嘉兵衛 (已搬遷) 新店位置

今日朋友入左元朗搵我食午餐，一場嚟到就梗系帶佢食啲元朗特色小店啦，就試左嘉兵衛，好好彩，今日星期六都居然無人排隊，不用等位就可以入座。叫左招牌咖哩吉列豬扒飯（$98）咖哩汁好多，一貫日式咖哩味，吉列豬扒保持水準，本身我都唔特別好食吉列嘢，但呢間吉列豬扒完全做到外脆得嚟又唔膩口，豬扒肉質鬆軟得嚟又唔會同吉列層炸皮分開，形成口感有脆香及肉香嘅感覺。嘉兵衛定食 （$62）烏冬好新鮮湯好清甜好味，最特別係腐皮壽司裡面啲飯唔係白飯而係加左味道及牛蒡蘿蔔絲，好特別又開胃。墨魚燒 （$48）呢個就一般啦都係墨魚燒，但個人想要多啲醬佢都會加俾我。

同屋企人食飯，佢地喜歡日本野所以就帶佢地黎呢間響母校附近的日式小店，食過一次午餐，但晚飯都係第一次。七點九黎到都坐滿左九成，落單前老闆娘已經同我地講定因為係即叫即煮，所以會等得比較耐，前面好幾張枱的客都未有野食，而望返廚房只有兩人煮野食。所以黎呢度食晚餐，需要預返落單後最少半個鐘先會有野食。但食物質素令我覺得等都值得！點左個塩燒黑豚扒定食，上菜時有埋胡椒同鹽俾你調味，不過個人覺得本身已經好夠味，肉帶少少肥膏，所以咬落去肉汁非常多，肉質都比較嫩，只係食到邊邊位就會實返少少，但都係水準之內。黑豚扒旁邊配生菜絲，另外仲有味噌湯，一睇之下已經覺得不得了，湯用左好多材料去煮，連肉粒都煮得非常入味同淋，係一咬即散開同溶的感覺。食日本野不妨配返支細細的清酒，180ml的白壁藏純米酒非常易入口的。

今日喺元朗食午餐，去咗一間想試好耐嘅日本餐廳，就係嘉兵衛。呢間日式食肆，佢主要買定食，即係冇乜刺身壽司俾你食，絕大部份都係熟食。價錢方面，的確係比想像中貴，初初見到都嚇咗一跳，不過由於想食好耐所以都係入咗去食。女朋友就帶咗個鯖魚定食，有湯同有野菜薯餅，至於我就叫咗一份滑蛋雞肉丸丼，另外再叫咗芥末章魚同燒牛舌。先講小食，係相當之高水準，芥末章魚嘅wasabi味夠重但又唔攻鼻，牛舌燒得非常之淋，一啲都唔韌去到主菜方面，湯同薯餅都好正，鯖魚都唔錯，但係就咁配白飯好似好dry。至於滑蛋雞肉丸丼，呢個飯真係超差，蛋完全唔滑，扣晒分，因為我一心想食滑蛋，加上雞肉丸好普通，完全係差勁！下次再去食，都係嗌返啲特別少少嘅定食！不過價錢真係算貴，唔係每樣都值咁嘅價錢！

呢間日本餐廳好似都有一定嘅名氣，於是今日就去試吓。小食嗌咗芥末八爪魚，呢個最好食，芥末味剛剛好，唔會太刺鼻，仲要夠凍，八爪魚好新鮮。另外叫左煎牛舌，唔會太蘇，而且啲肉好冧，同樣出色～午市有幾個set，我嗌咗呢個鯖魚定食。味噌湯有好多配料，有蘿蔔，豬肉，幾足料～鯖魚略嫌有啲腥，加上個飯真係得白飯，冇任何配料，亦都冇加醋，所以比較難成碗食哂。另外有個吉烈南瓜蓉，呢個香脆可口，不錯～總括而言，我覺得性價比較高，食物質素唔算真係出色，鯖魚係主食但整得麻麻，所以都未必會成日去。

