嘉寶漢堡 (已搬遷) 新店位置

平日晏晝冇人排隊即入，立刻點咗黑松露芝士牛堡、薯條和支裝椰青水，盛惠$70，原本點埋炸芝士不過個女仔話冇貨，由於堂食有位所以坐低咗，等了幾分鐘食物好快送到首先薯條非常粗非常熱不過我覺得冇味，跟住食黑松露芝士牛堡，雖然牛堡賣相不太好，麵包有一部份凹咗，心諗如果好食都冇所謂啦！點知一咬落去個人覺得個包好似隔咗幾個夜晚唔新鮮勁鞋口差過金x門，黑松露醬有點兒酸，個人覺得塊漢堡扒完全唔juicy冇咩牛肉味，感受不到一路食一路滴牛肉汁，失望😞！塊芝士正正常常，值得一讚係嗰塊生菜係新鮮青綠色的，可能之前睇到太多好評，所以本人對呢餐食物質素感到有啲失望，覺得大部分食評overrated咗呢間餐廳，奉勸繼續努力改善總好過禁止留劣評，由於收到feedback比我留劣評要負責法律風險，所以唯有試吓修改一下呢個食評，怪不得只有一個喊様😂

呢間嘉寶漢堡十分多連登仔推介，今日就黎呢間舖頭食漢堡睇下啲連登仔講得真唔真🤨。店面偏細，大約10個座位，要排一陣隊，食緊途中都好多人買外賣自取。————————————————————舔舔脷指數 : 🐽🐽🐽🐽🐽🐽🐽🐽 8.5/10抵食指數:🐽🐽🐽🐽🐽🐽🐽🐽 8/10 ————————————————————黑松露芝士牛堡🍔🍟（$50+$15套餐薯條可樂）個漢堡包係即叫即整，上碟個陣熱辣辣同即刻聞到濃厚嘅黑松露味。個包烘到好脆，塊肉厚肉多汁😋😋，配埋黑松露味好好味，唯一有少少可以挑剔嘅係陣黑松露味係有少少搶咗陣牛肉味。薯條都係熱辣辣🔥咁上，係切到好粗嘅薯條，炸到好脆，不過個人黎講麻麻地粗嘅薯條，因為好似食緊淨薯仔咁，但係朋友就覺得幾好食。香辣煙肉磨菇芝士牛堡🍔🍟（$42+$15套餐薯格可樂）口感十分juicy💦，好足料，非常值得一試👍🏻。薯格都係岩岩炸起，好食過薯條。其實呢個價錢食到好食加足料嘅漢堡包真係幾抵。炸芝士2件🧀（$10）好食，熱辣辣拉曬絲，夠曬芝士味。————————————————————店面有文宣，612同85罷市，參與良心飯卷和你埋單活動，寄買同路人作品💛💛。

小編對「嘉寶漢堡」嘅印象，係以前成日夜晚六七點就會喺社交平台出post話啲食材賣晒，要提早收舖😂 同埋成日都大排長龍，搞到小編今次都係第一次食。今次揀咗去尖沙咀店，餐廳size比葵涌嗰間細，但就同個廚房近啲😏 😋 黑松露芝士牛堡 $50😋 漢堡套餐：薯條+汽水 +$15落完單坐低，過幾分鐘個餐就整好，侍應將個擺低個餐嗰一刻已經聞到好大陣黑松露味，底面兩層包係黑松露醬、芝士、牛肉、蕃茄同埋一塊大生菜。兩層包都係有烘過，塊牛係手打牛肉，食落口好juicy同埋比較軟身，仲食得出啲牛筋，原來嘉寶嘅漢堡扒係用牛肋條整，再用慢煮方法烹調。黑松露醬嘅份量都好多，每啖都會咬到黑松露入口。漢堡扒下面嘅蕃茄生菜無畀啲醬污染，令個包好fresh～ 薯條方面係用咗粗薯條，茄汁要自己出去按自己需要撳。薯條係即炸，所以由第一條食到食完個包再食最後一條薯條，條條都係熱嘅，入啲啲薯仔好香馬鈴薯味，唔太鹹，份量都幾多～食完嘉寶，小編真心唔明點解咁多人仲係戒唔甩金拱門。就算金記唔係中資背景，其實都好值得搵替代。由環境到食物質素，由塊包到塊漢堡扒再到塊生菜，金記都無一樣係好過嘉寶，金記塊包就直接用塊凍嘅嘉頓包，芝士得半塊仲

