肉麵丶日本拉麵等等 ⋯⋯價錢都唔平，不過喺K11搵個舒服位置都差唔多。我自己食咗個麻辣雞絲麵好香口，好有台式的風味。另加點了一杯魔幻熊珍珠奶茶，做型非常可愛，十分適合打卡。但味道冇乜特別。有少少失望😞。

每星期六都去尖沙咀陪太子讀書, 所以每星期都一早在OpenRice上預訂餐廳省卻排隊時間, 而且預訂餐廳有優惠, 真係一石二鳥! 今個禮拜就試下這間在K11的【喫麵】因為用Openrice 訂位，消費滿$150 可以享7折優惠，真係超抵！【喫麵】餐廳位置比較難揾，不是坐落於餐廳樓層內，最後要問了兩個職員先揾到。 餐廳附近都是商店，就連門面也很難發現招牌。餐廳以自助形式運作，客人在餐廳外的電子屏幕單，入去揾位，再等叫号碼出去攞食物。不是什麼新事物，但某些方面餐廳可以安排更加好。1. 首先，電子屏幕單只有兩部，幸好沒有太多客人，排隊時間不太長。2. 店員話自由揾位沒有限制，但當小編坐下又安頓公主後，有店員走來叫小編轉去2人枱……其實小編不介意，但為什麼不一早說? 又或者餐廳為客人安排位置？3. 自己取食物不是問題，但是小編叫了四樣食物，店員每款食物都叫号碼出去取 (不得等所有食物ready)，小編就來回四次取食物。另外飲品及食物取食物是分開的, 真係要留心等叫号碼 (沒有顯示的)。4. 店員態度真係一般。說回食物。餐廳叫【喫麵】應該要叫碗麵試下, 但是公主主動話要食海南雞飯!【海南雞

經過呢間餐廳兩次，見餐牌啲相幾吸引，所以今日決定嚟試。叫咗個新加坡海鮮喇沙、泰國牛腩船麵、一碟咖喱雞配薄餅，同一杯新加坡薏米檸檬綠茶。喇沙同出邊餐廳嘅差唔多，冇特別驚喜。船麵比較失望，個湯完全唔熱，啲麵好明顯係用滾水煮熟咗之後倒落碗湯度，啲麵完全冇味😖咖喱雞碎上，啲雞都唔入味。應該冇下次lu…..

熊熊飲品好可愛，食物也好吃，環境像高級版的快餐店，CP值可以，服務也不錯，交通方便，從尖東站走進K11 musea 就可以了，走過去全程有冷氣，不會覺得辛苦，地點也很容易找到。但有一個地方不是很滿意就是，熊熊飲品本來有好多不同口味的，但是現在只剩兩種口味可以選擇，對於這個我不是很滿意。

兩個人吃午餐，簡簡單單點了兩碗主食加兩份小食，再加一杯凍飲。 一向可以食辣的我地，絕對敗給「成都麻辣海鮮什錦麵」，辣度十足，爆汗呢，但其實幾好味。「九龍沙嗲和牛湯麵」反而普普通通。「網絲海鮮春卷」好味😋。「蜜糖蒜蓉單骨雞翼」就普通。「檸檬荔枝茶」少甜，冇茘枝味。

湯圓突然話想去 K11MUSEA食野 拿拿林查下 呢間訂得切枱 消費券埋單仲打7折 即訂🤩·以下為原價 Openrice訂枱滿$150用消費券埋單有7折， 全單7折後$145.6🔸吉隆坡海南雞飯 $118自助餐盤幾好拎（亮點誤）海南雞肉嫩而帶有少少嚼口 油飯粒粒飽滿好味 湯有啲葱同豆腐粒 也不錯喝 原價$118就唔太值 有折就尚合理啦🔸香芒莓莓熊 $48外形吸睛 味道竟然也不錯 芒果汁無怪異藥水味 而且唔太甜 莓莓熊慢慢溶埋混和 味道又更有層次 湯圓獨飲晒成杯⋯🔸黑糖珍珠薑奶麥麥熊 $42以為會好甜點知有驚喜喎 加左薑奶中和左黑糖漏漏既感覺 珍珠都算軟糯 飲到近尾混埋啲麥精效果更佳🤣補充：用機點餐全單確認後 店員會過黎按Code打7折 用消費券俾錢就得啦😆