其實嘉兵衛都已經係我地第2次食，算係元朗日本料理中數一數二既餐廳。依間餐廳既特別係家庭式料理，由日藉的兩夫婦主持，由於真係得1個人煮，所以上餐速度都會比較慢，唔等得既就要考慮下依點。今次照舊叫左味噌豚肉飯，再加個松葉蟹烏冬同日式炸豆腐。日式炸豆腐個魚湯底好甜好香，味噌豚肉飯送既味噌湯好多料，又有冬菇、蘿蔔、肉。松葉蟹玉子烏冬，D松葉蟹柳真係好有蟹味，唔係普通街市個D粉既。一分價錢真係一分貨，依間日本料理係貴少少但真係好好味，好過附近好多人排隊個間好多。評分: 食物:8.5/10 態度:8/10 環境:8/10 性價比:6.5/10 總分: 31/40 (良好)

《家庭式日本料理👩🏻‍🍳 #嘉兵衛 》 | #元朗上次食已經係大半年前了～ 今次再食，水準冇變，都係好好食，有種溫暖既感覺☺️💕 不過上次食 印象中係食完超飽😂 但今次係岩岩好 仲有位可以食個小食或者飲杯夏茶🤤 順帶一提，由於係即叫即煮，所以落左單，都要等幾個字先有得食😅 👉🏻 小店座位唔多，有興趣食記得打電話去book定位😆🔸滑蛋廣島蠔丼定食 | $156 （推薦💕）丼飯上有三粒大大粒既廣島蠔✨，十分鮮味🤤 配上滑蛋，有汁既飯，味道豐富～ 定食既第二個精髓係碗豬肉味噌湯🍲 材料有豬肉、白蘿蔔、紅蘿蔔等，煲得好入味，蘿蔔吸哂啲湯、好淋👍🏻 碗飯同湯都比我食清😆 另外，今次啲前菜都有驚喜😀 有兩片白魚刺身😃、鵪鶉蛋串丶蓮藕，好食！🔸鹿兒島黑豚芝士吉列豬扒 | $174 （圖三）初初以為會係好大塊既芝士夾心豬扒😂 但原來係兩塊細🥩，唔算好大份～ 再跟白飯🍚、豬肉味噌湯🍲 整體略dry，要靠兩塊豬扒送哂個飯😂 依個cp值會較蠔丼定食低🤧⭐️ 設加一服務費、只收現金☎️ 電話：23432023 📍元朗馬田路38號怡豐花園地下5號舖 （近元朗圖書館）

今日閒日下午不太多人，所以不用等位好快安排入座。之後叫左：松葉蟹捧雜炊 （泡湯窩飯）$69 , 老公之前食過好推介，所以再叫黎食，味道又真係好好喎, 不過個粥就較稀身, 但味道好夠, 入面有唔少蟹棒肉, 同埋真係食到D蟹穀. 入面其實都有D配料, 例如雞蛋, 粟米等~~ 真係好好食.吉列免治雞肉餅 野菜薯餅定食 $99呢個之前又係食過, 今次再encore! 因為啱小朋友食!佢個雞肉餅同野菜餅都炸得好香脆可口, 雞肉造成免治, 入口好軟熟`, 唔喜歡食肉的既朋友, 相信都會追住黎食! 野菜餅其實就係薯餅.仲記得呢個湯同樣好飲, 因為入面有好多菇菌類同肉粒, 所以令到個湯好香!