B4 烤菇芝士牛堡（$55）好多人都推介呢一個，塊菇都幾大塊，而且我烤得好香，個牛亦非常有質感，亦鎖得住肉汁，調味方面亦做到恰到好處！👍S2 蝦牛堡 （$60）呢個絕對係我食過最好食嘅burger top 3之一， 一食落去就有一種要叫出嚟嘅感覺，第一啖淨係咬到塊牛，覺得普普通通， 但一連埋塊蝦一齊咬，就真係正到不得了！個配搭係match到不得，真係一試難忘！😭😭黃店漢堡店來講佢都非常出名，未開鋪就好多人排隊，不過鋪頭好小位，多數d人都係外賣食。呢間絕對係鍾情漢堡包嘅人要試既漢堡包黃店！👍👍😆

終於的起心肝去試依間新派既港式漢堡🍔香港應該除佐茶記快餐店都好少有得食到，知佢係黃店更加要黎支持下～ 裝修外觀都偏新式，有霓虹燈招牌寫住：嘉寶 兩字，唔知係咪因為賣港式漢堡，小店有種莫明親切感🥰漢堡🍔有5款料可以簡：牛，雞，豬，蝦，羊。小食同野飲都可以嗌set🙆🏼‍♀️.黑松露芝士牛堡 $50可能因為尾貨所以個包皮係燶佐少少🥺 但食落都依然好鬆脆但又唔會太乾～ 一啖可以咬到晒想食既野😍 個牛食落去都幾juicy同埋好香黑松露味🤤.烤菇芝士牛堡 $55（+$15 有飲品🥤+薯條🍟）烤菇都係漢堡無得輸既配搭😍 仲要有雙層芝士，個牛咬落又唔會好乾身，岩岩好有啲肉汁，加埋一齊食口感更加豐富同juicy🤤 薯條🍟都炸得岩岩好，調味都適中～～.總結，性價比相當高，雖然唔係哇一聲果種好食，但依個價錢食到果個味道係會好滿足😍 水凖之上好驚喜🥰 如果無乜budget又想試下港式🍔，真係可以試下🤤 不過記得要早啲去排隊～ 我地果日好好彩地做佐果日最後既客人🙈 行遲一步都無🤭

正品本地漢堡系列，嘉寶漢堡🍔好彩當日去到唔係太多人，好快就可以入去點餐，點樣之後返座位等，同老公一人一個餐，試咗好多人推介嘅黑松露芝士牛堡，果然名不虛傳！—————👉🏻必點系列：黑松露芝士牛堡，超級多嘅黑松露醬，配上即煎嘅牛肉，芝士同埋菜，一點也不dry!!!!👉🏻黑松露醬簡直係成個包嘅靈魂，一啲都唔吝嗇！滿滿嘅黑松露醬真係好滿足，同個漢堡又好夾。👉🏻+$15 可以配番薯條或者薯條及飲品，同老公揀咗一個番薯條同一個薯條，兩隻薯條🍟都粗切，超級正！個人比較鍾意番薯條，因為比較少地方食到，即叫即炸，仲係熱辣辣㗎👉🏻很滿足的說😻😻😻😻————-$50+$15性價比高嘉寶漢堡—————-

