嘉兵衛 (已搬遷) 新店位置

六時左右經過這店，已見不少客人，心想一定有好野食，於是入內。看了餐牌，很快便點了餐。漸漸客人也愈來愈多，不久整間店也滿了。我們點了廣島蠔定食。先嘗嘗湯，材料十足，清而不淡。再吃主食，那隻蠔又厚又大，再加上各種配料，超滿足呢！另一碗豚肉定食。豚肉鋪滿了整個碗，有惹味的燒汁，一試未忘！美中不足的是等候上餐的時間較長，如想品嚐預早一點！

收藏了嘉兵衛在口袋中一段日子, 也未來光臨, 最近見到報章報導, 再次興起來光顧的念頭, 就襯聖誕節, 支持一下小店, 來吃聖誕大餐吧! 我們早幾天已訂位, 在早一天有電話提醒並說可能多人要等一會才有位, 當天我們準時去到, 不用等位便可入座, 雖說限時1 小時15分鐘, 但食物煮得較久, 而我們也叫了比較多食物, 時間到也沒趕我們走, 但我們七點吃到八點半也走了。 餐廳是來自崎玉縣日本人開的, 作為老闆和主廚, 和太太在元朗一起經營這間家庭式小店, 主打丼物, 也有不少日本風味小食, 價錢相宜。  平常去到日式超巿見到不少日本美酒, 都不知哪款好喝, 跟小店入貨喝就對了, 所以拍了這一張留待日後參考, 但自己始終少喝酒, 如果一大支就要喝很久, 所以有時在外喝就好。  小店不像一些連鎖店, 三分鐘可以起到全部菜式, 這裡即叫即煮, 全部用心烹調, 我們想等齊食物大合照, 落單起計等超過半小時, 特別滑蛋吉列豬扒飯最耐, 但期間食物是一道道出的, 如果邊吃邊等問題也不大。 秋葵豆腐柚子醬油沙律 $48 沙律內的食材都是微涼的, 秋葵切到細細粒, 份量不多但新鮮, 沙律菜也一樣, 量不

今日收工去元朗整野，終於可以去呢間上次想食又食唔到既日本料理啦。因為聽元朗人介紹話好好食架，所以今次明知入元朗就早d 搵朋友book定位。如果唔係又有排等，就算等到位都未必食到，因為晏左d食才會售罄晒架🙈🙈🙈我地幾個抱住好期待既心態去，未夠鐘開門我地已經係門口睇定食咩，諗住一夠鐘就入去食早個飯。入到去，鋪面係的式不過係骨子既，仲有d家庭feel添。我地一坐低就嗌左幾個定食同小食一齊share喇。其實齋睇賣相係呃到人架，不過食落就知道係名大過實。先講下個小食，其實都ok既，個薯餅炸得唔錯，外脆內軟，不過紫薯栗子，我就真係食唔出有栗子味或者栗子蓉，但係味道都可以既。至於定食，佢係有一碗麵豉湯，細粒帶子加裙邊，秋葵同兩片三文魚刺身跟埋既。我嗌左個味噌豚肉定食，賣相相當吸引，d豚肉係半肥瘦既，肉質都ok，不過略嫌味道太鹹啦，要不停飲水。反而個麵豉湯唔錯，仲好多料添。個親子丼，冇咩特別，不過不失咁。反而個鰻魚真係中晒伏，佢一陣鹹魚味，唔講以為食鹹魚雞粒飯，重點係食鰻魚點會冇鰻魚汁架，所以個飯係得d鰻魚切粒鋪面，仲乾爭爭咁，於是我地叫佢加番個鰻魚汁比我地，佢地話煮既時候已經加左，起初唔肯比我地，最

元朗好食既嘢多就唔在講，當然識搵識食始於唔係易 啲路僻，元朗又大！今次要講係元朗馬田路怡豐花園下面既一間居酒屋，由日本主廚精心打理，但建議預早book!因為都幾多人！所以係機緣巧合底下入左黎食。叫左個親子丼同雞翼，因為要試日式不外乎基本。親子丼比起平時外面果啲好食小小，蛋既均勻到雖然不足，但都夠蛋香，相信係日本蛋，另外雞夠嫩滑，並無特登去醃所以有雞既原味，份量夠一個男士食！ 唯不足係湯多左啲，有小小浸飯，同唔夠味，外貌扮法都可以靚啲！要講既雞翼，日式炸法,fusion汁料！一個字正！推介，唯一係有小小鹹，不過送番啲菜同酒都無問題！雞翼一開二，厚度可以乎合咀型，要計total有8邊，份量足 。所以你地行過元朗不妨黎試下！

其實一直想去試，只係見食評話夜晚好難等到位，所以就試下中午去，連我在內得三檯客，我都驚會唔會有事，不過到咗無理由唔試啊所以叫咗個炸豬排飯，已連湯及沙律，個湯好好飲，多料，味道剛剛好另外叫多咗個炸蠔，個蠔好好食，粉薄咬開仲有汁講返個豬扒都係薄粉好食可惜無得生菜任食有機會會要去試其他食物