雖然係Black Friday，但今日約左好朋友慶祝佢既新工offer同埋我考完今個SEM最尾既測驗。朋友做左好多功課搵元朗有咩好食，佢就揀左呢間嘉兵衛，話係日式有heart既食堂。係輕鐵站行過去10分鐘內行到，嘉兵衛既舖面好日式。6點幾去到就無咩人住，燈光偏橙同暗暗地，感覺好舒服！除左枱面有menu之外，仲有一部爛mon（笑）既ipad，入面有D圖show 其他菜單同食物。今次我地叫左個全雞宴，哈哈。玉子燒$3X-4X (忘了)、親子丼$76、名古屋風味鷄翼$49同埋炸塩香雞軟骨＄29 玉子燒旁邊有個白蘿蔔醬油小山，我朋友笑稱係富士山🗻玉子燒話係用日本蛋🥚做，要搭D醬油食，因為本身無咩味，同埋白蘿蔔既味道比蛋更突出。價錢偏貴但又唔多食到有咩特別。而名古屋風味鷄翼，每舊都係單邊拆開上，食開黎更方邊。menu話係黑胡椒蒜蓉風味，蒜蓉就唔太食得出，同埋味道只係停留係鷄翼既表層，肉個度就無咩味道。炸塩香雞軟骨就普通，份量偏少。今次最好食既係親子丼佢有附味噌湯。湯好足料，好香，好重料理酒味。飯既醬油岩岩好，飯配滑蛋既口感好好。雞既肉質就有少少”鞋”口。整體味道對於重口呼既我地就偏淡，但個pre

未食嘅時候覺價錢有少少貴，但食後發現佢地嘅誠意，無論係小菜、配菜、主菜或者味噌湯都誠意足料新鮮好味。.滑蛋広島蠔丼定食（～$177）定食：足料味噌湯、魚餅、藕片小菜、好似沙律嘅野蠔非常香滑，有汁好食，蛋滑連洋蔥香甜好正，整滑蛋嘅汁都流到飯底好送飯。.鹿兒島黑豚蔥花燒豚定食（$166）定食：飯、足料味噌湯有2成肥肉，本來唔太開心，但整嘅汁，遮蓋肥肉嘅膩，令人接受。但感覺上一個啲小菜多啲，冇咁寡。.日本和牛薯餅（$39）好有牛肉香味，牛肉粒都多，薯餅外面薄而脆，薯仔厚實熱辣辣。.原個南瓜雪糕（$76）新奇，開頭食嘅係奶香味，要放口耐啲先食到淡淡嘅南瓜味。

由於開始越黎越多朋友搬咗入元朗住，所以間唔中都會入嚟元朗搵嘢食一向都好鍾意搵啲日式自家小店嘅我，竟然發現左元朗有間哩類型既小店😍😍😍咁啱今日要入元朗揾朋友，梗係要順便去食埋啦聽人講呢間鋪頭長期要排隊，所以今日好早就嚟咗食Lunch，原來小店個位置係我平時有行過既地方，點解我冇留意到有哩間小店架其實今日黎食晏我已經有目標架啦，好想試吓佢地既蠔蛋丼飯所以一坐低我就即刻睇下個Menu有冇啦，點知冇嘅😔😔😔然後問吓侍應啦，原來得夜晚時段先提供架！我就梗係問點解啦，原來蠔蛋丼飯定食係會包埋三款漬物架，而哩三款漬物下午時段整唔切，所以只能晚市提供由於我真係好想食到，所以我就話我唔介意冇哩啲漬物架，最後成功答應咗我嘅要求🤩🤩🤩🤩然後我哋再嗌多咗個鹿兒島燒豬扒定食🤪🤪🤪🤪😙😙😙😙真係好期待呀！個鹿兒島豬扒定食首先嚟到，我已經急不及待切開啲豬扒第一次食鹿兒島啲豬扒，原來豬味相當濃郁，豬扒原來可以咁好食架，果然一分價錢一分貨識，因為嗰定食好似係全店最貴既定食，好似係$178而且佢嘅味增湯嘅材料相當豐富，我都係第一次飲味增湯裏面有咁多餸架乍😝😝😝然後我嗰蠔蛋丼飯終於到左啦，不往我期待左咁耐呀，碗飯既賣相好得

