嘉年華海鮮酒家

营业中

休息中

農曆新年前約啲親戚出來下午茶，親戚介紹荔景嘉年華酒家話食物質素唔錯而且，地方好大唔算好嘈，都坐得好舒服♥好啱一家大細聚會一齊飲茶傾下偈食下嘢第一次去呢間茶樓，發現好多好耐冇食過嘅懷舊小食，有懷舊狗仔粉，韭菜豬紅等等  今次叫咗點心拼盤+粥套餐，都只係$27♥樣樣都好食啊真係有驚喜，咁平嘅套餐每款點心都有水準。*鮮蝦粉果熱辣辣，皮夠薄唔會覺得好粉，好多餡好足料蔬菜同蝦好鮮味,鮮蝦粉果入邊總共有3隻蝦！真係好足料。蝦餃*皮薄入口又係啖啖蝦肉，而且唔會肥豬肉都過蝦。潮州粉果*又係皮薄餡靚好足料，胡椒調味啱啱好少少辣，提昇食物鮮味。杞子豆沙包*本身其實唔鍾意食甜點，甚至有啲怕食甜點。呢個豆沙包甜到恰到好處，而且加咗陳皮食落唔會過甜，整體平衡得好好♥發現呢間酒樓嘅廚房係有仲做賀年糕點，新鮮蒸好放出來。而家但係部分嘅酒樓都係出邊工場整或者代工，仲會喺酒樓度新鮮即整嘅真係買少見少。今日飲茶其實仲試咗好多嘢樣樣都唔錯，大家如果經開荔景都不妨試下呢間酒樓水準，唔錯希望有下次再約親戚喺度食晚飯♥試下佢哋嘅小菜

難得今日媽媽放假就決定去遠少少既地方飲茶😗 呢間酒樓裝修唔算新 但好旺場😮 見啲侍應都做到冇停手 服務正正常常啦飲午巿茶 覺得啲野食都好抵食👍🏻 有唔同既套餐可以選擇 有份量較多既炒粉麵再配點心又有 如果唔太肚餓 細份啲點心拼盤又有😍 岩晒唔同食量既人呀我地嗌左兩個套餐 分別係任選超值套餐同點心大拼盤 點心拼盤有六件點心 份量少少 但勝在乜都有啲😝 而任選超值套餐有盅蒸飯又有碟菜 生菜既份量幾多 岩晒忙碌既都巿人喺晏晝可以均衡飲食🤤 我地仲另外加左$7要碟鮮蝦腐皮卷 本身諗住加七蚊咁少 最多得兩件架姐🤔 但上枱時 竟然有三件 真係好驚喜 岩岩炸起 熱辣辣又好脆卜卜⭐️ 下次再黎都一定會叫呢碟腐皮卷😆埋單連加一都係80.5蚊咋 真係好抵食😋 上菜速度都算幾快 加分加分😼 午巿飲茶都可以咁抵 一定要推介比大家!!

團年飯是同家人一年中最重要的一頓飯，安排不容有失。之前有同事係呢間道食過一次farewell飯，頗有信心我地叫咗meun中間嘅半席套餐乳豬半隻好正！皮燒得好脆又唔肥！乳豬放涼了皮便韌，還得趁熱吃才好😬爽彈有嚼勁的蝦球份量頗多，伴以大量翠玉瓜，可吃多點蔬菜，上枱時明顯看出菜式的油亮感不多，相對代表用油較少會健康一點🤤湯底有d稀，魚肚好大塊，翅就比較少... 不過都幾好味🤗這條魚，肉質非常結實鮮甜。蒸魚最愛兩樣東西，一是蒸魚豉油，有了它，可以吃兩碗飯😍二是魚面珠的兩舊肉，很滑。這條魚，兩件事情都滿足我了😋蠔豉既大隻又鮮嫰，食落唔會有渣，而且冇腥味👍🏻鮑魚炆得韌度適中炸蝦球香酥好吃，只是太熱氣了不宜多吃西蘭花炒象拔蚌，鑊氣都幾夠，味道尚佳，係d象拔蚌同細左D咁啦😋食到呢個時侯已經好飽😆呢個燸米飯無咩點食就打包返屋企了

好耐冇飲茶啦…今日難得有腳一齊飲茶。叫咗幾個點心同炒米，食返個美味午餐！燒賣蝦肉久爽口，係飲茶不可缺少嘅蒸點火鴨絲炒米粉，材料充足，有牙菜、炸菜同炒，令每啖炒米粉更爽口野味。炒米乾爽唔油膩，食完一碗又一碗。個腸粉太粉嘞……好似捲埋嘅薄撐咁如果煎得脆口D就更加好！炸雲吞鬆脆又唔油膩菜苗餃皮夠煙韌加多碟油菜，令午餐更滿足