今日去咗舊b仔左近嘅日本店 細細一間 都幾cozy 店員都幾好服務 啲茶好好飲 又會成日fill 食得好舒服煙三文魚冷盤煙三文魚係普通味 但係佢有加到洋蔥調味 所以都幾正秋葵柚子醬油冷豆腐秋葵切到細細塊 又唔會感覺有滑滑嘅感覺 冷豆腐好滑 好正 配上醬油汁而唔係胡麻醬 有新鮮感之餘 仲好fresh

元朗有很多日本餐廳，嘉兵衞是其中一間。很喜歡嘉兵衞濃郁的日本小店氣息，也欣賞他們對食物的要求和堅持。可是小店實在太小，以致平時一枱難求，沒訂位的是鐵定沒得吃！今晚最大的驚喜是這個：牛小腸唐揚。本人十分喜歡吃腸類，看見餐牌上有這個新推介，當然立即叫來試試！這個炸腸比中式的炸大腸更好味，咬下去很脆，腸很香軟，而又完全沒有油膩的感覺！超正另一個必點的小食是名古屋雞翼。雞翼是單骨的，沾上特製的醬汁炸至金黃，又好吃又方便。特製的醬汁不知道實際上是什麼，但是我的估計是黑椒和味噌。主菜一號是嘉兵衞烏冬。烏冬的餸很簡單只是一片魚蛋一片腐皮和炸竹輪卷。簡單卻是美！烏冬十分彈牙，湯底也很清甜。主菜二號是味噌豚肉丼。這個主菜的亮點是那個野菜味噌湯。味噌湯味濃而甜，而且野菜十分豐富，有大量熟透的日本大根和紅蘿蔔，又腍又甜。豚肉丼份量頗大，有最起碼八至十塊肉，和很多飯！飯粒全都給豚肉汁裹著，很容易便全吃掉！最後，看見鄰桌的人在吃椰子雪糕，是那種原個椰殻上的，好像很好吃。只可惜我們太飽了，結果沒有叫。下次再來一定要留肚嘗一嘗！

事實上，因著食物的質素來嘉兵衛好多次，近日再次帶朋友進餐，可是卻發生令人失望的事情。或許經濟環境轉差？加租？日本人的原則？日本人老闆似乎好在乎客人點餐的多少。總之奉勸大家點餐時，每人一份定食或烏冬。若不，日本老闆會親自出來說：「business reason!」...下刪一萬字的意思就是「小朋友點的食物都比你多...」、「不滿意可以離開...」等令人難受及一向支持嘉兵衛的人客而失望！純粹抒發，不喜勿插

夜晚同朋友聚完後黎依度食夜晚。好多唔同既選擇，我就揀左滑蛋豬扒飯，跟飯有三文魚沙律，年糕，同埋小魚乾。同埋有一碗麵豉湯，麵鼓湯一飲個味覺話我知，依碗唔係熱水沖既，係真係熬出來的，入口特別順。那些前菜中，魚乾咸香，三文魚沙律幾清新，最鍾意食係年糕，因為真的好煙韌。主食滑蛋豬扒飯姍姍來遲。吉列豬扒炸得好香口而不膩。滑蛋還好，幾易入口。

 港式日本菜常見，這次特地到訪元朗的日式家庭料理餐廳，以解對日本美食的思念！所有食物都是由波多野先生和波多野太太弄的， 味道的話，嘉兵衛不是頂級，只是尋常味道添上家庭的温馨，已經勝過連鎖的餐廳了。 踏入小小的餐廳，從裝修和餐具便是感受到雅緻的日式風情。【味噌豚肉丼 + 吉列豬扒滑蛋丼定食】是我在日本吃過的味道！！！味噌濃郁，豚肉不韌，珍珠米粒粒分明。吉列豬扒滑蛋丼則較普通，有趣的是能自己挑選港式或日式的製法。食物可以單點或套餐，白味噌湯內有大量蘿蔔和菇, 濃淡適宜，美味得把一整碗喝清光！伴菜的配搭也會不定時轉變，小巧精緻。 推薦大家也吃定食套餐，伴菜也好吃喔！餐廳座位不多，不想等候太久的話記得先訂位，温馨提示逢星期一休息呢。

很喜歡到元朗吃東西，因為時常都會有驚喜小店。 今次去的嘉兵衞，就是日本人開的小店，老闆波多野先生（不是結衣），就將佢家鄕名古屋的風味帶來香港。今次食飯人數不多，只可以叫一個小食加一個定食。 名古屋雞翼，佢將一隻雞翼一分為二，唔係因為為了數量好睇，其實是為了不要浪費每隻雞翼，令人可以食得乾乾淨淨。鷄翼炸得脆，有點甜甜的，好入味，同名古屋本地有得比。 到主食了，我就叫了一個滑蛋豬扒定食，不過落單的時候，店員會問你是用日式定港式，這樣正宗的店都會這樣問，一定是受過好多港式怪客投訴，先會作出改變，真是辛苦店主了。 我就點了日式，有沙律，前菜，味噌湯，味道不錯。到了主食，好在我叫了日式，一食落口，我覺得自己好像在日本一樣，就是這個本地的味道，豬扒厚，玉子滑，滿足就是這樣簡單了。