呢間小店係由一對夫婦開嘅，丈夫係日本人負責廚房，太太負責落單收錢，賣嘅係日式家庭料理。店雖然小小的座位不多，但看得出來有用心裝飾擺設，感覺舒服，好似係日本民宿食緊嘢嘅感覺。我其實一直都有幫襯開，因為隔一排就會懷念佢嘅味道。晚餐啲set 會包埋個湯同3碟前菜，湯係miso soup, 前菜就每次都唔同款的，但都係好味道嘅！今次我叫左個吉列豬排set。佢個miso soup 一飲便知龍與鳳，同出面果啲完全唔同味道。聽講日本人每個家庭都有自己煮miso soup 嘅recipe. 我估呢間嘅味道應該流傳自佢地嘅家族吧。miso soup 入面有蘿蔔、豚肉、菇，好大一碗好豐富的。豬排飯都係保持一貫水準，個汁其實都好影響成個飯，佢係恰到好處，唔會話太甜蓋過其他味道。以呢個價錢可以食到呢個水準，真係無嘢可以挑剔啦。

見openrice好多人講就試下, 食完覺得中伏. 味道普通同求其一間日本嘢差唔多, 零驚喜. 但價值就偏貴. 環境都普通, 仲有少少舊, 望到個廚房都幾dirty. 有啲surprise係日本人開都容忍到咁dirty. 唯一係個門口好有日本風. 服務都可以, 侍應不停加水. 今晚點左兩個定食, 分別係照燒黑豚定食同埋吉列芝士黑豚定食. 照燒個醬汁就普通到似超市買到嘅味道, 啲肉有啲overcook, 都幾"un". 吉列芝士果個定食就好鬆脆, 是關全部都係肥豬肉, 好油膩. 總之無下次.

面頭既滑蛋食落口滑嘟嘟，仲有蛋汁係到。雞肉係揀左雞脾肉，食落唔鞋口，不過略嫌欠缺左d香味，同埋食到底唔夠汁撈飯🤣烏冬應該係道庭，夠q彈，湯底香濃，而且上枱夠熱。加上食完一d都唔口渴，證明冇加味精，值得一讚。不過牛肉就正正常常，冇乜太大驚喜。 玉子燒唔係餐牌入面，可能係期間限定。玉子燒食落超似蕃茄炒蛋既味道，微甜，口感幾厚實，果然係家庭小店呀！-好味指數:6.5/10性價比:6/10推薦度:6/10

嘉兵衛是元朗人氣日式餐廳，也是我經常encore的食店～家庭式的感覺很warm，店子小小的，每樣食物都是即叫即做，用心做的日式料理，點了以下：親子丼定食 ($124)附有三款前菜及湯，今天是八瓜魚沙律，魚餅及一款有蒜頭的，喜歡這種不會太濃味及不會多汁的前菜；湯也是個人很喜歡的口味，有很多豬肉，紅及白蘿蔔，菇等等，湯料是非常豐富～親子丼方面，雞肉很厚身及份量多，雞蛋配上洋蔥，好味；飯量也非常多，水準很高～鹽燒黑豚扒定食黑豚扒會配上椰菜及芝麻醬，椰菜配上芝麻醬絕對是王道，不會輸呢，而黑豚扒很厚身，又不會煎得過火，正另外吃日本料理當然要配上 ASAHI啦～超滿足的一餐

呢間餐廳位置唔係好方便，係元朗一個屋苑樓下，舖面唔大，但又岀奇地好多人，星期六未七點去食都要等一個鐘位，但服務幾好，差唔多夠鐘會打電話通知，可以係附近行下。我地兩個人一人叫左一個set dinner, 一個漢堡蟹肉沙律飯，另一個係蛋吉烈豬扒，味道不錯，值得一讚係個味噌湯好有誠意，里面有好多料，飲完個湯飽到呢！美中不足係店面好細，啲位好窄，冷氣唔太夠，坐得唔係好舒服，連埋加一服務費價錢唔算平。不過未試過都值得一試。