今日有朋自遠方來，難得巧遇，飲下茶食下點心聯繫下先荔景邨只有一間酒樓，無錯係得一間酒樓，好彩呢間酒樓分上下兩層，地方很大，今日中午還有「中文大學」在下層包左十幾圍搞聯誼，而我們就在上層揾到位炸雲吞，每次來到必會點的，雲吞皮炸得脆，內還有很大隻蝦，記得要配酸甜汁一齊食，酸酸甜甜好好食，炸雲吞大個隻碗架~~~~蝦腸，每條腸粉有兩隻蝦，蝦幾爽口，可惜粉漿又唔夠滑咸水角，一份有三件，內𥚃足料，無油益味桂花糕，肉眼見已有很多桂花，很香，但唔知點解桂花糕好容易岀水！影響賣相灼菜，比較普通，可接受今日唔記得點燒腩仔😭😭，都好好食架，佢地酒樓自己燒架

對打工仔來說, 人生最痛苦的事莫過於打風放完半朝假, 下午卻要返工追進度, 果種心情真係仲痛苦過無半日假放, 為左充足電返公司搏殺, 於是同班同事一齊去食少少野先返工叫左幾籠點心, 作為荔景唯一一間酒樓(好似係), 價錢算平民價, 下午茶算係不錯的選擇

帶老大來吃個午飯，這種溫度總不能坐街邊茶記飲奶茶吧，老大愛吃燒味飯，就它吧!叉雞飯  $36送來時雖然並非熱騰騰但也未到暖和溫度，寒天會更想吃熱飯；點了肥叉卻只有比半肥瘦更瘦的叉燒，肥脂只餘一丁點，幸而叉燒是暖而肉質是腍，嚼下去鹹鹹的有點鮮；白切雞厚肉，嫩滑，雞皮沒有肥膩，竟然比叉燒更好吃；白飯已澆上叉燒蜜汁，雖然飯質並非分明的煙韌，始終是不會黏軟至讓人吃到乏味。可惜是跟飯而來的一條矜貴菜芯，好冰凍喔!老大說吃過這碟飯，胃也暖了不少!  繼續劃點心，要為老大貯脂肪擴寒冬!

打算下去輕輕鬆鬆買個外賣飯盒食午飯，但系今次真是一次極度不愉快的經歷，首先已經不是第一次去買，之前的態度已經不好。買飛比錢Ge時候，果兩個啊婆一直系度傾計，我咩都嘸做竟然比佢嘖一聲，哈？ 跟著一盒飯等左好耐，但系只有我一個人排隊，飯盒落汁應該是非常正常，個燒味阿伯態度超差，比收銀兩個更差，佢問我要唔要落汁我笑住點頭，但系竟然比佢話“吊，都唔識講野。” ？？？咩事？？？？？嘉年華ge野食一直都只系麻麻，有時候非常差，作為一個居住系荔景邨超過8年的居民，強烈建議你地唔好去，十級差評！！！！！

上茶樓與家人飲茶是小時候週記經常出現的情節，長大後生活作息時間不定，加上最近在減肥，就越來越少時間與家人飲茶。母親的工作是輪班的，難得的一個星期日是放假。作為女兒，儘管飲茶是違背了我的飲食原則，我還是覺得要與家人上茶樓飲茶，陪一下家人。早上我先去跑步一小時，回來後就剛好大概下午一時，正好是午飯時間。爸爸媽媽細心的先拿了枱，午飯時間滿是人的，到處都是街坊，在屋邨酒樓就是有這個特別，隔鄰枱的都是街坊鄰居，酒店侍應或經理都已混熟，感覺親切。我們三人點了福建炒飯、油菜、韭菜豬紅和一籠燒賣。福建炒飯和油菜是一個餐的，其實嘉年華酒樓的廚房向來不俗。可惜，我一向不喜歡福建炒飯，因為討厭那些汁，所以我吃時都會把汁撥開，儘量要沒有碰到汁的炒飯。我自少就愛燒賣，幾乎每一次上茶樓都要吃燒賣的。一直以來這酒樓的燒賣都不錯，但不知道是點心師傅失手，還是我開始戒肉的關係，這次再吃感覺太多肥肉和過於油膩。點了客韭菜豬紅蘿蔔最主要原因是我喜歡吃韭菜和蘿蔔。湯汁底偏向油，從碗邊已可見到三微米厚的油，而且過鹹。韭菜份量奇少，有點失望。蘿蔔本身不太甜，或許是未算時令的關係吧，但還好煮得夠淋身入味，而且沒有渣。雖然這餐食物一