店鋪座位唔多，排左成粒鐘先有位，之後先發現可以叫外賣，快好多。套餐加$25，有小食同飲品。#黑松露芝士牛堡 (右) $50黑松露醬超重手，配上車打芝士，以為兩樣濃味既食材會搶去牛堡既地位??咁就錯啦，反而特出左牛味，而且煎得外脆內嫩，好juicy!#香辣孜然羊堡 (左) $42好驚有羊羶味，但呢個原全冇! 雖然欠缺辣味，有啲失望，但配上甜甜地既蕃茄洋蒽醬，好滋味。#番薯條 #薯格趁熱食，卜卜脆! 雖然番薯條要另加$5，但都值得試，橙心番薯好粉甜，用少少鹽調味已夠足夠。歡迎follow IG: fatsnow02，睇更多好食好玩分享。

呢間漢堡店真係長期人龍🤫黑洞排唔到耐 都係買外賣方便d等10分鐘到就有得食😎-🔸Impossible Burger ($62)老老豆豆 黑洞好鍾意食Impossible Meat以植物肉黎講 佢個味同真牛扒最似🤗零膽固醇 鐵質同蛋白質同牛肉相約夾住芝士同生菜一齊食 真係幾可亂真😶搞到黑洞一路食一路懷疑人生🤣-🔸香辣煙肉蛋羊堡($52)香辣汁甜甜辣辣  食落幾重BBQ味羊堡夠冧唔羶 好易入口😋加埋煎蛋同煙肉 口感好豐富🤤-🔸凱撒沙律(轉餐跟飲品+$15沙律另+$5)黑洞略嫌沙律醬同芝士粉太重手🙈食落比較重口味🤭條菜吸晒d醬冧左-🔸番薯條(轉餐跟飲品+$15番薯條另+$5)新鮮熱辣 簡單天然番薯甜味🥰比起薯條更特別😗

黃店：參與罷工食品1：黑松露芝士牛堡價錢：$50評分：8.5/10.食品2：薯條（原味）+飲品（套餐）價錢：加$15評分：5/10.食品3：炸芝士（追加）價錢：加$10評分：8/10.尖沙咀店舖唔大，位置唔多，所以好大機會要等位。一入到去未坐低先落order，店員態度還好，好似好趕急咁趕住落單，俾人個感覺冇咁好。.食物唔洗等好耐，好快就有。漢堡有黑松露味，不過好易俾牛肉味蓋過咗～不過塊肉都好juicy，唔會好乾！.至於薯條，其實我唔想要原味，不過menu又冇寫有咩醬/粉嘅選擇，收銀員冇提就assume咗我要原味，其實都有啲無奈，因為真係好淡，同埋唔算特別脆，有啲失望。.炸芝士就好食好多，冇拉絲效果，不過芝士味夠濃，亦都好脆，可惜冇得就咁跟餐～.漢堡幾正！會再幫襯！

突然之間想食漢堡包🍔知道尖沙咀有一間食漢堡包都幾好味而且係黃店💛所以都去試下喇😋1️⃣黑松露芝士牛堡好香嘅黑松露味！🤤加上牛肉非常juicy 好入味！😍配上芝士蕃茄生菜🧀🍅🥬勁正😋2️⃣香辣孜然羊堡好少漢堡有羊肉🐐呢間就有啦而且唔會好騷👍🏻辣味又夠🌶鐘意食羊既朋友仔可以試下😋3️⃣薯格🥔都幾大塊 而且薯仔味好重😍點埋茄汁正🤪4️⃣雞翼（BBQ味）燒烤汁係酸酸甜甜咁🍢配上雞翼食都幾得意🤭