第一次寫食評, 無影相, 大家包涵, 決定將第一次獻俾嘉兵衛. 已經係第二次幫趁, 25/12(聖誕節)中午致電訂枱, 訂同日晚上18:45, 一家三口, 18:30早到入坐, 不用15min, 門口已經有6-7個人等位, 好彩訂左位咋!叫左三個餐 : 日式滑蛋豬扒飯, 饅魚飯定食, 咖哩牛肉飯, 老公同我都認為日式滑蛋豬扒飯最正! 豬扒好嫩, D飯亦好綿, 果然是招牌菜. 另外個麵鼓湯係用左好多材料貨真價實甘煲的, 不是平時用粉開果D咋野, 日本人老闆兼廚師好有heart, 好有日本地道家庭feel. 定食D配菜有芝士配吞拿魚, 我老公初初以為係豆腐, 食入口嚇一嚇, 之後又覺得幾夾幾新奇.另外, 前菜叫左 : 煙三文魚沙律同雞亦, 沙律好新鮮, 個汁亦調得剛剛好, 雞亦......我個仔好快食晒, 簡直大愛! 最後想叫原個桃雪糕, 但職員說沒了, 很傷心......所以惟有叫左原個蘋果雪糕同原個椰子雪糕, 原個蘋果雪糕好好味! 好好味! 好好味! (要講三次) 椰子雪糕就好滑同重奶味, 小朋友很喜歡!

其實史詩早就想試這間餐廳了，只是之前幾次經過都滿座，等候時間又比較長，所以才沒有試過在這裡用餐。這天的史比較早下班，就先到餐廳等位了。詩詩下班回到元朗時，史就剛好入座了。入座不久，史就先點了桃酒來喝。這瓶酒入口酸酸甜甜的，帶有很濃的桃香味，而且不會嗆喉嚨，史很是喜歡。詩詩記得曾在某連鎖日式超市有看過這瓶酒，下次再看到的時候要記得買回家給史。秋葵豆腐胡椒柚子醬油沙律材料新鮮，雖然柚子香味蓋過了胡椒的味道，但整體而言，菜式清新而味道不俗。甘辛墨魚仔這是一道大獲史好評的前菜。日式料理常見的味付墨魚仔，顏色大多是紅色的，而且醬料份量較多，味道都是偏向只有甜味。但這道甘辛墨魚仔，醬料份量控制適中，吃起來不會滿口只有醬料，而且伴隨剛入口的甘甜味，咀嚼後會慢慢滲出少許的辣味，既是一道上佳的下酒菜，也是不錯的開胃前菜。吉列免治雞肉漢堡拼吉列野菜薯餅定食兩款炸物上菜時，都是熱騰騰的，非常新鮮，心急的史詩也差點被薯餅燙到嘴。值得一提的是隨定食附送的味噌湯，裡面的材料很多，有紅蘿蔔、白蘿蔔、冬菇、豬肉，史很喜歡喝這個湯，說是有住家湯的味道。這是一頓充滿日式家庭溫暖的晚餐，史詩都很喜歡這裡的食物和氣氛，史還說

大鄉里去完屯門貓cafe，順手落元朗食B仔雞翼尖，食完之後就要食正餐！對於元朗人生路不熟嘅我，想食日本野，唯有隨便揀一間，不過都畀我揀到間正嘢！見佢鋪仔細細，又無book枱，結果walk-in要等半個鐘，其實都唔算好耐。等位期間睇門口嘅剪報，先發現原來老闆係日本人，賣嘅係日本家庭料理。食物種類唔算多，不過有好多定食揀，啱晒我。結果同朋友叫咗親子丼定食同埋滑蛋吉列豬扒定食。佢仲有得畀我哋揀，要港式滑蛋吉列豬扒，定係日式，雖然唔知有咩分別，但梗係試日式啦！嘢食一嚟到真係好滿足，好豐富呀！個湯超足料，同坊間沖粉嘅麵豉湯差好遠好遠。定食仲附上三小砵，包括三文魚沙律、年糕、同魚仔。個年糕真係好煙軔。店員仲會有個籃畀你放嘢，好貼心！賣晒啲食材仲會掛個牌，好日本呀！

終於有機會過泥試，鋪仔細細，好多人食，我們一行四人8點入坐，點了穴子（鰻魚）定食（好食，定食跟個麵豉湯好好味，好家庭feel,內有白羅白紅羅白），日式滑旦豬扒飯（有港式/日式選擇，問左店員話日式較滑，港式較脆，我覺得4個定食入面呢個有點遜式，唔係好夠味），吉列豬扒飯（好脆，有汁可以自己加），豚肉定食（個汁好野味，送飯一流！），小食點左吉列蠔（本身3隻，我地4個人，加$18多一隻）好好食，入面好juice,同埋雞亦(個汁略嚴甜左小小）其實一人一個定食已經飽飽飽，絕對會再返轉頭，好日式住家feel，由於我第一次幫襯，比較多野問，店員亦都好耐心回答，略嚴冷氣唔夠涼，我地自備巴蕉扇😂