下午茶時段飲茶 選擇都唔算少 而且價值亦很平民化咸水角內有肉碎 冬菇 不過略嫌餡太少但味道都不錯 外脆內軟蝦腐皮卷 好薄 用料很少 上枱時更是一整碟油勸大家還是不要選擇這個蝦跟豬肉都很平均 而且咬下去真的有原隻蝦真材實料 飲茶必點名為蝦餃皇 但事實相比燒賣更要細粒皮也有點厚 幸好是下午茶價否則真的不抵吃

難得放假唔想煮飯，飲完下午茶順便在酒樓買盒燒味飯孝敬老大。今次都是第一次在此外購燒味飯，單拼$24, 雙拼$26, 沒想過價錢是如此抵！根據老大的口味買了肥叉燒燒鴨飯$26。 拿去給老大後，他正在睡覺，只好放在一旁給我拍一張照並等他起牀後再番熱給他吃。（順便每樣偷吃一嚿，殊！）肥叉燒幾腍滑，件件也是半肥瘦，邊位有燒焦都有些香口；燒鴨就不是太好，有皮的部份就皮厚，帶少少脆，一咬全部鴨油噴出來，至於鴨肉好粗糙，失望！飯盒只跟一條菜芯，既腍又凍，吃了也不多覺；至於白飯……根據以往飲茶經驗，都ok的！

在荔景不知不覺已經住了有十五年，家住賢麗苑的外，對面的一間酒樓幾乎是陪著我成長。每逢新年會來這類吃晚飯，每個月至少有一次來這兒飲茶，經理侍應又認識我媽媽，這間酒樓有甚麼好吃甚麼不好吃幾乎我都一清二楚的。荔景酒樓大概早兩年前結業，同一地點換上來的是由明星酒樓集團主理的嘉年華酒樓。經過裝修，酒樓變得乾淨整齊又光猛。以街坊酒樓來說，廚房夠鑊氣，點心功夫不錯，燒味部依舊是一流，尤其是這兒的燒鵝，皮脆肉嫩，剛剛十一月份自己的生日來這兒慶祝才吃過。下筆寫這房食評時，心裡也覺得有趣，因為我在這酒樓橫誇了兩天渡過了十二小時。這是一個小秘密，這屋邨酒樓是有雀局提供的，只要看更准許，其實可以在這兒逗留通宵打麻雀或唱歌的。事緣，有一晚在嘉年華酒樓有一個飯局，吃完晚飯後仍然覺得不夠盡興，於是與幾位朋友繼續留守酒樓中唱歌。雖然這兒是小電視，而且是有線咪，但音響也算不俗，歌曲選擇也蠻多。與友人在廳房中唱至早上六時二十分，才有侍應走入來示意我們離開。廳房是在地牢，我們街上地面覺有點兒餓，於是索性喝個早茶。早上六時半的酒樓，只是著了一半的燈，環境是暗暗的，每一枱有一暖水壺，茶客會自行去沖茶。友人去了沖茶，於是我開始在

星期六中午去食但都唔使等位 唔錯四個人叫了十碟野都已經好夠食食物上枱基本都好熱小籠包好多汁炸野都好香口燒腩仔都好值得推介整體味道不錯唯一缺點係會漏單

「得閒飲茶」------ 講得出這四個字的人士, 究竟是真心的「得閒飲茶」, 還是用作粉飾「我們最好不要再見面亅的代名詞；真心講句, 我係前者。 奈何現在人與人之間的發展的確恐怖, 大家只是在網頁「認識」( 我用「認識」這兩個字可能已經高舉了自己, 寥寥仟多篇拙作只得九次編輯推介, 別人可當我如無物), 剛好有機會首次同場卻好端端的被人與人與人評頭論足, that's fine...我明, 因為「階級矛盾」令到人與人與人的心靈受創 ------ 你漸變小我強大的真實寫照, 多謝陳少琪所填的詞。「得閒飲茶」------ 今次得到真心膠食家朋友的飲茶邀請, 雖然大家只是數次場合見面但都可以談得投緣, 縱使他的階級比我高也沒有使出「階級矛盾」這一招來；那天, 他約我與熊爸到他家附近的酒樓茶聚。酒樓藏身荔景邨範圍, 卻不是在商場內也不是在街市群, 剛好是在兩者之間的一角帶點孤僻；酒樓共分兩層, 地面層可供搭檯而地庫層就不設搭檯(那當然茶位要加碼), 不設搭檯都有好處, 環境的確是較樓上安靜別以為地庫會黑漆漆一片(無可能, 至少會有燈泡幾顆嘛!) 反而我覺得四周卻比地面層光猛, 牆的兩邊設計