嘉寶漢堡依排好熱門，佢地唔單止係本地小店仲要係黃店黎嫁，價錢非常之平民，漢堡包大概四十至五十蚊就有交易，真係糧尾恩物🤑不過食飯時間去嘅話，因為店內嘅座位唔多，所以好大機會都要排隊嫁！**********<烤菇芝士牛堡> $55依個烤菇芝士牛堡係有一隻完整嘅大啡菇，睇落好吸引，塊漢堡扒似係手打漢堡，食落肉質會比較鬆軟，味道方面會有少少煙熏味，牛肉味唔算好重，成個漢堡都幾足料，連芝士都係雙層嫁🤣**********<蜜糖芥末菠蘿雞堡> $39*加炸燒賣&汽水 +$15個雞堡係夾住菠蘿同埋煎雞扒，塊雞扒好嫩滑，食落完全唔會有鞋口嘅感覺，不過唔係好食到蜜糖芥末個醬嘅味，淨係覺得有少少沙律醬咁樣，不過可能因為有菠蘿嘅關係，所以成個漢堡食落都幾juicy😋另外轉套餐嘅話加$15就可以有炸燒賣同埋一罐汽水，值得一提嘅係佢地嘅炸燒賣真係好好食，外皮脆卜卜但裏面就做到軟糯嘅口感，而且加左啲好似酸忌廉芝士嘅醬，真係要試下啊！

見疫情無咁嚴重, 放LUNCH 就去一間想去好耐GE 舖頭食漢堡，雖然離公司好遠，大約要行20分鐘先到，但食完覺得係非常值得既。去到門口見大排長龍，但都想堂食，但店內位置不多，驚趕唔切返工，所以都係外賣算，店員效率都幾高，大約十分鐘就拎得！我點了牛肉漢堡，跟餐只係加＄15有薯格仲要包飲品，好抵食嘅價錢。漢堡即叫即整用上手工慢煮牛肉，漢堡肉好juicy，配上半溶的芝士、生菜，估唔到咁好食，首先，漢堡用上手工慢煮牛肉，雖然等候的時間較長，不過牛肉有一股特別的好像煙燻的香味，這個味道我很喜歡。套餐小食方面，特別喜歡個薯格，炸得又香又脆，份量超多！個薯格好食到我食哂D碎

呢排見到黃店list 有嘉寶漢堡，網圖睇相外貌十分吸引，而且價錢都相當抵食！ 香港的漢堡包🍔普通價格都要$50-60一個，上次去尖沙咀無意中走左入抵間新開既西餐，主打all day breakfast, 買左個burger 餐都要成百蚊，一個包加少量薯角。講返嘉寶burger, 最經典應該係B1 牛肉芝士漢堡（含烤洋蔥）$39我另加$2 多左個生洋蔥，如果你喜歡黑松露，不妨加少少錢試佢既黑松露牛肉芝士漢堡。另外加多$15 有個套餐，多份薯格同一罐飲品。 Burger 食落去都幾有口感，內有蕃茄、生菜、烤洋蔥和厚厚的漢堡。juicy 的漢堡加上配料一口咬落去，很有滿足感！ 配上可樂更滿足！ 但薯格就略微鹹左啲，炸得幾脆，頗香口。可再戰！ 抵食指數： 4.3/5 美味指數： 4/5

🔺嘉寶漢堡好耐無出黎尖沙咀喇 疫情下好多餐廳都好冷清🙁唯獨呢間小店大排長龍🧐🧐店舖坐位唔算多 小編都等左30分鐘😯排緊隊個陣都見到好多熟客嗌外賣 好有人氣🤭.日式芥辣蝦堡🍔漢堡包加$15就有小食同飲品🍟🥤小編揀左炸薯格同汽水 薯格好大份漢堡包新鮮即製 蝦餅入面有粒粒爽口蝦肉🦐生菜同蕃茄好fresh 減低油膩感👍🏻

成日見人推介呢間啲漢堡，雖然離公司好遠，要行15分鐘先到，但食完覺得係值得既🍔👍店內位置不多，所以都係外賣算，店員效率都幾高，唔洗十分鐘就拎得！.▪️烤菇芝士牛堡 $55雖然張相睇唔到，但一打開，有原隻啡菇，芝士同個肉汁好香，勁足料，好食過金拱門十倍▫️薯格及汽水 $25番到公司食仲係熱辣辣，脆脆地！▪️雞翼兩隻 $10bbq醬倒得太多，開黎食個陣，浸到喊咗小小